ဦးသန်းထိုက်ဇနီးသည်စိတ်သဘောထားကောင်းပုံရသည်..ကျွန်တော်ဦးသန်းထိုက်ကိုမေးလိုက်ချင်သည်..လှပတင့်တယ်သောမိန်းမကောင်းတယောက်ကိုပိုင်ဆိုင်ထားရက်နဲ့တောင်ဘာကြောင့်ကျွန်တော့်မိန်းမကိုလာပတ်သက်ရတာလဲ..သူလိုလူအတွက်ငွေရှိနေတာမို့တခြားဝယ်စားစရာတွေအများကြီးရှိနေနိုင်သည်...ဘာလို့သူတပါးဇနီးကိုမှဒုသနသောချင်ရတာလဲ..
ကျွန်တော်လည်းယောက်ျားတယောက်ပါ..ယောက်ျားချင်းနားလည်ပေးနိုင်သည်..ယောက်ျားဆိုတာသမင်လိုက်သောကျား...သားကောင်လိုက်သောမုဆိုးနှင့်အလားသဏ္ဍာန်တူသည်..သို့သော်စည်းတော့ရှိသင့်သည်..စည်းဖောက်သည့်ဘယ်မုဆိုးမှဇာတ်သိမ်းမကောင်းတတ်ပါ..အခုဦးသန်းထိုက်သည်နယ်ကျော်လာသောကျား၊ စည်းဖောက်သောမုဆိုး..ဒါကြောင့်ပြစ်ဒဏ်ပေးရမည်..
အကိုယက္ခကိုဦးသန်းထိုက်ဇနီးကိုပထုတ်စေပြီးကျွန်တော်သိချင်တာဦးသန်းထိုက်ကိုမေးကြည့်သည်..ကောင်းစွာမဖြေဘဲကျွန်တော်တို့ကိုပြန်နှင်ထုတ်သည်..တကယ်တော့သူ့ရဲ့သေမင်းဖြစ်သောကျွန်တော်ကသူ့အသက်မပါဘဲဒီတိုင်းလှည့်ပြန်လို့မှမဖြစ်တာ..ဒီတော့လည်းကျွန်တော့်အစီအစဉ်တွေကိုဆက်တိုက်အကောင်အထည်ဖော်လိုက်ရတော့သည်..အခုတော့ကျွန်တော်လုပ်ချင်တာတွေအားလုံးပြီးပြီ..
ဦးသန်းထိုက်ဇနီးကရဲတွေကိုဘယ်လိုဖြေမလဲဆိုတာကျွန်တော်မသိ...သိလည်းမသိချင်..သူ့ခံစားချက်အတိုင်းဖြေပါစေ...ကျွန်တော်အခုအကိုကျော်ခေါင်မောင်းနေသောကားပေါ်ထိုင်စီးရင်းတွေးနေသည်..ကျွန်တော်နိုင်သလား..အခုလုပ်ဖို့ကြံရွယ်ထားတဲ့အလုပ်လည်းပြီးပြီ..ကျွန်တော်ဘာတွေရလိုက်ပါလိမ့်..ကျွန်တော့်အိမ်လေးလည်းအခုကျွန်တော်စွန့်လွှတ်ရမည်..ကျွန်တော်နေထိုင်ကြီးပြင်းခဲ့သောအရပ်ဒေသတခုကိုကျွန်တော်ပြန်ရောက်ချင်မှရောက်တော့မည်..
ကျွန်တော်ချစ်သောခင်မေကြူ..ကျွန်တော်ခေါ်လာနိုင်ခဲ့ပြီ..သက်ရှိထင်ရှားတော့မဟုတ်..ကားနောက်ဖုံးထဲမှာအခုတော့အထုပ်တခုအဖြစ်နှင့်သာပါလာရှာသည်..ကျွန်တော့်ရန်သူလည်းအခုတော့အသက်ပျောက်သွားပြီ..ကျွန်တော့်ရည်မှန်းချက်တွေ၊မျှော်လင့်ချက်တွေလည်းဘာမှမကျန်တော့ဘဲအိပ်မက်လိုမှုန်ရီေ၀၀ါးသွားခဲ့လေပြီ..အခုကျွန်တော်နိုင်ပြီလား..ကျွန်တော့်အမေးကိုကျွန်တော်ကိုယ်တိုင်ကမဖြေနိုင်ပါ..
ကျွန်တော်ဒေါ်မိမိခိုင်ပြောသောစကားတခွန်းကိုအဖြေသိချင်နေမိသည်..ကျွန်မသာဆိုရှင့်အတွက်သေရဲတယ်တဲ့...တကယ်ဟုတ်လို့လား..ကျွန်တော့်စိတ်တွေကဦးတည်ချက်ပျောက်ပြီးဟာနေသည်..အကိုကျော်ခေါင်ကိုကျွန်တော်လှည့်မေးလိုက်သည်..
-
အကို...အချစ်အတွက်သေရဲတဲ့သူတကယ်ရှိလား..
-
သောက်ရူးတွေကလွဲရင်ဘယ်သူမှအချစ်အတွက်တကယ်မသေပါဘူးကွာ..ငါကတော့အဲ့စကားကိုတစက်လေးတောင်မယုံဘူး..တကယ်အသက်ဘေးကြုံလာရင်လူဆိုတာကိုယ့်အသက်ကိုပိုခင်တွယ်တာမျိုးကွ..
-
အင်းးးး
-
ကျွန်တော်တို့ကားလေးကမန္တလေးကိုကျော်လာပြီးလားရှိုးဘက်ကိုဦးတည်ထွက်လာသည်..နာမည်ကျော်ပြင်ဦးလွင်မြို့လေးကမှောင်လာပြီမို့မီးရောင်တို့လင်းလက်နေသည်..ကျွန်တော့်မျက်လုံးထဲတွင်ခင်မေကြူပျော်ရွှင်စွာရယ်မောသံလေးတွေ၊ချွဲနွဲ့သံလေးတွေနှင့်လှုပ်ရှားဟန်လေးတွေကိုပြန်မြင်နေကြားနေမိသည်..အခုတော့ကျွန်တော်တို့တကယ်ဝေးရပြီပေါ့..ထိုအတွေးကကျွန်တော့်နှလုံးအိမ်ကိုတင်းကြပ်စွာဆုပ်ညှစ်ထားသလိုခံစားရစေသည်..
အကိုကျော်ခေါင်ကတောင်တက်လမ်းတွေကိုမောင်းလာရင်းတနေရာမှာကားကိုလမ်းဘေးချရပ်လိုက်တာမို့ကျွန်တော်သတိဝင်လာသည်..ဟုတ်တာပေါ့..ကျွန်တော်တို့အလောင်းဖျောက်ရဦးမည်လေ..ကားရှင်းမရှင်းကြည့်ပြီးကားနောက်ဖုံးထဲကခင်မေကြူအလောင်းကိုမထုတ်လိုက်သည်..ကားလမ်းတဖက်ကချောက်ထဲကိုနှစ်ယောက်အားနဲ့အားကုန်လွှဲပြီးပစ်ချလိုက်သည်..
အလောင်းကျသွားတာကိုကျွန်တော်လိုက်ကြည့်ပေမယ့်အမှောင်ရိပ်ကြောင့်သေချာမမြင်ရတော့ပါ..လမ်းမဘေးချောက်နှုတ်ခမ်းဘောင်လေးမှာရပ်ရင်းမမြင်ရသောအဝေးကိုကျွန်တော်တို့ငေးကြည့်နေသည်..ကျွန်တော့်ဘ၀ရှေ့ရေးလည်းဒီအမှောင်ထုကြီးထဲဝင်သွားရသလိုပါဘဲလေ..အရှေ့ကိုမြင်ရတာမှမရှိတော့တာ..ဒီတောင်ကြားထဲမှာခင်မေကြူကိုလူတွေဘယ်တော့မှတွေ့ကြမလဲ..သူတယောက်တည်းဘယ်လောက်ကြာအောင်နေရမလဲ..
-
အကိုကျော်ခေါင်..နယ်စပ်ရောက်ရင်ကျွန်တော်ဘာလုပ်ရင်ကောင်းမလဲ..
-
နယ်စပ်ရောက်လို့ကမင်းအလုပ်အသစ်ပြောင်းပေါ့ကွာ..ငါစီစဉ်ပေးပါ့မယ်..စိတ်အေးအေးထား..မင်းဘ၀အသစ်ပြန်စလို့ရတယ်..
-
ကျွန်တော့်ကျောပိုးအိတ်ထဲမှာကျွန်တော်ပိုင်ဆိုင်သမျှအကုန်ပါတယ်အကို..ကျွန်တော့်အိမ်နဲ့ခြံကိုရောင်းပြီးခင်မေကြူအတွက်ကောင်းမှုကုသိုလ်လုပ်ပေးချင်တယ်..ကျွန်တော့်ကိုလည်းအမျှဝေပါ..
-
ဒိုင်းးးးးးးးးးးးးးးးး
-
တိတ်ဆိတ်သောညမှောင်မှောင်မှာသေနတ်သံကတောင်နံရံတွေကိုရိုက်ခတ်ရင်းပဲ့တင်မြည်ဟီးနေသည်..အိပ်တန်းဝင်ငှက်များထိတ်လန့်တကြားဝေါကနည်းထပျံကြသည်..ကိုကျော်ခေါင်တယောက်သူ့မျက်နှာကိုလာစင်သောနွေးထွေးစေးကပ်သောသွေးစက်များကြောင့်အလန့်တကြားဘေးကိုလှည့်ကြည့်လိုက်သည်..ချောက်ကမ်းပါးအတွင်းသို့ဦးစိုက်ထိုးကျသွားသောပုံရိပ်တခု..ကိုကျော်ခေါင်တယောက်ခေါင်းခါလိုက်သည်..သွားရှာပြီပေါ့လူတယောက်..ဒီကောင်လေးကိုစသိကတည်းကအလုပ်ကြိုးစားပြီးစိတ်ရင်းကောင်းသူမို့ခင်တွယ်ခဲ့သည်..ရည်မှန်းချက်ကြီးသူမို့ကူညီခဲ့သည်..အခုတော့လည်းလောကဓံကြောင့်တဖြုတ်ဖြုတ်ကြွေကျသွားသောလူ့အသက်သုံးချောင်း...အော်..အတ္တ...အချစ်..ရမ္မက်တို့ရဲ့သားကောင်တွေပါလား..
-------------------------------------By KK
0 comments:
Post a Comment