ဒီရင်နားပါအရိုင်းလိပ်ပြာ..(၃၄)

ဟေ့ကောင်..ဘာဖြစ်တာလဲ..
-
ကျနော်ကဆရာပြောထားတဲ့အတိုင်းဆရာ့တူမကိုအန္တရာယ်ကင်းအောင်စောင့်ရှောက်ဆိုလို့ဒီမျောက်ဝံကြီးကသူတို့ကိုတိုက်ခိုက်တယ်ထင်ပြီးပစ်လိုက်တာ..အဲ့ဒါဆရာ့တူမကကျနော့်ကိုရိုက်တာ..
-
မင်းတို့ကတော့ကွာ..အထင်လွဲပြီးဖြစ်တာပါမောင်နေဇော်ဦးရေ..ကြည့်ရတာတူမလေးရဲ့မျောက်ကြီးဆိုတာထင်ပါရဲ့..ဘာဖြစ်သွားလည်းမသိဘူး..သွားကြည့်ရအောင်..
-
ကျနော်တို့အနားရောက်တော့ဘွန်းဘွန်းကနာကျင်စွာရှုံ့မဲ့နေသည်..လှုပ်ရှားနေသောပစ်မှတ်ကိုပစ်တာကြောင့်ရော၊ပစ္စတိုကျည်ဖြစ်တာကြောင့်ပါလက်မောင်းရင်းကိုထိသွားပြီးဒဏ်ရာရပေမယ့်သေဘေးတော့မစိုးရိမ်ရ..ရတီပွင့်နဲ့ဘွန်းဘွန်းကတော့တဦးကိုတဦးဖက်တွယ်ပြီးမျက်ရည်ကျနေသည်..ကျနော်လည်းဘွန်းဘွန်းဘေးမှာထိုင်ပြီးဒဏ်ရာကိုညင်ညင်သာသာစစ်ဆေးလိုက်သည်..ကျည်ဖောက်သွားတာကအထဲမှာကျည်ဖူးရှိနေသေးဟန်တူသည်..

ဒီတိုင်းဆိုခွဲပြီးကျည်ဖူးကိုထုတ်ရတော့မည်..ဘွန်းဘွန်းကိုထပ်မနာစေချင်ပေမယ့်ခဲဆိပ်မသင့်အောင်တော့လုပ်ရတော့မည်..စခန်းဆီကိုဘွန်းဘွန်းကိုခေါ်လာပြီးဒဏ်ရာကိုခွဲဖို့လုပ်ရသည်..မှောင်သွားရင်တောထဲမှာကအဆင်မပြေဘူးလေ..ကျနော့်တောလိုက်ဓါးမြှောင်ကိုပိုးသေအောင်မီးကင်ရသည်..မုဆိုးကရေနွေးတအိုးတည်ပေးပြီးဆေးပင်လိုက်ရှာမည်ဆိုကာထွက်သွားသည်..ခဏအကြာအရွက်တချို့ယူလာပြီးဘွန်းဘွန်းကိုစားခိုင်းသည်..

တောရိုင်းတိရိစ္ဆာန်ပီပီဘွန်းဘွန်းကအရွက်ကိုသိပုံရသည်..မစား..အတင်းချော့ကျွေးရသည်..စားပြီးဆယ်မိနစ်လောက်ကြာတော့ဘွန်းဘွန်းအိပ်ချင်မူးတူးပုံစံဖြစ်လာပြီးခြေလက်တို့လေးလံလာသည်..ရုန်းကန်နိုင်စွမ်းရှိတော့ဟန်မတူ..ဒီတော့မှဘွန်းဘွန်းဒဏ်ရာကိုဓါးနဲ့ခွဲပြီးကျည်ဆန်ထိပ်ဖူးကိုရှာပြီးထုတ်ရသည်..ပြန်ချုပ်စရာလည်းမရှိတာမို့ဆေးထဲ့ပြီးအနာဝကိုဆွဲစေ့ကာပတ်တီးဖြင့်ခပ်တင်းတင်းစည်းပေးထားလိုက်ရသည်..

မုဆိုးကိုဘာရွက်လဲမေးတော့သူလည်းအခေါ်အဝေါ်တော့မသိ...ဘိန်းလိုဘဲမူးဝေစေသည့်အရွက်ဟုပြောသည်..သူတို့ကထိုအရွက်ကိုထောင်းပြီးမြှားတံထိပ်တွင်သုတ်လိမ်းလိုက်..အခြောက်လှမ်းလိုက်၊ထပ်သုတ်လိုက်လုပ်ထားပြီးသားကောင်ကိုပစ်လျှင်သားကောင်ဝေးဝေးမပြေးနိုင်ဘဲတဖြည်းဖြည်းမူးဝေလဲကျသွားတာကြောင့်တောပစ်ရာမှာသုံးသည်ဟုပြောသည်..

ကျနော်လည်းလိုရမည်ရအရွက်နည်းနည်းကိုကျောပိုးအိတ်ထဲထဲ့ထားလိုက်သည်..ဒီညတော့ဘွန်းဘွန်းကသစ်ပင်ပေါ်မတက်နိုင်တာမို့ကျနော်တို့အောက်မှာဘဲစောင့်နေလိုက်တော့သည်..ဦးခင်ဇော်တို့ကတော့လင့်စင်ပေါ်တက်အိပ်ကြသည်..ဘွန်းဘွန်းကတော့အနာကိုက်ဟန်ဖြင့်တချက်တချက်ညည်းသော်လည်းဆေးရွက်အရှိန်ဖြင့်မူးဝေနေသေးသည်..

ညဥ့်သန်းခေါင်ကျော်လာတော့မီးပုံအလင်းရောင်ကတဖြည်းဖြည်းကျလာသည်..မုဆိုးနဲ့ကျနော်လည်းအိပ်ငိုက်နေပြီ..ရတီပွင့်ကတော့ဘွန်းဘွန်းဘေးမှာခွေခွေလေးအိပ်နေသည်...ကျနော်ငိုက်မျည်းနေရာကနားထဲတွင်ဖျောက်ဆိုသောအသံတချက်ကြားလိုက်သလိုရှိတာကြောင့်ခေါင်းထောင်ကြည့်လိုက်သည်..သစ်ကိုင်းခြောက်နင်းမိသံ..စိတ်ထဲတွင်တစုံတဦးကကျနော်တို့ကိုကြည့်နေသလိုခံစားရသည်..လင့်စင်ဆီမော့ကြည့်တော့ဦးခင်ဇော်တို့ကအိပ်မောကျနေသည်..

စိတ်ထဲမှာမသိုးမသန့်ခံစားရတာကြောင့်မုဆိုးကိုအသာလက်လှမ်းတို့လိုက်တော့အအိပ်ဆတ်သောမုဆိုးကမျက်လုံးဖွင့်ကြည့်သည်..နှုတ်ခမ်းပေါ်လက်တင်ပြီးတိတ်တိတ်နေရန်အမူအယာပြလိုက်သည်..တောသည်ငြိမ်သက်နေသည်..လေတိုးသံတောင်မကြားရ..အကောင်ငယ်လေးများ၏စီစီညံနေသောအသံတို့လည်းပျောက်နေသည်..ကျနော်တို့ပတ်ဝန်းကျင်ကိုတစုံတခုရောက်နေပြီ..

မီးပုံတို့၏အလင်းရောင်ကမှိန်လာပြီမို့ထင်းချောင်းထဲ့ဖို့ကျနော်လှုပ်လိုက်စဉ်ခပ်လှမ်းလှမ်းဝါးရုံနားဆီမှာအနီရောင်မျက်လုံးတစုံကိုလှမ်းမြင်ရသည်..ညဥ့်အချိန်အမှောင်ထဲမှာအနီရောင်မျက်လုံးပိုင်ရှင်သည်အမဲလိုက်တောကောင်..ဘာကောင်မှန်းတော့မသိရသေး..ခပ်လှမ်းလှမ်းမှလှည့်ပတ်ချောင်းနေဟန်ရှိသည်..အနောက်ဖက်ဆီကချုံတိုးသံသဲ့သဲ့ကြောင့်တကောင်တည်းဖြစ်ဟန်မတူ..နှစ်ကောင်ပတ်ချောင်းနေတာဖြစ်မည်..တောထဲတောင်ထဲဘွန်းဘွန်းဒဏ်ရာကြောင့်သွေးညှီနံ့ရသွားဟန်ရှိသည်..

ပထမအကြိမ်စခန်းချစဉ်ကညပိုင်းရောက်လာသောရှမ်းအဖိုးအဖွားအတွဲကိုသတိရမိသည်..မနက်ကျတော့တောကောင်ခြေရာသာတွေ့ရသည်လေ..ခုလည်းထိုတောကောင်စုံတွဲလှည့်ချောင်းနေတာဘဲဖြစ်မည်..ကျနော်ရတီပွင့်ကိုအသာလှုပ်နှိုးလိုက်သည်..တခုခုဆိုသူမအိပ်ပျော်နေရင်အဆင်မပြေဘူးလေ..တော၏သမီးပျိုပီပီနှိုးတာနဲ့ရတီပွင့်ကဘာမှပြောစရာမလိုဘဲအခြေအနေကိုချက်ချင်းသိဟန်ရှိသည်..တောထဲမှာသူမနေလာတာ၁၅နှစ်..ဒီအတွေ့အကြုံမျိုးမကြာခဏကြုံဖူးဟန်ရှိသည်..ရတီပွင့်ကခါးမှကြာပွတ်ကိုဖြုတ်လိုက်သည်..
-------------------------------------------By KK
ဆက်ရန်

Read More

ဒီရင်နားပါအရိုင်းလိပ်ပြာ..(၃၃)

ညအိပ်ချိန်ရောက်တော့မုဆိုးကကျနော့်ကိုတိုးတိုးတိတ်တိတ်ကပ်ပြောသည်.
-
.ကောင်လေး..မင်းလူတွေကြည့်ရတာသိပ်မဟန်ဘူး..ငါကလည်းမနက်ဖြန်မင်းတို့ကိုလင့်စင်စခန်းပို့ပြီးပြန်ရမှာ..သတိဝီရိယမပြတ်စေနဲ့..
-
ကျနော်လည်းသိတယ်ဗျ..ခက်တာကရှောင်လို့မကောင်းတဲ့အခြေအနေကရှိနေလို့..လိုက်မပို့ဘူးဆိုရင်လည်းကျနော့်ကိုဘတ်ကီးရိုက်ထားတယ်လို့အထင်အမြင်လွဲကြဦးမယ်..ဒါကြောင့်လာရတာဗျာ.
-
အေးပေါ့ကွာ..ကောင်မလေးပါလာလို့ပိုသတိရှိခိုင်းတာ..မင်းသွားတဲ့လမ်းတလျှောက်တော့အမှတ်အသားသေချာလုပ်သွားဦး..
-
လုပ်ထားတယ်ဗျ..ကျနော်အရင်တခေါက်တောထဲကပြန်ထွက်လာတော့အပင်တွေမှာဓါးနဲ့ထစ်ခဲ့တယ်..ကျနော်အခုသွားမယ့်နေရာထိတော့မဟုတ်ဘူး..မျောက်ရွာထိပေါ့..ဟုတ်တယ်..လမ်းမမှားအောင်ဒီတခါဆက်သွားမယ့်နေရာကိုမှတ်ထားမှ..
-
အေးလေ..အကယ်၍မင်းပြန်ထွက်ချိန်နောက်ကျရင်ငါတို့လိုက်လာလို့ရတာပေါ့..
-
ကျေးဇူးပါဘဲဗျာ..ကျနော်တို့ကိုစိတ်ပူပေးလို့..
-
မင်းစိတ်ကောင်းရှိတာငါသိတယ်လေကွာ..မင်းကိုပထမတကြိမ်တောထဲမှာထားခဲ့ရပြီ..ငါကအဲ့ကတည်းကတာဝန်မကျေသလိုခံစားရတယ်..ဒါကြောင့်ပါ..
-
အေးဗျာ..ကျနော်ပြန်ထွက်သင့်တဲ့အချိန်နောက်ကျရင်တော့လိုက်ခဲ့ပါ
-
ညအိပ်ချိန်မှာကျနော်တော်တော်နဲ့အိပ်မပျော်ပါ..ဦးဇော်ခင်၏အကြံကဘယ်လိုဆိုတာမသိပေမယ့်ရတနာတွေကိုရှာမှာတော့သေချာသည်..အသွားခရီးမှာတော့ဒီတိုင်းဆိုစိတ်ပူစရာမလို..လေယာဉ်ပျက်ဆီမရောက်မချင်းတော့ဦးဇော်ခင်၏ဇာတိမှန်ကိုမြင်ရမှာမဟုတ်လောက်သေးသည့်အပြင်ကျနော်နဲ့ရတီပွင့်ကိုတောင်ဘေးမသီရန်မခအောင်စောင့်ရှောက်ပေးပါလိမ့်ဦးမည်..

မနက်အိပ်ယာထပြီးအဆာပြေစားသောက်ပြီးစီးတော့လင့်စင်စခန်းရှိသည့်တောနက်ဘက်ကိုတက်ခဲ့ကြသည်.ရတီပွင့်ကတော့ကျနော်နဲ့အတူတောတောင်ထဲသွားနေရတာဟန်းနီးမွန်းထွက်သလိုပျော်နေသည်..ခရီးကတော့မတွင်..မနေ့ကတောင်တက်ထားသည့်အရှိန်နဲ့ကိုယ်လက်တို့ကကိုက်ခဲတာကြောင့်အတက်လမ်းများသောလင့်စင်စခန်းဆီတော်တော်နဲ့မရောက်..မွန်းလွဲပြီးတော့မှရောက်တော့သည်..လူတွေလည်းမောနေကြပြီ..မုဆိုးကိုကတော့အချိန်လင့်နေပြီမို့မပြန်ဘဲမနက်မှပြန်ဖို့ပြောထားရသည်..

စခန်းချဖို့လုပ်နေတော့မီးဖိုသူ..ပစ္စည်းနေရာချသူနဲ့အလုပ်ရှုပ်နေတာကြောင့်ရတီပွင့်ထွက်သွားတာကျနော်ချက်ချင်းသတိမထားမိ..ကျနော်လှည့်ကြည့်တော့သူမအနားမှာမရှိတော့..ကျနော်စိတ်ပူသွားပေမယ့်စဉ်းစားလိုက်မိသည်..တောင်တက်ခရီးမောလာတော့သူမရေသွားချိုးတာဘဲဖြစ်မည်..ဒုက္ခော..ရေသွားချိုးသည်ဆိုမှကျနော်ခေါင်းနပမ်းကြီးသွားသည်..သူမအတွက်ရေလဲထမိန်ကကျနော်သယ်လာတာလေ..မရွှေချောကတောဓလေ့အတိုင်းလုပ်နေပြီလား..

ကျနော်ကမန်းကတမ်းအထည်ဆွဲပြီးလိုက်ရသည်..ချောင်းစပ်တွင်တော့သူမကိုမတွေ့..အတော်လှမ်းလှမ်းမှာရေသံတဗွမ်းဗွမ်းကြားလို့ချောင်းရိုးအပေါ်ဘက်နည်းနည်းတက်ကြည့်တော့တွေ့ရပါပြီ..ရေဆေးငါးဖွေးဖွေး..ရေထဲမှာတ၀ုန်းဝုန်းနဲ့မြူးနေတာဆည်းဆာနေရောင်မှာနတ်သမီးလေးအလားထင်မှတ်မှားရသည်..အလှအပကိုကျနော်ကြာရှည်တော့မခံစားနိုင်..ဒီမှာယောက်ျားသားတွေချည်းရှိတာ..သူမလုပ်ပုံကမလိုလားအပ်သောအန္တရာယ်ကိုဖိတ်ခေါ်နေသည်..ရေထဲလိုက်ဆင်းသွားပြီးသူမကိုရေလဲထမိန်ဝတ်ပေးရသည်..

ကျနော်လည်းဘာသားနဲ့ထုထားတာမို့လဲဗျာ..လူကစိတ်ကိုတင်းရခက်ခဲလိုက်ပါသည့်အမျိုး..ကျနော့်စိတ်တွေလွတ်ထွက်လုလုအချိန်တွင်ကုန်းပေါ်ကသံရှည်တချက်ကြားလိုက်သည်..ကံသီလို့ပေါ့ဗျာ..လှည့်ကြည့်တော့ချောင်းဘက်ကိုင်းနေသောသစ်ပင်ကိုင်းပေါ်တွင်ကျားသစ်တကောင်နောက်ဂျွမ်းပစ်ခုန်ချပြီးပြေးသွားတာတွေ့လိုက်ရသည်..ကံကောင်းလို့သားကောင်ဖြစ်မသွားသည်..ကျားသစ်ကိုတစုံတရာနှင့်ပစ်ပေါက်ခြောက်လှန့်ခံလိုက်ရပုံရှိသည်..

အသံလာရာဆီကြည့်လိုက်တော့သစ်ပင်ကိုင်းများကြားကလျှင်မြန်စွာဆင်းလာသောသဏ္ဍန်တခု..မလွဲသေချာတာကတော့ကျနော်တို့ချစ်သောဘွန်းဘွန်း..ဘွန်းဘွန်းတောနက်ကြီးထဲပြန်မသွားဘဲလင့်စင်စခန်းနားမှာဘဲနေနေပုံရသည်..ကျနော်တို့ပြန်လာမလားလို့မျှော်နေတာလည်းဖြစ်မည်..ရေထဲကနေကျနော်တို့နှစ်ယောက်လုံးပြေးတက်လာခဲ့သည်..ဘွန်းဘွန်းကကျနော်တို့နှစ်ယောက်ကိုဆီးပွေ့ပြီးအားရ၀မ်းသာဖက်လိုက်သည်..
-
ဒိုင်းးးးး
-
သေနတ်သံကြောင့်ကျနော်လန့်သွားသလိုဘွန်းဘွန်းလည်းတွန့်သွားသည်..ကြည့်လိုက်တော့ဦးဇော်ခင်တပည့်တယောက်..ဘွန်းဘွန်းကိုသိုင်းဖက်ထားသောကျနော့်လက်ပေါ်ပူနွေးသောသွေးစက်တို့ကျလာသည်...ရတီပွင့်ကျားနာမလေးလိုဟစ်အော်ပြီးသူမ၏ကြာပွတ်ကိုကောက်ယူပြီးထိုလူဆီပြေးသွားရင်းဝှေ့ယမ်းလိုက်သည်..တိကျသည့်ထိချက်..ထိုလူလက်ကောက်ဝတ်ကိုကြာပွတ်ဖျားကပတ်သွားပြီးသေနတ်လွတ်ကျသွားသည်..ကြာပွတ်ကလေထဲတရွှမ်းရွှမ်းနှင့်ထပ်ခါထပ်ခါလှုပ်ရှားသွားသည်..

ကျနော်ရတီပွင့်ကိုပြေးဆွဲတော့မှထပ်ခါတလဲလဲကြာပွတ်နဲ့ရိုက်နေတာကိုရတီပွင့်ရပ်လိုက်ပြီးဘွန်းဘွန်းဆီကိုပြေးတော့သည်..သေနတ်သံကြောင့်စခန်းရှိလူကုန်ရောက်လာကြသည်..မရှုမလှခံထားရသောသူ့တပည့်ကိုမြင်တော့ဦးဇော်ခင်ဒေါသထွက်သွားပုံရသော်လည်းဒေါသကိုပြန်မြိုသိပ်လိုက်ဟန်ဖြင့်မျက်နှာကြီးနီရဲပြီးသူ့တပည့်ကိုသွားထူသည်..
-----------------------------------------By KK
ဆက်ရန်

Read More

ဒီရင်နားပါအရိုင်းလိပ်ပြာ..(၃၂)

မနက်စောစောတောထဲဝင်ဖို့ပြင်ကြတော့ကျနော်ကတော့ပထမအတွေ့အကြုံအရမပါမဖြစ်ပစ္စည်းများကိုသာကျောပိုးအိတ်ထဲသေချာထဲ့သည်..ရတီပွင့်ကိုဂျင်းဘောင်းဘီ၊ဆွယ်တာလက်ရှည်ဝတ်ခိုင်းပြီးသူ့မျောက်ဝံအရေခွံကိုအပေါ်ကထပ်ဝတ်ပေးပြီးကြာပွတ်ကိုခါးမှာပတ်ပေးလိုက်တော့ပြည့်စုံသွားပြီ..သူ့အတွက်လိုမယ်ထင်တာတွေပါကျနော့်ကျောပိုးအိတ်ထဲထဲ့ရသည်..ကျနော့်မှာမိန်းမထိန်းလည်းလုပ်ရပါသဗျာ..

ထွက်ဖို့ပြင်တော့တောတက်စတိုင်အပြည့်အစုံနှင့်ဦးဇော်ခင်နှင့်သူ့တပည့်သုံးယောက်ကိုမြင်တော့ကျနော်ပြုံးမိသည်..ပထမဆုံးတောထဲဝင်စဉ်ကကျနော်လည်းစတိုင်ထွားခဲ့ဘူးသည်လေ..အခုတော့ကျနော်တောပါးနည်းနည်းဝလာပြီ..အလေးခံသယ်ရမည့်အရာဘာမှမလိုတော့..တောထဲမှာအသက်ရှင်အောင်ဘယ်လိုနေရမယ်ဆိုတာသဘာဝကြီးကကျနော့်ကိုသင်ပေးလိုက်ပြီ..ရတီပွင့်အတွက်ကတော့စိတ်ပူစရာကိုမလို..တော၏သမီးပျိုမို့တောရိပ်တောနံ့ရတာနဲ့ကျားသစ်မလေးလိုသွက်နေပြီ..

ထုံးစံအတိုင်းမုဆိုးတောပိုင်တောင်ပိုင်မြှောက်တာကိုစောင့်သည်..မုဆိုးကိုတောနက်ပိုင်းရောက်လျှင်ပြန်လွှတ်ရန်စီစဉ်ထားသည်..ဦးဇော်ခင်ကတောနက်ထဲကိုလူပိုမခေါ်ချင်..သူ့စိတ်ထဲတောနက်ထဲဝင်တာရုပ်ရှင်တွေထဲမှာရမ်ဘိုလုပ်သလိုလုပ်လို့ရတယ်ထင်နေလားတော့မသိ..ကျနော်ကတော့ရမ်ဘိုမဟုတ်ပါခင်ဗျာ..လိုအပ်လာရင်ဂျက်လီလိုအရှောင်အတိမ်းလေးများတတ်ဖို့တောင်ပြင်နေရသူပါ..

ဒီတခါကငှက်ကြည့်ဖို့သွားတာမဟုတ်တော့လမ်းမှာအကြိမ်ကြိမ်နားဖို့မလိုဘဲလင့်စင်စခန်းအထိတရက်တည်းအရောက်သွားဖို့ရည်မှန်းထားကြသည်..တကယ်တောဝင်တောင်တက်တော့တနာရီမပြည့်ခင်စတိုင်ထွားထွားဦးဇော်ခင်တို့အဖွဲ့လျှာထွက်ပါးစပ်ပြဲလာသည်..တနင့်တပိုးသယ်လာသောအထုတ်အပိုးများကတောင်အတက်တွင်သူတို့ကိုနောက်ပြန်ဆွဲနေတော့သည်..လူပိုမလိုချင်ဆိုပြီးအထမ်းသမားတောင်မခေါ်ချင်တဲ့အကျိုးကိုစတင်ခံစားလာရပြီ..မုဆိုးကလည်းမေတ္တာသက်ဝင်ပုံမရတာမို့ဘယ်အထုပ်မှကူမဆွဲ..

ကျနော်ကတော့ဘိုင့်ဘိုင်ပေါ့ဗျာ..ကိုယ့်ဖာသာတောင်ဝန်အကျဉ်းဆုံးသယ်တာတောင်နှစ်ယောက်စာသယ်ထားရတာ..စေတနာငါးပြားဖိုးတောင်မရှိတာလည်းပါတာပေါ့လေ..ပထမစခန်းချရာဆီကိုမွန်းလွဲမှရောက်တော့သည်..အခြေအနေကြည့်တော့ဦးဇော်ခင်တို့မျက်ဖြူဆိုက်နေပြီမို့လင့်စင်စခန်းကိုဆက်မသွားတော့ဘဲဒီမှာတညနားလိုက်သည်..ကျနော်နဲ့ရတီပွင့်ကစမ်းချောင်းမှာခြေလက်ဆေးပြီးငါးတကောင်စီဖမ်းကြသည်..

မုဆိုးကတော့ဒူးလေးတလက်နှင့်အနီးအနားတချက်ပတ်လိုက်တာသူ့ထုံးစံအတိုင်းတောကြက်တကောင်ကားကားကြီးပါလာသည်..ဦးဇော်ခင်တပည့်တယောက်ကတော့မီးမွှေးပြီးထမင်းတည်ဖို့ကြိုးစားနေသည်..ကျနော်နဲ့ရတီပွင့်တို့နှစ်ယောက်စခန်းပတ်လည်မီးပုံများလိုက်ဖိုပြီးမုဆိုးနဲ့အတူငါးနဲ့ကြက်ကိုရွှံ့မံပြီးကင်ကြသည်..ကျနော်တို့ကင်ပြီးချိန်ဦးဇော်ခင်တို့ကတော့ထမင်းချက်ပြီးအသားဘူးဖောက်ကာထမင်းစားနေကြပြီ..ကျနော်တို့ကိုထမင်းလာစားလို့လည်းမခေါ်..စားချင်ရင်ကိုယ့်ဖာသာလာစားဆိုသည့်ပုံနှင့်ထမင်းနှင့်အသားဘူးတော့ချပေးထားသည်..

ကျနော်တို့ကလည်းခပ်အေးအေးပါဘဲ..ကင်ထားသောရွှံ့လုံးကြီးများကိုငှက်ပျောရွက်ခင်းထားတဲ့ဆီသယ်လာပြီးထုခွဲလိုက်တော့မွှေးနေသောငါးကင်နဲ့ကြက်ကင်နံ့ကြောင့်ထမင်းစားနေသောဦးဇော်ခင်တို့အဖွဲ့ခေါင်းထောင်လှည့်ကြည့်နေတာမြင်နေရသော်လည်းမမြင်ယောင်ပြုပြီးသုံးယောက်သားကိုယ့်ဖာသာဖဲ့စားနေလိုက်သည်..ဦးဇော်ခင်ကမုဆိုးကိုကြက်ကင်ရောင်းမလားဟုလှမ်းမေးသည်..

နဂိုကတည်းနည်းနည်းချဉ်နေဟန်တူသောမုဆိုးကတောထဲမှာဈေးဆိုင်မရှိ..ကိုယ့်အစားကိုကိုယ်တိုင်ရှာစားရသည်ဟုပြန်ပြောလိုက်တာကြောင့်ဦးဇော်ခင်မျက်နှာကြီးမဲသွားတော့သည်..မျက်နှာလိုအားရလုပ်ချင်ဟန်တူသူသူ့တပည့်တယောက်ကစမ်းချောင်းဘက်ကိုထွက်သွားသည်..ရေထဲမှာတ၀ုန်းဝုန်းငါးဖမ်းနေတာကြောင့်ကျနော့်ပထမဆုံးငါးဖမ်းသည့်အတွေ့အကြုံကိုပြန်အမှတ်ရပြီးပြုံးနေမိပါတော့သည်..

အတန်ကြာတော့ငါးဖမ်းနေသူဒေါသတကြီးပြန်တက်လာပြီးသူ့ကျောပိုးအိတ်ထဲကတစုံတရာနှိုက်ကာပြန်ဆင်းသွားသည်...တိတ်ဆိတ်နေသောတောအတွင်းကျယ်လောင်သောသေနတ်သံတချက်ကြောင့်သစ်ပင်တွေပေါ်မှငှက်များအလန့်တကြားဝုန်းကနည်းထပျံကြသည်...တောင်ရှိရာအရပ်မို့သေနတ်သံကပဲ့တင်သံထပ်ပြီးအလွန်ကျယ်လောင်သွားတာကြောင့်ကျနော်တို့လည်းအလန့်တကြားထကြည့်ကြသည်..

ဦးဇော်ခင်တယောက်မျက်စိမျက်နှာပျက်ပြီးထိုင်ရာက၀ုန်းကနည်းထကာချောင်းစပ်ကသူ့တပည့်ဆီပြေးတော့သည်..ကျနော်တို့လိုက်ကြည့်တော့သေနတ်ကိုင်ထားသောသူ့တပည့်ကိုဆူနေသောဦးဇော်ခင်ကိုတွေ့ရသည်..ဘာကြောင့်လဲ..ဘာအတွက်သူတို့သေနတ်ယူလာတာလဲ..ဒါအရေးကြီးသည်..ဒီတောထဲအမဲလိုက်ထွက်တာလည်းမဟုတ်..သေနတ်ကိုဝှက်သယ်လာတာအချိန်မကျဘဲထုတ်ပြလိုက်သလိုဖြစ်တာကြောင့်ဦးဇော်ခင်ဒေါသထွက်နေပုံရသည်..မျက်နှာတခုလုံးနီရဲနေပြီးကျနော်တို့ဘက်ကိုမလုံမလဲလှည့်ကြည့်သည်..
-
ဆောရီး..မောင်နေဇော်ဦးရေ..အန်ကယ်လ်ကတောထဲဝင်မယ်ဆိုတော့မတော်တဆတောကောင်ကြီးတွေတွေ့ခဲ့ရင်ဆိုပြီးလက်နက်ဆောင်လာတာပါ..ဒီကောင်ဘာမဟုတ်တဲ့ငါးကိုသေနတ်နဲ့ပစ်ဖမ်းလို့ဆူနေရတာ..တူမလေးလန့်သွားလား..မကြောက်နဲ့နော်..
-
အော်...ဟုတ်ကဲ့..အန်ကယ်လ်ကကြိုမပြောထားလို့ကျနော်ကအံ့သြသွားတာပါ..ရပါတယ်ခင်ဗျ..
-
အေးကွာ..အန်ကယ်လ်ကမလိုသော်ရှိလိုသော်ရှိဘေးဆီးရန်ကာထဲ့လာတာမို့အထွေအထူးမပြောဖြစ်တာပါ...ကဲ..ကဲ..ဆက်စားကြပါ..
-
ကျနော်တို့ကိုယ့်နေရာကိုယ်ပြန်ထိုင်ကြတော့မုဆိုး၏မျက်နှာကတစုံတရာအလိုမကျသလိုဖြစ်နေသည်..ဘာမှတော့မပြော..ကျနော့်စိတ်ထဲတွင်လည်းခဲဆွဲထားသလိုလေးလံလာသည်..အခုကသူ့တပည့်အိတ်ထဲကသေနတ်ထွက်လာတာ..ဦးဇော်ခင်ကသူ့သေနတ်လိုလိုပြောနေပေမယ့်ကျနော်မယုံ..သူတို့မှာတခြားဘာပါလာနိုင်သေးလဲ..သေနတ်ဘယ်နှစ်လက်ရှိမလဲ..ကျနော့်မှာကတော့သေနတ်တလက်ရှိသည်..သတိကိုလိုတာထက်ပိုပြီးဂရုစိုက်ထားရတော့မည်..
--------------------------------------------By KK
ဆက်ရန်

Read More