ကျွန်မအနမ်းကိုတိမ်ပြာကခေါင်းငဲ့ပြီးရှောင်သည်..ကြည့်စမ်းပါဦး..ကလေးဆိုးကြီးကျနေတာဘဲ..ဒီလိုဂျစ်ကျတတ်တာလေးတွေကြောင့်ကျွန်မတုန်နေအောင်ချစ်ရတာလေ..ဒီတော့လည်းသူ့ပါးလေးတွေ၊နဖူးလေးတွေကိုနမ်းလိုက်တာပေါ့..သူနှုတ်ခမ်းလေးတွေကိုကျွန်မကိုင်လိုက်တော့တိမ်ပြာ့မျက်လုံးတွေအလွန်အမင်းကြောက်ရွံဟန်ပေါ်လာသည်..
ကျွန်မလည်းအဲ့ဒီလိုကြောက်တတ်တာဘဲတိမ်ပြာရယ်..နင့်ဆီကမုန်းတယ်ဆိုတဲ့စကားကိုအခုနင်ကြောက်လန့်တုန်လှုပ်နေသလိုငါလည်းကြောက်လန့်ခဲ့ရတာပါ..နင်ကအစားလည်းမစားချင်ဘူး၊ချစ်စကားလည်းမပြောချင်ဘူးဆိုမှတော့ဒီနှုတ်ခမ်းလှလှလေးတွေကဘာအသုံးဝင်တော့မှာလဲ..ဒီတော့ပိတ်ထားတာကောင်းတာပေါ့ကွယ်..
ကျွန်မအပ်နဲ့သူ့အောက်နှုတ်ခမ်းကိုဖောက်လိုက်တော့တိမ်ပြာဝက်ဝက်ကွဲအော်သည်..တိုးတိုးအော်ပါတိမ်ပြာရယ်..အနားမှာကျွန်မရှိနေပါတယ်..နားတွေတောင်အူသွားတာဘဲ..ဒါကြောင့်သူ့မျက်နှာကိုလက်ဖျံနဲ့ဖိပြီးအပေါ်နှုတ်ခမ်းကိုခပ်မြန်မြန်ဆွဲချုပ်လိုက်ရသည်..ပထမတချက်ပါဘဲ..နောက်ထပ်တိမ်ပြာမအော်တော့ပါ..သူ့နှုတ်ခမ်းကိုအော်ဖို့ဟရင်အပ်ချည်တွေကတင်းပြီးဆွဲထားတာကိုး..သူ့ကိုသိပ်မနာစေချင်တာကြောင့်ကျွန်မခပ်မြန်မြန်လေးချုပ်ပေးပါတယ်..
မြန်မြန်ချုပ်ရလို့လက်ရာတောင်သိပ်မကောင်းဘူး..တိမ်ပြာနှုတ်ခမ်းကခပ်ထော်ထော်လေးဖြစ်သွားသည်..ဒါလေးလည်းတမျိုးချစ်စရာကောင်းတာဘဲ..မြင်နေကျပုံစံမဟုတ်ဘဲစတိုင်အသစ်လေးပေါ့..နှုတ်ခမ်းလေးတွေကရဲနေတာဘဲ..ဂွမ်းစလေးကိုအရက်ပြန်သုတ်ပြီးတိမ်ပြာ့နှုတ်ခမ်းမှာစွန်းပေနေတဲ့သွေးစတွေကိုနုညံ့ကြင်နာစွာတို့သုတ်ပေးတော့တိမ်ပြာ့တကိုယ်လုံးတဆတ်ဆတ်တုန်နေသည်..ဟုတ်သားဘဲ..အရက်ပြန်နဲ့ဆိုတော့နည်းနည်းစပ်တာပေါ့..ပိုးမ၀င်အောင်ပါတိမ်ပြာရယ်..
တိမ်ပြာရှေ့မှာထိုင်ပြီးကျွန်မကြက်စွပ်ပြုတ်သောက်နေလိုက်သည်..ချိုလိုက်တာ...ကျွန်မတိမ်ပြာနဲ့ခုလိုမျက်နှာချင်းဆိုင်ထိုင်ပြီးစကားတွေအေးအေးဆေးဆေးပြောရတာကိုသိပ်နှစ်သက်တာလေ..သူကစကားပြန်မပြောတော့ပျင်းစရာကြီး..သူ့စကားသံလေးတွေသွင်းထားတဲ့ရီကော်ဒါလေးကိုထုတ်ပြီးစားပွဲပေါ်ချလိုက်ပြီးRepeat နှိပ်ပြီးဖွင့်ထားလိုက်သည်..ခုလိုဆိုတော့ကျွန်မအခန်းလေးကတိမ်ပြာသီချင်းသံ၊စကားပြောသံလေးတွေနဲ့ဝေစည်လို့..တိမ်ပြာကလည်းကျွန်မဘေးမှာ..မိုးညိုကလည်းကျွန်မလုပ်သမျှပြုံးရယ်နေတော့လောကကြီးကပြည့်စုံလိုက်တာ..
ခုမှသတိရသည်..တိမ်ပြာကချောတော့ကောင်မလေးတွေကသဘောကျသည်..ခပ်ကဲကဲကောင်မလေးတွေဆိုပိုက်ဆံတွေတောင်အကျီ င်္မှာလာချိတ်ပေးတာလေ..နောက်ဆိုသူ့ကိုကျွန်မတယောက်တည်းမူပိုင်ဆိုတာသိအောင်အမှတ်အသားလုပ်ထားမှပါ..အင်း..ကိုယ်ပေါ်မှာဖောင်းကြွအမှတ်အသားဖြစ်အောင်လုပ်တာကျွန်မဒစ်ကာဗာရီထဲမှာတွေ့ဖူးသည်..လူရိုင်းတွေလုပ်တဲ့နည်းပေါ့..
အောက်ထပ်ကပစ္စည်းပုံထဲကျွန်မတခါသွားမွှေရပြန်သည်..လိုချင်တဲ့ဓါးပါးလေးတွေ..သံချွန်လေးတွေနဲ့ဆော့ဖ်ပင်တွေရတော့ကျွန်မတိမ်ပြာ့ရှေ့မှာချပြီးတိမ်ပြာအကျီင်္ကြယ်သီးတွေကိုချွတ်လိုက်သည်..သူ့ရင်ခွင်ကမှီတွယ်ချင်စရာကျွန်မသူ့ရင်ခွင်မှာခေါင်းလေးမှီပြီးသူ့ရင်ခုန်သံကိုနားထောင်နေမိသည်..တိမ်ပြာ့ကိုယ်ကနည်းနည်းနံနေသည်..ချွေးနံ့နံနေတော့သူနေရခက်မှာပေါ့..
ကျွန်မမှန်တင်ခုံကရေမွှေးအကောင်းစားပုလင်းလေးကိုသူ့ရင်ဘတ်ပေါ်သာသာလေးဖြန်းပေးလိုက်ပါသည်..Fire & Ice အနံ့လေးကသင်းပြီးကျွန်မသိပ်ကြိုက်တဲ့ရနံ့ပေါ့..ခုတော့တိမ်ပြာ့ကိုယ်ပေါ်မှာသင်းသင်းလေးမွှေးနေပြီ..တိမ်ပြာ့ရင်ဘတ်ပေါ်မှာဆော့ဖ်ပင်နဲ့ I love U လို့ရေးလိုက်တယ်ပြီးတော့ကျွန်မဆိုင်းကိုထိုးလိုက်တယ်..စိတ်ကြိုက်ဖြစ်မဖြစ်အဝေးအနီးသေချာပြန်ကြည့်ရသေးတယ်..ကျွန်မလက်ရာကိုသေသေသပ်သပ်နဲ့လှလှပပလေးဖြစ်ချင်တယ်လေ..
စိတ်ကြိုက်ဖြစ်မှဓါးဖျားလေးနဲ့သေသေချာချာထွင်ရတယ်..တိမ်ပြာကတော့မအော်ပါဘူး..ကျေနပ်နေတာလား...ပါးစပ်ပိတ်ထားလို့ဘဲလားတော့မသိ..စပါးလုံးတထောက်စာလောက်နက်အောင်သံချွန်လေးနဲ့ဖြည်းဖြည်းခြစ်ပေးလိုက်တော့တိမ်ပြာ့ကိုယ်ကတွန့်တွန့်သွားလို့လက်ရာမပျက်အောင်မနည်းဂရုစိုက်လုပ်ရသည်..အားလုံးပြီးသွားတော့ထွက်နေတဲ့သွေးတွေကိုဂွမ်းနဲ့အကုန်သုတ်ပြီးမီးဖိုထဲကနှမ်းဆီစစ်စစ်ပုလင်းကိုသွားယူရပြန်သည်..
ဖော်ထားတဲ့စာလုံးပုံလေးတွေကိုနှမ်းဆီနဲ့သေချာသုတ်ပေးရသည်..ဒါမှအနာကျက်ရင်ဖောင်းကြွစာတန်းဖြစ်လာမှာလေ..ဒါတောင်လူရိုင်းတွေကအလှအပပုံလေးတွေဖော်သေးတာ..ကျွန်မကတော့တိမ်ပြာ့ကိုတခြားအလှအပပုံတွေထပ်မလုပ်ပေးတော့ပါဘူး..တော်ကြာအခြောက်နဲ့တူနေရင်ဘယ့်နှယ်လုပ်မလဲ..ယောက်ျားပီပီသသကိုယ့်ချစ်သူနာမည်ထိုးထားတာလောက်ဘဲကောင်းပါသည်..
ညကျတော့တိမ်ပြာ့ကိုယ်တွေခြစ်ခြစ်တောက်ပူလာတာကြောင့်ကျွန်မစိတ်ပူလိုက်ရတာ..တိမ်ပြာ့ကိုစောင်ထူထူလေးခြုံပေးထားရသည်..တညလုံးကျွန်မမှာမအိပ်ဘဲသူ့ကိုဘဲစောင့်ကြည့်နေရသည်..တိမ်ပြာဆီးတွေဝမ်းတွေကလေးလိုစွန့်နေတာလည်းကျွန်မရွံမနေပါဘူး..သူ့ကိုသန့်ရှင်းရေးသေချာလုပ်ပေးရသည်..တိမ်ပြာကတော့အိပ်ပျော်နေတာများသည်..ကျွန်မလည်းတိမ်ပြာ့စကားသံလေးတွေ၊သီချင်းသံလေးတွေနားထောင်လိုက်၊ပင်ပန်းပြီးအိပ်ပျော်သွားလိုက်၊နိုးလာရင်တိမ်ပြာ့ကိုပြုစုလိုက်နဲ့အချိန်တွေဘယ်လိုကုန်နေမှန်းမသိ..
ခြံရှေ့ကကားတစ်စီးရပ်သံကြောင့်ချောင်းကြည့်လိုက်တော့ကူးကူးတို့သုံးယောက်..သူတို့ဘာလာလုပ်တာပါလိမ့်..ကျွန်မပြတင်းပေါက်ကချောင်းကြည့်နေလိုက်သည်..ခြံတံခါးကိုကျော်ဝင်ပြီးတံခါးဖွင့်နေကြသည်..သူများအိမ်ကိုပိုင်စိုးပိုင်နင်းနဲ့..အဲ့တာတွေကြောင့်ကျွန်မကူးကူးကိုမုန်းတာ..သူတို့အိမ်ရှေ့တံခါးကခေါင်းလောင်းကိုလာလှုပ်နေတော့ကျွန်မငြိမ်ငြိမ်လေးနားစွင့်နေသည်..အရေးထဲမေ့ပြီးရီကော်ဒါကိုမပိတ်မိတာကြောင့်အမြန်ပိတ်လိုက်ရသည်..
ခဏကြာတော့လက်လျှော့ပြီးသူတို့ပြန်သွားတာတွေ့လိုက်ရမှစိတ်အေးသွားသည်..တော်ပါသေးရဲ့..ကျွန်မရီကော်ဒါလေးကိုပြန်ဖွင့်လိုက်သည်..တိမ်ပြာသီချင်းဆိုနေသံလေးကအေးအေးငြိမ့်ငြိမ့်ပေါ်ထွက်လာသည်..စိတ်ချမ်းသာလိုက်တာ..တော်တော်ကြာတော့ခြံထဲကိုကားဝင်လာသံကြားလိုက်ရသည်..ကြည့်လိုက်တော့ကူးကူးတို့နဲ့ရဲတွေ..ကျွန်မဘာလုပ်ရင်ကောင်းမလဲ..မိုးညိုကိုကြည့်တော့မိုးညိုကရဲတွေကိုအေးစက်စွာကြည့်နေသည်..
-
မိုးညို..ငါဘာလုပ်ရမလဲဟင်..
-
ဘာမှလုပ်မနေနဲ့လေ..သူတို့ရောက်လာပြီဆိုတော့ငါတို့ကဘာတတ်နိုင်မှာလဲ..
-
သူတို့တိမ်ပြာ့ကိုခေါ်သွားကြမှာပေါ့...
-
နင့်အခန်းတံခါးကိုပိတ်ထား..၀ရံတာတံခါးကိုဖွင့်လိုက်..အကယ်၍သူတို့နင့်အခန်းတံခါးကိုလာဖွင့်ရင်နင်ဝရံတာကနေခုန်ချလိုက်..
-
ငါကြောက်တယ်မိုးညိုရယ်..
-
မကြောက်ပါနဲ့..ငါရှိတယ်..နင်နဲ့ငါနဲ့နှစ်ယောက်တူတူနေမှာပေါ့..ငါတို့သူငယ်ချင်းနှစ်ယောက်ဘယ်တော့မှမခွဲရတော့ဘူးလေဟာ..
-
ကျွန်မအခန်းတံခါးသော့ကိုသူတို့ဖွင့်နေကြပြီ..ကျွန်မ၀ရံတာလက်ရန်းကိုကျော်တက်လိုက်သည်..၀ရံတာအပြင်ဘက်ကနေလက်တန်းကိုဆွဲပြီးရပ်နေရင်းအခန်းတံခါးကိုကျွန်မငေးကြည့်နေလိုက်သည်..အခန်းတံခါးပွင့်သွားတော့အခန်းဝမှာရဲတွေနဲ့ကူးကူးရပ်နေသည်..တိမ်ပြာ့ကိုမြင်တော့ကူးကူးလန့်အော်သံကိုကြားရသည်...ရဲတွေရဲ့အကြည့်ကကျွန်မဆီရောက်လာတော့ကျွန်မအောက်ကိုငုံ့ကြည့်လိုက်သည်..မိုးညိုကအောက်မှာရပ်နေရင်းကျွန်မကိုအားပေးသည့်အပြုံးလေးပြုံးပြပြီးလက်ယပ်ခေါ်နေသည်..ရှေ့ကိုပြန်ကြည့်တော့ရဲတွေကျွန်မဆီပြေးလာနေသည်..
နှုတ်ဆက်ပါတယ်တိမ်ပြာရယ်..ကျွန်မ၀ရံတာလက်တန်းကိုဆုပ်ကိုင်ထားတဲ့လက်တွေကိုလွှတ်လိုက်တော့ရင်ထဲမှာဟာပြီးအေးကနည်းဖြစ်သွားသည်..မျက်လုံးအစုံကိုမှိတ်ပြီးကျွန်မပြုံးလိုက်ပါသည်..ကျွန်မကိုမိုးညိုအောက်မှစောင့်နေတယ်လေ..
ကူးကူးနဲ့ရဲတွေဝရံတာကိုပြေးထွက်လာပြီးအောက်ကိုငုံ့ကြည့်လိုက်တော့ဝရံတာအောက်မြေပြင်ပေါ်မှာအဲလစ်ကိုခွေခွေလေးတွေ့လိုက်ရသည်..အဲလစ်ခေါင်းကနှင်းဆီပန်အိုးစောင်းပေါ်တိုက်မိဟန်တူသည်..ပန်အိုးအကွဲစများကြားကအဲလစ်ခေါင်းလေးဘေးမှာအနီရောင်သွေးတို့ကစီးထွက်လာသည်..နှင်းဆီပန်းပွင့်ဖတ်လေးတွေကတဖြုတ်ဖြုတ်အဲလစ်မျက်နှာလေးပေါ်ကြွေကျလျက်..အဲလစ်မျက်နှာကပြုံးပြုံးလေး...
တိမ်ပြာ့ကိုတော့ဆေးရုံပို့လိုက်ရသည်..နောက်သုံးလအကြာရန်ကုန်စိတ်ရောဂါကုဆေးရုံကြီးရဲ့ကုတင်တလုံးပေါ်မှာမိန်းကလေးမြင်တိုင်းကြောက်လန့်တကြားအော်နေတတ်သောစိတ်ဝေဒနာသည်လူငယ်တယောက်ကိုတွေ့နေရတော့သည်...
-----------------------------------By KK
