ဒီရင်နားပါအရိုင်းလိပ်ပြာ..(၄၅)

ဦးဇော်ခင်ကြောက်လန့်တကြားအနောက်ကိုလှည့်ကြည့်သည်..မြွေခေါင်းကသူ့မျက်နှာနှင့်နီးကပ်စွာ..ဦးဇော်ခင်တတွတ်တွတ်ရွတ်နေသည်..
-
ထွက်သွားစမ်းပါကွာ..ငါမင်းကိုဘာလုပ်လို့လဲ...ငါ့ကိုမကိုက်ပါနဲ့...
-
ဦးဇော်ခင်တတွတ်တွတ်ရွတ်နေသံကိုကျနော်ကြားနေရသည်..ဦးဇော်ခင်ကလေယာဉ်ပျက်ကိုကျောကပ်ပြီးရွှေ့နေသည်..မြွေကြီးကဦးဇော်ခင်ကိုစိုက်ကြည့်နေသည်..ဦးဇော်ခင်ဂူဝဘက်ဆီတရွေ့ရွေ့နောက်ပြန်ဆုတ်နေသည်..နောက်ဆုတ်ရင်းပြန့်ကြဲနေသောဦးထွန်းနိုင်အရိုးစု၏ဦးခေါင်းခွံကိုခလုတ်တိုက်ပြီးလဲကျသွားသည်..လက်ကအရိုးတချောင်းကိုကောက်ကိုင်ပြီးမြွေဦးခေါင်းကိုလှမ်းရိုက်သည်..မြွေကြီးကဦးဇော်ခင်ကိုစိုက်ကြည့်ပြီးတရစ်ချင်းပတ်နေသည်...

ကျနော်မကြည့်ရဲ..ခက်တာကမကြည့်ရဲပေမယ့်မြင်ချင်တတ်သည့်လူ့စိတ်ကြောင့်ဆက်ကြည့်နေမိသည်..ဦးဇော်ခင်မျက်နှာကကြောက်ရွံ့မှုကြောင့်အရုပ်ဆိုးလောက်အောင်ပျက်ယွင်းနေသည်...ပါးစပ်ကလည်းငယ်သံပါအောင်အော်နေသည်...မြွေကြီးသာသူ့ကိုယ်လုံးကြီးနဲ့ဆွဲညှစ်လိုက်ရင်ဦးဇော်ခင်အရိုးတွေအကုန်ကျိုးကြေကုန်မည်ထင်သည်..ဦးဇော်ခင်ကတော့အကြောက်လွန်ပြီးသတိလစ်သွားဟန်တူသည်..အော်ဟစ်ခြင်းမရှိတော့..

ကျနော်ကြည့်နေတုန်းမြွေကြီး၏ကိုယ်လုံးကြီးတွန့်သွားသည်..နောက်တချက်ထပ်တွန့်သွားသည်..ပြီးတော့ခေါင်းကဟိုဟိုသည်သည်ကြည့်သည်..ဦးဇော်ခင်ကိုရစ်ပတ်နေရာကဖြည်ပြီးလေယာဉ်ပျက်ဆီရွေ့လာသည်..ဘုရား..ဘုရား..ကျနော်တို့အနံ့ကိုသူရသွားပြီ..သူ့ကိုယ်ကြီးကလေယာဉ်တံခါးနားရောက်လာသည်..မှန်ပြတင်းမှာနီးကပ်လွန်းသောမြွေခေါင်းကိုမြင်လိုက်ရသည်..

ခေါင်းကြီးကပြန်နိမ့်ဆင်းသွားပြန်သည်..ကျနော်တကိုယ်လုံးတဆတ်ဆတ်တုန်နေသည်..ရတီပွင့်ကိုယ်လုံးလေးတုန်နေတာလည်းခံစားနေရသည်..ရွေ့လျားသံကြီးကြားလိုက်ရပြန်သည်..မြွေကြီးကိုတော့မတွေ့ရ..ပြန်ထွက်သွားပြီလား..ကျနော်အသာလေးခေါင်းပုထားရာကအထောင်လိုက်တွင်ဗြုန်းဆိုကွဲနေသောမှန်ပြတင်းပေါက်ကမြွေကြီး၏ခေါင်းကြီးနီးကပ်စွာပေါ်လာသည်..ကျနော့်နားထဲဆူညံသောအော်သံကိုကြားနေရသည်..ဘယ်သူအော်တာလဲ..ကျနော့်အသံ..ကျနော်အော်နေသည်..မြွေကြီးကတော့ကျနော့်ကိုမြင်နေဟန်မတူ...

တဖြည်းဖြည်းမြွေခေါင်းကြီးကပြတင်းပေါက်ကလျှောကျသွားသည်..လေယာဉ်အောက်ဘက်ကရွေ့လျားသံနှင့်အတူလေယာဉ်ကတုန်ခါနေသည်..လေယာဉ်ဘီးကိုပတ်နေဟန်တူသည်..အတန်ကြာအောင်လေယာဉ်ကခါယမ်းနေပြီးငြိမ်ကျသွားသည်..ဂူထဲမှာအသံတွေတိတ်သွားသည်..ဘာသံမှမကြားရအောင်တိတ်ဆိတ်သွားပြီးခြေသံလိုလိုပြန်ကြားရသည်..
-
ဟေ့..ကောင်လေးနဲ့ကောင်မလေး..မင်းတို့ရှိနေလား..ဘေးကင်းရဲ့လား
-
အသံကြောင့်ကျနော်အရမ်းပျော်သွားသည်..ဒီအသံကမုဆိုး၏အသံ..ကျနော်လေယာဉ်တံခါးကိုမရဲတရဲဖွင့်ကြည့်သည်..မြွေကြီး၏အမြီးပိုင်းကြီးကိုထင်ရှားစွာမြင်လိုက်ရသည်..
-
ရဲရဲဆင်းခဲ့ပါကွ..မင်းကောင်ကြီးအိပ်ပျော်နေပါပြီ
-
ကျနော်တို့နှစ်ယောက်လေယာဉ်ပေါ်ကဆင်းပြီးမုဆိုးဆီပြေးသွားသည်..မုဆိုးကတကိုယ်လုံးရွှံ့တွေသုတ်ထားပြီးနံစော်နေသည်..ကြိုးရှာပြီးဦးဇော်ခင်ကိုကြိုးနဲ့တုတ်သည်..သတိမေ့နေသောဒီလူ့ကိုယ်လုံးကြီးကိုတရွတ်ဆွဲကာမီးပုံအနားကိုပြန်သွားသည်..ဦးဇော်ခင်တပည့်တွေကိုကြည့်လိုက်တော့ပထမလူကတော့သွေးလွန်ပြီးသတိလစ်နေပြီ..ဒီတောနက်ထဲကနေဆေးရုံအချိန်မှီရောက်ဖို့မလွယ်..ဘာမှမတတ်နိုင်..ကျန်နှစ်ယောက်ကတော့သေပြီ..

ဦးဇော်ခင်ကိုကျနော်ဆွဲလိုက်တော့ဦးထွန်းနိုင်အရိုးစုနဲ့တိုက်မိလိုက်သေးသည်..အရိုးစုကခုနမြွေကြီးတိုက်ထားတာရော..ဦးဇော်ခင်တပည့်ဆွဲတာရောနဲ့တစစီပြန့်ထွက်နေသည်..ကျနော့်မျက်စိထဲတွင်ဦးထွန်းနိုင်အရိုးစု၏ဆွေးမြေ့နေသောဘောင်းဘီအစုတ်အပြဲကြားကအထုတ်တခုထွက်ကျနေတာမြင်လိုက်သည်..ကောက်ယူလိုက်တော့ဆွေးမြေ့နေသောကတ္တီပါအိတ်လေး..

လက်စသတ်တော့ဦးဇော်ခင်တို့ရှာနေတာဒါဘဲဖြစ်မည်...သူတို့ကလေယာဉ်ပေါ်ကိုဘဲဦးစားပေးရှာကြသည်..ဘယ်သူမှအရိုးစုကိုကျတော့ကိုင်ရန်စိတ်မကူးဘူးလေ..ကျနော်အထုတ်ကိုယူပြီးဘေးလွယ်အိတ်ထဲထဲ့လိုက်သည်..ပြီးတော့မီးပုံနားပြန်လျှောက်လာလိုက်သည်..မီးပုံဘေးတွင်မုဆိုးကတော့တတ်သမျှမှတ်သမျှနဲ့သွေးလွန်နေသူကိုအ၀တ်နဲ့စည်းပေးနေသည်..ထိုသူ့မျက်နှာကဖြုဖျော့နေပြီဖြစ်သည်..ကျနော်လည်းမုဆိုးကိုသိချင်တာခုမှလှမ်းမေးရတော့သည်..
-
ခင်ဗျားကျနော်တို့နောက်ဘယ်တုန်းကလိုက်လာတာလဲ...
------------------------------------------By KK
ဆက်ရန်

Read More

ဒီရင်နားပါအရိုင်းလိပ်ပြာ..(၄၄)

နားထဲမှာတောတိုးသံကြီးကြားလိုက်ရသည်..ကျနော်ရင်ထထတ်သွားမိသည်..သည်အသံကိုကျနော်ရောရတီပွင့်ပါသိသည်လေ..နေ့လည်ကကြားရသည့်အသံ..ဒီတခါအသံကပိုမြန်တာမို့ကျနော်ရတီပွင့်လက်ကိုဆွဲပြီးထလိုက်သည်..ပြေးစရာကဂူအတွင်းပိုင်းသာရှိသည်..ခဲရာခဲဆစ်ကြိုးဖြည်ခဲ့ပေမယ့်အပြင်ဘက်ကိုထွက်ပြေးခွင့်မသာ..ရတီပွင့်လက်ကိုဆွဲပြီးကျနော်လေယာဉ်ပျက်ဆီပြေးသည်..

မျက်လုံးထောင့်တွင်ရိပ်ကနည်းဦးဇော်ခင်တပည့်ထလာတာမြင်လိုက်ပြီးအကောင်ရှည်ကြီးတကောင်ဂူထဲကိုမီးရထားတွဲလိုတရှိန်ထိုးဝင်လာတာတွေ့လိုက်ရသည်..ဆက်မကြ့်နိုင်သေးဘဲလေယာဉ်ပျက်ကိုတံခါးဖွင့်ပြီးတက်လိုက်သည်..လေယာဉ်နောက်ပိုင်းထဲတွင်ပုထိုင်ပြီးကြည့်လိုက်တော့ကျနော့်တသက်မမေ့နိုင်စရာကြောက်စရာအကောင်းဆုံးမြင်ကွင်းကိုမြင်နေရသည်..

ဧရာမမြွေကြီးသည်ဂူဝကလျောဆင်းလာပြီးကင်းစောင့်နေသောဦးဇော်ခင်တပည့်ရှေ့တွင်ရပ်လိုက်သည်..သူ့ခေါင်းကိုကြွပြီးထောင်လိုက်ရာပါးပြင်းထောင်နေသောမြွေခေါင်းကြီးကဦးဇော်ခင်တပည့်]မျက်နှာနဲ့တတန်းတည်းကျနေသည်..ထိုလူကတော့ဘယ်လိုနေမလဲမသိပေမယ့်ကျနော်ကတော့ကြက်သီးမွေးညှင်းများတဖြန်းဖြန်းထနေသည်..ထိုသူ၏မျက်နှာကိုထိလုထိခင်အထိတိုးလာသောမြွေကြီး၏လျှာတစ်လစ်ကြီးကမီးပုံအရောင်တွင်အနီနဲ့အနက်ရောနေသည်..

ကျနော်အသက်ရှုတာပင်မှားကုန်သည်..ဘုရား..ဘုရား..ဘာတွေဖြစ်ကုန်တာပါလိမ့်...မြွေကြီးကထိုသူ့မျက်နှာနားကိုတိုးအနံ့ခံတော့ကြောက်ဆုတ်ကြောက်ဆုတ်နဲ့နောက်ပြန်လှည့်ပြေးသည်..မြွေကြီး၏ခေါင်းကအရှိန်နဲ့စိုက်ဆင်းလာပြီးထိုသူ၏ပေါင်နေရာကိုပေါက်လိုက်သည်..ဟင့်အင်း..ပေါက်တာမဟုတ်..အစွယ်များမြုပ်ဝင်အောင်ကိုက်ထားတာဖြစ်သည်..ထိုသူ၏ငယ်သံပါအောင်အော်လိုက်သောအသံကြောင့်ဦးဇော်ခင်တို့နိုးကုန်သည်..

မျက်စိရှေ့ကမြွေကြီးကိုဦးဇော်ခင်တို့အံ့သြပြီးကြောင်ကြည့်နေကြသည်..မြွေကြီးကပထမလူကိုကိုက်ထားရာကလွှတ်လိုက်ပြီးဦးဇော်ခင်တို့ဘက်ခေါင်းလှည့်လာသည်..ပထမလူကတော့ဂူကြမ်းပြင်မှာတအားအားအော်နေသည်..ပေါင်ကိုကိုက်ဖောက်ထားသောအစွယ်ရာကသွေးလွှတ်ကြောကိုကိုက်ဖောက်မိဟန်တူသည်..သွေးများပန်းထွက်နေသည်..ကြည့်နေရင်းကျနော်ကျောရိုးထဲစိမ့်ပြီးကြောက်လာသည်..အကြောက်တရားကရင်ဘတ်ထဲကလှိုက်တက်လာပြီးတကိုယ်လုံးတုန်ကာမေးရိုက်နေတော့သည်..

ဦးဇော်ခင်တပည့်တယောက်ကကြောက်ကြောက်လန့်လန့်နှင့်သေနတ်ဆွဲထုတ်နေသည်..မြွေကြီးကခေါင်းထောင်ထားရင်းဦးဇော်ခင်တို့သုံးဦးကိုတယောက်ချင်းလိုက်ကြည့်နေသည်..သေနတ်ဆွဲထုတ်လိုက်သောတပည့်ကတုန်တုန်ယင်ယင်နှင့်ကြောက်ကန်ကန်ပြီးသေနတ်နှင့်ပစ်သည်..နီးကပ်သောပစ်မှတ်ဖြစ်သော်လည်းကြောက်စိတ်ကြောင့်ထိပုံမရ..မြွေကြီးကအရွယ်နဲ့မလိုက်အောင်လျှင်မြန်စွာထိုသူ့အနားကိုရွေ့သွားသည်..

သေနတ်ကိုင်မြှောက်ထားသောထိုသူ၏လက်ကိုကိုက်ချလိုက်ရာအရိုးကျိုးသံဂျွတ်လို့မြည်သွားတာတောင်ကျနော်ခပ်သဲ့သဲ့ကြားလိုက်ရသည်..နောက်တချက်ထိုသူ၏မျက်နှာကိုအစွယ်နဲ့ပေါက်ချလိုက်သည်..ငယ်သံပါအောင်အော်လိုက်သောထိုသူ၏အသံကဂူထဲတွင်ပဲ့တင်ထပ်နေတော့သည်..အ၀တ်ထုတ်လိုအရုပ်ကြိုးပြတ်ပုံကျသွားသောထိုလူကိုပစ်ချပြီးမြွေကြီးခေါင်းပြန်လှည့်လာသည်..

ကျနော်လည်းဘေးအိတ်ထဲကသေနတ်ကိုထုတ်သည်..ထုတ်သာထုတ်ရသည်..မပစ်ရဲသေး..ကိုယ်ရှိရာကိုသိသွားမှာလည်းစိုးရိမ်ရသေးသည်..ဦးဇော်ခင်နှင့်ကျန်တပည့်ကလေယာဉ်ပျက်ဆီအားကုန်ပြေးလာသည်..ကျနော်တို့လိုဘဲလေယာဉ်ပေါ်တက်ပုန်းရန်ဖြစ်မည်..မတတ်နိုင်..ကျနော်တို့ဆီမြွေကြီးကိုလမ်းပြခေါ်လာသလိုဖြစ်နိုင်တာကြောင့်ကျနော်လေယာဉ်တံခါးကိုလော့ခ်ချလိုက်သည်..

လူလူချင်းထောက်ထားပေမယ့်ကိုယ့်အသက်ဘေးဖြစ်နေပြီလေ..ဒီလူတွေကလည်းကိုယ့်အသက်ကိုရန်ရှာသူဘဲမို့သူတို့ကိုကယ်တာကိုယ်ပါသေနိုင်သည်..ကံကောင်းလို့တံခါးဘက်ခြမ်းကမှန်ကပိတ်ရက်သားမပျက်စီးသေး..ဒီဘက်ခြမ်းကတော့မှန်ကွဲနေသည်..ဦးဇော်ခင်တို့.ပြေးတော့မလွတ်ပါ..မြွေကြီးကချက်ချင်းလှည့်ပြီးတတိယလူ၏ခါးကိုကိုက်ဆွဲကာတရွတ်ပြန်ဆွဲသွားသည်..ထိုသူကလေယာဥင်္အနားမရောက်သေးဘဲဦးထွန်းနိုင်အရိုးစုနားတွင်မို့ဦးထွန်းနိုင်အရိုးစုကိုလက်နှင့်လှမ်းဆွဲသည်.

မြွေစွယ်တွေကခါးထဲနစ်ဝင်နေပြီးမြွေကြီး၏ဆွဲအားကြောင်းအသားတစ်များအမြှောင်းလိုက်လန်ထွက်ကာသွေးသံရဲရဲနှင့်မြွေကြီးနောက်ကိုပြန်ပါသွားတော့သည်..ဦးထွန်းနိုင်အရိုးစုလည်းကျိုးပဲ့ကာပြန့်ကြဲကုန်တော့သည်..ဦးဇော်ခင်တပည့်သုံးယောက်လုံးဒဏ်ရာကိုယ်စီရနေပြီ...ဦးဇော်ခင်ကလေယာဉ်တံခါးကိုတ၀ုန်းဝုန်းထုသည်..မျက်လုံးများပြူးကျယ်နေသောဦးဇော်ခင်မျက်နှာကိုမှန်ပြတင်းဝတွင်မြင်နေရသည်..ကျနော်မြင်နေပါသည်..မြင်ကွင်းတွေကိုအိပ်မက်ထဲမှာလိုကျနော်ယောင်ဝါးဝါးဖြစ်နေပြီ..ကျနော်ကြောက်နေသည်..တကယ်ကိုနေစရာမရှိအောင်ကြောက်နေမိသည်..

ဦးဇော်ခင်၏ခေါင်းနောက်မှာမြွေခေါင်းကြီးကိုမြင်နေရပြီ..၀ါကျင်ကျင်မျက်လုံးတွေကိုပင်ကျနော်အရိုးစုတွေကြားကလှမ်းမြင်နေရသေးသည်..အသက်ရှုဖို့တောင်ကျနော်မေ့နေသည်..တကိုယ်လုံးတုန်တုန်ယင်ယင်ဖြစ်လာပြီးရတီပွင့်နှင့်ကျနော်တဦးကိုတဦးတင်းကျပ်စွာဖက်ထားမိသည်..
-----------------------------------------By KK
ဆက်ရန်

Read More

ဗဟုသုတ မှတ်သားစရာ မြန်မာစကားပုံများ (အင်္ဂလိပ်ဘာသာပြန်)

1.Adjust burden to strength, like arrow to bow. 
တန်နှင့်အားကို လေးနှင့်မြှားကဲ့သို့ ညီအောင်လုပ်ပါ။

2.Although cowardly be slow to run. မရဲသော်လည်း ပြေးခဲစေ။

3.The anger of the prudent never shows. ပညာရှိအမျက် အပြင်မထွက်။

4.Arrows all gone before the battle begins. စစ်မရောက်ခင် မြှားကုန်။

5.As the doe gives birth to a fawn the tiger eats it. သမင်မွေးရင်း ကျားစားရင်း။

6.As to eating it, will it is covered with grit; but as to throwing it away, well, it is rich and luscious. စားရမှာလည်း သဲတရှပ်ရှပ်၊ လွှင့်ပစ်ရမှာကလည်း အဆီနဲ့ တ၀င်းဝင်း။

7.As you are fated to eat honey, bees swarm in your beard. စားရကံကြုံတော့ မုတ်ဆိတ်ပျားစွဲ။

8.Ask when you don't know, wash when you're dirty. မသိလျှင်မေး၊ မစင်လျှင်ဆေး။

9.At the sight of fresh fish away goes the roast. ငါးစိမ်းမြင်၊ ငါးကင်ပစ်။

10.Bad children? Blame the parents. သားသမီးမကောင်း မိဘခေါင်း။

11.The black elephant dare not look at the royal white elephant's face.
ဆင်ဖြူမျက်နှာ ဆင်မည်း မကြည့်ဝံ့။

12.Being afraid of the tiger he takes refuge with the lord Spirit, but the lord's Spirit is worse than the tiger. ကျားကြောက်လို့ ရှုင်ကြီးကိုး၊ ရှင်ကြီး ကျားထက်ဆိုး။

13.The bigger the tiger, the bigger the pug-marks. ကျားကြီးတေ့ာ ခြေရာကြီး။

14.A blind fowl came upon the rice-pot. ကြက်ကန်း ဆန်အိုးတိုး။

15.The blind man is not afraid of ghosts. မျက်ကန်းတစ်ဆေမကြောက်။

16.The care of one daughter equals that of a thousand cattle. သမီးတစ်ကောင် နွားတစ်ထောင်။

17.The cat jumps with joy when the forest is on fire. တောမီးလောင် တောကြောင် လက်ခမောင်းခတ်။

18.Cheeks shinning because of gold earrings. ရွှေနားကပ်ရောင်ကြောင့် ပါးပြောင်။

19.Clear water cannot be obtained from a well that has just been dug.
ခုရေတွင်းတူး၊ ခု ရေကြည်သောက်၍ မရ။

20.Day will not break for a hen's cackle; it will break only for a cock's crow. ကြက်မတွန်၍ မိုးမလင်း၊ ကြက်ဖတွန်မှ မိုးလင်းသည်။

21.Desire for haste is delay. အလျှင်လို အနှေးဖြစ်။

22.Discard only bad baskets and punnets, not bad sons and daughters.
 တောင်းစုတ် ပလုံးစုတ်သာ ပစ်ရိုးထုံးစံ ရှိသည်။ သားဆိုးသမီးဆိုးကို ပစ်ရိုးထုံးစံမရှိ။

23.Do not spare a bullock or a wife. မယားနဲ့နွား မသနားနဲ့။

24.Do not tread on a heap of thorns because you have faith in you karma.
 ကံယုံ၍ ဆူးပုံမနင်းနဲ့။

25.Eat a section of garlic; you smell of garlic. Eat two sections; you smell the same. တစ်တက်စားလည်း ကြက်သွန်၊ နှစ်တက်စားလည်းကြက်သွန်။

26.Eczema comes on the leprosy place.နူရာ ၀ဲစွဲ။

27.An ember about to blaze glows brightly. တောက်မည့်မီးခဲ တရဲရဲ။

28.Empty pockets, empty promises. ငွေမရှိ စကားမတည်။

29.An error may go on for ever, but it can be set right in a moment. ပျက်အစဉ် ပြင်ခဏ။

30.Even if you do not love him (her), hold your breath and kiss him (her), even if you do not kiss him (her), heave a sigh.မချစ်သော်လည်း အောင့်ကာနမ်း၊ နမ်းသော်လည်း ပင့်သက်ရှူ။

31.Falling face downwards in the front of the tiger. ကျားရှေ့ မှောက်ရက်လဲ။

32.Fetching water in an open wicker basket. ခြင်းကြားနဲ့ ရေသယ်။

32.Flipping Sesame seeds into an elephant's mouth. ဆင်ပါးစပ် နှမ်းပက်။

33.A floor which has no binding is in disorder. အကွပ်မရှိကြမ်း ပရမ်းပတာ။

34.Fondle a dog and it will lick your face. ခွေးကလေး အရောဝင်တော့ ပါးလျက် နားလျက်။

35.The future price will be fixed in the future; sell it at the current price. 
 နောင်ခါလာ နောင်ခါဈေး။

36.Going to Plow and forgetting the cattle. လယ်ထွန်သွား နွားမေ့။

37.A good beginning ensures a satisfactory ending. အစကောင်းမှ အနှောင်းသေချာ။

A good tree can lodge ten thousand birds. သစ်တစ်ပင်ကောင်း ငှက်တစ်သောင်းနားနိုင်။

Grass depends on the island, the island on the grass. ကျွန်းကိုင်းမှီ ကိုင်းကျွန်းမှီ။

Great desire obtains little. အလိုကြီးက အရနည်း။

Guests only come to a happy house. အိမ်သာလို့ ဧည့်လာ။

He asked for bones because he wants flesh. အသားလိုလို့ အရိုးတောင်း။

He breathes through someone Else's nose. သူများနှာခေါင်းပေါက်နဲ့ အသက်ရှု။

He calls her aunt only when her cucumber fruits. ဘူးသီးသီးလို့ အရီးတော်။

He climbs up the pole of the marquee to show his alms-giving.
 အလှူ့ရှင်မှန်းသိအောင် မဏ္ဍပ်တိုင်တက်ပြ။

 He does not catch the monitor lizard and he has lost his chopper. ဖွတ်မရ ဓားမဆုံး။

He dropped a fish-hook whenever the fish sent up bubbles (expecting to catch it).
 ငါးပွက်ရာ ငါးစာချ။

He leans on a white elephant and sucks sugar-cane. ဆင်ဖြူတော်မှီ၍ ကြံစုပ်။

He lives in the bushes but his spirits is in the heavens. လူနေချုံကြား စိတ်နေဘုံဖျား။

He may be poor, however intelligent he may be, if he has no karma. ကံမရှိ ဥာဏ်ရှိတိုင်းမွဲ။

He praises the pickling of his own fish. ကိုယ့်ငါးချဉ် ကိုယ်ချဉ်။

He rides without knowing whether it's a stallion or mare. ကိုယ်စီးတဲ့မြင်း အထီးမှန်းအမမှန်း မသိ။

He tries to establish relationship with a person only when the person has gold.
ရွှေရှိမှ အမျိုးတော်။

He was all right when he was sitting; only when he got up did I realize he was lame. ထိုင်နေတော့ အကောင်းသား၊ ထသွားမှ အကျိုးမှန်းသိ။

He who talks isn't strong; he who's strong doesn't talk. လူပြောမသန်၊ လူသန်မပြော။
He would like to ride a difficult buffalo but hasn't enough courage. မရဲဘဲ ကျွဲပြဲစီးချင်။

His mouth say; "Buddha Buddha, " but his hand acts contrariwise.
 ပါးစပ်က ဘုရား ဘုရား၊ လက်က ကားယား ကားယား။

Husband and wife are like tongue and teeth. လင်နဲ့မယား လျှာနဲ့သွား။

I have no money to pay the debt and no land abscond to. ပေးစရာ ငွေမရှိ၊ ပြေးစရာ မြေမရှိ။

If a needle can pierce it don't chop with an axe. အပ်ဖြင့် ထွင်း၍ရလျှင်၊ ပုဆိန်ဖြင့် မခုတ်ရ။

If the beginning is good, the end must be perfect. အစကောင်းလျှင် အနှောင်းသေချာမည်။

If the cattle are scattered the tiger seizes him. နွားကွဲလျှင် ကျားဆွဲမည်။

If the fire is greater the fire wins; if the water is greater the water wins.
မီးများ မီးနိုင်၊ ရေများ ရေနိုင်။

If the thorn falls the leaf is pierced; if the leaf falls the leaf is pierced.
ဆူးပေါ်ဖက်ကျလျှင် ဖက်ပေါက်သည်။ ဖက်ပေါ်ဆူးကျလျှင် ဖက်ပေါက်သည်။

If there is a question, there is also an answer.
အမေးရှိလျှင် အဖြေရှိသည်။

If you carry the world" No" with you, you will never be poor even in old age.
ဘူးတစ်လုံးဆောင် အိုတောင်မဆင်းရဲ။

If you do not know, ask; if it not clean, wash.မသိလျှင်မေး၊ မစင်လျှင်ဆေး။

If you don't believe me , ask my wife.မယုံရင် ငါ့မယားကိုမေး။

If you want to go fast, go the old road.အလျင်လို လမ်းအိုလိုက်။

If you desire is great you obtain little.အလိုကြီးက အရနည်းသည်။
Ignorance is more troubles me than poverty. မရှိတာထက် မသိထာခက်သည်။
In a basket it is the binding, in a man it is his clothes. တောင်းမှာအကွပ်၊ လူမှာအ၀တ်။

In a forest where there is no heart-wood the castor-oil plant rules.
အနှစ်မရှိတဲ့တော ကြက်ဆူပင် မင်းမူ။

In Another's eyes, but in his own eyes he sees no dirt.
အခြားလူများ၏ မျက်ချေးကိုမြင်၍ ကိုယ့်မျက်ချေးကိုယ်မမြင်။

In journeying at improper time, one step; in eating improper food, one mouthful is sufficient to course mishap. အစားမတော် တစ်လုပ်၊အသွားမတော် တစ်လှမ်း။

It is for bird to fly and die; it is for man t5o scheme and die. ငှက်သည် ပျံရင်းသေသည်။ လူသည် ကြံရင်းသေသည်။

It's like threading a dog's crooked tail through a joint of bamboo.
ခွေးမြီးကောက် ကျည်တောက်စွပ်သလို။

Just as the breeze carries the flower's fragrance, so do men carry Men news.
ပန်းသတင်း လေညှင်းဆောင် လူသတင်း လူချင်းဆောင်။

Just when he wants to cry you touch him.
ငိုချင်လျက် လက်တို့။

Karma is the mother and karma is the father.
ကံသာလျှင် အမိ၊ ကံသာလျှင် အဖ။

Karma watches over your property; your intelligence watches over your life.
ဥစ္စာကံစောင့်၊ အသက်ဥာဏ်စောင့်။

A lazy man lies flat on his back, a lazy woman stretches out her legs.
ယောက်ျားပျင်းတော့ ကျောခင်း၊ မိန်းမပျင်းတော့ ခြေဆင်း။

Let enmity stops short, but love lingers on.
ချစ်စကို ရှည်စေ၊ မုန်းစကို တိုစေ။

Let them know about it but not see it.
သိတာသိစေ မမြင်စေနဲ့။
Like father and grandfather alike.
ဘမျိုးဘိုးတု။

Loss of good is one day spoiled; loss of a husband is a ruined life.
ကုန်ရှုံးတော့ တစ်ရက်၊ လင်ရှုံးတော့ တစ်သက်။

A man does not lose his life if the time at which he is fated to die is not arrived.
သေနေ့မစေ့သေးလျှင် မသေ။

The man from hell is not afraid of hot ashes. ငရဲကလူ ပြာပူမကြောက်။

Mice cease to fear the cat when she is too old. ကြောင်အို ကြွက်မလေး။

Minds together, bodies apart. စိတ်ပေါင်းကိုယ်ခွာ။

Moderation is medicine, excess is peril. လွန်ရင်ဘေး၊ တန်ရင်ဆေး။

The moon shinning in the hollow of the bamboo. ၀ါးလုံးခေါင်းထဲ လသာ။

More money always wins the cause. ငွေများ စကားနိုင်။

A motherless son is a fish in low water. အမိမဲ့သား ရေနည်းငါး။

Near a fisherman one is a fisherman; near a hunter a hunter.တံငါနားနီး တံငါ၊ မုဆိုးနားနီး မုဆိုး။

No lawyer is infallible, nor a doctor immortal. မမှားသော ရှေ့နေ၊ မသေသော ဆေးသမား။

The oar broke while the boat was going. လှေလှော်ရင်း တက်ကျိုး။

Offering a sword-hilt to a thief. သူခိုး ဓါးရိုးကမ်း။

Old bullocks are partial to tender grass. နွားအို မြက်နုကြိုက်။

Once you have died you know how to lay out the corpse. တစ်ခါသေဖူး ပျဉ်ဖိုးနားလည်။

One can but fall to earth or rise to the golden umbrella. သေမြေကြီး ရှင်ရွှေထီး။

One capable many and a force of ten thousand was crushed.
တစ်ယောက်ကောင်းက တစ်သောင်းဗိုလ်ခြေ ညက်ညက်ကြေ။

One day, six feet, where will Bagan move to ? တစ်နေ့တစ်လံ ပုဂံဘယ်ရွေ့။

One day to die, and one day to born. သေတစ်နေ့ မွေးတစ်နေ့။

One in a thousand mothers bears such sons. မတစ်ထောင် တစ်ကောင်ဘွား။

One mouthful of unsuitable food, one imprudent step may lead to peril.
အစားမတော်တစ်လုပ်၊ အသွားမတော် တစ်လှမ်း။

One needs a full stomach to keep the precepts.အူမတောင့်မှ သီလစောင့်နိုင်မည်။

One sesame seed will not make oil. နှမ်းတစ်စေ့နှင့် ဆီမဖြစ်နိုင်။

One should not open the mouth for a presentation cow and look at the teeth.
အလကားရသည့်နွားကို သွားဖြဲမကြည့်သင့်။
One's bed is a throne if one thinks to be so. ကိုယ်ထင်လျှင် ခုတင်ရွှေနန်း။

Only the sufferer knows how his belly aches. ကိုယ်ဝမ်းနာ ကိုယ်သာသိ။

Only when the thief has run away do the tatto spots show their power.သူခိုးပြေးမှ ထိုးကွင်းထ။

Picking up frogs with a perforated bag. ပလိုင်းပေါက်နှင့် ဖားကောက်။

Pinning for the aunt rather than the mother. အမေကျော် ဒွေးတော်လွမ်း။

Playing a harp before a buffalo. ကျွဲပါးစောင်းတီး။

Pot against pot, the pots will touch; ropes together, the ropes will tangle.
ကြိုးချင်းထား ကြိုးချင်းထိ၊ အိုးချင်းထား အိုးချင်းထိ။

The price of the hook(goad) is greater than the prick of the elephant.
ဆင်ဖိုးထက် ချွန်းဖိုးကကြီး။

Property is guarded by luck.ဥစ္စာကံစောင့်။

Rain water leaks through the roof-top.ခေါင်က မိုးယို။

Riding on the same boat, going on the same journey. တစ်လှေတည်းစီး တစ်ခရီးတည်းသွား။

Rubbing liniment on the unaffected spot. မရောင်ရာ ဆီလူး။

Said to be marrying a captain, she married a sailor.
ကျော်တော့လှေသူကြီး ညားတော့ လှေထိုးသား။

Searching for a lime before he gets the hare. ယုန်မရခင် သံပရာရှာ။

Seeing the bark you know the tree; seeing his expression you know his character.
အပွေးမြင် အပင်သိ၊ အသွေးမြင် အသွင်သိ။

Setting fire to the granary because one cannot beat the mice.ကြွက်မနိုင် ကျီမီးနဲ့ရှို့။

She wears the flower when it has a sweet scent, but discards it when it has lost its scent.
မွှေးလျှင်ပန်၊ နံလျှင်ပစ်။

Silence is worth a thousand pieces of silver.ဆိတ်ဆိတ်နေ ထောင်တန်။

The snare was set to catch a hare but the cat was caught. ယုန်ထောင် ကြောင်မိ။

The son is one month older than his father. အဖေထက် သားတစ်လကြီး။

The stick falls on the sore. အနာပေါ် တုတ်ကျ။

Store up the water while it rains. မိုးရွာတုန်းရေခံ

The strongest young bullock is only as strong as an old bullock with a broken leg.
နွားပျိုသန်လှ နွားအိုပေါင်ကျိုးသလောက်ပဲ ဖြစ်သည်။

Sugar-cane is sweet always, man only sometimes.
ကြံသည် အစဉ်ချိုသော်လည်း လူသည် အစဉ် မချို။

Taking shelter in the shade of a tree and breaking off the branches.
အရိပ်နေနေ၊ အခက်ချိုးချိုး။

Teaching a monk to read; showing an alligator king the water business.
ဘုန်းကြီးစာချ၊ မိကျောင်းမင်း ရေခင်းပြ။

Teasing eventually turns to quarrel. အကျီစားသန်လျှင် ရန်ဖြစ်သည်။

Teeth that are going to chew for a long time must avoid bones.
ကြာကြာဝါးမယ့်သွား ဘာစားစား အရိုးကြည့်ရှောင်။

A thing floats when it gets rotten; the news, if not true will not spread.
ပုပ်လျှင်ပေါ်၊ ဟုတ်လျှင်ကျော်။

Those who are unaware walk over it, those who are aware unearth it and eat it.
မသိသူကျော်သွား သိသူဖော်စား။

Throwing sand at the meat he cannot eat. မစားရတဲ့အမဲ သဲနှင့်ပက်။
The tiger who courts death moves to another jungle. သေချင်တဲ့ကျား တောပြောင်း။

Timidity relieves one of responsibility. ကြောက်တတ်လျှင် ၀န်ကင်းသည်။

To be ignorant is worse than being poor. မရှိတာထက် မသိတာခက်။

To dig one's grave with one's own hands. ကိုယ့်သေတွင်း ကိုယ်တူး။

Too many doctors and the son dies. ဆရာများ သားသေ။

Too much carp makes the curry in stupid. ငါးသိုင်းများ ဟင်းဟုံ။

Too much talk will include errors. စကားများလျှင် အမှားပါမည်။

The top of a pinnacle now, firewood soon. မှန်ကင်းတစ်လှည့် ထင်းတစ်လှည်။

Traveling by raft and yet thirsty. ဖောင်ဆီးရင်း ရေငတ်။

Trust a slave you lose an eye; trust your children you lose both.
ကျွန်ယုံတော့ တစ်လုံးကန်း၊ သားသမီးယုံတော့ စုံလုံးကန်း။

Until timber is available, use bamboo as a girder.သစ်မရခင် ၀ါးကူ။

A village ox does not feed on village grass. ရွာနားကမြက် ရွာနွားမစား။

Water falling into sand. သဲထဲ ရေသွန်။

Wax will show the quality of gold. ရွှေအကြောင်း ဖယောင်းသက်သေတည်။

When an elephant shrinks it's still a buffalo. ဆင်ပိန်တော့ ကျွဲ။

When diamonds are being sold, the tobacco-stalk merchant is in the way.
စိန်ကောင်းကျောက်ကောင်း ရောင်းနေသည့် အခါ၌ ဆေးရိုးသည်က ကန့်လန့်ကန့်လန့်..

When I work for my living the rains are suffer from drought., when I steal for my living the dogs bark.
လုပ်စားတော့ မိုးခေါင်၊ ခိုးစားတော့ ခွေးဟောင်။

When in agony a mother will even deny being related to her son.
ကိုယ်မချိ အမိသော်လည်း သားတော်ခဲ။

When the disease is not known there is no remedy. အနာမသိ ဆေးမရှိ။

When your strength is not sufficient, humble yourself. အားမတန် မာန်လျှော့။

Where there is a question, there must be an answer. အမေးရှိလျှင် အဖြေရှိရမည်။

While being troubled by snakes, he is harassed by centipedes. မြွေပူရာ ကင်းမှောင့်။

The whole boat is putrid because of a single carp. ငါးခုံးမတစ်ကောင်ကြောင့် တစ်လှေလုံးပုပ်။

A woman's modesty cannot be bought with gold. မိန်းမတို့အိန္ဒြ ရွှေပေး၍မရ။

You will face a hundred problems in your lifetime though you may not live that long.
အသက်တစ်ရာမနေရသော်လည်း အမှုတစ်ရာတွေ့ရ။

မြန်မာ-အင်္ဂလိပ်(စကားပုံများ)ဧဒင်ဘာသာပြန်အဖွဲ့မှ
ကူးယူဖော်ပြသည်

မြင်သူမိုး...

မူရင်း သုတစုံလင် ကမ္ဘာတခွင် 

Read More

ဒီရင်နားပါအရိုင်းလိပ်ပြာ..(၄၃)

စားသောက်နေရင်းကဦးဇော်ခင်ကအသားဘူးကိုကိုင်ကာထလာသည်..ကျနော့်မျက်နှာရှေ့ဝှေ့ယမ်းပြပြီးမခံချင်အောင်လုပ်နေသည်..
-
အလကားအသားအနာခံနေတယ်မောင်နေဇော်ဦးရယ်..မင်းငါလိုချင်တာပေးလိုက်ရင်အေးအေးဆေးဆေးထွက်သွားလို့ရတာကို..
-
ခင်ဗျားကိုဒေါ်မူယာခင်နဲ့ပြန်တိုင်မှာမကြောက်ဘူးလား..
-
ဒီမှာမောင်ရင်..ရတီပွင့်ကဘာမှပြန်မပြောတတ်ဘူးကွ..ဘယ်မှာလဲသက်သေ..မင်းမှာတခြားသက်သေမရှိဘူး..ငါကလည်းတောထဲမလာခင်ကတည်းကရတနာတွေရရင်သွားဖို့လမ်းကြောင်းလုပ်ထားပြီးသား..အမကလည်းဒီရတနာထုပ်ကိုမမက်နေဘူး..သူ့သမီးရှိရင်ပြီးရော..မင်းခေါင်းမာနေတာဆိုးတာကွ..မင်းသာထုတ်ပေးလိုက်ရင်ကိစ္စကပြီးပြီ..ငါ့အမကအကြောင်းစုံမင်းပြန်ပြောတောင်တဦးတည်းသောသူ့မောင်ငါ့ကိုစိတ်ဆိုးတာကလွဲပြီးတရားစွဲမှာမဟုတ်ဘူး..ငါကလည်းသူ့သမီးငါ့တူမကိုတော့နာအောင်မလုပ်ပါဘူး..တကယ်ဆိုငါရမယ့်အမွေတွေလည်းမင်းကြောင့်ဆုံးရှုံးရပြီ..ဒီရတနာတွေတော့ငါရသင့်တာပေါ့ကွာ..
-
ကျုပ်မသိပါဘူးဆိုဗျာ..သိရင်တောင်ခင်ဗျားလိုလူမျိုးကိုပေးမှာမဟုတ်ဘူး...
-
အေးလေ..မင်းဘယ်လောက်အငတ်ခံနိုင်မလဲကြည့်ရတာပေါ့ကွာ..
-

ဦးဇော်ခင်ကစားသောက်ပြီးသူ့ကျောပိုးအိတ်ပေါ်မှီကာလှဲနေသည်..တောထဲမှာမို့မှောင်တာမြန်သည်..ဦးဇော်ခင်တပည့်ကမီးဖိုအောက်ကိုဓါးနဲ့တူးနေသည်..ထွက်လာသောအရာကိုသူ့ဂျာကင်ထဲထဲ့လိုက်သည်..ကျနော့်စိတ်ထဲမသင်္ကာ..ရတနာတွေကိုဒီလူတွေ့ထားပြီးသားလား..သူရထားပြီးဦးဇော်ခင်မသိအောင်ကျိတ်ဖွက်ထားပုံရသည်..

ဒီလူကနောက်အဖော်တယောက်ကိုခေါ်ပြီးလေယာဉ်ပျက်ရှိရာအတွင်းပိုင်းကိုဝင်သွားသည်..ဦးဇော်ခင်တို့ကအရိုးစုတွေနားမနေချင်လို့ဖြစ်မည်..ဂူအ၀နှင့်မနီးမဝေးမှာနေရာယူစခန်းချသည်..လေယာဉ်ပျက်ရှိရာအတွင်းပိုင်းကမှောင်နေသည်..ခဏအကြာထိုလူနှစ်ယောက်စိတ်ကျေနပ်အားရဟန်ဖြင့်ဝင်လာသည်..လေယာဉ်ပျက်ကိုရှာရင်းရတနာတွေတွေ့ထားတာကိုဦးဇော်ခင်မသိအောင်ဘတ်ထားတာဖြစ်ဖို့များသည်..

ညကအေးလာသည်..စိတ်ထဲမှာအပြင်ဘက်တနေရာကတစုံတယောက်ကကြည့်နေသလိုခံစားနေရသည်..ကျနော်တို့ကိုမီးပုံနဲ့ဝေးပြီးထားတာကြောင့်ခြင်ကကိုက်..ဗိုက်ကဆာ..ရေငတ်ပြီးချမ်းလာသည်..ကံကောင်းတာကကျနော့်ဘေးလွယ်အိတ်ကိုလက်ပြန်ကြိုးတုတ်စဉ်ကမဖြုတ်ဘဲလက်ကိုဆွဲပြီးတုတ်ထားလို့..ကျနော်ကဘေးလွယ်အိတ်ကိုစလွယ်သိုင်းလွယ်ထားတာလေ..

လွယ်အိတ်ကိုအနောက်ဘက်ရောက်ဖို့ကျနော်ကိုယ်ကိုတွန့်ပြီးကြိုးစားရွှေ့နေသည်..တကိုယ်လုံးနာကျင်ကိုက်ခဲနေသည်..ဦးဇော်ခင်တပည့်တွေကမီးပုံဘေးထိုင်နေရာကလှမ်းကြည့်တာမို့သိပ်သိသိသာသာလည်းကိုယ်ကိုမလှုပ်ရဲ..အတော်ကြာကြာခက်ခက်ခဲခဲကြိုးစားလိုက်မှလွယ်အိတ်ကအနောက်ဘက်ရောက်လာသည်..လွယ်အိတ်အဖုံးကိုလက်နဲ့စမ်းပြီးဖွင့်သည်..လက်နောက်ပြန်နှင့်ဖွင့်ရတာသိပ်တော့မလွယ်..အက်ရှင်ကားတွေထဲကဇာတ်လိုက်မင်းသားတွေကျတော့လည်းဒီလိုလုပ်တာအလွယ်သား..ကိုယ်တိုင်တကယ်လိုက်လုပ်ကြည့်မှအတော့်ကိုခက်တာသိရသည်..

ရှာရှည်ပြီးသေချာအဖုံးပိတ်ထားမိတော့အခုခလုတ်ကိုလက်နဲ့ဖိပြီးတွန်းထုတ်ရတာလေးကိုဘဲအတော်ခဲယဉ်းစွာလုပ်နေရသည်..ခလုတ်ဖွင့်ရတာချွေးတဒီးဒီးကျပြီးမှရသွားသည်..အင်း..ဇစ်ကျန်သေးသည်..လက်ကောက်ဝတ်နှစ်ဘက်ကိုတင်းကျပ်စွာတုတ်နှောင်ထားတာမို့လက်ချောင်းများကိုလိုသလိုလှုပ်ရှားမရဖြစ်နေသည်..အဖုံးတော့ပွင့်ပြီ..ဇစ်ဖွင့်ရဦးမည်..အထပ်ထပ်ပိတ်မိသောကိုယ့်ကိုယ်ကိုကျိန်ဆဲနေမိတော့သည်..

ရတီပွင့်လေးကတော့ကျနော့်မျက်နှာကိုသာအားကိုးတကြီးကြည့်နေရှာသည်..အချိန်ယူကြိုးစားနေရင်းနဲ့မှဇစ်ကပွင့်သွားသည်..မီးပုံနားတွင်ဦးဇော်ခင်တပည့်တယောက်သာကင်းစောင့်ရင်းကျန်နေသည်..ကျန်နှစ်ယောက်ကတော့ကျောပိုးအိတ်တွေကိုမှီပြီးအိပ်နေကြပြီ..ကျနော်အိတ်ထဲကဓါးမြှောင်ကိုစမ်းပြီးဓါးအိမ်ထဲကဆွဲထုတ်ဖို့ကြိုးစားသည်...ဓါးကိုဆွဲထုတ်နိုင်ပြီးကြိုးကိုလှီးတော့ဘယ်လိုမှအဆင်မပြေ..အားလည်းစိုက်မရ..ကျနော်ကဗန်ဒိန်းလည်းမဟုတ်တော့ဒီလိုလုပ်တာကိုရုပ်ရှင်ထဲသာမြင်ဖူးပြီးဘယ်လိုမှလုပ်မရ..

အရေးထဲလက်ထဲကဓါးကလွတ်ကျသွားသည်..ကျနော်စိတ်ပျက်အားလျော့လာသည်..ဘာမှအဖြစ်မရှိသည့်ကိုယ့်ကိုယ်ကိုအားမလိုအားမရဖြစ်လာသည်..မြို့ပေါ်မှာကျော့ကျော့လေးနေလာစားလာရတာကိုအဟုတ်ကြီးထင်မှတ်ခဲ့သမျှအခုတော့ကျနော်ဘာမှမဟုတ်တော့..ဦးဇော်ခင်တပည့်ကတော့မီးပုံဘေးမှာငိုက်နေပြီ..ကျနော်ရတီပွင့်ကိုအနားလာဖို့မျက်နှာအမူအယာနှင့်ပြလိုက်သည်..သူမနဲ့ကျနော်က၃ပေလောက်ကွာတာကိုး..

ရတီပွင့်ဖင်တရွှေ့ရွှေ့နဲ့ကျနော့်နားတိုးလာသည်..ကျနော်အနောက်ကဓါးကိုစမ်းပြီးကောက်လိုက်သည်..သူမကိုကြိုးဖြတ်ပေးနိုင်လောက်အောင်တော့ကျနော်မစွမ်းပါ..သူ့ကိုသာကျောခိုင်းပြီးဓါးကိုပေးလိုက်သည်..ရတီပွင့်ကကျနော့်လက်ကောက်ဝတ်ကကြိုးကိုအားစိုက်ပြီးကြိတ်လှီးပေးရှာပါသည်..ကျနော့်လက်လည်းဓါးထိတာပေါ့ခင်ဗျာ..မတတ်နိုင်အနာခံရတော့သည်..တချောင်းစပြတ်တော့လက်ကလျော့သွားတာမို့လက်နှစ်ဘက်ကိုရုန်းရင်းပြေလျော့သွားသည်..မီးပုံဆီလှမ်းကြည့်တော့ဦးဇော်ခင်တပည့်လည်းထိုင်ရက်ငိုက်နေသည်..

ကျနော်လည်းရတီပွင့်လက်ကကြိုးကိုပြန်ဖြတ်ပေးရသည်..ရတီပွင့်လက်ကကြိုးပြတ်ချိန်တွင်...
--------------------------------By KK

Read More

ဘဝအတွက် စိတ်ထားတတ်ဖို့ရာ

တစ်ခါက ကုမ္ပဏီတစ်ခုမှာ အလုပ်လာလျှောက်သူတစ်ဦးဟာ ၀ရန်တာမှာကျနေတဲ့ အမှိုက်တစ်စကို
ကောက်ပြီး အမှိုက်ပုံးထဲ ထည့်ခဲ့တယ်။ ဒါကို အနားကဖြတ်သွားတဲ့ အရာရှိက
တွေ့သွားပြီး သူ့ကို အလုပ်ခန့်လိုက်တယ်။ တစ်ခြားသူ သတိထားနှစ်သက်ဖို့ရာ
လွယ်ပါတယ်။ ကောင်းတဲ့အကျင့်ကို မွေးမြူတတ်ဖို့ပဲ လိုတယ်။

ကလေးတစ်ယောက်က အမေကို “မေမေ ဒီနေ့အရမ်းလှတာပဲ” လို့ပြောတော့ အမေက
“ဘာဖြစ်လို့လဲ” လို့ ပြန်မေးခဲ့တယ်။ “မေမေ ဒီနေ့စိတ်မတိုလို့” လို့ ကလေးက
ပြန်ဖြေခဲ့တယ်။ လှပဖို့ရာ လွယ်ပါတယ်။ စိတ်မတို၊ စိတ်မဆိုး၊ ဒေါသမထွက်ဖို့ပဲလိုတယ်။

အမြဲတမ်း မီးတွေနဲ့ထိန်လင်းနေတဲ့ ဆိုင်တစ်ဆိုင်ရဲ့ သူဌေးကို လူတစ်ယောက်က
“ခင်ဗျားဆိုင်က အမြဲထိန်လင်းနေတာပဲ.. ဘာတံဆိပ် မီးချောင်းတွေများ သုံးသလဲ”
လို့မေးတော့ သူဌေးက “ဒီမီးချောင်းတွေ ခဏခဏပျက်ပါတယ်။ တစ်လုံးပျက်ရင်
တစ်ခုလှဲလိုက်လို့ ခုလိုလင်းနေတာပါ” ပြန်ဖြေခဲ့တယ်။ အမြဲတမ်း
ကြည်လင်နေဖို့ဆိုတာ လွယ်ပါတယ်။ မကောင်းတဲ့ အတွေးအခေါ်ဟောင်းတွေကို လှဲပေးဖို့ပဲလိုတယ်။

ကြက်ကလေးတစ်ကောင်ဟာ ဥက ပေါက်ပေါက်ချင်း အနားကဖြတ်သွားတဲ့ လိပ်တစ်ကောင်ကို
တွေ့မိခဲ့တယ်။ အဲဒီနောက် ကြက်ကလေးဟာ ကြီးပြင်းလာတဲ့အထိ ကျောမှာ ဥခွံကိုပဲ
ပိုးထားတော့တယ်။ ကြီးလေးတဲ့ အတ္တတွေကို ခွါချပစ်လိုက်ဖို့ရာ လွယ်ပါတယ်။
ခေါင်းမာတဲ့၊ တစ်ကိုယ်ကောင်းဆန်တဲ့ စိတ်တွေကို စွန့်ပစ်ဖို့ပဲလိုတယ်။

ရွှေရှာတဲ့အဖွဲ့တစ်ဖွဲ့ဟာ သဲကန္တာရတစ်ခုကို ခက်ခဲပင်ပန်းစွာ ဖြတ်ကျော်ကြရတယ်။
ဒါပေမယ့် အဖွဲ့ထဲက လူတစ်ယောက်က မပင်မပန်းဘဲ ပျော်ရွှင်နေတာကိုတွေ့တော့ လူတွေက
သူ့ကို “ကျွန်တော်တို့ ပင်ပန်းလို့သေတော့မယ်။ ခင်ဗျားကြည့်ရတာ ပင်ပန်းပုံလဲ
မရဘူး” လို့ မေးတော့ “ကျွန်တော်လွယ်ပိုးထားတဲ့ ပစ္စည်းတွေ နည်းလို့ပါ” လို့ သူက
ပြန်ဖြေခဲ့တယ်။ ပျော်ရွှင်ဖို့ရာ လွယ်ပါတယ်။ လောဘနည်း၊
လိုချင်တပ်မက်မှုနည်းဖို့ပဲ လိုတယ်။

လူ့ဘ၀မှာလည်း နေပျော်ဖို့ရာ လွယ်ပါတယ်။ တန်ဖိုးထားတတ်၊ ကိုယ်ချင်းစာတတ်၊
ကရုဏာထားတတ်၊ ကူညီတတ်၊ ကျေးဇူးသိတတ်၊ တင်းတိမ်ရောင့်ရဲတတ်၊ ချစ်ခင်တတ်ဖို့ပဲ
လိုတယ်။

Read More

ဒီရင်နားပါအရိုင်းလိပ်ပြာ..(၄၂)

ဦးဇော်ခင်ကပြောရင်းအတော်မောသွားဟန်ဖြင့်ရေဘူးကိုမော့သောက်နေသည်..ကျနော်ခုမှဇာတ်ရည်လည်တော့သည်..သူ့အကြောင်းတွေအခုလိုထုတ်ပြောတာအကောင်းတော့မဖြစ်နိုင်..ကျနော်ပြန်ပြောမည်ကိုကြောက်စရာမလိုအောင်သူစီစဉ်ပြီးပုံရသည်..ရတီပွင့်ကတော့သူ့ဦးလေးပြောနေတာတွေနားလည်ဟန်မတူ..သူကလူစကားကိုသိပ်မရေလည်သေးဘူးမဟုတ်လား..ကျနော်ကတော့တစုံတခုကိုတွေးမိပြီးလှုပ်ရှားဖို့ပြင်လိုက်ပေမယ့်နောက်ကျသွားပြီ..

ကျနော့်ဘေးတွင်ဦးဇော်ခင်တပည့်ကသေနတ်နှင့်ချိန်ထားသည်..ကျနော်နောက်ကျသွားပြီ..ကြိုတင်စီစဉ်လာဟန်တူသောကြိုးဖြင့်ကျနော်နဲ့ရတီပွင့်ကိုလက်နောက်ပြန်ကြိုးတုတ်လိုက်သည်..
-
ကဲ..မောင်နေဇော်ဦး..မင်းသာရတီပွင့်လေးကိုပြန်ခေါ်မလာရင်ငါ့ဘ၀ကြီးကအေးချမ်းနေတာကွာ..အမချမ်းသာသမျှကငါဘဲအမွေခံရှိတာ..ငါ့မိသားစုဘဲကောင်းစားမှာ..အခုတော့မင်းကငါ့တူမကိုပြန်ခေါ်လာပြီ..ထားလိုက်ပါတော့..သူလည်းငါတို့သွေးသားပါဘဲ..
-
ခင်ဗျားလိုလူမျိုးကရတီပွင့်နဲ့အမျိုးတော်ဖို့တောင်မတန်ဘူးဗျ..
-
ဒါကမင်းပြောစရာမလိုဘူး..တန်လို့အမျိုးတော်နေပြီ..ငါလည်းလူမသတ်ချင်ဘူး..ဒီတော့ရတနာတွေဘယ်မှာလဲဆိုတာငါ့ကိုပြော..ဒီလေယာဉ်ပျက်ကိုမင်းအရင်ဆုံးတွေ့တာ..မင်းဘဲယူမယ့်သူရှိတယ်
-
ကျနော်မယူဘူးဗျ..ကျနော်စတွေ့ကတည်းကဒီအတိုင်းဘဲ..မျောက်တွေယူဆော့ကုန်တာဖြစ်မှာပေါ့
-
ဟေ့ကောင်..မျောက်တွေသာလေယာဉ်ပျက်ထဲဝင်ဆော့ရင်အရိုးစုတွေဒီလိုမနေဘူး..မျောက်တွေလာမကိုင်တာသေချာတယ်..မင်းကိုကောင်းကောင်းမေးတာဖြေသင့်တယ်..ငါကရတနာတွေရရင်မင်းတို့ကိုမသတ်ပါဘူး..ငါလူမသတ်ချင်ဘူး..ရတနာတွေယူပြီးငါလည်းဇာတ်မြုပ်မယ်..မင်းလည်းငါ့တူမကိုရမှာဘဲ..သူဌေးသမက်ဖြစ်လာရင်ဒီရတနာထုပ်ကဘာမှမဟုတ်တော့ပါဘူး..ဒီတော့ငါ့ကိုရတနာတွေပေး..မင်းတို့လည်းလွတ်လပ်တာပေါ့..
-
ခင်ဗျားလိုလူကကျေးဇူးရှင်တောင်းကျေးစွပ်တဲ့လူမျိုး..ဘာမှယုံစရာမရှိဘူး..ပြီးတော့ကျုပ်ဆီမှာလည်းမရှိဘူး..ဘာရတနာမှကျုပ်မတွေ့ဘူး..
-
အေးလေ..ကောင်းကောင်းမေးလို့မှမဖြေရင်အကြမ်းနည်းလာမှာပေါ့ကွာ..ဟေ့ကောင်တွေ..နည်းနည်းပါးပါးအမြည်းလေးကျွေးလိုက်စမ်းကွာ..လက်မလွန်စေနဲ့နော်..
-
ဦးဇော်ခင်တပည့်သုံးယောက်ကျနော့်ကိုလက်ဝှေ့အိတ်အလားအမှတ်ထားပြီးလက်သီးထိုးကျင့်ကြတော့သည်..ပြင်းထန်သောလက်သီးချက်တို့နဲ့အတူနားထဲကလေများထွက်ပြီးမျက်လုံးထဲကြယ်ရောင်စုံများလင်းလက်ကုန်သည်..စားထားသည့်အစာများဝေါ့ကနည်းအန်ထွက်လာသည်..ရတီပွင့်အော်သံနဲ့ငိုသံကိုကြားနေသည်..ကျနော်သူ့ဘက်လှည့်မကြည့်နိုင်..လူကအားကုန်ပြီးခွေကျသွားသည်..ပုံရက်လဲကျနေသောကျနော့်ကိုခြေထောက်နဲ့ဝိုင်းကန်နေကြသေးသည်..

ဦးဇော်ခင်ဟန့်တားသံကြားမှကန်နေတာရပ်သွားသည်..ကျနော်အသက်ကိုအားစိုက်ရှုနေရသည်..ရတီပွင့်ကိုလှမ်းကြည့်တော့ကျနော့်ကိုကြည့်ပြီးကြောက်လန့်တကြားငိုကြွေးနေသည်..ဦးဇော်ခင်ကရတီပွင့်ကိုတော့ချော့မေးဟန်ရှိသည်..အသင့်ဆောင်လာသောကျောက်ရောင်စုံလေးများပြပြီးမေးနေသည်..ရတီပွင့်ကခေါင်းကိုတွင်တွင်ခါနေသည်..ထိတ်လန့်နေဟန်တူသည်..

ရတီပွင့်သိသည်..ဦးဇော်ခင်ဘာကိုလိုချင်မှန်းသဘောပေါက်သည်..ခက်တာကသူမငယ်ငယ်ကထိုအရာတွေကိုဆော့ကစားရင်းဖွက်ထားခဲ့သည်..မျောက်ဝံတွေယူဆော့မှာစိုးပြီးသိမ်းဆည်းဖွက်လိုက်တာအချိန်တွေကြာသွားပြီ..မမှတ်မိတော့..ဘယ်နေရာမှာသူမသိမ်းမိမှန်းမေ့သွားပြီဖြစ်သည်..ကိုကို့ကိုလူတွေဝိုင်းရိုက်နေတာမြင်တော့ကြောက်လာသည်..သူမကိုလည်းအဲ့လိုရိုက်မှာလားတွေးမိသည်..အိမ်မှာပြုံးရွှင်နေသောဦးလေးလုပ်သူသည်တောထဲရောက်လာတော့ညပိုင်းအမဲလိုက်ထွက်လာသည့်ခွေးအတွေနဲ့တူလာသည်..

ခွေးအတွေကအုပ်စုနဲ့မှမိုက်သည်..အကျင့်ကမကောင်း..အော်သံကိုကအလွန်မုန်းစရာကောင်းသည်..အခုဦးလေးလုပ်သူကလည်းဒီတောထဲကခွေးအတွေနဲ့ဘာမှမထူးဘူးလေ..ဦးဇော်ခင်ကတော့သူသိချင်တာမေးမရတော့စိတ်တိုလာသည်..ဒီနှစ်ယောက်ကိုကြံ့ကြံ့မခံနိုင်အောင်လုပ်ရမည်..ဒင်းတို့ဘယ်လောက်တောင့်ခံနိုင်မလဲကြည့်တာပေါ့..
-
ဟေ့ကောင်တွေ..သူတို့ကိုအစာလည်းမကျွေးနဲ့..ရေလည်းမတိုက်နဲ့..ဘယ်လောက်တင်းခံနိုင်မလဲကြည့်သေးတာပေါ့ကွာ..
-
ဦးဇော်ခင်တို့ကတော့ညနေစာချက်ပြုတ်ပြီးစားသောက်နေကြသည်..ဘွန်းဘွန်းကိုသေနတ်ဖြင့်ပစ်သောဦးဇော်ခင်တပည့်ကမီးဖိုအောက်ကိုတူးကာတစုံတရာထဲ့နေသည်..သူ့ကိုယ်နဲ့ကွယ်နေတော့ကျနော်လည်းမမြင်ရ..ပြီးတော့မှမီးဖိုပြီးထမင်းချက်သည်..ထမင်းဟင်းအနံ့များက၀မ်းဟာနေသောကျနော်နှင့်ရတီပွင့်ကိုဆာလောင်လာစေသည်..တမင်ကျနော်တို့ရှေ့မှာအားပါးတရစားပြနေသည်..ကိုယ်မသိတာကိုလာမေးပြီးနှိပ်စက်ခံရတာလောက်အသဲနာတာမရှိ..
-----------------------------------By KK
ဆက်ရန်

Read More

ဒီရင်နားပါအရိုင်းလိပ်ပြာ..(၄၁)

ဇော်ခင်စဉ်းစားသည်..သည်အတိုင်းကတော့ဖြည်းဖြည်းနဲ့မှန်မှန်သာတက်လမ်းရှိသည်..အလွန်ဆုံးရတနာဆိုင်တာဝန်ခံပေါ့..ချမ်းသာဖို့လမ်းမမြင်..ဒီရတနာတွေရဲ့တ၀က်ရရင်တောင်ချမ်းသာပြီ..ဟုတ်တယ်..တ၀က်ရတောင်ချမ်းသာနိုင်တာဘဲ..လောဘစိတ်ကြောင့်ခေါင်းထဲမှာမကြံကောင်းမစည်ရာတွေတွေးမိလာသည်..

အတွေးနဲ့အတူကိုကျင်ဝှက်ကိုသွားတွေ့ဖို့လှမ်းထွက်လာခဲ့သည်..ကိုကျင်ဝှက်နဲ့တွေ့တော့လူရှင်းသောစားသောက်ဆိုင်တခု၏သီးသန့်ခန်းမှာအရက်သောက်ရင်းညနေစာစားသည်..ကိုကျင်ဝှက်ကိုယုံရပါ့မလား..တချိန်ကတော့သေအတူရှင်မကွာတွင်းသားတွေဘ၀နဲ့တူတူနေဖူးသူ..
-
ကိုကျင်ဝှက်..ကျနော်ခင်ဗျားကိုပြောစရာရှိတယ်ဗျ..ခင်ဗျားမချမ်းသာချင်ဘူးလား..
-
မချမ်းသာချင်တဲ့ကောင်ဘယ်မှာရှိမတုန်းငါ့ကောင်ရာ..အခြေအနေအရပေါ့..
-
ကျနော့်မှာအကြံရှိတယ်ဗျ..အောင်မြင်ရင်တော့တယောက်တ၀က်နော်..
-
ချမ်းသာမယ့်အကြံဆိုပြောစမ်းကွာ..စိတ်ချ..ကျင်ဝှက်လိုကောင်ကလူကသာဘာမှမဟုတ်တာ..စကားတော့တည်ပါတယ်ကွ..
-
ခင်ဗျားအကြောင်းကျနော်သိပါတယ်ဗျာ..ဒီလိုဗျ..ကျနော့်ယောက်ဖအခုခင်ဗျားတရုတ်ကြီးဆီသွားတွေ့မှာရတနာတွေမနည်းဘူးဗျ..သယ်သွားမှာ..ခေါင်တွေချည်းဘဲ..
-
ငါ့သူဌေးတော့ကြိုက်မှာဘဲကွ..
-
ခင်ဗျားသူဌေးကြိုက်မကြိုက်ထက်ကျနော်တော့အရမ်းကြိုက်နေပြီ..ဒီလိုဗျာ..ကျနော့်ယောက်ဖဆီကဓါးပြတိုက်ရအောင်..
-
ဟာ..မင်းအတော်ကြောက်ဖို့ကောင်းတာဘဲ..ငါလူမသတ်ချင်ဘူးကွ..ရာဇ၀တ်မှုနော်..
-
ဟာ..ချမ်းသာသွားရင်အားလုံးငွေနဲ့ဖုံးပြီးဘ၀သစ်စလို့ရတယ်ဗျ..ပြီးတော့လူမသတ်ရပါဘူး..အခုခင်ဗျားသယ်လာတဲ့သေနတ်ကိုလေဆိပ်ဝန်ထမ်းနဲ့ပေါင်းပြီးလေယာဉ်ပေါ်ကြိုတင်နိုင်အောင်လုပ်ပေးမယ်..သူ့လေယာဉ်ကိုသွားစစ်ဆေးသလိုနဲ့ကျနော်သွားလို့ရတယ်..ခင်ဗျားကကျနော်ပြောတဲ့အတိုင်းလုပ်ရုံဘဲ..သူ့အသက်ထက်ဘာမှပိုအရေးမကြီးဘူးဆိုတာဒီလူသဘောပေါက်ပါတယ်..ရတနာတွေရရင်လစ်ဗျာ..ကျနော်နဲ့ပြန်ဆုံမယ်..တ၀က်စီပေါ့..ပြီးရင်ခင်ဗျားလည်းဇာတ်မြုပ်လိုက်တော့..ကျနော်လည်းဟန်မပျက်နေပြီးလစ်မယ်..
-
မင်းပြောတော့လည်းအဟုတ်သားကွ..ပြောစမ်းပါဦးမင်းအကြံကို..အသေးစိတ်သိရအောင်..
-
@#$%&&((&((^%$#@!%^%$#@!^%@#!
-
ဇော်ခင်တယောက်ကိုကျင်ဝှက်နဲ့အသေးစိတ်တိုင်ပင်ပြီးအိမ်ကိုပြန်လာသည်..ယောက်ဖဖြစ်သူကိုလည်းခရီးစဉ်အတွက်အချိန်နေရာတို့ကိုအကြောင်းကြားရသည်..လူကအကြံအစည်ရှိသူမို့စိတ်ကစောနေသည်..အနေအစားတွေပင်မမှန်ဘဲစိတ်လှုပ်ရှားနေတာမို့ဇနီးသည်ကတောင်နေမကောင်းဘူးလားမေးနေတော့သည်..

ဒီကြားထဲမမျှော်လင့်သောအကြောင်းအရာကပေါ်လာသည်..တူမလေးကသူ့အဖေနဲ့လိုက်မည်တဲ့..သူစိတ်ပူသွားသည်..အမလုပ်သူကိုကလေးကိုထဲ့မပေးဖို့ပြောကြည့်ပေမယ့်ယောက်ဖကခေါ်သွားမည်ဆိုတော့ဘာမှမတတ်နိုင်..အေးလေ..ဘာမှတော့မဖြစ်လောက်ပါဘူး..သေနတ်မြင်ရင်ရတနာသေတ္တာထုတ်ပေးမှာသေချာသည်..လူတိုင်းကိုယ့်အသက်ကိုပိုချစ်တာမဟုတ်လား..အစီအစဉ်အတိုင်းဖြစ်ရင်သူလည်းဟန်မပျက်ဘဲချမ်းသာသွားနိုင်သည်..ယောက်ဖနဲ့တူမလေးလည်းဘာမှတော့ဖြစ်မှာမဟုတ်..ယောက်ဖကိုလည်းပညာပေးပြီးသားဖြစ်တာပေါ့..

လေယာဉ်ထွက်သွားတော့သူရင်ခုန်နေသည်..စိတ်လှုပ်ရှားစွာဖြင့်သတင်းကိုစောင့်မျှော်သည်..ရောက်လာသည့်သတင်းကသူမမျှော်လင့်ထားသောသတင်း..လေယာဉ်ပျောက်ဆုံးသွားသည်..ပျက်ကျသွားသည်ဟုယူဆရသည်တဲ့..အရုပ်ကြိုးပြတ်ဖြစ်သွားသောအမကိုနှစ်သိမ့်ရင်းအမ၏လူယုံနေရာကိုသူယူလိုက်သည်..နောက်ပိုင်းသူ့ဘ၀သည်အတော်ကြီးတိုးတက်သွားသည်..ရတနာတွေကိုမရလိုက်ပေမယ့်အမမှာအမွေပေးစရာလူမရှိဘူးလေ..သို့သော်သူလုံးဝမထင်မှတ်ထားသောအချိန်ကတဆယ့်ငါးနှစ်အကြာမှာရောက်ရှိလာတော့သည်..တခုသောညနေပိုင်းအမကသူ့ဆီဖုန်းဆက်သည်...

ရတီပွင့်ပြန်ရောက်လာပြီတဲ့..
-----------------------------------------By KK
ဆက်ရန်

Read More

ဒီရင်နားပါအရိုင်းလိပ်ပြာ..(၄၀)

ကိုကျင်ဝှက်ကြီး...ခင်ဗျားတယ်သားနားနေပါလား..ခွင်ကောင်းနေတယ်ထင်တယ်..ကျုပ်ကိုလည်းပြောပါဦးဗျ...ဒီမှာညစ်နေတာ
-
ဘာတွေညစ်နေတာတုန်း..ငါကမင်းလည်းမရှိတော့သူဌေးဖြစ်ခွေးဖြစ်ဆက်မလုပ်ချင်တာနဲ့လောပန်နဲ့လိုက်သွားတာ..သူကတရုတ်ပြည်မှာကျောက်စိမ်းအရောင်းအ၀ယ်လုပ်တယ်လေ..ငါကအ၀ယ်တော်ပေါ့..မြန်မာပြည်ထဲမှာပစ္စည်းလာရှာပေးရတာပေါ့ကွာ..မင်းအကြောင်းပြောပါဦး..ဘာဖြစ်နေပြီလဲ..
-
ကျုပ်အကြောင်းကဒီလိုဗျာ..@$^&^&^$@@@%&^&$#
-
မင်းပြောတော့မှငါစိတ်ဝင်စားလာတော့တယ်..မင်းယောက်ဖကကျောက်မျက်ရတနာနဲ့စိန်လုပ်တာနော်..ငါ့သူဌေးနဲ့ဆက်သွယ်ပေးကြည့်ရင်ကောင်းမလား..ကော်မရှင်ရတာပေါ့ကွာ..
-
ကောင်းသားဘဲဗျ..ကျုပ်မိတ်ဆက်ပေးမယ်..ခင်ဗျားဝင်ကြည့်ပေါ့..အလုပ်ဖြစ်နိုင်တယ်..
-
အေးလေကွာ..ကော်မရှင်ရတော့မင်းလည်းမင်္ဂလာစရိတ်ရတာပေါ့..
-
ဇော်ခင်တယောက်ကိုကျင်ဝှက်ကိုယောက်ဖဖြစ်သူဦးထွန်းနိုင်နှင့်မိတ်ဆက်ပေးသည်..ကိုကျင်ဝှက်ကတော့ရတနာအ၀ယ်တော်ပီပီစကားကိုတဖက်လူနားဝင်အောင်ရွှမ်းရွှမ်းဝေပြောတော့သည်..ဦးထွန်းနိုင်ကိုလည်းဖုန်းဖြင့်တရုတ်သူဌေးနှင့်ချိတ်ပေးသည်..ပထမအကြိမ်ဦးထွန်းနိုင်ဆီကအရည်အသွေးကောင်းသောစိန်ငါးလုံးစမ်းဝယ်ကြည့်သည်..

အရောင်းအ၀ယ်ဖြစ်တော့ဇော်ခင်လည်းကော်မရှင်ရသည်..သို့သော်မင်္ဂလာဆောင်အတွက်တော့မလုံလောက်သေး..တရုတ်ကြီးကလည်းစိန်တွေအရည်အသွေးကိုကြိုက်သည်..ဒုတိယတကြိမ်တရုတ်ကြီး၏ဒုတိယချစ်မယားအတွက်ပတ္တမြားတဆင်စာမှာပြန်သည်..ဒီတခါလည်းမြိုးမြိုးမြက်မြက်လေးကော်မရှင်ရတာမို့ဇော်ခင်တယောက်မယုဝေကိုတင်တောင်းပြီးမင်္ဂလာဆောင်နိုင်သွားသည်..

မင်္ဂလာဆောင်ပြီးတအိုးတအိမ်ဖြစ်လာတော့လိုအင်တွေကများလာသည်..ငွေကလိုပြီးရင်းထပ်ထပ်လိုနေပြီ..မယားကိုလည်းတင့်တင့်တယ်တယ်ထားချင်လာတာကြောင့်ငွေပိုရမည့်အခွင့်အလမ်းကိုမျှော်နေရသည်..မျှော်တုန်းမျှော်ဆဲသူလည်းရောက်လာဆိုသလိုကိုကျင်ဝှက်လည်းရောက်လာသည်..နယ်စပ်ကလက်နက်ဝယ်ရလွယ်တာမို့သူမှာလိုက်သောသေနတ်လည်းပါလာသည်..

သေနတ်ကငါးလက်..ကြိုက်တာတလက်ရွေးယူ..ကျန်တာတော့ပြန်ယူသွားမည်တဲ့..သူ့စိတ်ကြိုက်တလက်ရွေးသည်..ကိုကျင်ဝှက်ကကျန်တာတွေသူ့ဆီမှာခဏသိမ်းထားပေးဖို့ပြောသည်..၀ယ်လက်ထပ်ရှာပြီးမှလာယူမည်ပြောသည်..အခုတခေါက်တရုတ်ကြီးကရတနာတော်တော်များများဝယ်ချင်သည်ပြောသည်..မြိုးမြိုးမြက်မြက်ရဦးမှာဆိုတော့ဇော်ခင်ပျော်တာပေါ့..

အခုတခေါက်ကတော့တာချီလိတ်ဘက်ထိတရုတ်ကြီးကလာပြီးတွေ့မည်..ရတနာတွေကိုသူကိုယ်တိုင်စိတ်တိုင်းကျရွေးဝယ်မည်ဆိုသည်..ဒါကြောင့်သူယောက်ဖဖြစ်သူဦးထွန်းနိုင်ကိုအကြောင်းကြားရန်ထွက်လာလိုက်သည်..အမအိမ်ရောက်တော့ယောက်ဖဦးထွန်းနိုင်ကိုအကျိုးအကြောင်းပြောပြလိုက်သည်...ဦးထွန်းနိုင်အတော်ပျော်သွားပုံရပြီးသဘောကျစွာရယ်နေသည်..
-
ကောင်းတယ်ဇော်ခင်ရေ..တရုတ်ကြီးကတော့ပစ္စည်းတွေကိုအရမ်းကြိုက်နေပုံရတယ်..ဒီတခါတော့အကောင်းဆုံးတွေရွေးယူသွားမှဘဲ..ဒါမှစိတ်တိုင်းကျသူရွေးလို့ရမှာ..ဆုံမယ့်နေ့နဲ့အချိန်၊နေရာကိုသူ့လူယုံနဲ့မင်းတိုင်ပင်ပြီးသတ်မှတ်လိုက်ကွာ..မင်းကိုလည်းဆုချရမယ်..မင်းခေါ်လာတဲ့လူကအလုပ်တော့ဖြစ်သားကွ..
-
ကျနော်နဲ့ကမှော်မှာလုပ်တုန်းကသိတာအကိုကြီးရ..ကျနော်ထွက်လာတော့သူကလောပန်နဲ့လိုက်သွားတာလေ..
-
အေးကွ..လုပ်တတ်ကိုင်တတ်ရှိပုံဘဲ..ပစ္စည်းကောင်းတွေရှိနေတာနဲ့အတော်ဘဲ..မူလေးရေ..ခုနကိုကိုအခန်းထဲမှာကြည့်နေတဲ့ဘူးယူလာပါကွာ..မင်းမောင်ကိုပြရအောင်..
-
ပစ္စည်းသစ်တွေရောက်တာလားအကိုကြီး..
-
အဟောင်းရောအသစ်ပါဘဲကွာ..မူလေး..လာထိုင်လေ...ဒီမှာဇော်ခင်ရ..မလှဘူးလား..
-
ဦးထွန်းနိုင်ကသာရေသေတ္တာသေးသေးလေးထဲမှကတ္တီပါအိတ်ကိုထုတ်ပြီးသူ့ကိုသွန်ပြလိုက်သည်..စိန်နဲ့ကျောက်မျက်မျိုးစုံကိုဖန်ဘူးလေးတွေနဲ့ထဲ့ထားတာထွက်ကျလာသည်..တဘူးချင်းဖွင့်ကြည့်တော့ကောင်းလိုက်တဲ့ရတနာတွေ..အရောင်တဖျတ်ဖျတ်နှင့်မျက်လုံးမခွာနိုင်အောင်ညှို့ယူနေကြသည်..ဇော်ခင့်ရင်ဘတ်ထဲတွင်ကတုန်ကရီဖြစ်လာသည်..နှလုံးခုန်သံပင်မမှန်ချင်တော့..လိုချင်လိုက်တာ..ချစ်ဇနီးကိုလည်းဆင်ပေးချင်မိသည်..ဦးထွန်းနိုင်ကပြာလဲ့သောနီလာတလုံးကိုထုတ်ယူလိုက်ပြီးဇော်ခင့်ကိုလှမ်းပေးလိုက်သည်..ကြိုးပေါ်နေသောနီလာလုံးချောကအရည်လည်နေသည်..
-
မင်းမိန်းမကိုဆွဲကြိုးလုပ်ပေးလိုက်ကွာ..ဈေးတော့မနည်းဘူးဇော်ခင်ရ..ငါကမင်းကိုကော်မရှင်ကြိုပေးတာပေါ့ကွာ..ရောင်းကောင်းလာရင်လည်းထပ်ပေးဦးမယ်..
-
ကျေးဇူးတင်ပါတယ်အကိုကြီး..
-
အိမ်အပြန်လမ်းတလျှောက်ဇော်ခင့်မျက်လုံးထဲတွင်ရတနာတွေကိုသာမြင်ယောင်နေသည်..ဖြိုးဖြိုးဖျတ်ဖျတ်လင်းလက်နေသောရတနာများကသူ့ခေါင်းထဲမှာအချိန်ပြည့်နေရာယူနေသည်..လိုချင်လိုက်တာ..
--------------------------------By KK
ဆက်ရန်

Read More