08:28
Unknown
မင်္ဂလာဆောင်ပြီးတော့ဆရာဇက်ခေါင်တယောက်ဇနီးသည်အသစ်စက်စက်လေးကိုအိမ်ထောင်သည်လိုင်းခန်းသို့ခေါ်လာသည်..တပ်ရင်းအိမ်ထောင်သည်လိုင်းဆိုတာကခြောက်ခန်းတွဲ၊ရှစ်ခန်းတွဲဆောက်ထားသည့်လိုင်းခန်းတွဲတွေ..စကားကျယ်ကျယ်မပြောနဲ့..အီးကျယ်ကျယ်ပေါက်ရင်တောင်တခန်းနဲ့တခန်းကြားနိုင်သည်..လိုင်းခန်းတွေရဲ့ရှေ့နဲ့နောက်မှာတော့မြေနေရာလွတ်လေးတွေရှိသည်..တကယ်လွတ်တာလားဆိုတော့လည်းမဟုတ်..ရဲမေများအပင်စိုက်ရန်နဲ့မွေးမြူရေးလုပ်ဖို့နေရာပေါ့..
စစ်သည်အိမ်ထောင်သည်လိုင်းထဲဝင်လိုက်တာနဲ့လမ်းတဖက်တချက်အိမ်တိုင်းသန့်သန့်ပြန့်ပြန့်..သန့်ပေမပေါ့..တပတ်တခါလိုင်းစစ်ရှိသည်လေ..စစ်သည်မိသားစုတို့အများစုချို့တဲ့ကြပါသည်..ရှိတာလေးနဲ့အိမ်ကိုအသပ်ရပ်ဆုံးဖြစ်အောင်ထားကြသည်..အိမ်ရှေ့တိုင်းတွင်မစိုက်မနေရသတ်မှတ်ထားတာကြောင့်သီးပင်စားပင်လေးတွေအသီးသီးစိုက်ပျိုးထားလေတော့လိုချိန်လေးခူးစားလို့ရတာပေါ့..တကယ်တော့စစ်သည်မိသားစုဝင်များသက်သာချောင်ချိမှုအတွက်အမိန့်ထုတ်ထားခြင်းသာ..
မိုဟွမ်ကိုလည်းဆရာဇက်ခေါင်ကပြောပြသင်ပေးရှာသည်..လိုင်းစစ်လာမှာမို့အိမ်ကိုသန့်ရှင်းစွာထားဖို့..စိုက်ပျိုးမွေးမြူတို့ပြည်သူလုပ်ဖို့ပေါ့..ဒါလောက်ကတော့တောင်ယာလုပ်လာတဲ့တောင်ပေါ်သူလေးအတွက်အပျော့..ဒီနေ့ပြောပြီးနောက်တနေ့ရုံးပြန်လာချိန်မှာအိမ်ရှေ့မှာစိုက်ခင်းမြောင်းဘောင်များကအကျအန..မိုဟွမ်တို့လက်စွမ်းပြတာ..ဆရာဇက်ခေါင်မျိုးစေ့လေးတွေဝယ်ပေးတော့မိုဟွမ်ဂရုတစိုက်ပြုစုပျိုးထောင်ပေးသည်..မိုဟွမ်အတွက်အခက်တွေ့တာရာသီဥတု...ပူလှသည်..တောင်ပေါ်သူမို့အအေးကြိုက်သောမိုဟွမ်အပူဒဏ်ကိုလှိမ့်နေအောင်ခံရသည်..
တောရွာတွင်ကြီးသူမို့လိုချင်စိတ်နည်းပြီးရောင့်ရဲလွယ်တော့တခြားမက်မောပူဆာတာမျိုးလည်းမရှိ..ခက်တာကဒီမြေပြန့်မှာကစားစရာကိုဝယ်ရသည်..တောင်ယာကအလွယ်တကူခူးသလိုမရ..စိုက်ခင်းလေးကလည်းခုမှပျိုးတုန်း..ဈေးသွားဝယ်တော့..အာလားလား..တောင်ပေါ်မှာပေါလွန်းသောဟင်းရွက်ကိုဈေးအကြီးကြီးပေးရသည်..အသားငါးကိုပိုက်ဆံပေးပြီးနည်းနည်းဘဲရသည်..လတ်လည်းမလတ်ဆတ်..မိုဟွမ်စိတ်အကြီးကြီးညစ်ရသည်..ဒီကြားထဲပူသည့်ရာသီကြောင့်မိတ်ကထွက်..ယားလည်းယားနှင့်နေရခက်သေးသည်..
အိမ်ရှေ့အိမ်နောက်တလက်မစာမြေနေရာမကျန်အောင်မိုဟွမ်ဟင်းသီးဟင်းရွက်နှင့်စားပင်စိုက်တော့သည်..ဆရာဇက်ခေါင်ကတော့မိုဟွမ်လုပ်သမျှတပြုံးပြုံး..သူလည်းဝိုင်းမကူအား..လေ့ကျင့်ရင်းကုန်ထုတ်ဆိုတဲ့စကားကနောက်တန်းပြန်စစ်သည်တို့အတွက်ဖြစ်လာသည်..ပြန်ရောက်ကတည်းကတပ်ရင်းသာယာလှပရေးအတွက်ဖက်တိတ်..လေ့ကျင့်ရေး..ဒါ့အပြင်တပ်ခွဲလိုက်အားကစား..စိုက်ပျိုးမွေးမြူရေး..လုပ်လိုက်ရသမျှတနေ့၂၄နာရီကိုတခါတလေဟိုဘက်နေ့ထဲကတနာရီလောက်တောင်လှမ်းချေးရမလို..မိသားစုဆိုတာညမှတွေ့ရသည်..ဒါတောင်ကင်းကျရင်..ဂျုတီကျရင်တာ့တာ..ဘိုင့်ဘိုင်
ဒီနေ့တပ်ရင်းမှုးကတော်နဲ့အရာရှိကတော်တွေလိုင်းစစ်ဆင်းတော့မိုဟွမ်အိမ်ရှေ့မှာရပ်ကြည့်ရင်းသဘောကျနေကြသည်..သီးပင်စားပင်လေးတွေကစနစ်တကျသန်သန်စွမ်းစွမ်းပေါက်နေကြပြီ..၀ါးလေးတွေနဲ့သပ်သပ်ရပ်ရပ်အပင်တွေကိုခြံခတ်ထားတော့မြင်ရတာစိတ်ကြည်နူးစရာလေးမို့တပ်ရင်းမှုးကတော်ကမေးလိုက်သည်..
-
နှင်းနုရေ..ဒါဘယ်သူ့အိမ်လဲ..ညီမတပ်ခွဲကမဟုတ်လား
-
ဟုတ်တယ်မမ..ဟိုတလောလေးကမင်္ဂလာဆောင်တဲ့ဆရာဇက်ခေါင်အိမ်..မမကိုညီမပြောပြတဲ့တယောက်လေ..ရှေ့တန်းကပါလာတယ်ဆိုတာ..
-
အော်..ဟုတ်လား..ခေါ်လိုက်ပါဦး..
-
မိုဟွမ်..ညီမလာခဲ့ဦး..တပ်ရင်းမှုးကတော်ခေါ်နေတယ်..
-
မိုဟွမ်တွန့်ဆုတ်ဆုတ်နဲ့ထွက်လာလိုက်သည်..တခါမှဒီလိုလူကြီးမိန်းမတွေနဲ့စကားမပြောဖူး..ခုကဆရာဇက်ခေါင်ရဲ့တပ်ခွဲမှုးဗိုလ်လုံ(ဗိုလ်ကြီး)၏မိန်းမထက်ကြီးသောဗိုလ်လုံမိန်းမကခေါ်တော့ကြောက်တာပေါ့..တပ်ရင်းမှုးကတော်ကချိုချိုသာသာပြုံးပြပြီးမေးရှာသည်...
-
ရှမ်းပြည်ကလိုက်လာတဲ့ညီမလေးလား..အပင်လေးတွေလက်ဖြစ်သားဘဲ..အဆင်ပြေလားညီမလေး..
-
ဟေ့အေး..အဆင်မပြေပါဘူးဗိုလ်လုံမိန်းမအဒေါ်ရယ်..နင်တို့ဆီကအရမ်းပူတော့ငါ့မှာမိတ်တွေလည်းထွက်ပြီးယားတယ်ကော..ငါ့ယောက်ျားလည်းတနေကုန်မအားဘူး..အလုပ်များလို့ငါ့ကိုတောင်မကူညီနိုင်ဘူး..ဒီအပင်တွေအကုန်ငါ့ဖာသာစိုက်ရတာ..တောင်ယာလုပ်နေကျမို့တာပေါ့..မဟုတ်ရင်မလွယ်ဘူး..
-
ဟယ်..မိုဟွမ်..မမကိုအဲ့လိုမပြောရဘူးလေ..မမရယ်..သူကခုမှစရောက်တာမို့အပြောအဆိုနားမလည်လို့ပါ..
-
ရပါတယ်နှင်းနုရယ်..တောင်ပေါ်သူဘဲ..ညီမနည်းနည်းအချိန်ယူပြီးအပြောအဆိုလိမ်မာအောင်သင်ပေးလိုက်ပေါ့..ကဲ..ဟိုဘက်အိမ်သွားစစ်ရအောင်..ဟိုညီမလေး..အဆင်ပြေသွားမှာပါ..ဟုတ်ပြီလား..အေး..အေး..
-
မိုဟွမ်ကမျက်လုံးလေးပေကလတ်နဲ့ကျန်ခဲ့သည်..ငါဘာမှားလို့လဲ..သူမေးတာငါကောင်းကောင်းဖြေသားဘဲ..ဒီလိုမပြောပြလို့ဘယ်လိုပြောရမှာလဲ..မြို့ကလူတွေများစိတ်ရှုပ်စရာ..
---------------------------------------By KK
ဆက်ရန်
08:26
Unknown
ရှေ့တန်းပြန်ကားတန်းကြီးထွက်လာတော့မိုဟွမ်ရင်တွေခုန်နေသည်..မွေးရပ်မြေရွာလေးကိုကျော်ပြီးသူမဘယ်ကိုမှမရောက်ဘူး၊မသွားဘူးပါ..ယောက်ျားသားများအကြားလိုက်ပါလာရတာမို့အနေလည်းနည်းနည်းကြုံ့သည်..မိုဟွမ်တင်ဘဲလားဆိုတော့မဟုတ်..တစီးထဲအတူစီးလာသောစစ်သည်များလည်းအပြောအဆိုဆင်ခြင်ရသည်..ကားပေါ်မိန်းကလေးပါလာတော့ယောက်ျားလေးသဘာဝလွတ်လပ်စွာပြောလို့ဆိုလို့မရ..ဆရာဇက်ခေါင်ကတော့ချစ်ရသူလေးကိုအပါခေါ်လာနိုင်တာမို့အပျော်ကြီးပျော်နေသည်..နေရထိုင်ရအခက်ဆုံးကဆရာကြီးတင်မောင်..တပည့်မကောင်းဆရာ့ခေါင်း..ကားတန်းစထွက်ကတည်းကခေါင်းဆင်နင်းသည့်မျက်နှာဖြင့်စိုးရိမ်ပူပန်စွာတွေးလာသည်..
အခြေအနေအရလည်းမိန်းကလေးကပါလာပြီ..ကြာရှည်ဖုံးထားလို့လည်းအဆင်ပြေမှာမဟုတ်..တနည်းနည်းနဲ့ပေါ်သွားရင်သူ့ခေါင်းလာဆောင့်မည်..သည်တော့သူနဲ့အတူခေါင်းကျိန်းရန်နောက်ထပ်ဦးခေါင်းတလုံးငှားရမည်..ရှေ့တန်းပြန်ကားတန်းဆိုတာထောက်ပို့ကားတွေကလက်ပူတိုက်တွေ..တစီးနဲ့တစီးမှေးခေါ်ရသည်..ဘူတာဆင်းရဦးမည်..ရထားတတန်ခရီးနှင်ပြီးမိခင်တပ်ရင်းနှင့်အနီးဆုံးဘူတာရောက်မှကားတန်းနဲ့တခါပြန်ဆင်းရမှာဆိုတော့ဒီလမ်းခရီးရှည်မှာမလွဲမသွေတနေရာရာမှာသိသွားခဲ့သော်ဆရာကြီးမပြောဘူးလားဆိုတာမျိုးအနိမ့်ဆုံးဖြစ်လာမည်..အရေးယူအပြစ်ပေးလည်းခံရနိုင်သည်..
ဒါကြောင့်ဘူတာရောက်လို့ပစ္စည်းများချပြီးရထားစောင့်ချိန်မှာဗိုလ်ကြီးနေလင်းကိုဆရာဇက်ခေါင်တယောက်မိန်းကလေးခေါ်လာကြောင်းတိုးတိုးတိတ်တိတ်သတင်းပို့ရသည်..စစ်သားတွေစီးရသည့်ရထားတွဲဆိုတာပြည်သူတွေလိုအထက်တန်း..ရိုးရိုးတန်းမဟုတ်..ထွေးရောယှက်တင်ကုန်တင်တွဲဆန်ဆန်စီးရတာ..ဒီတော့မိန်းကလေးပါတာသိသာလာနိုင်သည်လေ..ဗိုလ်ကြီးနေလင်းလည်းကြားရသည့်သတင်းကြောင့်မျက်လုံးပြူးသွားသည်..ဒီနေ့တွတ်ပီကံမကောင်းပါလား...ငါ့တော့.မြွေဖမ်းပြီဟုတွေးမိသွားသည်..ဆရာဇက်ခေါင်ကိုခပ်ကျိတ်ကျိတ်ခေါ်မေးရသည်..
-
ဆရာဇက်ခေါင်..ခင်ဗျားကောင်မလေးခေါ်လာတယ်ဆို..
-
ဟုတ်ပါတယ်ဗိုလ်ကြီး..သူ့ရွာမှာဘယ်လိုမှနေမဖြစ်တော့လို့ကျနော်ခေါ်လာတာပါ..
-
ရွာမှာနေမဖြစ်ရအောင်ဘယ်လိုဖြစ်လို့တုန်းကွ
-
ဒီလိုပါဗိုလ်ကြီး..&$@#*^%#@@^
-
ကောင်းကွာ..ဒါနဲ့ဘဲခေါ်လာတယ်ပေါ့
-
ဟုတ်ကဲ့ပါဗိုလ်ကြီး..အဘသိရင်ဘာပြောမလဲမသိဘူး..ဗိုလ်ကြီးကူညီပါဦး..
-
ငါလခွမ်း..မင်းအဘသိရင်ငါ့ခေါင်းအရင်ဆင်နင်းမှာကွ..မင်းတို့ကောင်တွေလုပ်လိုက်ရင်သောက်ရမ်းကြီးဘဲ..ခုမှတော့ဘာတတ်နိုင်မှာလဲ..ကြည့်စီစဉ်ရတော့မှာပေါ့..ခင်ဗျားကျနော့်ကိုကြိုပြောသင့်တယ်..
-
ကြိုပြောရင်ဗိုလ်ကြီးကလက်ခံမယ်မထင်လို့ပါ..
-
အေးလေ..လက်တော့ဘယ်ခံမလဲ..ဒါပေမယ့်ကြိုသိရင်ရွာမှာဘဲတောင်းရမ်းလက်ထပ်ပေးတာအကျဉ်းချုံးလုပ်ခဲ့ပေးလို့ရတာဘဲ..ရွာလူကြီးကိုအပ်ခဲ့ပြီးတပ်ရောက်မှခွင့်ပြန်သွားခေါ်လို့ရတာကိုကွာ..
-
ဗိုလ်ကြီးကိုအလုပ်ရှုပ်သွားအောင်လုပ်မိလို့ခွင့်လွှတ်ပါဗိုလ်ကြီး..ခုတော့အဘမသိအောင်ဗိုလ်ကြီးကူညီပါဦး
-
လခွီးဘဲ..လုပ်ရတော့မှာပေါ့..ကဲ..သွားသွား..
-
ဟုတ်..လေးစားပါတယ်ဗိုလ်ကြီး..
-
မင်းတို့ကောင်တွေလုပ်ချင်ရာလုပ်ပြီးရင်ဒါဘဲ..
-
ဆရာဇက်ခေါင်ပျော်သွားသည်..ကိုယ့်ဗိုလ်ကြီးရဲ့ဒီလေသံလောက်ဆိုတာဝန်ယူသွားပြီမှန်းသိသည်လေ..သေတူရှင်ဘက်လက်တွဲတိုက်လာတဲ့ဆရာတပည့်ဘဲ..အထာကနပ်နေပြီ..သူအားကိုးရတဲ့တပည့်ကိုပစ်မထားဘူးဆိုတာသိတာပေါ့..သိလို့လည်းမိုဟွမ်ကိုအရဲစွန့်ခေါ်ခဲ့မိတာဖြစ်သည်လေ..
လမ်းတလျှောက်မြင်သမျှအရာအားလုံးကတော့ရှေ့တန်းပြန်စစ်သည်တို့အတွက်လှပသာယာနေသည်..အသက်ရှင်ရက်ပြန်လာနိုင်လို့ဒီမြင်ကွင်းတွေကိုပြန်မြင်ခွင့်ရတာမို့မြင်ရတာအားလုံးတန်ဖိုးရှိသည်ပေါ့..မကြာခင်မိသားစုနဲ့ပြန်ဆုံရမည်..အခုဆိုငါ့သားလေးငါ့သမီးလေးဘယ်အရွယ်ရှိပြီပေါ့ဆိုသည့်အတွေးနဲ့ပျော်သူကပျော်...အိမ်ထောင်မရှိသေးသူများကလည်းချစ်သူရည်းစားနဲ့တွေ့ရမှာမို့ပျော်..ရှေ့တန်းထွက်နေချိန်အဆက်အသွယ်ပြတ်နေတုန်းရည်းစားလင်နောက်လိုက်သွားလို့ဟတ်ကော့ဖြစ်ကျန်သူတွေကလည်းမသေလို့တပ်ပြန်ရောက်ရတာ..ဒီတခါရည်းစားထားရင်လက်မြန်ခြေမြန်ယူလိုက်တော့မဟဲ့လို့စိတ်ထဲကကြိမ်းဝါးသူကကြိမ်းဝါး..စကားသံတို့ကတက်တက်ကြွကြွပျော်ပျော်ရွှင်ရွှင်နဲ့ညံနေကြသည်..
ရှေ့တန်းထွက်သည့်အချိန်နဲ့ရှေ့တန်းပြန်ချိန်တွင်စစ်သည်တို့မျက်နှာသည်နတ်သားနဲ့ငရဲသားကဲ့သို့ကွာခြားသည်..ရှေ့တန်းထွက်သည့်ကားတန်းပေါ်တွင်တော့လူတွေကငေါင်စင်းစင်း...ကျန်ခဲ့သည့်သံယောဇဉ်တွေကိုတွေးရင်းဆွေးရင်း..ဒီနေရာကိုငါပြန်မှရောက်လာပါ့မလားဆိုတဲ့အတွေးနဲ့..ရှေ့တန်းစစ်မြေပြင်ရောက်လို့တိုက်ပွဲတွေကြုံချိန်ကျတော့လည်းငါ့အိမ်ငါ့မိသားစုဆိုသောအတွေးတွေပျောက်လို့ငါ့ရဲဘော်ရဲဘက်တွေအတွက်ဆိုတဲ့စိတ်နဲ့အသက်တွေကိုပဓါနမထားမိတော့ပြန်..ကိုယ့်ဘေးကတိုက်ဖော်တိုက်ဖက်သူငယ်ချင်းစစ်သည်တယောက်များကျလို့ကတော့သွေးတို့ကဆူလာပြီးမိသားစုဆိုတာခေါင်းထဲပျောက်လို့တိုက်ပွဲဆိုသည့်အသိသာခေါင်းထဲရှိပြီးစွန့်စွန့်စားစားတိုက်မိပြန်ရော..
စစ်သားတယောက်ဆိုတာခက်ခဲပင်ပန်းမှုချွေးစက်သွေးစက်တွေအပြင်နာကျင်ဝမ်းနည်းခံပြင်းဒေါသပျော်ရွှင်သနားကြင်နာချစ်ခြင်းနုညံ့ဆိုသည့်ခံစားချက်ပေါင်းစုံပါထဲ့သွင်းဖွဲ့စည်းထားသည့်လူသားစက်ရုပ်တခုသာဖြစ်သည်..တိုင်းပြည်၏နေရာဒေသအနှံ့အပြားကမတထောင်သားထိုလူသားစက်ရုပ်များစုစည်းထားမှုသည်တပ်မတော်ဟုမည်သည်ပေါ့..
ရှေ့တန်းပြန်ဝင်ရန်တပ်ရင်းဂိတ်နှင့်ခပ်လှမ်းလှမ်းတွင်ကားရပ်ပြီးစစ်ကြောင်းပုံချီရတော့မိုဟွမ်ကိုဟန်မပျက်တပ်ရင်းဂိတ်ထဲတောဆောင်းငိုက်ငိုက်ဆောင်းချီတက်ခိုင်းရသည်..အရပ်သူမို့စစ်ပုံကမကျ..တပ်ရင်းမှုးကြီးကရှေ့ဆုံးမှဝင်ပြီးတပ်ရင်းဂိတ်ဝတွင်ရပ်ကာသူ့မိသားစုနှင့်ရှေ့တန်းပြန်စစ်သည်တို့ကိုလှမ်းကြည့်နေသည်မို့ဗိုလ်ကြီးနေလင်းတယောက်ရင်တထိတ်ထိတ်..ပန်းကုံးစွပ်လာသောဇနီးသည်ကိုပင်လှိုက်လှိုက်လှဲလှဲစကားမပြောနိုင်ဘဲစိုးရိမ်စိတ်ဖြင့်မိမိတပ်ခွဲကိုပြန်ကြည့်ရသည်..
ရှမ်းမလေးဖြတ်သွားချိန်တပ်ရင်းမှုးမျက်မှောင်ကုတ်သွားတာတွေ့လိုက်ရလို့လိုက်ကြည့်တော့..ဟိုက်..သောက်ခွေး..စစ်အကျီကိုခါးပတ်တွင်းမသွင်းဘဲအပြင်ထုတ်ဝတ်ထားရုံမကနောက်ကသရေကွင်းနှင့်စုစည်းထားသောဆံပင်ရှည်ကထွက်လို့..နဂိုကမှလမ်းလျှောက်တာစစ်ပုံမကျရတဲ့ကြားထဲသေပြီဆရာဘဲ..စိတ်ထဲကသေချာမစစ်သောဆရာဇက်ခေါင်ကိုကျိတ်ဆဲလိုက်သည်..တပ်ရင်းမှုးကသူ့ဖက်တချက်လှမ်းရှိုးလိုက်တာမို့အသာငြိမ်ကုတ်မမြင်ချင်ယောင်ပြုပြီးဇနီးနှင့်သမီးကိုအာရုံစိုက်ပြလိုက်သည်..တော်သေးသည်..တပ်ရင်းမှုးကသိဟန်တူသော်လည်းဘာမှမပြောလို့..
ကိုယ့်တပ်ခွဲကလူမို့တပ်ပြန်ရောက်ပြီးမင်္ဂလာကိစ္စအမြန်စီစဉ်ပေးလိုက်ရသည်..တပ်ခွဲမှုးဆိုတာလည်းတပ်ခွဲကစစ်သည်အားလုံး၏ကိစ္စမှန်သမျှဒိုင်ခံဖြေရှင်းရသူမဟုတ်လား...
-----------------By KK
ဆက်ရန်
08:25
Unknown
ဆရာဇက်ခေါင်တောင်ယာတဲနားရောက်တော့အကဲခတ်သည်..ဘာသံမှတော့မကြားရ..ကြောက်နေသောမိုဟွမ်လက်ကိုဆွဲပြီးတောင်ယာတဲနားကိုဖြေးဖြေးချင်းကပ်လိုက်သည်..အမိုးကုပ်ကုပ်တောင်ယာတဲကိုငုံ့ကြည့်တော့ကွပ်ပျစ်ပေါ်မှာဘယ်သူမှမရှိ..သွေးစက်တွေတော့တွေ့သည်..သွေးစက်ကျရာလိုက်ကြည့်တော့တဲပြင်ထွက်သွားသည်..ဟိုလူပြန်သတိရလာပြီးရွာဘက်ပြန်သွားတာဖြစ်မည်..သူလည်းစခန်းကုန်းကအမိန့်မရဘဲဆင်းလာတာမို့ရွာထဲကိုလိုက်မကြည့်နိုင်..သူ့ကိုတောက်တဲ့လိုတွယ်နေသောမိုဟွမ်ကိုရွာထဲတယောက်တည်းပြန်ခိုင်းဖို့လည်းစိတ်မချ..သူလည်းစခန်းကုန်းပေါ်ပြန်တက်မှဖြစ်မည်..မနက်ဖြန်စခန်းချိန်းမည့်တပ်ခွဲရောက်မည်ဆိုတော့သူမရှိလို့မဖြစ်..
ဆရာဇက်ခေါင်ဘာလုပ်ရမည်ကိုဝေခွဲမရဖြစ်နေသည်..ဖြစ်ချင်ရာဖြစ်..ဒီတညတော့အချိန်လည်းမရှိတော့ပြီမို့မိုဟွမ်ကိုစခန်းမှာဘဲသိပ်တော့မည်..
သူဆုံးဖြတ်လိုက်ပြီးမိုဟွမ်ကိုစခန်းကုန်းဆီခေါ်လာခဲ့တော့သည်..မိုဟွမ်ကိုလက်ဆွဲပြီးစခန်းကုန်းပေါ်တက်လာသောသူ့ကိုကင်းရဲဘော်ကအပြေးဆင်းလာတွေ့သည်..
-
အာစရိ..ဘာထူးလဲ..
-
ဟိုလူသတိရပြီးရွာထဲပြန်သွားပုံဘဲ..ဒီမှာရောငါ့ကိုဗိုလ်ကြီးခေါ်သေးလား..
-
မခေါ်ဘူးအာစရိ..ပီနန်းကရွာမပြန်ဘူးလား..
-
ဘယ်လိုလုပ်ပြန်မလဲကွာ..ဟိုမှာသူ့ဦးလေးကလမ်းမှာချောင်းနေတာမျိုးဆိုဘယ်လိုလုပ်မလဲ..ငါလည်းလိုက်မပို့နိုင်ဘူးလေ..
-
ဒါဆိုအာစရိဘယ်လိုလုပ်မလဲ.
-
.အေး..အဲ့ဒါပြောမလို့..စခန်းမှာဒီတညသိပ်မယ်ကွာ
-
အကျိုးနည်း..အာစရိ..ကွိုင်အကြီးကြီးနော်..
-
မင်းမပြောရင်ရတယ်လေကွာ..သွား..ငါ့တဲထဲကကျောပိုးအိတ်ထဲမှာယူနီဖောင်းအပိုတစုံရှိတယ်..အဲ့ဒါသွားယူခဲ့..သူ့ကိုယူနီဖောင်းဝတ်ခိုင်းရမယ်..
-
အာစရိ..ကျနော်ကြောက်လာပြီနော်..
-
ဒီတညထဲပါကွာ..
-
ဒီလိုနဲ့မိုဟွမ်ကိုယူနီဖောင်းဝတ်ပေးပြီးမှောင်ရီပျိုးမှာဆရာဇက်ခေါင်တဲဆီခေါ်လာခဲ့သည်..ကျန်ရဲဘော်များရိပ်မိသော်လည်းဒါမျိုးဆိုသေတူရှင်ဖက်ပီသသောရဲဘော်စိတ်အပြည့်..ဗိုလ်ကြီးမသိအောင်တယောက်မှအသံမထွက်..စည်းလုံးကြသည်..မနက်စောစောဆရာဇက်ခေါင်ကမိုဟွမ်ကိုတောင်ယာတဲဘက်လိုက်ပို့သည်..အနားနီးသောတောင်ယာမှမိုဟွမ်သူငယ်ချင်းဆီမှာခဏသွားနေခိုင်းရသည်..ယူနီဖောင်းလည်းပေးလိုက်သည်..ဒီယူနီဖောင်းကိုဝတ်ပြီးမနက်ဖြန်ရှေ့တန်းပြန်ချိန်လိုက်ခဲ့ဖို့ပေါ့..အချိန်းအချက်များသေချာပြောပြီးလွှတ်လိုက်ရသည်..ညပိုင်းတော့စခန်းကုန်းကိုပြန်လာရန်မှာရသေးသည်..တောင်ယာတဲတွင်မိုဟွမ်တယောက်တည်းအိပ်ဖို့သူစိတ်မချနိုင်ပါ..
မိုဟွမ်တယောက်ယာချင်းကပ်နေသောသူငယ်ချင်းနန်းဝိုခမ်းတို့တောင်ယာဘက်ကိုလာခဲ့သည်..လမ်းကခြုံကောင်းကောင်းတခုထဲတွင်ယူနီဖောင်းတွေကိုဖွက်ခဲ့ရသေးတာပေါ့..ဒါတွေသူငယ်ချင်းမြင်လို့မဖြစ်ဘူးလေ..နန်းဝိုခမ်းတို့ယာခင်းတွင်တမိသားစုလုံးအလုပ်လုပ်နေတာတွေ့လိုက်ရတာကြောင့်အသံပေးလိုက်သည်..
-
ဝေ့..၀ိုခမ်း..
-
အယ်..ကောင်မ..မိုဟွမ်..နင်ဘယ်ပျောက်နေတာတုန်း..လာလာ..
-
ဟဲ့..ဒါမိုဟွမ်မဟုတ်လား..နင့်ကိုစိတ်ပူနေကြတာ..ဘာတွေဖြစ်လဲ..မနေ့ကနင့်ဦးလေးလည်းခေါင်းကွဲပြီးရွာထဲဝင်လာတယ်..သိပ်မကြာဘူး..နင့်အဒေါ်နဲ့လည်းရန်ဖြစ်သံကကြားရတယ်လေ..နင့်အဒေါ်ကနင့်ကိုစိတ်ပူနေတာ..
-
အဲ့လူကြီးကငါ့ကိုမကောင်းကြံတယ်လေ..ငါတောင်ယာတဲမှာအိပ်ပျော်နေတုန်းကို..ဒါနဲ့ငါထင်းပိုင်းနဲ့ရိုက်လိုက်တာ..ငါလည်းကြောက်လို့အိမ်မပြန်ရဲဘဲတောင်ယာတဲမှာအိပ်လိုက်တာ...
-
အလိုလေးးးနင်တောင်ယာတဲမှာအိပ်တယ်..မကြောက်ဘူးလား..ချမ်းရောမချမ်းဘူးလား..
-
ထင်းတွေရှိတယ်လေ..ငါမီးလှုံတာပေါ့..အိမ်ပြန်ရင်ဟိုလူကပိုကြောက်ဖို့ကောင်းမှာ..
-
အေး..ဒါတော့ဟုတ်တယ်..နင်ဘယ်လိုလုပ်မလဲ..ဒီလူကြီးနဲ့တအိမ်တည်းနေဖို့မဖြစ်တော့ကော..
-
ဟုတ်တယ်နော့..ငါလည်းစဉ်းစားမရသေးဘူး..
-
နင့်ချစ်သူစစ်သားကောင်ရော..နင်သူနဲ့ယူလိုက်လေ..
-
အေး..သူမနက်ဖြန်ဆိုပြန်ပြီ..ငါသူနဲ့တခါတည်းလိုက်သွားရင်ကောင်းမလားနော့..
-
အေးလေ..နင်လိုက်မယ်ဆိုဘယ်လိုလုပ်မလဲ..
-
နင်ငါ့ကိုတခုကူပါလားဝိုခမ်းရယ်..ငါ့အဒေါ်ကိုပြောပေးလေနော်..ငါသူနဲ့လိုက်သွားမယ်လို့..
-
အေး..အေး..ငါပြောပေးမယ်..နင်ဒီညဘယ်မှာအိပ်မလဲ..တောင်ယာတဲမှာဘဲအိပ်လို့ဖြစ်မလား..
-
အေးပေါ့..တောင်ယာတဲဘဲအိပ်ရုံပေါ့..
-
ဒါဆိုငါတို့တောင်ယာတဲမှာအိပ်..ဒီတဲကအဖလာစောင့်အိပ်တတ်တော့စောင်လည်းရှိတယ်..ပိုလည်းလုံတယ်လေ..တဲကတံခါးလည်းရှိတယ်ဆိုတော့နင်ပိုအဆင်ပြေမယ်..
-
အေးပါ..ငါဗိုက်ဆာလို့ဘာရှိလဲ..
-
ဟိုမှာကောက်ညှင်းကျည်တောက်ကင်ထားတာရှိတယ်..ခရမ်းချဉ်သီးကိုကြက်သွန်ဖြူငရုတ်သီးစိမ်းနဲ့ထောင်းထားတာလည်းရှိတယ်..ပဲပုတ်ကင်လည်းရှိတယ်..နေ့လည်စားဖို့ငါမှန်ကူသီးတွေငရုတ်သီးမှုန့်နဲ့နယ်ထားတယ်..နင်ဆာရင်ယူစားပေါ့..
-
အေး..ကျေးဇူးတင်တယ်နော့..
-
ရပါတယ်ဟာ..နောက်ဆိုနင်ကစစ်သားကောင်နဲ့လိုက်သွားရင်တွေ့ရမှာမဟုတ်တော့ဒီနေ့ဒါလေးဘဲကျွေးနိုင်တာငါစိတ်မကောင်းဘူး..ငါချောင်းမှာရေချိုးရင်လဲဖို့အ၀တ်အပိုထားတာရှိတယ်..အဲ့ဒါနင်ယူသွားနော့..နင့်မှာအ၀တ်လဲစရာမရှိဘူးလေ..
-
နင်ကသိပ်ကောင်းတဲ့သူငယ်ချင်းဘဲဝိုခမ်းရေ..
-
မိုဟွမ်တနေကုန်နန်းဝိုခမ်းတို့မိသားစုနှင့်အတူနေပြီးညနေစောင်းတော့သူတို့မိသားစုတောင်ယာမှပြန်သွားသည်..မိုဟွမ်လည်းစခန်းကုန်းနားကဆရာဇက်ခေါင်နှင့်ချိန်းထားရာကိုထွက်ခဲ့သည်..ဒီတညလည်းအချင်းချင်းနားလည်မှုယူပြီးမိုဟွမ်ကိုယူနီဖောင်းနှင့်စခန်းထဲသိမ်းထားရပြန်သည်..မနက်စောစောတပ်ခွဲပြန်ဆင်းတော့ယူနီဖောင်းနဲ့မိုဟွမ်တို့ဆရာဇက်ခေါင်၏စီစဉ်မှုဖြင့်ရဲဘော်မောင်နိုင်နဲ့မောင်ထူးကြားမှာရောယောင်ပြီးလျှောက်လိုက်ခဲ့စေသည်..ရဲဘော်များကလည်းလူညီပါသည်..စာနာစိတ်ဖြင့်ဝိုင်းပြီးဖုံးကွယ်ပေးကြသည်..မိုဟွမ်ကလည်းတောင်ပေါ်သူမို့သူတို့ခြေလှမ်းကိုအမှီလိုက်နိုင်သည်လေ..လမ်းမှာတော့အဖုံးကောင်းလို့ပြဿနာမပေါ်..ကားတန်းပေါ်ပစ္စည်းတင်ပြီးလူစစ်တော့ရဲဘော်တယောက်ပိုနေတာကြောင့်ဆရာကြီးမျက်လုံးပြူးသွားသည်..ဆရာဇက်ခေါင်ကလည်းရိပ်မိသည်..ချက်ချင်းပင်ဆရာကြီးနားကပ်ပြီးတိုးတိုးတိတ်တိတ်အကျိုးအကြောင်းရှင်းပြသည်..
ဆရာကြီးဦးဏှောက်ခြောက်ပြီ..မတင်ပြလို့လည်းမဖြစ်..နောက်ဆုံးဆရာဇက်ခေါင်တောင်းပန်မှုကြောင့်ခရီးနည်းနည်းရောက်မှဗိုလ်ကြီးကိုပြောပါဆိုရသည်..မထူးတော့..ဆရာကြီးလည်းခေါင်းရှောင်ပြီ..ငါမသိလိုက်ဘူးသာမှတ်လိုက်တော့ဟူသတည်း..
--------------------------------------------------By KK
ဆက်ရန်
08:21
Unknown
နောက်ပိုင်းတော့ရွာထဲကိုဆင်းစရာကိစ္စလေးများရှိလို့ပေါ်လာလို့ကတော့ဆရာဇက်ခေါင်တို့ဖင်ပေါ့ချက်..ရွာထဲကိစ္စမှန်သမျှသူချည်းကန်ထရိုက်ဆွဲထားသလားမှတ်ရအောင်တက်ကြွသည်..ဗိုလ်ကြီးကလည်းသဘောပေါက်သည်..ငါ့ကောင်တော့ရွာထဲမှာသံယောဇဉ်တွေ့နေပြီထင်တယ်ပေါ့..အမှန်လည်းဆရာဇက်ခေါင်တယောက်ရှမ်းမလေးကိုသံယောဇဉ်ဖြစ်နေပါပြီ..တောင်ပေါ်သားမို့သူကလည်းသူချစ်သည့်အကြောင်းရိုးရိုးရှင်းရှင်းပင်ဖွင့်ပြောသည်..တောင်ပေါ်သူကလည်းသူ့အပေါ်ယုံယုံကြည်ကြည်ပင်ချစ်တုံ့ပြန်သည်..
ဒီတခါရှေ့တန်းပြန်ဝင်လျှင်တပ်မှာခွင့်ယူပြီးဒီရွာလေးဆီပြန်လာမည်..မိသားဖသားပီပီတောင်းရမ်းလက်ထပ်မည်ဟုဆရာဇက်ခေါင်ဆုံးဖြတ်ထားသည်..အတူနေရဲဘော်များကလည်းအကြောင်းသိမို့မြှောက်ပေးကြသည်..သံယောဇဉ်ကိုတွေ့တုန်းအမိအရယူထားဖို့လိုသည်လေ..စစ်သားဆိုတာကိုယ့်ကိုယ်ကိုမပိုင်..နောက်တခါရှေ့တန်းထွက်လို့လည်းဒီနေရာဒီစခန်းပြန်ရောက်ချင်မှရောက်မည်..အမိန့်နဲ့တာဝန်ကြားလှုပ်ရှားသွားလာနေရသူတွေမဟုတ်လား..
နောက်တလဆိုရှေ့တန်းပြန်ဝင်ရမည်ဟုကြားနေရပြီ..ဒါကြောင့်ဆရာဇက်ခေါင်တယောက်နန်းမိုဟွမ်၏အဒေါ်ကိုဖွင့်ပြောပြလိုက်သည်..တပ်ပြန်ရောက်လျှင်ခွင့်ယူပြီးမိုဟွမ်ကိုလာရောက်တောင်းရမ်းလက်ထပ်ယူမည့်အကြောင်းပြောတော့အဒေါ်ဖြစ်သူကတူမသဘောထားကိုမေးပြီးလက်ခံလိုက်သည်..ဒီတူမတယောက်ကောင်းကောင်းမွန်မွန်စောင့်ရှောက်သူတွေ့တော့လည်းယူပေါ့..လူဆိုတာသီးချိန်တန်သီး..ပွင့်ချိန်တန်ပွင့်ရမှာဘဲ..အိမ်ကလူကလည်းသိပ်အကဲမရ..ငယ်ရာကကြီးလာသူမို့ယောက်ျားလုပ်သူ၏တူမအပေါ်ကြည့်သောအကြည့်တို့ကိုရိပ်မိသည်..သည်လိုဆိုတော့လက်ထပ်ချင်သူရှိတုန်းတူမကလည်းသဘောကျသည်ဆိုတော့ယူကြပါစေပေါ့..
မကျေနပ်သူကဦးလေးဖြစ်သူစိုင်းလုံဖ..ဒီသောက်စစ်သားကောင်တွေရောက်လာတာသူမကြိုက်..အိမ်ကမိန်းမကဂီလာန..သုံးစားမရတော့..ဒင်းတူမကမှနုပျိုထွားထွား..စွင့်စွင့်ကားကား..အရင်ကတော့ကိုယ့်ခြံထဲကကြက်မို့ဘယ်အချိန်ရိုက်စားစားပေါ့..ခုတော့သူများကလာချက်စားတော့မည်...လုံးဝမကျေနပ်..ကောင်မလေးနားကပ်ဖို့ကမလွယ်..တောင်ယာလုပ်နေသူမို့သန်သန်စွမ်းစွမ်းရှိလှသည်..သည်ဟာမလေးကဓါးမကလည်းလက်ကချသူမဟုတ်..မတော်ခုတ်ပြုနေမှ..အခွင့်ကောင်းတော့စောင့်ရမည်..
ရှေ့တန်းပြန်ဝင်ဖို့သုံးရက်လောက်အလိုတွင်မမျှော်လင့်သောကံကြမ္မာကျရောက်လာသည်..ညနေစောင်းပိုင်းစခန်းကုန်းဆီသို့လူတယောက်မောကြီးပန်းကြီးဒယီးဒယိုင်ပြေးတက်လာသည်ကိုကင်းရဲဘော်ကမြင်လိုက်တာကြောင့်သတိအနေအထားနဲ့လှမ်းကြည့်နေလိုက်သည်..လူလုံးကွဲသည့်နေရာရောက်တော့မှတ်မိသွားသည်..ဆရာဇက်ခေါင်၏ချစ်သူရှမ်းမလေး..ဘာဖြစ်လာတာပါလိမ့်..ကင်းရဲဘော်စခန်းပြင်ထွက်ပြီးသွားမေးသည်..
-
ပီနန်း..ဘာဖြစ်လာတာလဲ..
-
ငါ့ကိုကူညီပါ..သေလောက်အောင်အရေးကြီးတယ်..ဆရာဇက်ခေါင်နဲ့ငါတွေ့ချင်လို့..
-
ဟုတ်ပြီ..ပီနန်းဒီသစ်ပင်ရိပ်မှာခဏနားနေနော်..ကျနော်သွားခေါ်ပေးမယ်
-
ကင်းရဲဘော်ခမျာအပြေးအလွှားစခန်းထဲဝင်ပြီးဆရာဇက်ခေါင်ကိုခေါ်ရသည်..ဆရာဇက်ခေါင်လည်းစိုးရိမ်စိတ်ဖြင့်အပြေးအလွှားမိုဟွမ်ကိုထွက်တွေ့သည်..
-
မိုဟွမ်..ဘာဖြစ်လာလို့လဲ..အကိုရင်ပူလိုက်တာ..မြန်မြန်ပြောစမ်းပါ..ကြည့်စမ်း..အရမ်းမောနေတာဘဲ..
-
ပီစိုင်းရေ..ငါတော့ဟိုလူကိုထင်းပိုင်းနဲ့ရိုက်ခဲ့တယ်..သေပြီလားမသိဘူး..ငါလည်းပီစိုင်းဆီပြေးလာတာ..
-
ဘယ်သူ့ကိုရိုက်ခဲ့တာလဲ..ဖြေးဖြေးအသက်ရှု..တော်တော်မောနေပြီ..စိတ်အေးအေးထား..အကိုရှိတယ်..မကြောက်နဲ့..အကိုဖြေရှင်းပေးမယ်နော်..
-
ဟိုလူလေ..ငါ့အဒေါ်ယောက်ျား..သူငါ့ကိုမကောင်းကြံတယ်..နေ့လည်တောင်ယာလုပ်ပြီးငါလည်းထမင်းစားတယ်..ပြီးတော့အဖန်ရည်သောက်ရင်းကွပ်ပျစ်ပေါ်ခဏနားပြီးလှဲလိုက်တာအိပ်ပျော်သွားတယ်..ငါ့အပေါ်အလေးကြီးလာပိလို့ငါလန့်နိုးတော့အဲ့ကောင်ကြီးငါ့ပေါ်တက်နေတယ်..ငါ့ဓါးမလည်းအနားမှာမတွေ့လို့ငါလည်းရုန်းတာဘဲ..အနားကအဖန်ရည်အိုးနဲ့သူ့ခေါင်းထုတော့နည်းနည်းယိုင်သွားတာနဲ့ငါလည်းလက်လှမ်းမှီရာမီးဖိုထဲကထင်းချောင်းဆွဲပြီးရိုက်ပစ်တယ်..သူ့ခေါင်းကသွေးထွက်လာပြီးလဲသွားတော့ငါလည်းပီစိုင်းဆီပြေးလာတာဘဲနော့..သေသည်ရှင်သည်ငါမသိလေ..
-
အဲ့ဒါမှဒုက္ခဘဲ..ဘယ်လိုလုပ်ရမလဲ..တောင်ယာတဲကိုသွားကြည့်မှဖြစ်မယ်..ဟေ့ကောင်..မောင်နိုင်..ငါခဏလိုက်ကြည့်လိုက်ဦးမယ်..သိပ်လည်းမဝေးဘူးဆိုတော့..ဗိုလ်ကြီးခေါ်ရင်ကြည့်ဖြေထား..ငါမကြာဘူး..အကျိုးအကြောင်းသိရုံဘဲ..
-
ဒုက္ခပါဘဲအာစရိရာ..မြန်မြန်ပြန်လာနော်..
-
အေးပါကွာ..ခုတော့ဘယ်သူမှမသိစေနဲ့..ကြားလား
-
စိတ်ချအာစရိ...
-
ကဲ..မိုဟွမ်..အကိုတို့သွားကြည့်ကြရအောင်နော်..လာ
-
ဆရာဇက်ခေါင်တယောက်ချစ်သူလက်ကိုဆွဲပြီးစခန်းကုန်းပေါ်မှဆင်းခဲ့လေတော့သည်...
----------------------------------By KK
ဆက်ရန်
08:17
Unknown
မနက်ပိုင်းရွာထဲဆင်းဖို့ဗိုလ်ကြီးကပြောထားတာကြောင့်ဆရာဇက်ခေါင်ဆေးတပ်သားကိုပါခေါ်ပြီးရွာဆီသို့ထွက်လာခဲ့သည်..လမ်းတလျှောက်တောင်ယာရှုခင်းနဲ့တောင်ပေါ်လေအေးအေးတိုက်နေတာလေးကိုကလူကိုပင်ပန်းသက်သာစေသည်..သတိတော့မလွတ်ရဲ..စစ်မျက်နှာသုတ်ပုဝါအသေးလေးနဲ့နားရွက်ကိုလုံအောင်ပတ်ပြီးတောဆောင်းဦးထုတ်နဲ့ဖိထားရသည်..တောင်ပေါ်မှာကနားရွက်တွေအအေးလုံနေရင်အချမ်းသက်သာတယ်လေ..နားရွက်လုံအောင်ထုတ်ထားတော့မျက်စိကိုပိုပြီးရှင်ရှင်ထားရသည်..ရန်သူဆိုတာချိုပါတာမဟုတ်..အသံပေးပြီးလာမှာလည်းမဟုတ်ဘူးလေ..စစ်သားနဲ့သတိဆိုတာအမွှာပူးညီအကိုတွေမဟုတ်ပါလား..
ရွာဆီရောက်တော့သူကြီးဆီသွားတွေ့သည်..သူကြီးကနေမကောင်းသည့်မိန်းမအခုအဖျားကြီးနေသည်ဆို၏..ဆေးကုပေးဖို့နဲ့ဝက်လည်းထိုအမျိုးသမီးအိမ်ကဘဲရောင်းလိမ့်မည်ဆိုတာကြောင့်ရွာသားကလေးငယ်တယောက်ကိုလမ်းပြခိုင်းပြီးနေမကောင်းသည့်လူနာအိမ်ကိုလာခဲ့သည်..ရှမ်းအိမ်တွေကခြေတံအနည်းငယ်ရှည်သည်..အောက်ဘက်တွင်နွားတွေထားသည်..နောက်ချေးနံ့ထွက်နေသောနွားတွေထားသည့်နေရာကဖြတ်ပြီးလှေကားအတိုင်းတက်လိုက်တော့အပေါ်မှာလူနေသည့်အိမ်..လူနာကအိမ်ရှေ့ခန်းမှာလှဲနေသည်..ဘေးတွင်လူနာကိုနှိပ်ပေးနေတာကမနေ့ကတွေ့သည့်ရှမ်းမလေး..အော်..သူတို့အိမ်ကိုး..
ဆေးတပ်သားကလူနာကိုကြည့်ရှုစစ်ဆေးပြီးဆေးထိုးပေးသည်..ဒရစ်ပိုက်ချိတ်ရန်လိုသည်ဆိုသောကြောင့်သူတို့အဖွဲ့ခဏတော့ဒီအိမ်မှာစောင့်ရမည်ပေါ့..ဒရစ်ပုလင်းကုန်ရင်ဖြုတ်ပေးဖို့ကဆေးတပ်သားရှိဖို့လိုတာကိုး..လိုအပ်သောဝက်ဝယ်ဖို့နဲ့ရနိုင်လျှင်စခန်းပေါ်တွင်မွေးထားရန်ကြက်အရှင်နှစ်ကောင်လောက်လိုချင်ကြောင်း..ဟင်းသီးဟင်းရွက်လည်းလိုချင်ကြောင်းရှမ်းမလေးကိုပြောရသည်..လူနာ၏ခင်ပွန်းဖြစ်ဟန်တူသူကဟိုနေ့ကတောင်ယာခင်းတွင်တွေ့သောသူ..အရက်သောက်ထားဟန်ရှိပြီးသူတို့ကိုသိပ်မနှစ်သက်သည့်ပုံမျိုးဖြင့်ကြည့်ကာအောက်သို့ဆင်းသွားသည်..
ရှမ်းမလေးကတော့တို့ဟူးခြောက်ကြော်နဲ့အဖန်ရည်အိုးလာချပေးပြီးအဒေါ်ကိုဆေးသွင်းပေးနေသည်ကိုအသာရပ်ငေးနေသည်..နောက်တော့ဆရာဇက်ခေါင်ကိုကြက်ဝိုင်းဖမ်းပေးဖို့လာပြောတာကြောင့်ဆရာဇက်ခေါင်လည်းစစ်သည်နှစ်ယောက်နှင့်အတူရှမ်းမလေးကိုကူပြီးကြက်ဝိုင်းဖမ်းပေးသည်..ကြက်တွေကိုဆန်နည်းနည်းပက်ကျွေးပြီးဇကာကွက်နှီးတောင်းနှင့်လိုက်အုပ်ဖမ်းရတာသူကလေးနဲ့ဆိုတော့ပျော်စရာပင်ကောင်းသေးတော့..ပြီးတော့စခန်းကိုယူသွားမည့်ဝက်ကိုလိုက်ဖမ်းပြီးကြိုးချည်ရသည်..ဟင်းသီးဟင်းရွက်တွေကတော့ကြိုမသိထားလို့အဆင်သင့်ခူးထားတာမရှိဘဲအိမ်ဘေးမှာစဉ့်အိုးနှင့်စိမ်ထားသည့်ကြံမဆိုင်များကိုသာထုတ်ပိုးပေးသည်..ထောင်းထားသည့်ခေါပုတ်ချပ်အ၀ိုင်းကြီးတချပ်ကိုလည်းထဲ့ပေးသည်..ရသလောက်ရိက္ခာပေါ့လေ..
ဒရစ်ပိုက်သွင်းတာစောင့်ရင်းရှမ်းမလေးနှင့်ဆရာဇက်ခေါင်စကားလက်ဆုံကျနေတော့သည်..သူလည်းကချင်လူမျိုးတောင်ပေါ်သားတယောက်ဖြစ်ကြောင်းပြောတော့တောင်ပေါ်သားချင်းမို့ပိုရင်းနှီးသွားသည်..ထမင်းစားချိန်ရောက်တော့ကောင်မလေးကအားလုံးကိုထမင်းပြင်ကျွေးသည်..ဆေးခါးဟင်းရည်..ဂျုးမြစ်ထောင်းနှင့်ပဲပုတ်ခြောက်ကိုမြေပဲနဲ့ကြော်ထားသည်..ကြံမဆိုင်ကိုဝက်ခေါက်နဲ့ကြော်ထားသည့်ဟင်းတခွက်ပါပါလာတော့ဆရာဇက်ခေါင်နဲ့စစ်သည်တွေလည်းတောင်ယာဆန်နီနီစေးစေးထမင်းကိုကြိတ်လိုက်သည်မှာအိုးလုံးကျွတ်..ကုန်ကျငွေပေးတော့လူနာအမျိုးသမီးကြီးကခေါင်းခါသည်..စေတနာကိုတုံ့ပြန်ကျွေးတာမို့ငွေပေးရန်မလိုပါဟူ၏..
ဒရစ်တလုံးသွင်းပြီးတော့လူနာလည်းထူထူထောင်ထောင်ရှိလာသည်မို့သောက်ဆေးပေးခဲ့ပြီးဝက်ဖိုးနဲ့တခြားဝယ်ခြမ်းထားသည်များကိုငွေချေပြီးထွက်လာခဲ့တော့သည်..သူအိမ်ပေါ်ကဆင်းတော့ရှမ်းမလေးကသူ့လက်ထဲအထုတ်တခုလာထဲ့သည်..ဘာလဲဆိုတော့ပီစိုင်းအတွက်လက်ဆောင်တဲ့..သူအသာကြည့်တော့ဖက်နှင့်ထုတ်ထားသည့်အထုတ်များ..သိတာပေါ့..ဒါဝက်သားချဉ်..ရှမ်းလူမျိုးများကိုယ်တိုင်အိမ်စားဖို့လုပ်သောဝက်သားချဉ်၏အရသာကအလွန်ကောင်းလှသည်..စခန်းရောက်မှကြော်စားတော့မည်..သူရှမ်းမလေးကိုကျေးဇူးအထပ်ထပ်တင်ကြောင်းပြောပြီးလှည့်ထွက်လာခဲ့ပေမယ့်တောင်ပေါ်သူလေး၏ရိုးသားသောပုံဟန်လေးကတော့နှလုံးသားမှာခိုတွဲလို့လိုက်ပါလာခဲ့တော့သည်..
စခန်းဆီပြန်ရောက်တော့ဝယ်ခြမ်းလာသောရိက္ခာတို့ကိုစားဖိုဆောင်ဘက်အပ်..ဗိုလ်ကြီးကိုနောက်ကျရသည့်အကြောင်းသတင်းပို့ပြီးထမင်းချက်ရဲဘော်ဆီထွက်လာခဲ့သည်..
-
မောင်ထူး..ဘာချက်လဲ..
-
အာစရိတို့ကနောက်ကျတာကိုး..ကျနော်လည်းအဆင်ပြေသလိုလမင်းဟင်းချိုနဲ့ငပိကြော်ပေးလိုက်တယ်..ညနေစာအခုအာစရိယူလာတဲ့ကြံမဆိုင်ကြော်လိုက်မယ်လေ..
-
အေးကွာ..ဗိုလ်ကြီးအတွက်ဘာလုပ်ပေးထားလဲ..
-
ဗိုလ်ကြီးလည်းဒါဘဲရှိတော့ဒါနဲ့ဘဲတွယ်ရတာပေါ့အာစရိရာ..စိတ်တော့ဘယ်ကောင်းမလဲ..
-
အေးကွာ..ဒီဝက်သားချဉ်လေးကြော်လိုက်ကွာ..ပြီးရင်ကြက်သွန်နဲ့ပွားအောင်သုတ်..ဗိုလ်ကြီးလည်းထမင်းမြိန်အောင်ပေါ့ကွာ..၀က်ကမနက်ပေါ်မှာလား..
-
ဟုတ်တယ်..ဗိုလ်ကြီးက၀က်ရောက်လာရင်ညနေပိုင်းမလုပ်ရဘူးမှာထားတယ်..ဒီတော့မနက်မှဘဲပေါ်ရမှာပေါ့..
-
အေး..ဒါဆိုငါရေချိုးလိုက်ဦးမယ်..မင်းလုပ်စရာရှိတာမြန်မြန်လုပ်ထားလိုက်ကွာ..
-
စိတ်ချအာစရိ..မောင်ထူးတို့ကမြန်ပြီးသား..
-
အစားကောင်းလေးရလာပေမယ့်စစ်သားဘ၀ဆိုတော့တယောက်တည်းစားဖို့မျိုမကျ..သေတူရှင်ဖက်များမို့ငတ်အတူစားအတူပေါ့..သူတို့အပြန်နောက်ကျလို့လမင်းဟင်းချိုနဲ့နှစ်ပါးသွားရသောဗိုလ်ကြီးအတွက်စိတ်မကောင်း..သူတို့ကတော့ရွာထဲမှာစားကောင်းနေကြသည်လေ..ရှေ့တန်းအခေါ်လမင်းဟင်းချိုဆိုတာကဟန်းကောထဲရေဆူအောင်တည်ပြီးဆားနဲ့အချိုမှုန့်ခတ်လိုက်သောဟင်းချို..လရောင်အောက်မှာသောက်လျှင်လမင်းကိုဟင်းချိုခွက်အတွင်းအတိုင်းသားမြင်နေရအောင်ကြည်နေတာမို့လမင်းဟင်းချို..ဒါတောင်သံယောဇဉ်ဟင်းဆိုတာရှိသေးသည်..စားစရာပြတ်လာတော့ငှက်ပျောအူတွေကိုလှီးပြီးဟင်းချက်စားရတဲ့အခါငှက်ပျောအူဖတ်တို့ကတခုနဲ့တခုအမျှင်တန်းမပြတ်ဖြစ်နေတာကြောင့်သံယောဇဉ်ဟင်းမည်၏..အခုလည်းရှမ်းမလေးပေးလိုက်သောဝက်သားချှုဉ်ကဆရာဇက်ခေါင်အတွက်တော့သံယောဇဉ်တမျှင်ရစ်စေသည့်သံယောဇဉ်ဟင်းတခွက်ဖြစ်လာပါပေါ့လား..
---------------------------------By KK
ဆက်ရန်
08:16
Unknown
ဆရာဇက်ခေါင်လက်ထဲကခေါပုတ်ကင်လေးကိုတမြုံ့မြုံ့ဝါးရင်းစခန်းကုန်းဆီပြန်တက်ခဲ့သည်..မနက်ကစခန်းရိက္ခာအတွက်ရွာသူကြီးဆီဝက်တကောင်သွားဝယ်ဖို့ဆင်းသွားခြင်းဖြစ်သည်..စခန်းကတောင်ကုန်းထိပ်မှာဖြစ်ပြီးရွာနဲ့အတော်လေးလှမ်းတာကတကြောင်း..တောင်ဆင်းတောင်တက်များတာကတကြောင်းမို့ရေကဆာလွယ်သည်..ရွာသူကြီးဆီဝက်မှာတော့မနက်ဖြန်မှလာယူဆိုဘဲ..ခုချိန်ကရွာမှာအားလုံးတောင်ယာသွားပြီ..၀က်ဆိုတာကလည်းသဘာဝအတိုင်းလွှတ်ထားတာ..ညနေပြန်လာမှဘယ်သူရောင်းမလဲမေးပေးမည်တဲ့..သူကြီးမွေးထားသောဝက်မများကလည်းသားကျသည်မှာမကြာသေးလို့မရောင်းနိုင်သေးပါဘူးတဲ့..မတတ်နိုင်..သူ့ရွာသူတို့ရောင်းမှရမည်လေ..
ဗိုလ်ကြီးကရွာခံများထံမှလိုအပ်သမျှကိုငွေပေးဝယ်ယူရန်နှင့်စကားကိုချိုချိုသာသာပြောရန်မှာလိုက်သည်..သူကြီးကရွာတွင်မိန်းမတယောက်နေမကောင်းဖြစ်နေတာကြောင့်ဆေးဝါးနည်းနည်းမျှပေးဖို့ပြောသည်..မနက်ဖြန်ညနေလာရင်ဆေးတပ်သားပါခေါ်ခဲ့ပြီးကြည့်ရှုစစ်ဆေးပြီးဆေးကုပေးဖို့လုပ်ပေးမည်ပြောခဲ့သည်..ရွာကအပြန်တောင်တက်လမ်းတွေချည်းမို့မောလာတော့ရေဘူးကိုစမ်းကြည့်မိသည်..ရွာဝင်စဉ်ကရေဘူးရေဖြည့်ဖို့မေ့သွားသည်ဘဲ..အရေးထဲရေဘူးသယ်မလာသောစစ်သည်တွေကပါတာကြောင့်မျှသောက်ထားတော့ရေကကုန်နေပြီ..ဒါကြောင့်ဖြတ်လာသည့်တောင်ယာတခုဘေးမှာသစ်ပင်ခုတ်နေသောရှမ်းမလေးတယောက်ဆီကရေတောင်းသောက်ရတော့သည်..
ရှမ်းမလေးကဖြူဖြူတုတ်တုတ်နဲ့ပါးအို့နီနီလေး..ချစ်စရာကောင်းလှပါသည်..စိတ်ထားကောင်းပုံလည်းရသည်..အဖန်ရည်ဘူးကိုပေးလိုက်ရုံသာမကခေါပုတ်ကင်တချောင်းပါအဆာပြေစားဖို့ပေးသေးသည်..ဒါပေမယ့်သူမဦးလေးဖြစ်သူအသံကတော့သိပ်လိုလားပုံမရ..အင်းလေ..အင်္ဂလိပ်ခောတ်ကတည်းကပြည်မတောင်တန်းသွေးခွဲအုပ်ချုပ်မှုကြောင့်အမြင်မကြည်လင်သူများရှိသည်ဘဲ..ဆရာဇက်ခေါင်မိဘတွေသည်ကချင်လူမျိုးစစ်စစ်များ..ဒီမိန်းကလေးတို့လိုဘဲတောင်ယာလုပ်သည်..နောက်ဖားကန့်ဘက်မှာဖခင်ကကျောက်စိမ်းသွားတူးသည်..လောပန်လောင်းမဖြစ်ဘဲဘိန်းစွဲလာတာကြောင့်မိသားစုအတော်အဆင်မပြေဖြစ်လာသည်..အမေကတော့မှော်ထဲမှာဈေးရောင်းတာပေါ့..မှော်ထဲမှာဈေးရောင်းကောင်းလာလို့ငွေရလာပေမယ့်ဖခင်ကဘိန်းစွဲနေတော့အိတ်ပေါက်နဲ့ဖားကောက်နေသလိုပင်..
ဆရာဇက်ခေါင်အိမ်မှာနေရတာမပျော်..ငယ်ငယ်ကတည်းကစစ်တိုက်တမ်းဆော့တာဝါသနာပါသူပီပီတပ်မတော်ထဲဝင်ခဲ့တော့သည်..ကချင်ပီပီသတ္တိကောင်းပြီးရဲရင့်ဖျတ်လတ်တာကြောင့်တိုက်ပွဲတွင်အားကိုးရသလိုရာထူးလည်းတိုးလာသည်..အခုတော့ဆရာဇက်ခေါင်ပေါ့..တပ်မတော်ထဲရောက်တော့လူမျိုးစုံလှသည်..ဘာသာတွေလည်းစုံသည်..ဒါပေမယ့်၁၉၉၆ခုနှစ်နောက်ပိုင်းမှာတော့တပ်မတော်တွင်းမှဘာသာခြားအရာရှိအရာခံအကြပ်တပ်သားတို့ကိုတဖြည်းဖြည်းအရပ်ဘက်သို့ပြောင်းရွှေ့ပေးမှုကြောင့်တပ်ထဲတွင်ဘာသာခြားဦးရေမရှိသလောက်နည်းပါးသွားသည်..ယခင်ကလိုတပ်မတော်ဗိုလ်ရွေးမှစလို့စစ်သားစုဆောင်းရေးထိလူမျိုးစုံဘာသာစုံဝင်ရောက်လျှောက်ထားလို့မရတော့..စိစစ်ရွေးချယ်လာသည်..ဘာဘဲပြောပြောတပ်မတော်ထဲမှာအသိပညာစုံဗဟုသုတစုံသလိုတိုင်းရင်းသားလည်းစုံစုံလင်လင်နဲ့ပြည်ထောင်စုအသေးစားလေးပင်ဖြစ်နေသည်..
စခန်းကုန်းပေါ်ရောက်တော့ဗိုလ်ကြီးနေလင်းကိုအခြေအနေသတင်းပို့လိုက်သည်..ဗိုလ်ကြီးကမနက်ဖြန်မနက်တော့ဆေးတပ်သားပါခေါ်သွားပြီးလူနာကြည့်ပေးဖို့..ရန်သူ့သတင်းထောက်လှမ်းခဲ့ဖို့နှင့်ဝက်ဝယ်လို့မရရင်ကြက်နဲ့ဟင်းသီးဟင်းရွက်တွေဝယ်လာဖို့မှာနေသည်..သတင်းပို့ပြီးထွက်လာတော့ထမင်းချက်ရဲဘော်ကိုတွေ့လိုက်ရသည်..
-
ဟိတ်ကောင်..ဘာချက်လဲ..ဆာနေပြီ
-
ထုံးစံအတိုင်းပေါ့ဆရာရယ်..ပဲဟင်းနဲ့ငပိဖုတ်..ဆိတ်သားကြော်ထားတယ်..
-
ဟာ..တယ်ဟုတ်ပါလား..ဘယ်ကဆိတ်သားရလဲ..အူတော့စိုဦးမှာပေါ့ကွာ..လုပ်ကွာ..ထမင်းစားမယ်..
-
ထမင်းစားရန်လုပ်ထားသောဝါးကွပ်ပျစ်ဆီရောက်တော့ဟန်းကောထဲတွင်မီးခိုးနံ့သင်းနေသောပဲဟင်းကျဲကျဲတခွက်..ဖက်ပေါ်ပုံထားသောငပိဖုတ်တတုံးနဲ့ဘာရွက်တွေကိုဆီနဲ့လုံးကြော်ထားမှန်းမသိသောဆီလည်ရေလည်ဟင်းရွက်တပုံကိုဟန်းကောဖုံးပေါ်တွင်တင်ပေးထားတာတွေ့ရသည်..ရွာထဲဆင်းသောစစ်သည်အားလုံးကွပ်ပျစ်မှာထိုင်နေကြပြီ..သူလာတော့သူ့အတွက်နေရာဖယ်ပေးကြသည်..ကွပ်ပျစ်မှာတိုးတိုးကြိတ်ကြိတ်ထိုင်ရင်းမျက်လုံးကဆိတ်သားကြော်ကိုရှာမိသည်..အသားနဲ့တူတာဘာမှမတွေ့..ထမင်းချက်ရဲဘော်ကိုလှမ်းခေါ်လိုက်သည်..
-
ဟိတ်ကောင်..မောင်ထူး..ဘယ်မှာလဲ..မင်းပြောတဲ့ဆိတ်သားကြော်..
-
အဟီး..အဲ့ဟန်းကောအဖုံးထဲမှာလေ..ကျွန်တော်လည်းစခန်းဘေးကစားလို့ရမယ်ထင်သမျှအရွက်တွေအညွှန့်တွေဆိတ်လာပြီးကြော်ထားတာ..တကယ်ဆိတ်သားကြော်ပါဆရာ..တစခန်းလုံးစာဆိတ်ရတာလက်ထိပ်တွေတောင်နာတယ်..
-
ခွေးကောင်..ငါလခွီး..အဟုတ်မှတ်လို့..မင်းတော့များပြီ
-
ဗိုက်ကလည်းဆာလှပြီ..စစ်သားဆိုတော့ဂျီးလည်းမများနိုင်တော့ဘဲရဲဘော်များနဲ့အတူရှိတာလေးဝမ်းပြည့်အောင်စားလိုက်ရတော့သည်..စစ်သားဘ၀ဆိုတာအနေအစားဆင်းရဲလှတာမို့အသားဟင်းဆိုတာကြားရုံနဲ့ပျော်မိမျှော်မိတာတော့အမှန်..မရှိရင်ထမင်းသိုးတောင်နှိုက်စားခဲ့ရ..ငှက်ပျောအူရည်တောင်စုပ်သောက်ခဲ့ရတဲ့ဘ၀လေ..ဒီလောက်စားရတာတောင်ကံကောင်းလှပြီ..စစ်ကြောင်းထွက်နေချိန်များဆိုရိက္ခာဆန့်စားရင်းဆန်ပြုတ်ကနေနောက်ဆုံးငှက်ပျောအူပြုတ်ထိစားခဲ့ရတာမဟုတ်လား..စစ်သားဆိုတာဒီနေ့ထမင်းတူတူစားနေသူများနဲ့မနက်ဖြန်အတူလက်ဆုံစားဖြစ်မည်မပြောနိုင်သည့်လူတကာထက်ထူးကဲသောဘ၀ပိုင်ရှင်များပေါ့..
----------------------------------By KK
ဆက်ရန်
03:52
Unknown
ဟိတ်..ညီမရေ..ရေတခွက်လောက်ရမလား
-
ရတယ်ပီစိုင်း..ယူပေးမယ်နော့
-
နန်းမိုဟွမ်တယောက်ယာခင်းစပ်မှာချထားတဲ့ပလိုင်းထဲကအဖန်ရည်ဘူးကိုဆွဲထုတ်ရင်းအဆာပြေစားဖို့ထဲ့လာသောခေါပုတ်မီးကင်တမြှောင်းကိုပါဖက်နဲ့ပတ်ပြီးယူလာလိုက်သည်..မိုဟွမ်တို့ရွာနဲ့ခပ်လှမ်းလှမ်းမှာစစ်သားတွေရဲ့စခန်းရှိသည်..ထိုစခန်းကစစ်သားတွေဖြစ်မည်..စစ်သားရှစ်ယောက်လောက်တောင်ယာနားကဖြတ်သွားရင်းလက်မောင်းမှာနှစ်မြောင်းတပ်ထားသောလူကမိုဟွမ့်ဆီရေတောင်းသောက်တာဖြစ်သည်..ပုံတွေကြည့်ရတာမောပန်းနေပုံမို့သနားပြီးခေါပုတ်လေးပါအဆာပြေစားရန်ယူပေးခဲ့ခြင်းပါ..
-
ငါ့ဆီတော့အဖန်ရည်ဘဲရှိတယ်ပီစိုင်း..ဒီမှာနင်တို့ဆာရင်စားဖို့ခေါပုတ်ကင်...မျှစားပေါ့နော့..
-
ကျေးဇူးပါညီမရေ..တောင်ယာခင်းလာတာအဖော်မပါဘူးလား..
-
ပါတယ်လေ..ဟိုဘက်မှာတောင်ယာမီးရှို့ဖို့လုပ်နေလို့..
-
အင်း..ကျေးဇူးတင်တယ်နော်..သွားပြီညီမ
-
အေး..အေး..
-
မိုဟွမ်...လာခဲ့..ဒီမှာလာကူစမ်း..ဘာလုပ်နေတာလဲ..
-
ဦးလေးခေါ်နေပြီ..သွားတော့နော်..
-
စစ်သားတွေမိုဟွမ်ပေးသည့်ခေါပုတ်ကိုတယောက်တဖဲ့ဝေစားရင်းဆက်ထွက်သွားသည်..မိုဟွမ်လည်းခပ်လှမ်းလှမ်းကဦးလေးအလုပ်လုပ်နေတဲ့ဘက်လျှောက်လာလိုက်သည်..
-
ဟိုစစ်သားကောင်တွေနဲ့နင်ဘာပြောနေတာလဲ..
-
မပြောပါဘူး..ရေတောင်းသောက်တာပါ..
-
အေး..နောက်တခါရှုတ်ရှုတ်ရှက်ရှက်မလုပ်နေနဲ့..ဟိုမှာခုတ်ထားတဲ့အပင်တွေလိုက်စုစမ်း..ထင်းဖယ်ပြီးရင်မီးရှို့ဖို့အစုတွေစုထား..ကြားလား
-
အေးပါ..ငါသိပါတယ်
-
ဦးလေးခုတ်ထားသောအပင်ငယ်တွေကိုမိုဟွမ်လိုက်ဆွဲယူလာပြီးတနေရာမှာစုပုံလိုက်သည်..လက်စွဲတော်ဓါးမနဲ့အရွက်တွေသပ်ချပြီးထင်းကိုင်းများကိုတစုစီစည်းသည်..ညနေအပြန်ထင်းစည်းကိုပလိုင်းထဲထဲ့ရွက်ဖို့အနေတော်အရွယ်ဖြတ်သည်..မိုဟွမ်မိဘနှစ်ပါးဆုံးပါးသွားပြီးအဒေါ်လုပ်သူကမမွေးစားချင်သော်လည်းရွာလူကြီးကိုကြောက်လို့ဝတ်ကျေးတန်းကျေမွေးစားထားခြင်းသာ..မိဘများရှိစဉ်ကတော့မိုဟွမ့်ဘ၀လေးပျော်စရာကောင်းလှသည်..မနက်ဆိုမိဘတွေနှင့်တောင်ယာတဲဆီလိုက်လာပြီးကလေးဘာသာဘာဝတောပန်းများခူးဆော့သည်..မိခင်ဖြစ်သူကမိုဟွမ့်ကိုမွေးတော့အိမ်ရှေ့သစ်ပင်မှာကပ်ပေါက်နေသည့်သစ်ကပ်ပင်တခုကညဥ့်ကြီးမိုးချုပ်မှာရနံ့မွှေးသောကြာပန်းသဏ္ဍာန်ပန်းပွင့်သည်ဆို၏..ဒါကြောင့်နန်းမိုဟွမ်ဆိုသောနာမည်ကိုပေးတာတဲ့...ဗမာလိုမကြာမွှေးပေါ့..
မိုဟွမ်ငါးနှစ်အရွယ်မှာဖခင်ဖြစ်သူငှက်ဖျားပိုးဦးဏှောက်ထဲဝင်ပြီးဆုံးပါးသွားသည်..မိခင်ဖြစ်သူကမိုဟွမ့်ကိုလက်ဆွဲကာပင်ပန်းကြီးစွာတောင်ယာလုပ်ကိုင်ကျွေးမွေးရှာသည်..နောက်အိမ်ထောင်လည်းသမီးလေးကိုငဲ့ပြီးထပ်မထူထောင်တော့..မိုဟွမ်ကျောင်းစာသင်တာငါးတန်းရောက်တော့မိခင်သည်တောင်ယာခင်းအပြန်မိုးမိရာကအပြင်းဖျားပြီးဆုံးပါးသွားသည်..ဆွေမျိုးကလည်းမိခင်၏ညီမဖြစ်သူအဒေါ်တယောက်သာရှိသည်..အဒေါ်၏ယောက်ျားကအလုပ်နည်းနည်းလုပ်ပြီးအရက်များများသောက်သောလက်ကြောမတင်းသူဖြစ်တာကြောင့်အဒေါ်ကလည်းလူပိုခေါ်မကျွေးထားချင်..ရွာလူကြီးက၀င်ပြောတော့မှဒီအရွယ်ဆိုခိုင်းလို့စေလို့လည်းရလောက်ပြီသဘောထားပြီးခေါ်မွေးခြင်းဖြစ်သည်..အဒေါ့်ထံရောက်ပြီးနောက်စာကိုရေးတတ်ဖတ်တတ်လျှင်တော်ပြီဟုဆုံးဖြတ်ကာမိုဟွမ့်ကိုကျောင်းထုတ်လိုက်သည်..တောင်ယာထဲတွင်ကူလုပ်ခိုင်းထားလိုက်တော့တာယခုမိုဟွမ်အသက်၁၈နှစ်ပင်ပြည့်တော့မည်..
ဒီနှစ်ထဲမှာဦးလေးကအဒေါ်လစ်တိုင်းစကားကိုထိကပါးရိကပါးပြောလာတတ်တော့မိုဟွမ်စိတ်ညစ်ရသည်..တောင်ယာမှာလည်းလက်စွဲတော်ဓါးမကိုမြည့်နေအောင်သွေးလို့ကိုယ်နဲ့မကွာဆောင်ထားရသည်..တောင်ပေါ်သူမို့ကျန်းမာရေးကောင်းပြီးကျစ်ကျစ်လစ်လစ်နဲ့တောင့်တင်းသောကိုယ်လုံးရှိသည့်မိုဟွမ်သည်အလုပ်ကြမ်းလုပ်ရတာကြောင့်ယောက်ျားလေးတယောက်ကဲ့သို့သန်စွမ်းသူလေးဖြစ်နေသောကြောင့်သာဦးလေးဖြစ်သူကလက်မပါရဲသေးခြင်းဖြစ်လေသည်..သူကအရက်နေ့စဉ်သောက်တာကြောင့်လူကအနည်းငယ်ဖောပြီးသိပ်မဖျတ်လတ်ချင်တော့ဘူးလေ..
မိုဟွမ်အတွေးရပ်ပြီးထင်းများကိုပလိုင်းထဲစုထဲ့ပြီးထောင်ထားလိုက်သည်..ပြီးတော့အမှိုက်တွေစုပုံကာတောင်ယာမီးရှို့ရန်ပြင်တော့သည်..အမှိုက်တွေပုံပြီးမီးရှို့ခဲ့လိုက်လျှင်အနီးအနားခြုံပင်များကိုပါလောင်ပြီးတောင်ယာတခင်းစာရှင်းလင်းသွားလိမ့်မည်..လုပ်လက်စတောင်ယာခင်းကမြေဆီနည်းပါးလာတာကြောင့်ဟင်းသီးဟင်းရွက်တွေသိပ်မကြီးတော့..ဒါကြောင့်တောင်ယာအသစ်ထပ်ခုတ်ရခြင်းဖြစ်သည်..အဒေါ်ကဒီရက်ပိုင်းသိပ်မမာချင်..အိမ်ရောက်လျှင်လည်းအိမ်အလုပ်ကတဖက်..အဒေါ်ကိုပြုစုရတာတဖက်နှင့်တနေကုန်တောင်ယာခင်းတွင်ပင်ပန်းလာတာပေါင်းပြီးမိုဟွမ်ညဆိုအိပ်ကောင်းလှသည်..ဒါပေမယ့်သတိတော့မလွတ်..အခန်းတံခါးကိုတော့လုံလုံခြုံခြုံပိတ်ပါသည်..အမှန်တော့ထရံကပ်ဝါးတံခါးမျှသာ..ဘာဘဲပြောပြောမရှိတာထက်တော့တော်သေးတာပေါ့..
တောင်ယာမီးရှို့တာစောင့်ရင်းခပ်လှမ်းလှမ်းတောင်ယာတဲကကွပ်ပျစ်ပေါ်တင်ထားသောထမင်းဂျိုင့်ကိုဖွင့်စားလိုက်သည်..အရက်ချိုးဦးလေးကတော့ဘယ်အပင်အောက်မှာသောက်ပြီးခွေနေပြီလည်းမသိ..တောင်ယာမီးနဲ့အတူပါသွားလည်းအေးရော..တောင်ယာဆန်နီနီစေးစေးကိုဂျုးမြစ်နဲ့ငရုတ်သီးရောထောင်းထားတာတပုံနဲ့ပဲပုတ်ပြားတချပ်မီးကင်ထဲ့လာသည်..အဖန်ရည်ကိုမီးမွှေးပြီးတောင်ယာတဲတွင်ထပ်တည်ထားသောကြောင့်ပူပူလောင်လောင်အဖန်ရည်ကိုတဖူးဖူးမှုတ်သောက်ရင်းမွှေးမွှေးစပ်စပ်ဂျုးမြစ်ထောင်းနဲ့ဆိမ့်သောပဲပုတ်ကင်လေးဖဲ့ပြီးတောင်ယာဆန်နှင့်စားရသည်မှာအလုပ်ပင်ပန်းပြီးဆာလောင်နေချိန်မို့စားဝင်လှသည်..ဘ၀ဆိုတာနေတတ်ရင်ကျေနပ်စရာဘဲလေ..
-------------------------------------By KK
ဆက်ရန်
