ငယ်ချစ်ပုံပြင်..(၃)

နန်စီတယောက်သူမမျက်စီရှေ့ကအရာကိုဂရုတစိုက်ကောက်ယူလိုက်သည်..အတန်အသင့်ထူသောစာအုပ်တအုပ်ပါ..အနက်ရောင်သားရေဖုံးစာအုပ်ကိုအပေါ်ကကြိုးအနက်ခပ်သေးသေးနဲ့စည်းထားသည်..စာအုပ်ကအနည်းငယ်ဖောင်းပွပွဖြစ်နေသည်..အနားပတ်ဝန်းကျင်ကြည့်လိုက်တော့လည်းလူသူကင်းရှင်းနေသည်..ပိုင်ရှင်ဖြစ်နိုင်သူကိုမတွေ့ရသဖြင့်စာအုပ်လေးကိုအသာအယာပိုက်ပြီးဆိုင်ထဲဝင်ခဲ့လိုက်သည်..ဆိုင်တွင်းလုပ်စရာပြင်ဆင်စရာများပြီတော့ဈေးဝယ်သူစောင့်ရင်းကောက်ရသောစာအုပ်ကိုစပ်စုချင်စိတ်ကပေါ်လာသည်..ဒါကြောင့်စာအုပ်ကိုစားပွဲပေါ်တင်ပြီးချည်ထားသောကြိုးလေးကိုဖြည်နေမိသည်..စာအုပ်ဆိုက်ကအရှည်တပေ..အနံ၈လက်မခန့်ရှိသည်..အထဲမှာဘာပါမလဲ..စာအုပ်ကမှတ်တမ်းစာအုပ်မျိုးဖြစ်သည်..သူမဖွင့်ဖတ်လို့သင့်တော်မလား..ခက်တာကပိုင်ရှင်မည်သူမှန်းမသိ..စာအုပ်ကိုဖွင့်ကြည့်မှသိနိုင်မည်လေ..

နန်စီစာအုပ်ရဲ့ပထမစာမျက်နှာကိုဖွင့်လိုက်တော့အတော်လေးကိုကြည့်ကောင်းသည့်ယောက်ျားတယောက်၏ကိုယ်တပိုင်းပုံတူခဲခြစ်ပန်းချီပုံလေး..နာမည်ကိုဝီလျံဟုရေးထားသည်..ပန်ချီကားထဲမှကောင်လေးသည်နွေးထွေးကြင်နာတတ်မည့်မျက်ဝန်းများကိုပိုင်ဆိုင်သူတယောက်ပင်..နောက်စာမျက်နှာတခုကိုဖွင့်မိတော့ထိုကောင်လေးသူငယ်ချင်းများနှင့်ခရီးထွက်စဉ်ကပုံများဖြစ်မည်ထင်သည်..ခရီးထွက်သည့်နေရာ..ပါဝင်သောသူငယ်ချင်းများစသဖြင့်နေ့စွဲနှင့်အကြောင်းအရာလေးများကိုမှတ်တမ်းတင်ထားသည်..စာအုပ်ပိုင်ရှင်ကောင်လေးသည်သူ့ဘ၀တွင်ကြုံလာသမျှအမှတ်တရနေ့ရက်တွေကိုမှတ်တမ်းလေးလုပ်ထားခြင်းဖြစ်မည်..စိတ်ကူးတော့အတော်ကောင်းသည်..
နန်စီ့ဘ၀တွင်ဒီကောင်လေးလိုမှတ်တမ်းလုပ်စရာအမှတ်တရများစွာမရှိ..ဒီမှတ်တမ်းလေးကနန်စီ့ကိုစိတ်ဝင်စားမှုများစွာပေးသည်..နန်စီမရောက်ဖူးသောနေရာများ..တခါမှမဆုံဘူးသောလူများကိုရင်းနှီးကျွမ်းဝင်လာစေသည်..တရွက်ခြင်းစာရွက်တွေကိုလှန်လိုက်တိုင်းမှတ်တမ်းဓါတ်ပုံများကနန်စီ့စိတ်ကိုထူးခြားဆန်းသစ်လာစေသည်..ဒီလိုခံစားမှုမျိုးမရစဖူး..သူမမျှော်မှန်းရန်ခက်သည့်ဘ၀မျိုးကိုပိုင်ဆိုင်သောကောင်လေးတယောက်ပါလား..သူငယ်ချင်းအပေါင်းအသင်းစုံလင်စွာ..အမှတ်တရများစွာရှိသည့်ဘ၀လေး..မှတ်တမ်းပုံများတွင်ပြုံးရွှင်နေသောကောင်လေးမျက်နှာကိုမြင်လိုက်ရသည်..
စာအုပ်လေးကိုတရွက်ခြင်းလှန်ရင်းနန်စီသတိထားမိလာတာစာတမျက်နှာထက်တမျက်နှာကောင်လေးသည်ငယ်သွားသည်..ဒီစာအုပ်ကိုပိုင်ရှင်ကောင်လေးသည်ရေးရိုးရေးစဉ်ပထမစာမျက်နှာကစရေးခဲ့တာမဟုတ်ဘဲနောက်ဆုံးစာမျက်နှာကနေပထမဆုံးစာမျက်နှာဆီပြောင်းပြန်ရေးလာခြင်းဖြစ်မည်..အထီးကျန်စွာဘ၀ကိုဖြတ်သန်းနေရသောသူမအတွက်ဒီစာအုပ်လေးကတော့အံ့သြစရာပါ..ဘ၀အမောတွေကြားကသုခဘုံလေးတခုလိုခံစားနေမိရင်းစာအုပ်လေးကိုတရွက်လှန်ပြီးမှတ်တမ်းများကိုနက်နက်နဲနဲစိတ်ကူးနဲ့ခံစားကြည့်လိုက်..ဈေးဝယ်သူလာလျှင်ဝန်ဆောင်မှုပေးလိုက်နဲ့ပေါ့..စာရွက်တွေကိုကျော်မဖတ်ဖြစ်ပါ..လူတယောက်၏ဘ၀အမှတ်တရများကိုကိုယ်ပိုင်မဟုတ်တောင်အငှားခံစားမှုဖြင့်ဒီစာမျက်နှာတွေကသူမကိုမွေ့လျော်စေသည်..ဆွဲဆောင်နိုင်သည်..
ညနေစောင်းပိုင်းရောက်တော့ဈေးဝယ်တွေကျလာသဖြင့်စာအုပ်ကိုဆက်မဖတ်ဘဲအိမ်ယူသွားရန်သိမ်းထားလိုက်သည်..ဆိုင်သိမ်းပြီးအိမ်ကိုပြန်ရောက်တော့ခွေးရုပ်လေးကိုနှုတ်ဆက်..ညစာစားပြီးခွေးရုပ်လေးကိုစာအုပ်လေးအကြောင်းပြောပြရင်းဆက်ဖတ်ဖြစ်သည်..စာအုပ်လေးရဲ့သုံးချိုးနှစ်ချိုးအရောက်မှာသူမတွေ့လိုက်ရသောဓါတ်ပုံလေး..ကလေးကစားကွင်းတခုကိုရိုက်ထားသည့်ပုံ..ဒီကစားကွင်းလေးကိုသူမမှတ်မိတာပေါ့..ဒီကစားကွင်းလေးကရလာသောခံစားချက်တွေအများကြီးလေ..ဒီစာမျက်နှာမှာကစားကွင်းလေးကိုရှုထောင့်အမျိုးမျိုးမှရိုက်ထားသည့်ဓါတ်ပုံလေးတွေ..အော်..ဒီစာအုပ်ပိုင်ရှင်လေးလည်းတချိန်ကဒီကစားကွင်းမှာကစားဖူးတာကိုး..နောက်တရွက်ကိုလှန်လိုက်တော့အပြာရောင်လှုပ်မြင်းရုပ်..သူမစီးနေကျမြင်းရုပ်ရဲ့ပုံလေ..စာရွက်လေးတရွက်ကိုနှစ်ပိုင်းခေါက်ထားတာလေးတခုတွေ့တာကြောင့်ဖွင့်ကြည့်လိုက်သည်..
ခဲခြစ်ပန်းချီပုံလေးတခု..ပိုနီတေးစီးထားသည့်ကလေးမလေးတယောက်အရုပ်လေးပိုက်ထားသည့်ပုံ..မျက်နှာလေးက၀မ်းနည်းအားငယ်ရိပ်လွှမ်းလျက်..ကြည့်စမ်း..ကောင်မလေးပါးမှာအနီရောင်ခြယ်ထားသောအမှတ်တခု..ဒါသူမပုံဘဲ..အရုပ်လေးကခွေးညိုလေးပုံ...ဒါဆိုဒီစာအုပ်ပိုင်ရှင်လေးသည်သူမရှာခဲ့သောကောင်လေးလား..နောက်တရွက်မှာတော့ကလေးပန်းချီလေး..ဒါပေမယ့်ပုံထဲမှာကောင်လေးတယောက်နဲ့ကောင်မလေးတယောက်ကြားမှာခွေးရုပ်လေးတရုပ်ချထားသည့်ပုံ..သူငယ်ချင်းတွေပေါ့..သူမငယ်ငယ်ကအမြဲဝတ်ဖြစ်သည့်ဂါဝန်လေးကိုထဲ့ဆွဲထားသည်..ကလေးပန်းချီပေမယ့်ဒါဟာသူမပုံပါဘဲ..ဒါဆိုကောင်လေးလည်းသူမကိုသတိရခဲ့သည်ပေါ့..နှစ်ပေါင်းများစွာတကိုယ်တည်းသတိရနေမိတယ်ထင်မိနေတာ..ခုတော့ချက်ချင်းပင်သူမကမ္ဘာကြီးအဓိပ္ပါယ်တွေပြည့်သွားသည်...သူမအပေါ်နားလည်နွေးထွေးနိုင်သူတယောက်ရှိနေသေးသည်ဘဲ..
ခဲခြစ်ပန်းချီလေးကငယ်စဉ်ကလေးဘ၀ဆွဲတာမဟုတ်ဘဲအတော်အရွယ်ရောက်မှဆွဲထားတာဖြစ်လိမ့်မည်..ထိုအချိန်ထိသူမမျက်နှာကိုအသေးစိတ်မှတ်မိနေသူသည်သူမကိုရင်ထဲမှာတကယ်သတိတရရှိနေသူသာဖြစ်ရမည်လေ..အခုသူ့ကိုဘယ်လိုလိုက်ရှာရမလဲ..ဒီမြို့ကြီးထဲမှာအိမ်ခြေပေါင်းများစွာ..လူပေါင်းများစွာ..ဘယ်နေရာကစရှာမည်နည်း..လောကကြီးသည်သူမကိုကြည်စားနေတုန်းပါဘဲလား....
----------------------------------By KK
ဆက်ရန်

Posted in: Stories, ငယ်ချစ်ပုံပြင်