ကားပေါ်မှာငြိမ်သက်စွာထိုင်လိုက်လာရင်းလမ်းဘေးရှုခင်းများကိုကျွန်တော်ငေးကြည့်နေပေမယ့်အာရုံမှာတော့ထင်ဟပ်လာတာကခင်မေကြူ၏ပုံရိပ်များသာ..ကျွန်တော်လွန်ခဲ့တဲ့တပတ်ကရန်ကုန်ပြန်ဆင်းလာသည်...ဆိုင်းမဆင့်ဗုံမပါရောက်လာသောကျွန်တော့်ကိုခင်မေကြူတအံ့တသြဖြစ်နေသည်..ကျွန်တော်ကတော့ရန်ကုန်မှာလုပ်စရာကိစ္စပေါ်လာလို့လာတာဖြစ်ကြောင်းသာပြောပြထားလိုက်သည်..
ခင်မေကြူအလုပ်သွားတော့ကျွန်တော်ရှာဖွေရေးစပါသည်..ဘီရိုကိုဆွဲဖွင့်ပြီးအသာလှန်လှောကြည့်သည်..သိပ်ထူးခြားတာတော့မရှိပါ..အ၀တ်အစားအသစ်တော်တော်များများတိုးလာတာတွေ့ရတာလောက်ဘဲရှိသည်..သူ့ပိုက်ဆံအိတ်တွေကိုလိုက်ဖွင့်ကြည့်သည်..ငွေကတော့တသိန်းလောက်သူဖယ်ထားတာတွေ့ရသည်..ဘီရိုတခုလုံးစစ်ကြည့်လို့ဘာမှထူးထူးခြားခြားမတွေ့တော့ကျွန်တော်မှန်တင်ခုံအံဆွဲကိုဖွင့်ကြည့်သည်..
မြောက်များလှစွာသောဘာမှန်းမသိရသည့်အမျိုးအမည်စုံအလှပြင်ပစ္စည်းတွေထိုးထဲ့ထားတာတွေ့ရသည်..အံဆွဲထောင့်လေးမှာစာရွက်ခေါက်လေးတခု..ဘောက်ချာတစောင်ဖြစ်ဟန်တူသည်..အံဆွဲကိုပြန်ပိတ်မည်လုပ်ပြီးမှဘာရယ်မဟုတ်ဘဲဘောက်ချာကိုဆွဲယူဖတ်လိုက်သည်..ဘောက်ချာကိုဆွဲယူလိုက်စဉ်ခပ်သေးသေးအလှပြင်ပစ္စည်းလေးတခုအောက်ပြုတ်ကျသွားသည်..ဆွဲကြိုးဝယ်သည့်ရွှေဆိုင်ဘောက်ချာ..၀ယ်ယူသူနာမည်ကခင်မေကြူနာမည်မဟုတ်ဘဲလူတယောက်၏နာမည်ဖြစ်သည်..
ကျွန်တော်ဘောက်ချာကိုအံဆွဲထဲပြန်ထဲ့လိုက်ပြီးအောက်ကျသွားသောပစ္စည်းလေးကိုလိုက်ရှာသည်..ကုတင်အောက်ဝင်သွားဟန်ရှိသည်..မြင်ကွင်းတွင်မတွေ့တာကြောင့်ကျွန်တော်ကုတင်အောက်ကိုငုံ့ကြည့်လိုက်သည်..တွေ့ပါပြီ..အိုင်းရှဲဒိုးဘူးဝိုင်းသေးသေးလေးကကုတင်ခြေရင်းကိုလိမ့်သွားတာကိုး..ကျွန်တော့်မျက်လုံးတွေကအိုင်းရှဲဒိုးဘူးလေးဘေးကအရာကိုမြင်လိုက်တော့မျက်မှောင်ကြုတ်သွားမိသည်..စီးကရက်တိုတခု..ကျွန်တော်ဆေးလိပ်မသောက်ပါ..
ကျွန်တော့်စိတ်ထဲမှာခံပြင်းမှုများများနှင့်နေရခက်လာသည်..တလောကလုံးကြားအောင်ပေါက်ကွဲအော်ဟစ်လိုက်ချင်စိတ်တွေပေါ်လာသည်..သို့ပေမယ့်ကျွန်တော်မအော်ပါ..ကျွန်တော်သိချင်သောအကြောင်းအရာတို့ကိုသေချာစုံစမ်းရန်သာအပြင်ကိုထွက်လာခဲ့သည်..ကျွန်တော်ဘဲကံကောင်းချင်တာလား..သားကောင်ကဘဲကံဆိုးတာလားမသိပေမယ့်အပြင်ထွက်စုံစမးရတာတော့ကျွန်တော့်စိတ်ကြိုက်အချက်တော်တော်များများသိလိုက်ရသည်..
ကျွန်တော့်သားကောင်ခရီးထွက်စရာရှိသည်..သူ့နောက်လျှောက်လိုက်တော့ဝပ်ရှော့မှာသူ့ကားကိုစစ်ဆေးနေသည်..မယောင်မလည်ကားပြင်ဖို့လာစုံစမ်းသလိုနဲ့နားစွင့်လိုက်တော့ခရီးထွက်မှာဖြစ်လို့သူ့ကားကိုကြံ့ခိုင်ရေးလာစစ်ဆေးတာဖြစ်သည်..ကောင်းတာပေါ့..ဒါမှကျွန်တော်လည်းအကွက်ချလို့ရမှာလေ..အကိုကျော်ခေါင်ကိုဖုန်းဆက်ပြီးကျွန်တော်မှာထားသောပစ္စည်းလေးများယူပြီးရန်ကုန်ဆင်းလာဖို့မှာလိုက်သည်..အဝေးပြေးကားနဲ့မဟုတ်ဘဲနယ်စပ်ကကားတစီးစီးကိုအကြံအဖန်လုပ်ခဲ့ဖို့ပါမှာရသည်..
ကျွန်တော်ကတော့အိနြေ္ဒမပျက်အိမ်မှာပင်အေးအေးဆေးဆေးနေလိုက်သည်..သို့သော်လည်းညရောက်မှာကျွန်တော်ကြောက်သည်..ကျွန်တော့်ဘေးတွင်အိပ်ပျော်နေသောခင်မေကြူကိုကြည့်လိုက်တိုင်းတခြားသောယောက်ျားတယောက်နဲ့ဒီအိပ်ယာပေါ်မှာအတူရှိနေတယ်လို့ဘဲကျွန်တော်မြင်လာမိသည်..ခင်မေကြူ၏လက်များကကျွန်တော့်ကိုသိုင်းဖက်လာချိန်မှာတခြားတယောက်ကိုလည်းသူဒီလိုပင်လုပ်ခဲ့မှာဘဲဆိုသည့်အတွေးကလာနှိပ်စက်တာကြောင့်ကျွန်တော့်အိမ်ထောင်ရေးသုခများလည်းပျောက်ကွယ်ကုန်သည်..
ကျွန်တော်ခင်မေကြူကိုချစ်သော်လည်းစိတ်ကမသတီတော့ဘဲဖြစ်နေသည်..ခွင့်လွှတ်ပေးနိုင်ဖို့အကြိမ်ကြိမ်ကြိုးစားသည်..ခက်နေတာကကျွန်တော့်စိတ်ကိုကျွန်တော်ကိုယ်တိုင်မနိုင်ဘဲကမောက်ကမဖြစ်နေတာဘဲဖြစ်သည်..ကျွန်တော်ခင်မေကြူကိုအရမ်းချစ်ပါသည်..ချစ်လွန်းလို့လည်းကျွန်တော့်ဘ၀မှာမျှော်လင့်ချက်တွေ၊ရည်မှန်းချက်တွေအများကြီးထားခဲ့သည်..ကျွန်တော်လည်းအပျော်တွဲခဲ့ဖူးသည်..ဒါပေမယ့်ကျွန်တော့်ဇနီးသည်ကတခြားတယောက်နဲ့အိမ်ထောင်ရေးဖောက်ပြန်တာကိုခွင့်လွှတ်နိုင်စွမ်းကျွန်တော့်မှာမရှိဖြစ်နေသည်..
ခင်မေကြူကိုအခုတခေါက်ကျွန်တော်ပြန်လျှင်နယ်စပ်ကိုအလည်လိုက်ခဲ့ဖို့ပြောလိုက်သည်..ကျွန်တော်သူမကိုခေါ်သွားမည်..အလုပ်ကခွင့်ယူခိုင်းလိုက်သည်..တကယ်တော့အလုပ်ကနေခင်မေကြူကိုကျွန်တော်အပြီးထုတ်လိုက်ခြင်းသာဖြစ်သည်..ခင်မေကြူကတော့သူမရောက်ဘူးသည့်နယ်စပ်ကိုအလည်လိုက်ရမည်ဆိုပြီးပျော်နေသည်..နယ်စပ်မှာအ၀တ်အစားအသုံးအဆောင်တွေဈေးသက်သာသည်ဟုကြားဖူးထားတာကိုး...
အကိုကျော်ခေါင်ရောက်လာတော့ကျွန်တော့်အစီအစဉ်တွေကိုပြောပြပြီးတိုင်ပင်ရသည်..အကိုကျော်ခေါင်ကနဂိုကတည်းကလက်ရဲဇက်ရဲ၊သွေးရဲသူဖြစ်ပြီးကျွန်တော့်အပေါ်လည်းညီအရင်းလိုခင်မင်သူမို့ကူညီမည်ဆိုသည်..နယ်စပ်ကိုရောက်အောင်ပြန်နိုင်ရင်ကျန်တာတွေကဖြေရှင်းဖို့လွယ်ကူသည်လေ..နယ်စပ်ဆိုတာလူတယောက်ကိုဖျောက်ထားလို့ရတဲ့နေရာမဟုတ်လား..
----------------------------------By KK
ဆက်ရန်
0 comments:
Post a Comment