ဒီရင်နားပါအရိုင်းလိပ်ပြာ..(၃)

----------------------------------------
ရန်ကုန်ကနေစထွက်လာတော့မနက်(၄)နာရီ..ခရီးကအတော်လှမ်းတော့ဒီလောက်စောစောထွက်မှတော်ကာကျမည်..နွေရာသီဖြစ်ပေမယ့်မနက်စောစောမို့အပူရှိန်မရှိသေးတော့ကားမောင်းလို့လည်းကောင်းသည်..ကျနော်ကတော့ကားကူရှင်နောက်မှီပေါ်ခေါင်းတင်ပြီးတရေးပြန်မှေးလိုက်လာကြသည်..စောစောစီးစီးမို့စကားများများမပြောဖြစ်ကြဘဲအားလုံးကိုယ်စီပြန်ငိုက်နေကြသည်..ပဲခူးရောက်တော့လက်ဘက်ရည်ဆင်းသောက်..အပေါ့အပါးသွားကြပြီးကားပေါ်ပြန်တက်ခရီးနှင်ကြသည်..လမ်းဟောင်းအတိုင်းသွားကြမည်ဖြစ်သည်..

ရန်ကုန်မန္တလေးအမြန်လမ်းမကြီးကလမ်းဘေးဝဲယာကြည့်စရာရှုစရာဘာမှသိပ်မရှိတော့ဧည့်နိုင်ငံသားဂျာမန်တို့ကိုအားနာသည်..သူတို့လည်းမြန်မာနိုင်ငံရောက်တုန်းမြန်မာ့ရှုခင်းကိုအကဲခတ်လေ့လာလိုကြမည်လေ..လမ်းဘေးဝဲယာမြန်မာ့ကျေးလက်မြို့ရွာရှုခင်းများကိုကြည့်ရင်းသူတို့လည်းသိချင်တာမေး..ကျနော်လည်းသိတာလေးဆိုအကျယ်တ၀င့်ပြောပြပြီးမသိတာတော့အသာရမ်းကြိတ်ရတာပေါ့..နွေရာသီမို့နေမြင့်လာတာနဲ့အမျှကားထဲအဲယားကွန်းဖွင့်ထားတာတောင်လမ်းပေါ်ကတံလျှပ်များကြောင့်အပူငွေ့လာဟပ်နေသလိုခံစားရသည်..

သာဝတ္ထိရေကျော်မီးရထားလမ်းမဖြတ်ခင်နေရာမှာတော့ကျနော်ခရီးသွားရင်ဝင်စားနေကျထမင်းဆိုင်တခုရှိသည်..အရိပ်ကောင်းလှသောမန်ကျည်းပင်ကြီးများအောက်တွင်ဓနိမိုးထားပြီးဝါးနဲ့ဆောက်ထားသောထမင်းဆိုင်ကတောဓလေ့ဟန်ပန်အပြည့်..ဘေးအကာမရှိဘဲလေတဖြူးဖြူး..ကျယ်ဝန်းသောခြံကြီးထဲတွင်မြန်မာ့ရိုးရာပုံစံအတိုင်းဆောက်ထားသောရေနံချေးဝနေတဲ့အိမ်..ကြက်ခြံများ..နွားလှည်းတစ်စီးကိုထောက်နှင့်ထောက်ထားသည်..နွားတွေကတော့သစ်ပင်ရိပ်မှာစမြုံ့ပြန်လို့..

ဂျာမန်ကြီးတွေသဘောတကျဓါတ်ပုံတွေတဖျတ်ဖျတ်ရိုက်နေကြသည်..ဆိုင်တွင်းမှာတော့ဝါးစာပွဲရှည်နဲ့ဝါးထိုင်ခုံတန်းအရှည်နှင့်အညာပုံစံခင်းကျင်းထားသည်...သနပ်ခါးပါးကွက်ကြားနဲ့မြန်မာမိန်းကလေးများကထမင်းဟင်းများလိုက်ချပေးနေကြတာကိုအနောက်နိုင်ငံသားတို့ကစိတ်ဝင်တစား..သန့်ပြန့်သည့်ကြွေပန်းကန်များနှင့်ထမင်းအုပ်ကြီးတလုံး..အတော်ကြီးမားသောဟင်းသောက်အလယ်ထိုင်ပန်းကန်ကြီးတလုံးအပြည့်ပူပူလောင်လောင်အငွေ့တထောင်းထောင်းထပြီးမွှေးကြိုင်နေသောကြက်သားကာလသားချက်...ခရမ်းသီးနှပ်..ငပိရည်၊ငပိထောင်းနဲ့တို့စရာ။

ဒါကဒီဆိုင်ရဲ့ပင်တိုင်ဟင်း..ဒီဆိုင်ကကြက်သားကာလသားချက်သည်အလွန်နာမည်ကြီးသည်..ဘူးသီးမပါ၊ကြက်သားချည်းသက်သက်အရည်သောက်စားချက်ထားသည်မှာဘယ်မှာမှမရနိုင်သောအရသာ..ချိုလေးမွှေးပျံ့ပြီးအလွန်စွဲမက်စေသည်..စားသုံးသူနှင့်ဆိုင်ပိုင်ရှင်ပြိုင်ပွဲအလား..စားနိုင်သလောက်စား..ကြက်သားကာလသားဟင်းကိုဟင်းခွက်ထဲကုန်တိုင်းလာထပ်ထဲ့ပေးသည်..ကိုယ်ကဘဲစားနိုင်မလား..သူကဘဲထဲ့နိုင်မလား..လူတယောက်ကိုအ၀စား၁၅၀၀...စိတ်တိုင်းကျထဲ့စားနိုင်သည်..အရသာထူးကဲလှသည့်ကြက်သားဟင်းရည်ကိုမက်မက်မောမောသောက်နေတာကြောင့်ထမင်းပိုဝင်သည်..ဆိုင်ရှင်မြတ်မမြတ်မသိပေမယ့်ဒီအရသာကိုတော့ဒီဆိုင်မှာဘဲရတာမို့ခရီးသွားအတော်များများဝင်စားပြီးစီးပွားဖြစ်နေသည်..

ဂျာမန်ကြီးတွေတောင်မြန်မာဟင်းဗဲရီးဂွတ်လို့ပြောပြီးကြက်သားကာလသားချက်ကိုအတော်အားပေးသွားကြသည်..ဆိုင်ရှင်များကလည်းအနောက်နိုင်ငံသားများအတွက်သေချာပန်းကန်လုံးများသီးသန့်ချပေးပါသည်..ဆရာကတော့ငါတောင်မသိဘူးကွာ..နောက်ဆိုခရီးထွက်တိုင်းဝင်စားမှဟေ့..မင်းကတယ်သိတဲ့ကောင်ဆိုပြီးချီးကျုးနေတော့သည်..ဗိုက်ကားအောင်စားပြီးခရီးဆက်ထွက်ခဲ့ကြသည်..

သာစည်ရောက်တော့ရှမ်းပြည်ဘက်ကိုလမ်းခွဲကနေတက်ခဲ့ကြသည်..လှိုင်းတက်မှာသစ်သီးယိုစက်ရုံရှိတာမို့လတ်လတ်ဆတ်ဆတ်သစ်သီးယိုကိုသဘောကျသောနိုင်ငံခြားသားများအတွက်ကားရပ်ပြီးဆင်းဝယ်လိုက်သေးသည်..လှိုင်းတက်မှစ၍တောင်ပေါ်လမ်းကိုတက်လာလိုက်တာအကွေ့ပေါင်း(၃၆၃)ကွေ့လွန်မြောက်သောအခါတောင်ပိုင်းရှမ်းပြည်၏ချစ်စရာကောင်းလှသောကလောမြို့ကလေးဆီရောက်ရှိလာခဲ့ပြီပေါ့..အချိန်ကလည်းည(၇)နာရီကျော်ပြီမို့တောင်ကြီးကိုဆက်မတက်တော့ဘဲကလောဟိုတယ်မှာဘဲတညနားလိုက်တော့သည်..

ညစာကိုကလောဈေးရှေ့ထင်းရူးမြိုင်စားသောက်ဆိုင်မှာစားပြီးကလောဟိုတယ်ဘက်ကိုအစာကြေခြေညောင်းလက်ဆန့်လမ်းလျှောက်ပြန်လာခဲ့သည်..ကလောဟိုတယ်ရှေ့ကလမ်းအတိုင်းအနည်းငယ်လျှောက်တက်သွားလျှင်ကလောမြို့ကျက်သရေဆောင်စစ်ဦးစီးတက္ကသိုလ်ကြီးကခမ်းခမ်းနားနား..နွေရာသီမို့ကလောမြို့လေး၏အပူချိန်ကအလွန်သက်တောင့်သက်သာရှိလှသည်..အချိန်မရှိတော့ပြီမို့ကလောမြို့ရဲ့နာမည်ကြီးကျော်ကျော်နိုင်မက်မန်းဝိုင်ကိုတော့မြည်းစမ်းခွင့်မရခဲ့ကြတော့..

နောက်တနေ့မနက်စောစောထပြီးတောင်ကြီးကိုတက်ခဲ့ကြသည်..ကားလမ်းမအပေါ်ရွေ့လျားနေသောတိမ်တိုက်များကြားကားမောင်းရတာတမျိုးထူးကဲသောခံစားမှုကိုဖြစ်ပေါ်စေသည်..တောင်ကြီးဈေးထဲတွင်လိုအပ်မည်ထင်သည်များဆက်လက်ဝယ်ခြမ်းပြီးနောက်ခရီးဆက်ထွက်လာခဲ့သည်..ဟိုပုံး၊လွိုင်လင်တို့ကိုဖြတ်ပြီးတခါကငှက်ရုပ်လုံးသွင်းထားတာမြင်ခဲ့ရသောတောင်ပေါ်ရွာလေးဆီဦးတည်လျက်....
-------------------------------By KK
ဆက်ရန်

Posted in: ဒီရင်နားပါအရိုင်းလိပ်ပြာ