ဒီရင်နားပါအရိုင်းလိပ်ပြာ..(၅)

----------------------------------------
တောစပ်အ၀င်မှာတော့မုဆိုးတို့ကသစ်ငုတ်တိုတခုပေါ်အရက်တပုလင်းနဲ့လက်ဖက်တပန်းကန်တင်ပြီးပါးစပ်ကပွစိပွစိရွတ်ကြပါတယ်..သူတို့ရိုးရာဓလေ့ဖြစ်ပါလိမ့်မယ်..ပွစိပွစိရွတ်အပြီးမှာအရက်ပုလင်းကိုဖွင့်ပြီးမြေပေါ်အနည်းငယ်လောင်းချပြီးဒီတိုင်းထားခဲ့ပါတယ်..သူတို့အပြောအရတော့တောပိုင်တောင်ပိုင်တင်တယ်ပေါ့ခင်ဗျာ..ယုံတာမယုံတာအပထား..သူ့နေရာမှာတော့သူ့ဓလေ့ကိုလေးစားပေးရတာပေါ့..

စထွက်ကာစတော့အိုကေသားဗျို့..ခက်တာကရှမ်းပြည်တောကတောင်တက်တောင်ဆင်းအတောများတာကိုး..မုဆိုးတွေကြည့်တော့လွှားကနည်းလွှားကနည်းသွက်သွက်လက်လက်..ကိုယ့်မှာကမြို့သားပျော့တယ်လည်းအပြောကမခံချင်..ခက်တာကလူ့သဘောကိုကိုယ့်ခြေထောက်ကမလိုက်နိုင်ဘူးဗျ..ခြေတလှမ်းကိုမနည်းအားယူတက်နေရတဲ့အခြေအနေရောက်လာပါရော..ခုနသယ်နိုင်တယ်ထင်တဲ့ကျောပိုးအိတ်ကလည်းဘီလူးတကောင်ကိုယ်ပေါ်တက်ပြီးဂုတ်ခွစီးထားတဲ့အတိုင်း..

အထမ်းသမားကတော့သူ့ပလိုင်းကြီးထဲကျနော်တို့စခန်းချပစ္စည်းတွေကျောပိုးထားပြီးအိတ်တလုံးထပ်လွယ်ထားတာတောင်ပေါ့ပေါ့ပါးပါးသွားနိုင်နေတုန်း..သူတို့ခြေသလုံးတွေကသမန်းဆီတက်ပြီညိုမှောင်ကျစ်လစ်နေလေရဲ့..ကျနော်ကတော့လူကအသက်ရှုမှားမတတ်အောင်မောနေတော့ဒီကျောပိုးအိတ်ကိုပစ်ထားခဲ့ချင်ပေမယ့်တောထဲမှာရှော့ပင်းမောလ်မရှိဘူးလေ..ဒါကမပါမဖြစ်မဟုတ်လား..

ကျနော့်အခြေအနေကိုကြည့်ပြီးမုဆိုးတယောက်ကကျောပိုးအိတ်ကိုသူလွယ်ပေးမယ်တောင်းပါတယ်..သိက္ခာမကျချင်လို့ခေါင်းကိုခါပြနေပေမယ့်ကျနော့်မှာခြေလှမ်းဖို့တောင်အားကုန်နေပြီဗျာ..မုဆိုးကခပ်ပြုံးပြုံးဘဲကျနော့်အခြေအနေကိုကြည့်ပြီးကျောပိုးအိတ်ကိုဖြုတ်ယူပါတယ်..သူကတော့ကျနော့်ကျောပိုးအိတ်ကိုသယ်မသွားတာသာမန်ကျွတ်ကျွတ်အိပ်တလုံးဆွဲသွားသလိုပါဘဲ..ကျနော့်မှာတော့အားယူထပြီးမှီအောင်မနည်းလိုက်ရတယ်..အသက်ကလည်ချောင်းဝမှာတစ်ဆို့ဆို့နဲ့ထွက်ချင်သလိုတောင်ဖြစ်နေပြီ..ဆရာကတော့ငှက်ကြည့်မကြာခဏထွက်ဖူးတော့ကျနော့်လောက်အခြေအနေမဆိုး..တောတွင်းအတွေ့အကြုံရှိပုံရပါတယ်..

ဟိုဂျာမန်ကြီးတွေကိုပက်လက်လန်မယ်ထင်ထားတာ..သူတို့အခြေအနေလည်းအိုကေနေသေးပုံဘဲ..အတော်မာကြသား..ကိုယ့်မှာသာရန်ကုန်သားလူပျော့လို့အပြောမခံချင်ပေမယ့်အခြေအနေအရမတတ်နိုင်တဲ့ဘ၀..ကျနော့်အခြေအနေကြည့်ပြီးခနနားကြသည်..အမလေးဗျာ..သစ်ပင်တပင်ခြေရင်းပစ်လှဲချပြီးအမောပြေရေဘူးမော့သောက်လိုက်ရတဲ့အရသာကနတ်စည်းစိမ်တမျှပါဘဲ..

နာရီဝက်လောက်နားပြီးဆက်ထွက်ကြတော့ကျနော်လည်းမောတိုင်းမကြာခဏရေသောက်တာကြောင့်ခါးမှာချိတ်လာတဲ့ရေဘူးကကုန်..စမ်းချောင်းကမတွေ့သေး..စခန်းချမည့်နေရာကိုလည်းမရောက်သေးတာကြောင့်ရေဆာလာသည်..လူတိုင်းအတွက်ရေကအရေးကြီးတာမို့မတောင်းသောက်ချင်ပေမယ့်သိပ်မကြာခင်ကုန်းပေါ်ပစ်တင်ထားသည့်ငါးတကောင်လိုကျနော်ဖုတ်လှိုက်ဖုတ်လှိုက်ဖြစ်လာပြန်သည်..

ဒါနဲ့မုဆိုးကတောင်တက်လမ်းတနေရာကအပင်တပင်ကိုကိုင်ကြည့်ပြီးသူ့ခါးကြားမှာထိုးထားတဲ့ဓါးမနဲ့ပတ်လည်ကော်တူးပါတယ်..လက်သီးနှစ်ဆုပ်စာလောက်ဥတလုံးပါလာတော့ဘေးကအရွက်တခုနဲ့မြေကြီးတွေကိုပွတ်သုတ်ပြီးကျနော့်ကိုရေဆိုပြီးလှမ်းပေးလိုက်တယ်..ကျနော်ကဘာလုပ်ရမလဲဆိုတော့ဓါးမနဲ့ခွဲလိုက်ပြီးကျနော့်ကိုလှမ်းပေးသည်..စိမ်းစားဥလိုခပ်ဖြူဖြူ..ဒါပေမယ့်ဘာအရသာမှမရှိဘဲအေးမြသောအရည်ရွှမ်းသည့်ဥ..ကိုက်စားလိုက်တော့ရေငတ်အတော်ပြေသွားသည်...

ဒါနဲ့စခန်းချသည့်နေရာမရောက်မချင်းဒီဥတလုံးရေဆာတိုင်းကိုက်ရင်းကျနော်အဆင်ပြေသွားသည်..စမ်းချောင်းနဲ့နီးပြီးမြေအတော်ပြန့်သောနေရာကိုရောက်တော့စခန်းချကြသည်..မုဆိုးနှစ်ယောက်ကအနားမှာဝါးပင်တွေခုတ်..ထင်းခြောက်တွေစုလုပ်သည်..အထမ်းသမားကတော့မီးမွှေးပြီးထမင်းချက်သည်..ဟင်းကတော့ကျနော်တို့သယ်လာသောအသားဘူး..

မုဆိုးနှစ်ယောက်ကအနီးအနားပတ်လည်ကိုသေချာရှင်းပေးပြီးဂျာမန်ကြီးများညွှန်ပြသည့်အတိုင်းရွက်ဖျင်တဲများထိုးကြသည်..၀ါးဆစ်ပိုင်းတွေအများကြီးခုတ်ထားတာတွေ့လို့ဘာလုပ်ဖို့လဲဆိုတော့ညအချိန်မတော်တဆသားကောင်ကြီးတွေအနားလာရင်မီးပုံထဲဝါးဆစ်ပိုင်းထဲ့ဖောက်ရန်နှင့်ကျနော်တို့အပေါ့အပါးသွားလိုပါကအပေါက်ဖောက်ထားသောဝါးဆစ်ပိုင်းများထဲသို့သာသွားဖို့ပြောသည်..တောထဲမှာအနေအထိုင်ပိရိသေသပ်ဖို့နဲ့အမှားမလုပ်ဖို့လိုအပ်တာကြောင့်သူတို့စကားနားထောင်ဖို့မှာသည်..

ညဥ့်နက်လာတော့စခန်းချရာပတ်ချာလည်တွင်မီးပုံများဖိုထားတာကြောင့်အတော်လင်းပါသည်..တောထဲတောင်ထဲမို့ရာသီဥတုကစိမ့်နေအောင်အေးပေမယ့်မီးပုံများအရှိန်ကြောင့်အတော်လေးနွေးထွေးပြီးနေလို့ကောင်းသည်..ထင်းတုံးကြီးကြီးတွေကိုမီးဖိုထဲထပ်ထဲ့ကြသည်..ဒါမှတညလုံးမီးစွဲနေမှာဖြစ်သည်..ထမင်းကိုတော့တောငှက်ပျောဖက်ခုတ်ပြီးထဲ့စားကြသည်..အသားဘူးဖောက်နဲ့စားရပေမယ့်ခရီးပန်းပြီးဆာနေတော့အတော်ကိုစားကောင်းသည်..မုဆိုးကကျနော့်ကိုလက်ကုတ်ပြီးစခန်းချသည့်နားကနွယ်ပင်ကိုပြသည်..ဓါးနဲ့လှီးပြီးလက်မနဲ့ပိတ်လိုက်သည်..ပြီးတော့ပါးစပ်ဟပြီးခံလိုက်တော့ရေတွေတစက်စက်ကျလာသည်..ကျနော်လည်းလိုက်လုပ်ကြည့်ရာအဟုတ်ဗျာ..ရေသောက်ရသည့်အတိုင်းပါဘဲ..အော်..တောထဲမှာဒီလိုဆိုတော့အသက်ဆက်စရာတွေအများသားပါကလား..
----------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ