သံယောဇဉ်နွယ်ရစ်လို့ကြွေ..(၁၀)

်းခဏပြောင်းလဲသွားတဲ့အခြေအနေကြောင့်ကျနော်ရပ်နေရာကကြောင်သွားသည်..ဆရာဇက်ခေါင်..၀ပ်..၀ပ်ဆိုပြီးအသံတချက်နဲ့လူကိုတွန်းချခံလိုက်ရသည်..သေနတ်သံတွေအဆက်မပြတ်ကြားနေရသည်..တိုက်ပွဲတခု၏ပေါက်ကွဲသံတွေကြားအာရုံတို့ကချက်ချင်းစုစည်းမရ..

မြေပြင်ပေါ်မှောက်ရက်ကချောင်းဆီကိုကြည့်လိုက်တော့သဲသောင်ပြင်ပေါ်မှာလုံခြုံရေးယူထားတဲ့ပွိုင့်ရဲဘော်သုံးယောက်ထဲကတယောက်ကိုလဲနေတာလှမ်းမြင်ရသည်..သေတော့သေသေးဟန်မတူ..ကယောင်ကတန်းနှင့်ပြန်ကုန်းထပြီးလျိုဘက်ကိုတရွတ်ဆွဲပြေးလာသည်..လျိုအ၀မရောက်ခင်တချက်တွန့်သွားပြီးနောက်ပြန်လဲကျသွားသည်..နောက်တချက်မှန်ပြီးဇီဝိန်ကြွေသွားပုံရသည်..ချောင်းလယ်ရောက်နေသောစစ်ကြောင်းကအထိနာသည်..တဖက်ကမ်းမှာကျန်သည့်အဖွဲ့ကဒီဘက်ကမ်းကိုမှန်းပြီးကာပစ်ပစ်ပေးနေသည်..စစ်ကြောင်းနောက်ကိုအတင်းပြန်ဆုတ်နေသည်..ခုတော့ချောင်းရေသည်အနီရောင်ပြောင်းချေပြီ..

ချောင်းထဲတွင်ထိမှန်သူများကိုအချင်းချင်းဖေးကူတွဲပြီးတဖက်ကမ်းကိုပြန်တက်ပြေးနေကြသည်..တဖက်ချောင်းစပ်ကိုရဲရဲတင်းတင်းဆင်းပြီးဒဏ်ရာရသူများကိုဝိုင်းကူဆွဲနေသူတယောက်ကိုလှမ်းမြင်ရသည်..အရဲကိုးလှသည့်ဆရာကြီးတင်မောင်..ပျားပိတုန်းတွေလိုတရွှီရွှီအော်မြည်လာသောကျည်ဆန်တွေကိုမမှုဘဲစစ်သည်တွေကိုကျည်ကွယ်ရောက်အောင်ဝင်ဆွဲနေသည်..

လက်ထဲကသေနတ်ကတိုက်ပွဲဝင်အနေအထား..လက်တို့ကချွေးစေးတို့နဲ့ရွှဲနေသည်..နေရာယူ..ဆိုသည့်အသံတသံထွက်လာသည်..ဘယ်ကပါလိမ့်..ကျနော်အော်မိတာဘဲ..ဟုတ်တာပေါ့..ဒီဘက်ကမ်းမှာလောလောဆယ်ကျနော်ရာထူးအကြီးဆုံး..တာဝန်ယူရတော့မည်..ကျနော်တို့တပ်စုစစ်ကြောင်းနဲ့အဆက်အသွယ်ပြတ်သွားပြီ..ပေ၅၀ကျယ်သောချောင်းလေးသည်ခုတော့သတ်ကွင်းသက်သက်ဖြစ်သွားပြီဘဲ..အပေါ်စီးတွင်နေရာယူထားသောရန်သူဘယ်နှစ်ယောက်ရှိမလဲ..အင်အားအခြေအနေကျနော်မသိသေး..

ဟိုဘက်တွင်လည်းစစ်ကြောင်းတခုလုံးဝရုန်းသုန်းကား..ပြန်စုစည်းနိုင်သေးပုံမရ..လှမ်းတော့ပစ်နေသည်..သည်ဘက်မှာလည်းကျနော်တို့ဘယ်နှစ်ယောက်ရှိမလဲ..သေချာမသိရသေး..ကျနော့်ဘေးကသေနတ်ပစ်သံစကြားရသည်..အင်း..ပစ်ရမည်..ဒါပေမယ့်ရန်သူဘယ်မှာလဲ..ဘေးကရဲဘော်ကိုလက်အသာကုတ်လိုက်သည်..စစ်ကြောင်းကနေအဆက်ပြတ်နေသည့်အချိန်ကျည်ချွေတာမှဖြစ်မည်..အော်ဟစ်ညည်းညူသံကြားလို့နောက်ကိုလှည့်ကြည့်တော့ရဲနိုင်..ဗိုက်ကိုမှန်ထားပုံရသည်..သူ့ဝမ်းဗိုက်တခုလုံးသွေးတွေရွှဲနေသည်..သူ့ကိုကျည်ကွယ်ရာဆွဲသွင်းပြီးသူ့သေနတ်ကိုလွယ်လိုက်သည်..အပေါ်စီးကရန်သူသည်ကျနော်တို့ရှိနေတာသိမည်မလွဲ..တဖက်ကမ်းကပစ်နေတာကြောင့်သာကျနော်တို့ကိုမချေမှုန်းနိုင်သေးတာ..ဒဏ်ရာနဲ့ရဲဘော်ကိုခေါ်သွားလို့မဖြစ်နိုင်..တိုက်ဖော်ချင်းမို့မထားခဲ့ချင်ပေမယ့်ဘာမှမတတ်နိုင်..ရဲနိုင်လက်ကိုအသာဆွဲညှစ်လိုက်တော့ဒဏ်ရာကြားကသူ့အခြေအနေကိုသဘောပေါက်ပုံဖြင့်ကြည့်သည်..

သူမလိုက်နိုင်တာသေချာနေပြီ..ဒီကြားထဲလက်နက်ကိုပါလက်လွှတ်လိုက်ရတာမို့စိတ်အားငယ်သွားပုံရသည်..ဒီအချိန်ကလက်နက်ကျည်ဆန်ဆိုတာအသက်တမျှအရေးကြီးတာမို့မထားခဲ့ပေးနိုင်ဘူးလေ..ရဲနိုင်သက်တောင့်သက်သာဖြစ်ဖို့သူ့အီကွေ့မင့်ကိုဖြုတ်ယူလိုက်သည်..ရဲနိုင်လက်တို့ကသူ့အကျီ င်္အိပ်ကပ်ဆီရောက်သွားပြီးအိပ်ကပ်ထဲကဓါတ်ပုံလေးကိုကြိုးစားထုတ်နေတာကြောင့်ကျနော်ဝိုင်းထုတ်ပေးလိုက်မိသည်..တဖက်ကမ်းမှပစ်ခတ်သံတို့အားပျော့လာပြီ..မမြင်ရဘဲကျည်ဖြုန်းသလိုဖြစ်နေသည်လေ..ပစ်အားလျော့လာတာကျနော်တို့အတွက်မကောင်း..ကျနော်တို့ရှိရာကိုရန်သူဆင်းလာနိုင်သည်..သွေးများပေစွန်းနေသောရဲနိုင်လက်ထဲကသူ့သမီးလေးပုံကိုဆွဲယူပြီးကျနော်အားပေးပြုံးပြလိုက်သည်..သူ့မိသားစုဆီဒီပုံလေးပြန်ပေးနိုင်ဖို့ကျနော်ကိုယ်တိုင်မရေရာသည့်ဘ၀..ဒါပေမယ့်ဂတိပေးသည့်အနေနှင့်ခေါင်းညိတ်ပြလိုက်သည်..ကျနော်အသက်ရှင်ရက်ပြန်ရောက်ရင်တော့ဆက်ဆက်ပေးဖြစ်မည်သာ..

ဓါတ်ပုံလေးကိုအိပ်ထဲထဲ့ပြီးဘေးကိုကြည့်တော့ဒီဘက်ကမ်းကိုရောက်လာသူရှစ်ယောက်မှာကျနော်အပါအ၀င်လေးဦးသာအကောင်းအတိုင်းကျန်သည်..ချောင်းစပ်အတက်ကကျန်ပွိုင့်ရဲဘော်နှစ်ယောက်ဘာဖြစ်နေသည်မသိရ..လျိုထဲကထွက်ကြည့်ဖို့ဆိုတာကမဖြစ်နိုင်..ကိုယ့်သေတွင်းကိုယ်တူးသလိုသာရှိမည်..ကျန်ရဲဘော်သုံးယောက်ကိုစုပြီးလျိုလေးကြားကထွက်လိုက်တော့ရှေ့မှာလျိုထဲကကျနော်တို့ကိုချေမှုန်းဖို့ဆင်းလာတဲ့ရန်သူတွေကိုကိုက်၃၀သာသာမှာမြင်လိုက်ရသည်..

ခါးကလက်ပစ်ဗုံးကိုဆွဲဖြုတ်ပြီးတဆက်တည်းပင်ကိုဆွဲဖြုတ်ပြီးအားကုန်လွှဲပစ်လိုက်သည်..ရန်သူတွေအနားမှာအနီရောင်မီးတောက်နဲ့အမဲရောင်မီးခိုများအူသွားသည်ကိုလှမ်းမြင်လိုက်ရသည်..ရန်သူတချို့လဲပြိုကျသွားသည်..ကျနော်လက်ပစ်ဗုံးကွဲသံကပတ်လည်ကိုအချက်ပေးလိုက်သလိုဖြစ်သွားသည်..ချက်ချင်းဘေးပတ်လည်ကသေနတ်သံများအစုလိုက်အပြုံလိုက်ထွက်ပေါ်လာသည်..

အရှေ့တွင်အတော်နီးနီးမှရန်သူတယောက်ဘွားကနည်းပေါ်လာသည်..သေနတ်ကိုထိုးချိန်ပြီးမောင်းကိုဆွဲညှစ်လိုက်သည်..ဘာတွန်ကန်အားမှမခံစားရ..ရန်သူ့သေနတ်ကကျနော်ဆီမြှောက်တက်လာသည်..သွားပြီဟုတွေးလိုက်စဉ်ခဏဘေးကဒိုင်းကနည်းသေနတ်သံနဲ့အတူရန်သူခွေကျသွားသည်..လှည့်ကြည့်တော့မောင်နိုင်..ပြုံးရယ်ပြနေသည်..
-
ဆရာဇက်ခေါင်..သေနတ်ကိုပစ်တယ်ဆိုတာလုံခြုံရေးခလုတ်ဖွင့်ရတယ်ဗျ
-
.သေနတ်သံတွေဆူညံနေပေမယ့်သူ့ရယ်သံကိုခပ်တိုးတိုးကြားရသည်...ကျနော်ပြန်ရယ်မိသည်..ကယောင်ကတမ်းရယ်မိခြင်းလား..ရှက်ပြီးရယ်မိတာလားကိုယ့်ကိုယ်ကိုမဝေခွဲတတ်..သေရေးရှင်ရေးမှာတောင်အရွှမ်းဖောက်နိုင်သေးသောမောင်နိုင်ပါ..မျက်လုံးထဲစီးဝင်နေသောချွေးများကိုလက်ဖမိုးနဲ့သုတ်ပစ်လိုက်သည်..ခုမှအသက်ရှုဖို့သတိရနိုင်သည်..ရန်သူသည်လျိုထဲကိုချက်ချင်းမဆင်းနိုင်သေးဘဲဘေးပတ်လည်က၀ိုင်းပစ်နေသည်..ကျနော်တို့လည်းလျိုအောက်မှရေစားထားသောဂလိုင်များအတွင်းဝပ်ပြီးလျိုထဲဆင်းသည့်လမ်းဝကိုသေနတ်ဖြင့်ချိန်ထားသည်..ကျည်ကိုအရမ်းမဖြုန်းရဲ..ပိုင်လောက်မှပစ်ရသည်..အချိန်ကတဖြည်းဖြည်းမှောင်လာသည်..

စစ်ကြောင်းကလည်းဒီဘက်ကူးလာနိုင်ပုံမရှိသေး..ဗိုက်ကလည်းဆာနေသည်..ရေဘူးထဲကရေကိုအာစွတ်ရုံလေးငုံရသည်..ချောင်းရှိပေမယ့်ရေဆင်းမခပ်ရဲ..ချောင်းသည်သတ်ကွင်းဖြစ်နေပြီ..ကျနော်တို့တွင်ရိက္ခာကပါမလာ..ကျောပိုးအိတ်ထဲကိုနှိုက်တော့ရိက္ခာနို့ဆီဘူးတစ်ဘူး..ဒါကိုဘဲလှံစွပ်နဲ့ထိုးဖောက်လိုက်ပြီးတယောက်နည်းနည်းချင်းမျှင်းစုပ်ယူကြသည်..ခြင်ကိုက်ဗိုက်ဆာရေငတ်သောဒဏ်ကိုကြိတ်ခံရင်းအိပ်လည်းမအိပ်ရဲ..ရန်သူကတော့ကျနော်တို့ကိုလူနည်းစုမှန်းသိလို့ကြွက်ကိုကြောင်ဆော့သလိုခြောက်ပစ်လိုက်ငြိမ်သွားလိုက်ရှိနေသည်..အမှောင်ထုကိုအကာအကွယ်ယူဆင်းလာနိုင်တာကြောင့်သတိမလွတ်မျက်စိမမှိတ်ရဲ..
------------------------------------By KK
ဆက်ရန်

Posted in: သံယောဇဉ်နွယ်ရစ်လို့ကြွေ