နှလုံးသားဒဏ္ဍာရီ..(၆)

မင်းအောင်တယောက်ဗိုလ်သင်တန်းတက်ပါပြီ..ရန်ကုန်နှင့်မဝေးလှသောမှော်ဘီတွင်တပ်မတော်(ကြည်း)ဗိုလ်သင်တန်းကျောင်းရှိပါသည်..နောင်သောအခါတွင်မှဗသကသည်ဗထူးမြို့သို့ပြောင်းသွားခြင်းဖြစ်သည်..တပ်မတော်ဆိုသည်မှာယောက်ျားတယောက်လက်ရုံးရည်နှလုံးရည်ကိုကြံ့ခိုင်အောင်ပြင်းထန်လှသောစစ်ရေးလေ့ကျင့်ခန်း..ကိုယ်လက်လှုပ်ရှားမှု..တင်းကြပ်လှသောစည်းကမ်းများနှင့်တသွေးတသံအမိန့်များဖြင့်လေ့ကျင့်ပျိုးထောင်ပုံသွင်းပေးသောနေရာတခု..အနယ်နယ်အရပ်ရပ်မှရောက်လာသောမတထောင်သားများစုပေါင်းနေထိုင်ရပြီးတမအေထဲကမွေးဖွားသောညီရင်းအကိုစိတ်ဓါတ်မျိုးသွင်းပေးတဲ့နေရာတခုပါ..သင်တန်းကာလက၉လ...စနေနေ့ဆိုဗိုလ်လောင်းယူနီဖောင်းနှင့်ဧည့်တွေ့လို့ရသည်..တနင်္ဂနွေနေ့ဆိုမြန်မာအမျိုးသားဝတ်စုံတွင်ဗိုလ်လောင်းနံပါတ်ပြားရင်ထိုးလေးနှင့်outpassထွက်ခွင့်ရသည်..

လူပြောင်လူနောက်မင်းအောင်တယောက်အတော်ကြီးတည်တံ့သွားပါသည်..လစ်ရင်လစ်သလိုတော့နောက်ပြောင်ဆဲပါ..ဗိုလ်သင်တန်းတွင်ထိုအချိန်ကသင်တန်းဆရာဗိုလ်မှုးအမည်ကားယဉ်မောင်စိန်..သူတို့ကနောက်ကွယ်တွင်ယင်ကောင်စိန်ဟုခေါ်သည်..သင်တန်းကာလအတွင်းစားရိပ်သာတွေပေါများလှသောယင်ကောင်များကိုဗိုလ်လောင်းများအားလပ်ချိန်တွင်ရိုက်ခိုင်းသည်..ဘယ်နှယ့်..ဗိုလ်လောင်းဘ၀အားလပ်ချိန်ဆိုတာအလွန်နည်းပါးသောအချိန်..ရွှေလိုတန်ဖိုးရှိသည်..ဒါကိုရက်ရက်စက်စက်ဗိုလ်လောင်းတယောက်လျှင်ယင်ကောင်အကောင်ငါးဆယ်စီဖမ်းရမည်ဆိုဘဲ..ဗိုလ်လောင်းများစားရိပ်သာထဲတဖုန်းဖုန်းတဒိုင်းဒိုင်းယင်ကောင်ရိုက်ကြသည်..မင်းအောင်အကြံထုတ်သည်..ကြံစမ်းကွာ..အားလပ်ချိန်လေးအလဟဿကုန်မသွားရလေအောင်ဘယ်လိုလုပ်ရမလဲ..တယောက်အကောင်ငါးဆယ်ရိုက်ရမှာလည်းမလွယ်..လာထားအကောင်နှစ်ဆယ်လောက်ကြိုးစားပမ်းစားရိုက်သည်..ပြီးတော့စားဖိုဆောင်ထဲဝင်..ထမင်းလက်တဆုပ်နှိုက်လာပြီးထမင်းအိုးဖင်ကအိုးမဲနှင့်ထမင်းလုံးများကိုသုတ်သည်..ပြီးတော့ဒီဘက်ယင်ကောင်၂၀ဆီကအတောင်ဖြုတ်ပြီးတပ်ပေးလိုက်တော့..လားလား..ယင်ကောင်၅၀ပိုပိုလျှံလျှံတောင်ဖြစ်နေသေး..ဘယ်သူမှယင်ကောင်ကိုလက်နဲ့တကောင်ချင်းကိုင်စစ်မှာမှမဟုတ်တာ..ဗိုလ်မှုးယဉ်မောင်စိန်ကလည်းမျက်မှန်တပ်ရသူ..ပြီးတော့ဗိုလ်လောင်း၂၀၀လောက်၏ယင်ကောင်တွေသူလည်းတကောင်ချင်းစစ်နိုင်မည်မဟုတ်..ကျန်တဲ့သူငယ်ချင်းဗိုလ်လောင်းများပါလုပ်ကြသည်..စနေပိတ်ရက်လေးများတွင်ဧည့်တွေ့မျှော်ကြသည်..ဧည့်တွေ့မရှိရင်တော့ယင်ကောင်ဖမ်းလိုက်..တန်းနောက်စီလိုက်ပေါ့လေ..

တနင်္ဂနွေကတော့တကယ့်ရွှေရည်စိမ်လွတ်လပ်ရေးနေ့..အပြစ်မလုပ်ထားမိလျှင်အပြင်ထွက်ခွင့်ရသည်..ဗိုလ်လောင်းဘ၀တွင်အပြစ်မလုပ်မိရန်အလွန်ဂရုစိုက်ရသည်..အပြစ်လုပ်မိသူကတယောက်တည်းပေမယ့်တတပ်ခွဲလုံးအပြစ်ပေးခံရတတ်သည်..အနိမ့်ဆုံးကိုယ်ပါသည့်တပ်စုလေးအပြစ်ပေးခံရမည်..ပြစ်ဒဏ်ကအမျိုးမျိုး..လက်ထောက်မှောက်..ဇရက်ခုန်..ဂျွမ်းထိုး..စစ်ဝတ်အပြည့်နှင့်ဘောလုံးကွင်းပတ်ပြေး..ဆက်သွယ်ရေးမြောင်းတူး..စုံလင်လှသည့်ပြစ်ဒဏ်များကိုအပြစ်အလျှောက်ခံရသည်..ကိုယ့်အပြစ်ကိုသူငယ်ချင်းများဝိုင်းခံစားရသောအခါအလွန်စိတ်မကောင်းဖြစ်ရသောကြောင့်အပြစ်မလုပ်မိအောင်အလွန်သတိထားနေရသည်..ပြီးတော့အပြစ်လုပ်လျှင်တပ်ခွဲအလိုက်အမှတ်ဖြတ်ခံရသည်..ဗိုလ်သင်တန်းကျောင်းတွင်စည်သူတပ်ခွဲ..သူရတပ်ခွဲ..တေဇတပ်ခွဲနှင့်သီဟတပ်ခွဲဆိုပြီးရှိသည်..သူရတပ်ခွဲကတော့တပ်မတော်အခြားအဆင့်မှဗိုလ်သင်တန်းဖြေဆိုအောင်မြင်သူများ..သူတို့ကတော့စစ်ပုံကျိုးပြီးသားမို့ပိုသာသည်ပေါ့..မင်းအောင်လည်းတနင်္ဂနွေအပြင်ထွက်ရက်လေးတွင်မှနဒီနှင့်တွေ့ရသည်..စနေနေ့ဧည့်တွေ့ကိုတော့နဒီကတခါတလေမှလာနိုင်သည်..အပြန်တွင်နဒီကတပတ်စာချက်ပြုတ်ကြော်လှော်ပေးလိုက်သောဟင်းဘူးများပြန်သယ်လာသည်..တပတ်စာဆိုသော်လည်းတဘူးဖွင့်လျှင်တရက်သာခံသည်..သူငယ်ချင်းအားလုံးနှင့်ဝိုင်းစားရသည်ကိုး..မငြူစူပါ..ခုတော့လည်းညီအကိုရင်းများထက်တောင်ချစ်ကြပါသည်..လကုန်လျှင်ရသမျှဗိုလ်လောင်းလစာဆိုတာသက်သာဆိုင်အကြွေးဆပ်တာနှင့်ပင်မလောက်..အိမ်ကပို့သည့်ငွေလေးကိုမနည်းခြိုးခြံသုံးစွဲရသည်..

ဒီလိုနဲ့သင်တန်းဆင်းပွဲအချိန်ရောက်ရှိလာပါပြီ..စစ်ရေးပြအတွက်ညီညာအောင်အတန်တန်လေ့ကျင့်ထားသောကြောင့်တညီတညာတည်းနေလောင်မဲသဲနေသောအသားအရည်တို့ဖြင့်သင်တန်းဆင်းပွဲအခမ်းအနားကိုနွှဲကြသည်..ကျောင်းဆင်းပွဲသို့တပ်မတော်ဒုတိယကာကွယ်ရေးဦးစီးချုပ်တက်ရောက်မိန့်ခွန်းပြောကြားသည်..သင်တန်းဆင်းလက်မှတ်နှင့်အရာရှိခန့်အပ်လွှာ..တာဝန်ထမ်းဆောင်ရမည့်တပ်နှင့်မိမိကိုယ်ပိုင်နံပါတ်တို့ရလာပြီ..ကိုယ်ပိုင်နံပါတ်၁၉--------တပ်ကတော့နာမည်ကြီးကရင်ပြည်နယ်ကတပ်...အင်း..ဘ၀ကိုလက်တွေ့ကျကျရုန်းကန်ရပေတော့မည်..ချစ်သူနဒီကတော့တပ်ကိုမသွားခင်ခွင့်ဆယ်ရက်ပြန်တုန်းတနေ့မပြတ်အစစအရာရာသတိထားဖို့နားညည်းအောင်မှာရှာသည်..ကိုယ်လာပြီနာမည်ကြီးတဲ့ကရင်ပြည်နယ်ရေ..ဖားစည်သံညံသည့်သွေးချင်းတို့မြေသည်မငြိမ်းချမ်းသေးသဖြင့်သေနတ်သံများလည်းညံနေတုန်း..ဒုံးယိမ်းအကလှလှပပတက်တက်ကြွကြွမှာပုဝါလေးတွေလေထဲလွင့်နေသလိုယမ်းငွေ့များလည်းတလူလူဝေ့နေတုန်း..ကရင်လက်ဝှေ့ကစိတ်အားတက်ကြွဖို့ကောင်းသလိုတိုက်ပွဲများကြားကဓါးဆာခံတိုင်းရင်းသားတို့ဘ၀ကလည်းကြေကွဲဖွယ်ရာတွေဖြစ်နေတုန်း..ပျော်စရာ..လွမ်းစရာ..၀မ်းနည်းစရာရသစုံပေးစွမ်းနေသောဒေါနတောင်တန်းတို့ဆီမင်းအောင်ရောက်လာခဲ့ပါပြီ...
------------------------------------
ဆက်ရန်

Posted in: နှလုံးသားဒဏ္ဍာရီ