ပန်းကြွေကောက်သူ..(၃)

ဘူတာမှာရထားဆိုက်တော့တပ်ကလာကြိုတဲ့ကားကစောင့်နေသည်..ကားကြုံလိုက်သည့်ရဲမေများကကားပေါ်မှာအပြည့်..တပျော်တပါး..တပ်ရင်းတွေကမြို့တွင်းနဲ့သိပ်မနီးတာကြောင့်ရဲမေများခမျာ
တပ်ပြင်ကားကြုံရှိရင်အဆင်ပြေသလိုလိုက်ပါရသည်..
ထွက်ချင်တိုင်းထွက်လို့ရတာမဟုတ်..ရဲမေလည်းအပြင်ထွက်ခွင့်outpassတောင်းရသည်..
ခုလည်းသင်တန်းပြန်အရာရှိကိုကြိုမည့်ကားနဲ့အပြင်လမ်းကြုံလိုက်ရင်းလိုတာလေးဝယ်ပေါ့..
စိတ်တော့နည်းနည်းရှည်ရသည်..ဘူတာတွင်ဘယ်လောက်ကြာမည်မသိ.
.မြန်မာနိုင်ငံမီးရထားပို့ဆောင်ရေးစနစ်ကရောက်ချင်သည့်အချိန်ရောက်မည်.
.ရောက်ချင်မှလည်းရောက်မည်ဖြစ်သကိုး..
ဘာဘဲဖြစ်ဖြစ်ဘ၀တူရဲမေအဖော်များဖြင့်စကားတပြောပြောနဲ့အချိန်ကုန်လို့ရတာဘဲလေ..ခုလည်းဘူတာလာကြိုတော့ရောက်လာသည့်သင်တန်းပြန်အရာရှိကချောချောလှလှမိန်းကလေးတယောက်ပါလာတာမို့ဝိုင်းကြည့်ကြရင်းတီးတိုးသဖန်းပိုးလုပ်နေကြသည်..မြေကြီးလက်နဲ့ပုတ်ရင်လွဲဦးမည်..ဧကန်မလွဲအရာရှိကတော်အသစ်စက်စက်လေးဖြစ်ရမည်..

ခင်သက်တယောက်မရောက်ဖူးသည့်မြို့ရွာကိုရောက်လာပြီးအရာရာအသစ်အဆန်းဖြစ်နေသည်..
လာကြိုသည့်E2000ကားပေါ်အသာတက်လိုက်သည်..စက်နှိုးလိုက်သံကမသာမယာ..တပ်ကားဆိုတာဒီလိုပါလား..လမ်းကကြမ်းသည်..အစာကျေချက်နှုန်းမြန်စေသည့်လမ်းပေါ်မှာခင်သက်တယောက်ယိမ်းထိုးပါလာပေမယ့်နောက်ကရဲမေများကတော့ဂလုံဂလွမ်မြောက်ကြွနေသောကားအပေါ်ပျော်ပျော်ပါးပါးစကားတွေပင်ပြောလို့..ခင်သက်အတွက်စစ်တပ်ဆိုတာစိမ်းလွန်းသည့်ပတ်ဝန်းကျင်တခုပါ..
ခုတော့ချစ်သူမျက်နှာတရွာထင်မှတ်ပြီးတစိမ်းနယ်မြေတခုကိုခြေချလို့ဝင်လာခဲ့ပါပြီ..

တပ်ရင်းရိပ်သာရောက်တော့စိုးဝင်းတယောက်အခန်းထဲပစ္စည်းများထဲ့..ဇနီးသည်အသစ်စက်စက်ခင်သက်ကိုမှာရသည်..
-
ခင်သက်ရေ..ကိုတော့တပ်ရင်းမှုးဆီသတင်းသွားပို့လိုက်ဦးမယ်..ဒီမှာခနနေခဲ့.
.ဖြစ်တယ်မဟုတ်လား..ဘာမှကြောက်စရာမရှိဘူးနော်..စိတ်အေးအေးထား..
-
မြန်မြန်ပြန်လာနော်ကိုစိုးဝင်း..ခင်သက်တယောက်ထဲမနေရဲဘူး..
-
အင်းပါ..မြန်မြန်ပြန်လာပါ့မယ်..ခင်သက်ရယ်..ခုဆိုလင်မယားဘဲဖြစ်တော့မယ်..
အခေါ်အဝေါ်လေးပြောင်းပါဦး..
-
ဟင်..ဘယ်လိုခေါ်ရမလဲ
-
ခင်သက်ကြိုက်သလိုခေါ်လေ..ကိုကိုလား..မောင်မောင်လား..
-
ဒါဆိုနှစ်မျိုးလုံးပါအောင်ကိုမောင်လို့ခေါ်မယ်..
-
ဟားဟားးးး..ကို့မိန်းမသဘောပါဗျာ..ကဲ..ကိုယ်ပြေးလိုက်ဦးမယ်..
-
မြန်မြန်ပြန်လာနော်...
-
စိုးဝင်းတယောက်တပ်ရင်းမှုးအိမ်ဆီလျှောက်လာခဲ့သည်..လမ်းလျှောက်ရင်းစကားလုံးရွေးနေမိသည်..တပ်ရင်းမှုးအိမ်ရှေ့အရောက်ခြံထဲလမ်းလျှောက်ရင်းသူ့ပန်းပင်လေးတွေကြည့်နေသောတပ်ရင်းမှုးကိုအဆင်သင့်တွေ့လိုက်ရသည်..
-
အဘ..ကျနော်ပြန်ရောက်ပါပြီခင်ဗျ..
-
အော်..ကိုစိုးဝင်းပါလား..ဘယ်လိုလဲ..သင်တန်းမှာအဆင်ပြေရဲ့လား..
-
ဟုတ်ကဲ့..အဆင်ပြေပါတယ်ခင်ဗျ..
-
အေး..အေး..ဒါဆိုနားလေကွာ..မနက်ဖြန်ရုံးရောက်မှလုပ်စရာရှိတာတွေပြောတာပေါ့..
-
ဟုတ်ကဲ့ခင်ဗျ..အဘ..ဟိုလေ..ဟို..
-
ဘာပြောစရာရှိသေးလို့လဲ..ပြောလေ
-
ဟုတ်ကဲ့အဘ..ကျနော်မိန်းမခိုးလာပါတယ်ခင်ဗျ..
-
ဟိုက်..သောက်ခွေး..ဆိုင်းမဆင့်ဗုံမဆင့်..ဘယ်လိုဖြစ်တာတုန်း..
-
ကျနော်လည်းအစီအစဉ်မရှိပါဘူးခင်ဗျ..သူ့အိမ်ကသူ့ကိုအိမ်ထောင်ချပေးတော့မယ်ဆိုတာနဲ့..သူကလည်းကျနော်နဲ့မခွဲချင်ဘူးဆိုလို့..
-
အေး..အေး..နားလည်ပြီ..မင်းကိစ္စလုပ်ပေးရမှာပေါ့..
မင်းဇနီးခေါ်လာပြီးမင်းအမနဲ့တွေ့လိုက်..ဘာလုပ်ရမယ်ဆိုတာတိုင်ပင်ရအောင်..
-
ဟုတ်ကဲ့ခင်ဗျ..
-
အေးပေါ့ကွာ..လုပ်လာပြီဆိုမှတော့အဆင်ပြေအောင်စီစဉ်ရမှာပေါ့..
-
ဟုတ်ကဲ့ခင်ဗျ..သွားခွင့်ပြုပါခင်ဗျ..
-
အေး..အေး..သွားနားတော့..
-
တပ်ရင်းမှုးကသွားနားဆိုပေမယ့်မနားနိုင်သေးပါ..
ခင်သက်ကိုခေါ်ပြီးတပ်ရင်းမှုးကတော်ဆီတခါပြန်လာတွေ့ရပါသည်..
အဘကြိုပြောထားလို့အမကတော့သိပြီးဖြစ်နေပြီ..
ခင်သက်မိဘများထံဆက်သွယ်ဖို့ဖုန်းနံပါတ်တောင်းသည်..
မင်္ဂလာကိစ္စဘယ်လိုစီစဉ်မည်..လက်ထပ်ခွင့်အမြန်တင်ရန်..
ခင်သက်ကိုဆေးစစ်ပေးရန်တို့ကိုသာမှာသည်..ခင်သက်မိဘများထံအကြောင်းကြားတော့စိတ်ဆိုးနေဟန်တူသည်..ဘာမှတာဝန်မယူဟုခပ်ပြတ်ပြတ်ဆိုလာသည်..
သည်တော့လည်းတပ်ရင်းမှုးကသာအမိအဖနေရာဝင်ပေးရတော့တာပေါ့..
စိုးဝင်းမိဘများကတော့အတော်ဝေးလံသည့်ရွာတွင်ဖြစ်သောကြောင့်အထူးတလည်လှမ်းမခေါ်တော့..
ခုမှသင်တန်းကပြန်လာသောစိုးဝင်းတွင်ငွေပိုငွေလျှံကလည်းမရှိ..
ဒီတော့တပ်ရင်းခန်းမတွင်သာလက်ဘက်ရည်အချိုပွဲနှင့်ဧည့်ခံနိုင်ရန်စီစဉ်ရတော့သည်.
.ငွေကတော့လောလောဆယ်တပ်ရင်းမှုးကစိုက်ပေါ့..နောက်မှလစာကနေဖြေးဖြေးပြန်ဖြတ်ရန်စီစဉ်သည်..ဘာဘဲပြောပြောတူနှစ်ကိုယ်တိုင်းပြည်ထူထောင်တယ်ဆိုတာနည်းနည်းတော့ဝရုန်းသုန်းကားနိုင်သည်ပေါ့.. အရာရှိလိုင်းနေအိမ်လေးမပြောင်းခင်တော့အရာရှိရိပ်သာကကျွေးသောထမင်းဟင်းကို
သာရိက္ခာတွဲထားရသည်..မင်္ဂလာကိစ္စအတွက်အလုပ်ကလည်းများလှသည်..

ထမင်းစားချိန်တွင်ခင်သက်တယောက်ကြိုးစားပြီးစားနေတာကိုကြည့်ပြီးစိုးဝင်းစိတ်မကောင်း..
ခင်သက်ကတော့ကိုယ်တိုင်ရွေးထားသည့်လမ်းမို့မငြီးမငြူပါ..
မိဘအိမ်ကထမင်းဟင်းကိုပစ်ပယ်လာမိမှတော့ချစ်သူကျွေးသောထမင်းကိုကောင်း၏မကောင်း၏
စောကြောစရာမလိုဟုသာစိတ်ကိုဖြတ်ထားလိုက်ပါသည်..
ဒီကြားထဲတပ်ခွဲတပ်ကြပ်ကြီးကတော်တယောက်ကိုနေအိမ်အတွက်လိုအပ်တဲ့အသုံး
အဆောင်လေးတွေနဲ့မီးဖိုချောင်သုံးပစ္စည်းလေးတွေဝယ်ခြမ်းပေးဖို့အကူအညီတောင်းရသည်..ဘ၀တူအရာရှိများကလည်းတယောက်တလက်လိုအပ်တာလေးတွေမေးမြန်းပြီးနိုင်သလောက်လက်ဖွဲ့ကြပါသည်..မင်္ဂလာဆောင်ပြီးလို့အရာရှိလိုင်းခန်းနေအိမ်လေးကိုပြောင်းချိန်မှာလည်းတပ်ခွဲမှရဲဘော်ရဲမေများက၀ိုင်းကူလုပ်ပေးကြတာကြောင့်အဆင်ပြေပြေနဲ့ပြီးသွားခဲ့ပါသည်..

နေအိမ်လေးရောက်ပြီးနောက်တနေ့မှာတော့ခင်သက်တယောက်ဒုက္ခနဲ့လှလှစတွေ့ပါပြီ..
---------------------BY KK
ဆက်ရန်

Posted in: Stories, ပန်းကြွေကောက်သူ