ဒီရင်နားပါအရိုင်းလိပ်ပြာ..(၃၈)

နွယ်ကြိုးနဲ့သွားတုန်းကမိနစ်၂၀စာကြာသောခရီးကိုမြေပြင်ကသွားတော့နေ့တ၀က်ကြာသည်..သစ်ပင်ကြီးတွေခြေရင်းမှာရှုပ်ထွေးသောချုံများနွယ်များရှိနေသည်..တောထွင်ပြီးသွားနေရတာကြောင့်ခရီးကမတွင်..ရတီပွင့်ကတော့မကြာခဏသစ်ပင်ပေါ်တက်သွားပြီးလမ်းရှာသည်..ခုတော့လည်းသူကဆရာကိုးဗျ..သူညွှန်ရာဘက်ကိုကျနော်တို့ကအောက်ခြေရှင်းပြီးသွားရသည်..

တနေရာတွင်တောတိုးသံတရှဲရှဲကြားနေရသည်..ရတီပွင့်ကကျနော်တို့ကိုမျက်လုံးမျက်ဆန်ပြူးပြီးသစ်ပင်ပေါ်တက်ဖို့အမူအယာပြကာသူကတော့လှစ်ကနည်းတက်ပြေးပါတော့သည်..သူတက်ပြေးတော့ကျနော်လည်းနီးရာသစ်ပင်ကိုဖက်တက်ရတာပေါ့ခင်ဗျာ..အသံကလည်းနီးလာပြီ..ကျနော်စီးထားသောကင်းဘတ်ကချော်နေသေးသည်..နဂိုကတည်းကမြို့သားမို့သစ်ပင်တက်တာမကျွမ်းပါဘူးဆိုနေမှ..ဦဇော်ခင်တို့ကိုကြည့်တော့နီးရာသစ်ကိုင်းဆွဲတက်သွားကြပြီ..ကျနော်ပြေးဖက်တက်လိုက်သည့်အပင်ကဘာပင်လည်းတော့မသိ..ပင်စည်ကအကိုင်းမရှိဘဲချောနေသည်..

သစ်ထုတ်ရင်တော့အတော်ကောင်းမည့်အပင်..အခုတော့တက်မရ..သစ်ပင်ပေါ်ကနွယ်ကြိုးခိုပြီးရတီပွင့်ပြန်ဆင်းလာရင်းအော်သည်..ကျနော့်နောက်ကိုလက်ညှိုးညွှန်ပြသည်..မြင်လိုက်သောမြင်ကွင်းကြောင့်ကျနော်သစ်ပင်ပေါ်တက်လို့ရသွားသည်..ဘယ်လိုတက်သွားတာကိုကျနော်တကယ်မမှတ်မိ..ပြန်စဉ်းစားလို့လည်းမရ..ကြောက်စိတ်ကြောင့်အပေါ်ကိုတော့တက်နိုင်သွားတာအမှန်..

မြင်လိုက်ရတာကလည်းမသက်မသာ..လူကြီးပေါင်လုံးလောက်ရှိပြီးပေ၂၀ကျော်ရှည်သည့်မြွေကြီးတကောင်တောတိုးပြီးလာနေတာကိုး...မြွေကြောက်တတ်သည့်စိတ်အခံကလည်းရှိတော့ဘယ်လိုစွမ်းအားနဲ့ဒီအပင်ပေါ်တက်သွားမှန်းတောင်မသိတော့..ကျနော်တို့လည်းအသက်ကလေးတောင်ရဲရဲမရူရဲဘဲမြွေကြီးမြင်ကွင်းထဲကလုံးဝပျောက်ကွယ်သွားသည်အထိလိုက်ကြည့်နေမိသည်..

မြွေကြီးဝေးသွားတော့မှသစ်ပင်အောက်ကိုပြန်ဆင်းလာရသည်..ရတီပွင့်ကကျနော့်ကိုကြည့်ပြီးတခစ်ခစ်ရယ်နေတော့သည်..ကျနော်လည်းစိတ်တိုတိုနဲ့ဒီလောက်ချောချင်တဲ့အပင်ဆိုပြီးအမြင်ကတ်ပုဒ်မတပ်ကာဓါးထစ်ရာပေးပစ်လိုက်သည်..မှတ်ကရော..

ရှေ့ဆက်တိုးလာတော့တနေရာတွင်သစ်ပင်အတန်ငယ်ရှင်းပြီးဝါးရုံပင်တအုပ်ပေါက်နေသည်..၀ါးရုံပင်အုပ်အောက်တွင်ဝါးရွက်ခြောက်တွေစုပြုံနေပြီးအလယ်တွင်ဖြူဝါ၀ါအရောင်အတော်အတန်ကြီးသောဥများကိုတွေ့ရသည်..ဦးဇော်ခင်တပည့်များကသွားကောက်မည်လုပ်တာကြောင့်ရတီပွင့်ခေါင်းတရမ်းရမ်းနှင့်ငြင်းနေလေသည်..ကျနော့်အထင်တော့ခုနအပြင်ထွက်သွားသောမြွေကြီး၏ဥတွေဖြစ်နိုင်သည်..ဒါဆိုအချိန်သိပ်မကြာခင်မြွေကြီးပြန်ရောက်လာနိုင်တာမို့အမြန်ဆုံးဒီနေရာကခွာဖို့လိုအပ်သည်..

ဦးဇော်ခင်ကိုပြောပြီးကျနော်တို့ရှေ့ကိုဆက်တိုးလာလိုက်သည်..တဖြည်းဖြည်းအပင်ခြေများရှင်းလာသည်..ရှေကကိုတော်တော်တိုးမိသွားတော့ရတီပွင့်ကလက်ညှိုးညွှန်ပြသည်..လှမ်းတွေ့လိုက်ရပါပြီ..ကျောက်ဂူကြီးကို..ခရီးလမ်းတော့ဆုံးပြီ..ဦးဇော်ခင်တို့ပြေးသွားကြသည်..ကျနော့်စိတ်ထဲတစုံတယောက်ကအနောက်ကကြည့်နေသလိုခံစားရတာကြောင့်နောက်လှည့်ပြီးကြည့်မိသည်..ဘာကိုမှတော့မတွေ့..စိတ်ထဲတွင်တော့သိနေသည်...နောက်မှာတစုံတဦးတော့ရှိနေပြီ..

စိတ်ကလေးလံထိုင်းမှိုင်းလာသလိုခံစားရတာကြောင့်ကျောက်ဂူထဲကိုခပ်ဖြည်းဖြည်းလျှောက်ဝင်ခဲ့သည်..ဦးခင်ဇော်တို့ကတော့လေယာဉ်ပျက်ကိုမွှေနှောက်ရှာဖွေနေသည်..ဦးထွန်းနိုင်အရိုးစုကတော့ထုံးကျောက်ရေများကြောင့်ခပ်တောင့်တောင့်အနေအထားအတိုင်းရှိနေသည်..ယောက်ဖကိုသဂြို င်္လ်ပေးချင်လိုို့သောအကြောင်းပြချက်ကိုပင်မေ့နေလေရော့ထင်..ဦးဇော်ခင်တယောက်လေယာဉ်ပျက်ထဲကိုသာသေချာစစ်ဆေးနေသည်..

အတော်ကြီးကြာတော့မှလက်လျှော့သွားဟန်ဖြင့်အပြင်ထွက်လာသည်..ကျောက်ဂူထဲတွင်မီးမွှေးပြီးချက်ပြုတ်စားသောက်ကြသည်..နေ့လည်စာစားပြီးတော့ဦးဇော်ခင်ကစကားစသည်..
-
မောင်နေဇော်ဦးရေ..မင်းနဲ့အန်ကယ်လ်ဆွေးနွေးစရာလေးရှိလို့ဒီမှာခဏလာထိုင်ပါလားကွာ..တူမကြီး..လာ..လာ..ဒီမှာထိုင်..
-
ဘာပြောချင်လို့လဲအန်ကယ်လ်...ပြောပါ..ကျနော်တို့အလောင်းတွေသဂြို င်္လ်ပြီးရင်အချိန်မဆွဲဘဲပြန်ထွက်မှတောထဲကထွက်ချိန်မှီမှာ..
-
အန်ကယ်လ်သဘောပေါက်ပါတယ်..ဒါပေမယ့်ဒီတောထဲကအချိန်မှီပြန်ထွက်ဖို့ဆိုတာကမောင်နေဇော်ဦးရဲ့အပြုအမူနဲ့အဖြေပေါ်မှာအများကြီးမူတည်နေတယ်..
-
ဘာကိုဆိုလိုချင်တာလဲအန်ကယ်လ်..ကျနော်နားမလည်ဘူး
-
ပြောရမှာပေါ့ကွာ...
-------------------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ