ဒီရင်နားပါအရိုင်းလိပ်ပြာ..(၃၉)

လွန်ခဲ့သောနှစ်ဆယ့်နှစ်နှစ်အချိန်ကာလဆီဦးဇော်ခင်ပြန်ရောက်သွားသည်..အဲ့ဒီအချိန်တုန်းကဇော်ခင်တို့ကသာမန်လက်လုပ်လက်စားမိသားစု..အဖေကဆုံးသွားသည်..ကျောင်းပြီးကာစအမလုပ်သူကသူဌေးသားတယောက်နှင့်လင်နောက်လိုက်ပြေးသည်..ဇော်ခင်ကတော့ဆယ်တန်းတောင်မအောင်သည့်လတ်လျားလတ်လျားပေါ့..ရပ်ကွက်ထဲရန်ပွဲတွေများဗေထိဆိုတဖက်ကဘယ်သူလဲသာမေး..ကျန်တဖက်ကဇော်ခင်ဆိုတာကြိမ်းသေသည်..

ဇော်ခင်ချမ်းသာချင်သည်..ရွယ်တူအပေါင်းအသင်းတွေသုံးတာစွဲတာမြင်တော့သူလည်းသုံးချင်သည်..လင်နောက်လိုက်ပြေးသွားသောအမကြောင့်စိတ်ထိခိုက်နေသောမိခင်ကြီးကလည်းဈေးရောင်းမှန်မှန်မထွက်..အိမ်မှာကအမေ့ကုန်ခြောက်ဆိုင်လေးဝင်ငွေသာရှိသည်လေ..အဖေရှိစဉ်တုန်းကတော့ဝင်ငွေနှစ်ခုဆိုတော့အသက်ရှုချောင်သည်..အခုတော့ဖုတ်လှိုက်ဖုတ်လှိုက်..အမေကဇော်ခင့်ကိုအိမ်မှာကူစေချင်သည်..ခက်တာကဒီလိုရရစားစားဘ၀ကိုဇော်ခင်မနေချင်..

သူငယ်ချင်းတွေကဖားကန့်ဘက်ကျောက်တူးသွားမည်ဆိုတော့ဇော်ခင်လိုက်ဖို့ပြင်တော့သည်..လမ်းစရိတ်အမေ့နားကပ်ကိုအတင်းရောင်းခိုင်းပြီးလိုက်သွားခဲ့သည်..အမေကတော့မျက်ရည်စက်လက်နဲ့ကျန်ခဲ့သည်..မှော်ထဲရောက်တော့ထင်သလိုမဟုတ်..မှန်းချက်နဲ့နှမ်းထွက်မကိုက်..သွားတုန်းကတော့လောပန်လောင်း..အခုတော့ရရစားစား..ထမင်းစားကျောက်လောက်ဘဲရသည်..

ရတာလေးလောပန်တွေဆီရောင်းတော့ဈေးကနှိမ်သည်..မှော်ထဲမှာကအစစဈေးကြီးလှသည်..ဘာကိုင်ကိုင် မူလဈေး၏ငါးဆကနေဆယ်ဆကြား... အသားငါးဆိုတာကလည်းအမြဲမရ.. တပတ်တခါလာရောင်းတာဝယ်ရသည်..အပျော်အပါးကတော့အစုံရသည်..တွင်းသားများကလည်းပင်ပန်းစွာရှာထားသည့်ပိုက်ဆံကိုဖြုန်းသည်..တွင်းသားတွေလက်ထဲကပိုက်ဆံထွက်လာဖို့မြူဆွယ်နေသည့်အရာများစွာ..နောက်ဆုံးလောပန်လောင်းမဖြစ်ဘဲငှက်ဖျားနဲ့ညားသူညား...ဘိန်းစားဖြစ်သူဖြစ်..ကျောက်အောင်သူတချို့ရှိပေမယ့်အသက်ရှည်ဖို့မလွယ်..

လေးနှစ်တာအချိန်ဖြုန်းပြီးနောက်ဆုံးငှက်ဖျားရောဂါသာအဖတ်တင်လာတော့သူအိမ်ပြန်ခဲ့သည်..အိမ်ပြန်ရောက်တော့အမေကဆုံးပြီ..အမကတော့အတော်လေးအဆင်ပြေနေပြီ..သူ့ယောက်ျားမိဘတွေကပြန်လက်ခံပြီးစိန်တိုက်ဖွင့်ပေးထားသည်..သူဌေးကတော်ပေါ့..သမီးလေးတယောက်တောင်မွေးပြီးလို့နှစ်နှစ်အရွယ်ရောက်နေပြီ..အမကသူ့ကိုနွေးထွေးစွာကြိုပါသည်..ဆေးရုံတင်ပြီးဆေးကုပေးသည်..

ခြောက်လလောက်ကုပြီးတော့ရောဂါပျောက်သလောက်ဖြစ်လာသည်..အမကတော့လိုအပ်သမျှဝယ်ခြမ်းပို့ပေးသည်..ကားတ၀ီဝီနဲ့သွားလိုရာသွား၊သုံးလိုရာသုံးနိုင်သောအမဘ၀ကိုသူအားကျလာတာမို့အမတို့စိန်တိုက်မှာအလုပ်ပေးဖို့သူပူဆာသည်..ယောက်ဖဖြစ်သူကသူ့ကိုသိပ်လက်မခံချင်သော်လည်းအမမျက်နှာနှင့်ကျောက်မျက်ပြခန်းတွင်မန်နေဂျာခန့်ထားသည်..သူ့အထက်မှာဆိုင်တာဝန်ခံတယောက်ထားရှိတာမို့သူထင်သလိုစိတ်တိုင်းကျလုပ်ခွင့်မရ..

ဇော်ခင်တူမလေးကိုတော့ချစ်ပါသည်..ဒါလေးကတော့အမမွေးတာလေ..သူ့အပေါ်တကယ်ကောင်းသူကအမဘဲရှိတာကိုး..ဒါပေမယ့်ကလေးကိုသူချီတာချော့တာမြင်ရင်ယောက်ဖလုပ်သူကမကြိုက်သလိုကြည့်တာကြောင့်ကလေးနဲ့သူသိပ်ရောရောနှောနှောနေလို့မရ..အလုပ်ကနေ့စဉ်ရွှေငွေလက်ဝတ်ရတနာတွေကိုမြင်နေတွေ့နေရတော့ဇော်ခင်လောဘတက်လာသည်..

အမကိုသူ့အတွက်တဆိုင်ထပ်ဖွင့်ပြီးဆိုင်တာဝန်ခံခန့်ဖို့ပြောတော့အမကယောက်ဖကိုပြောပေးသော်လည်းယောက်ဖကလက်မခံတာကြောင့်ဇော်ခင်ယောက်ဖကိုငြိုးတော့သည်..ကိုယ်တိုင်ကဘာမှမတတ်နိုင်သေးတာမို့ပြုံးပြရိုကျိုးနေရပေမယ့်အခါအခွင့်သင့်ရင်တော့ဒင်းကိုမှတ်လောက်သားလောက်ပညာပေးမည်ဟုစဉ်းစားသည်..

ဒီကြားထဲဇော်ခင်မိန်းကလေးတယောက်နဲ့ဆုံဆည်းခဲ့သည်..မယုဝေ..မိန်းကလေးကရိုးရိုးအေးအေး...ဈေးထဲမှာအထည်ရောင်းသည်..အမှတ်မထင်တွေ့လိုက်စဉ်ကတည်းကသူအစွဲကြီးစွဲလမ်းမိသည်..ဈေးထဲကိုချောင်းပေါက်အောင်သွားသည်..အလုပ်ချိန်တွေသူပျက်တာများတော့ဆိုင်တာဝန်ခံနှင့်စကားများရသည်..သူမဖြုံ..သူကသူဌေးယောက်ဖလေ..သူ့ကိုအလုပ်ဖြုတ်လို့မှမရတာ..အမကခေါ်ပြောတော့မှသူအလုပ်ချိန်မှန်အောင်ပြန်ဆင်းရသည်..အမကအားကိုးရပါသည်..တတ်နိုင်သမျှယောက်ဖမသိအောင်ဖုံးဖိပေးရှာသည်..ဆိုင်တာဝန်ခံကိုမြမောင်ကသူဌေးလူယုံဆိုပေမယ့်အမမျက်နှာထောက်ပြီးသူ့ကိုမတိုင်..

သူကတော့မယုဝေအချစ်ကိုရဖို့ကြိုးစားသည်..နောက်ဆုံးတော့မယုဝေကသူချစ်ခွင့်ပန်တာကိုလက်ခံသည်..ချစ်သူရလို့ပျော်ရွှင်ပြီးဘ၀တခုထူထောင်တော့မည်ဟုသူဆုံးဖြတ်လိုက်သည်..ခက်နေတာကမယုဝေ၏မိခင်ကြီးကငွေမက်လွန်းသည်..သူ့မှာကရတနာဆိုင်မန်နေဂျာဆိုပေမယ့်လစာသာရှိသည်..အဖွားကြီးကတူတူတန်တန်တင်တောင်းပြီးမင်္ဂလာပွဲကိုကြီးကြီးကျယ်ကျယ်လုပ်ခိုင်းနေသည်..

ဇော်ခင်စိတ်ညစ်နေသည်..စိတ်ညစ်ညစ်နဲ့ဘီယာသောက်နေစဉ်ပုခုံးကိုခပ်ကြမ်းကြမ်းအပုတ်ခံလိုက်ရသည်..လှည့်ကြည့်လိုက်တော့မှော်ထဲမှာအတူတူလုပ်ခဲ့သောရှမ်းတရုတ်ကြီးကိုကျင်ဝှက်...ခုတော့လည်းတသွေးတမွေးနှင့်ခန့်လို့သန့်လို့..ခွင်ကောင်းနေပုံရသည်..ဘီယာအတူထိုင်သောက်ရင်းရှေးဟောင်းနှောင်းဖြစ်များပြောကြသည်..ရှေ့ရေးကိုတိုင်ပင်ဆွေးနွေးကြသည်..
-----------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ