ပန်းကြွေကောက်သူ..(၂)

စိုးဝင်းတယောက်ခွင့်ရက်စေ့လို့တပ်ပြန်ရပေမယ့်စိတ်တို့ကခင်သက်ဝေအပါးကျန်နေခဲ့သည်..ဒီတော့လည်းစာရေးရတာပေါ့..ခင်သက်ဝေကသူ့အိမ်လိပ်စာနဲ့စာမရေးခိုင်းဘဲသူငယ်ချင်း    အိမ်လိပ်စာနဲ့ရေးခိုင်းသည်..မိဘတွေကစာလာတာမကြိုက်ဟုဆိုတော့လည်းသူ့အလိုကျပေါ့..တယောက်နဲ့   တယောက်သိနားလည်နေပေမယ့်ဘာမှလည်းထုတ်ဖော်မပြောဖြစ်..ချစ်သူမကျ..သူငယ်ချင်းမကပေါ့...သတိရရင်ကြည့်ဖို့ဓါတ်ပုံလေးတပုံအမှတ်တရတောင်းတာကိုအင်းမလုပ်အဲမလုပ်..     အတန်တန်ပြောတော့မှပြန်မယ့်နေ့ဘူတာလိုက်ပို့ပြီးရထားပေါ်တက်ခါနီးစာအိတ်လေးတခုထုတ်ပေးသည်.. ကိုယ့်မှာတော့ပျော်လွန်းလို့..ရထားထွက်တော့လက်တပြပြနှင့်..စာအိတ်လေးကိုဖောက်ကြည့်တော့ကတ်ပြားအဖြူတခုကိုပို့စကတ်ဆိုက်ညှပ်ထားပြီးအလယ်တွင်ပါ့စ်ပို့ပုံလေးတပုံကပ်ထားသည်..                     အဖြူအမဲပုံသေးသေးလေးကိုကြည့်ပြီးတော်တော်နောက်တာဘဲလို့ပြုံးမိလိုက်သေးသော်လည်း..           ဘယ်တတ်နိုင်မလဲ..သူသထာသလောက်ပေါ့..ကိုယ့်မှာတော့သူတောင်းတောင်း..မတောင်းတောင်း..   ပေးချင်လွန်းလို့အတင်းအမှတ်တရပေးပစ်ခဲ့တာလေးပုံတောင်..                                                

သူမကြည့်ချင်လည်းကြွက်သာခြောက်ပေရော့..ဒီမောင်ကတော့မဖြုံပေါင်..

ပုံသေးသေးလေးရလာတော့လည်းသွားလေရာသယ်ရလွယ်တာပေါ့လေ..

သူများမမြင်အောင်ခိုးကြည့်ရတာအမော..သတိရတိုင်းစာရေးတာကလည်းမနည်းမနော..

စာရေးစက္ကူဖိုးတောင်အတော်ကုန်ပေမယ့်ခင်သက်ဆီကတော့စာလေးငါးစောင်ရောက်မှတစောင်ပြန်သည်..ကိုယ့်မှာလည်းသမီးရည်းစားမဟုတ်တော့ချစ်ကြောင်းကြိုက်ကြောင်းလည်း

ရေးမရဘဲတပ်ထဲရဲမေတွေရန်ဖြစ်လို့ဖြေရှင်းပေးတာကအစရိပ်သာရှေ့ခွေးနှစ်ကောင်ကိုက်တာအဆုံး..  ကိုယ့်ခြင်ထောင်ကြောင်သေးပန်းလို့မနက်အစောကြီးထလျှော်ရတာပါမချန်စာဖြစ်အောင်ရေးလာလိုက်တာစာရေးဆရာတွေတောင်ငိုလောက်ပါရဲ့..

ခင်သက်ကိုချစ်နေမိပေမယ့်သူဖွင့်မပြောရဲသေးပါ..ခင်သက်အခြေအနေကအတော်ပြည့်စုံမှန်းသူသိနေသည်လေ..သူ့လိုစစ်သားဘ၀ဆိုတာကလစာနဲ့ရိက္ခာနှစ်မျိုးသာကိုယ်ပိုင်ပစ္စည်း..

ဒါလေးတောင်ဟိုဖြတ်ဒီဖြတ်ကရှိသေး..ခင်သက်လိုမိန်းကလေးတယောက်ကိုတင့်တောင့်တင့်တယ်လက်ထပ်နိုင်ဖို့မလွယ်သေးတဲ့ဘ၀..ဒီကြားထဲကိုယ့်ကိုယ်ကိုမပိုင်..

ကိုယ့်အသက်ကိုယ်မပိုင်..နောက်ဆုံးကိုယ့်နာမည်တောင်ကိုယ်မပိုင်..စိုးဝင်းအရင်နာမည်ကသူရစိုး..ဟော..တပ်ထဲရောက်တော့သူရဆိုတဲ့နာမည်ကိုပြောင်းရတော့စိုးဝင်းဖြစ်..

မဟုတ်ရင်တပ်ထဲမှာကသူရနှစ်မျိုးဖြစ်နေမည်လေ..မအေပေးသူရနှင့်နိုင်ငံတော်ပေးသူရ..

ဒီတော့မအေပေးလိုက်သည့်သူရတွေကနောက်ဆုတ်ပေးလိုက်ရပြီးနာမည်ပြောင်းစေသတည်းပေါ့..

ဘာဆိုဘာမှမပိုင်တော့ချစ်သူကိုပေးစရာရင်ထဲကသစ္စာနှလုံးသားနဲ့လစာရိက္ခာသာရှိတဲ့ဘ၀မို့ကြမ်းတမ်းတဲ့ဘ၀ထဲခေါ်ချင်ပေမယ့်မလာစေချင်ပါ..

ချမ်းသာသည့်မိန်းမတယောက်စီမိမိကိုယ်ကိုရောင်းစားထားသောခပ်ညံ့ညံ့အစွမ်းအစမရှိတဲ့ယောက်ျားတယောက်လည်းအဖြစ်မခံချင်ပါ..တချို့သောသူတွေလုပ်နေသောလမ်းစဉ်ကချမ်းသာဖို့ဖြတ်လမ်းပေမယ့်သူကတော့ယောက်ျားတယောက်ရဲ့အားမာန်နဲ့သာတိုးတက်လိုပါသည်..

မိန်းမထမိန်နားခိုစားသူလို့အပြောမခံချင်ပါ..ဒါကြောင့်ပြည့်စုံသောခင်သက်ကိုသူချစ်ကြောင်းမပြောဖြစ်ခဲ့ပါ..

သူပြင်ဦးလွင်တွင်သင်တန်းတက်ရချိန်မှာတော့လူကြုံနဲ့စားစရာများရောက်လာတတ်ပါသည်..

ခင်သက်တယောက်အသင့်စားသုံးနိုင်သောစားစရာများကိုဝယ်ခြမ်းထဲ့ပေးလိုက်တတ်သည်..ဒီလိုသူ့သံယောဇဉ်လေးတွေကိုပြတတ်တော့လည်းရင်မှာကြည်နူးမှုကအတိုင်းမသိဖြစ်ရပြန်ပါတော့သည်..

ဒီလိုနဲ့သူပြင်ဦးလွင်တွင်သင်တန်းကာလပြီးဆုံးခါနီးလေးမှာတော့ခင်သက်ဆီကစာတစောင်ရောက်လာသည်..သူ့မိဘများကသူမကိုအိမ်ထောင်ချပေးတော့မည်..ဖခင်၏အလုပ်မှသစ်တောအရာရှိလေးတယောက်နဲ့ဆိုဘဲ..စာကိုဖတ်ရင်းမျက်လုံးတွေလည်းပြာဝေသွားခဲ့သည်..

သူလက်လွှတ်နိုင်မလား..ခင်သက်ကိုလက်လွှတ်ဖို့သူတွေးရတော့မည်..တနေလုံးသူစိတ်နဲ့လူမကပ်ပါ..ဘာလုပ်လုပ်အယောင်ယောင်အမှားမှား..တကယ်တမ်းဆုံးရှုံးရမည်ဆိုတော့ယောက်ျားတန်မဲ့သူမျက်ရည်ဝဲမိသည်..သူဘာပြောရမလဲ...စာရွက်တရွက်ကိုဆွဲယူပြီးသူချရေးလိုက်သည်..

ချစ်တယ်...တော်ပြီ..တခြားဘာမှမလို..ပြည့်စုံပြီ..

ဒီစာနှစ်လုံးသည်တဘ၀စာပြီးပြည့်စုံတဲ့သတ္တိခွန်အားများကိုမွေးဖွားစေခဲ့သည်..

ဒီစာလေးကိုသူခင်သက်ဆီပို့လိုက်သည်..ဒါဟာသူ့တသက်ပထမဆုံးရည်းစားစာ..

ဒီစာလေးမှာသူ့ရဲ့ယောက်ျားကောင်းတယောက်ရဲ့တာဝန်ယူနိုင်မှုအကုန်ပါသည်..

သူသင်တန်းဆင်းတော့ရန်ကုန်ကိုလာခဲ့သည်..ခွင့်ကမရ..

ခင်သက်မိဘများကလည်းသူနဲ့သဘောမတူနိုင်..သူ့သမီးလေးမုဆိုးမဖြစ်နိုင်တဲ့လမ်းကိုမလှမ်းစေချင်..

သူမိသားဖသားပီပီချစ်သူကိုတောင်းရမ်းလက်ထပ်ယူချင်ပါသည်..ချစ်သူကိုဂုဏ်မငယ်စေလိုပါ..

ဒါပေမယ့်သူ့ထက်သတ္တိကောင်းပြီးပြတ်သားသောခင်သက်ကအထုတ်ကလေးဆွဲလို့ချစ်သူနောက်

ကောက်ကောက်ပါအောင်လိုက်လာခဲ့ပါတော့သည်..

ခုတော့လည်းစပါပြီနှစ်ယောက်တစ်ဘ၀...

ရထားပေါ်တွင်တယောက်လက်ကိုတယောက်ကျစ်ကျစ်ပါအောင်ဆုပ်ရင်း

ရှေ့ဆက်ရမည့်ဘ၀တိုက်ပွဲအတွက်အားမာန်တွေအပြည့်နှင့်..
---------------------------------BY KK
ဆက်ရန်

Posted in: Stories, ပန်းကြွေကောက်သူ