ဒီရင်နားပါအရိုင်းလိပ်ပြာ..(၃၆)

ကျနော်ကမြေပြင်တွင်မအိပ်ချင်ပေမယ့်ဦးဇော်ခင်တို့ကတော့အပင်ပန်းခံသစ်ပင်ပေါ်တက်အိပ်ချင်ကြပုံမရ..ကျောက်မဏ္ဍပ်ကြီးရှိနေတာကိုး..ကျနော်ကတော့ကောက်ဖျာထွက်နေသည့်ကျောက်နံရံကိုလှည့်ပတ်ကြည့်သည်..တနေရာတွင်မြေပြင်ကခြေက်ပေအမြင့်လောက်မှာကျောက်လှိုဏ်ဂူလေးတွေ့သည်..သိပ်မကြီးပေမယ့်ကျနော်တို့သုံးယောက်တော့ဆန့်လောက်ပါသည်..

ရတီပွင့်ကိုအရင်တက်ခိုင်းလိုက်ပြီးဘွန်းဘွန်းကိုကျနော်ကတွန်းတင်..ရတီပွင့်ကလှမ်းဆွဲပါသည်..ဘွန်းဘွန်းတင်ပါးကိုအားနဲ့အတွန်းတွင် ဘူဆိုသောအသံကြောင့် ကျနော် ရှုံ့မဲ့သွားတော့သည်..သောက်ကျိုးနဲ..မျောက်ဝံလည်းအီးပေါက်တတ်တာကိုး..အသက်အောင့်ပြီးတွန်းတင်လိုက်ပြီးခပ်ဝေးဝေးသို့ပြေးကာအသက်ကိုအမောတကောရှုနေရသည်..နံလိုက်တာဗျာ..

ဦးဇော်ခင်တို့အဖွဲ့ကျောက်မဏ္ဍပ်ထဲဘယ်လိုအိပ်ကြတယ်မသိ..ကျောက်နံရံအောက်ခြေကမြေပြင်ကသစ်ပင်ကအတော်အတန်ရှင်းနေသည်..သစ်ပင်ကြီးတို့သိပ်မရှိ..ဒီတော့ကျနော်တို့နေရာကိုတတန်းထဲသားကောင်ခုန်လာတာမျိုးတော့မဖြစ်နိုင်တာမို့စိတ်တော့အေးရသည်...ကျောက်ဂူလေးသည်သပ်ရပ်သန့်ရှင်းနေသည်ကိုအံ့သြဖွယ်တွေ့ရသည်...ညဥ့်ကမှောင်လာပြီးလေကအေးလာသည်..ကျနော်နဲ့ရတီပွင့်ကတော့ဘွန်းဘွန်းကိုဖက်အိပ်နေကြသည်..

ခြေသံကြားတာကြောင့်ကျနော်မျက်လုံးဖွင့်ကြည့်တော့ကျောက်ဂူဝတွင်ရပ်နေသောလူတယောက်၏သဏ္ဍာန်ကိုတွေ့လိုက်ရတာကြောင့်လူးလဲထလိုက်သည်..အဘိုးကြီးတယောက်..အသားခပ်လတ်လတ်မှာအကျီ င်္အဖြူနှင့်ပုဆိုးအနက်နဲ့အဖြူကွက်ကျဲကြီးဝတ်ထားသည်..မျက်နှာကတော့ခပ်ပြုံးပြုံးနဲ့စိတ်သဘောထားနုညံ့မည့်ပုံမျိုးဖြစ်သည်..
-
လူလေး..အဘလာတာအနှောက်အယှက်ဖြစ်သွားလား..
-
မဖြစ်ပါဘူးခင်ဗျာ..အံ့သြသွားတာပါ
-
ဒါကအဘတရားကျင့်တဲ့ဂူပေါ့ကွယ်..
-
ဒါကြောင့်သန့်ရှင်းနေတာကိုး..ကျနော်တို့မသိလို့အဘနေရာမှာလာအိပ်မိတာတောင်းပန်ပါတယ်..အဘတရားကျင့်ပျက်သွားတာပေါ့..
-
ရပါတယ်ကွယ်..အရင်တခါကလည်းလူလေးတို့ရောက်လာတာအဘသိတယ်..ဒါကြောင့်ဆေးကြိတ်တော့အမောလုံစေတဲ့ဆေးဖတ်တွေကိုလူလေးတို့အတွက်ချန်ခဲ့တာ..အခုလည်းလူလေးတို့အထဲမှာဒဏ်ရာရသူပါတာအာရုံမှာပေါ်နေလို့အနာကျက်လွယ်တဲ့ဆေးဖတ်တွေထားခဲ့ပေးတာ..ရော့..ရော့..လူလေး..ဒီဆေးလုံးလေးယူထား..ဒါလေးကအနာကျက်လွယ်တယ်..မင်းရဲ့အဖော်ကိုကျွေးပေါ့ကွာ..လူလေးနဲ့ပါလာသူတွေကတောမကြိုက်တောင်မကြိုက်အလုပ်တွေကျောက်မဏ္ဍပ်မှာလုပ်နေတယ်ကွယ်..တတ်နိုင်သမျှတော့သတိဝီရိယနဲ့ကင်းကင်းနေစေချင်တယ်..လူလေးတို့ဘာလာလုပ်တယ်ဆိုတာအဘသိပါတယ်..အိမ်း..သတ္တ၀ါတခုကံတခုပေါ့လေ..ထိုက်သူရမှာပေါ့...ကဲ..အဘသွားမယ်..
-
ပြောပြောဆိုဆိုအဘိုးကြီးကကျောက်ဂူအပြင်ဘက်ကိုလှမ်းထွက်သွားပြီးပျောက်ကွယ်သွားသည်..ကျနော်ခုမှသတိရသည်..ကျောက်ဂူအပြင်ကမြေပြင်နဲ့ခြောက်ပေလောက်ကွာတာဘဲ..ဘယ်လိုထွက်သွားပါလိမ့်..အဘလို့လှမ်းခေါ်လိုက်တော့ကျနော်လန့်နိုးသွားသည်..ကျနော်အိပ်မက်မက်နေတာဘဲ..ကျောက်ဂူပေါက်ဝမှာလရောင်ျော့ဖျော့ဖြာကျနေတာကလွဲပြီးဘာမှမရှိ..

ကျနော့်လက်ဖ၀ါးထဲတစုံတခုဆုပ်ကိုင်ထားမိတာကြောင့်လက်ဖြန့်ကြည့်လိုက်တော့အညိုရောင်ဆေးလေးတလုံး..ကျနော်ဇဝေဇ၀ါဖြစ်သွားသည်..အိပ်မက်လား..တကယ်ကြုံလိုက်တာလားမရေရာ..ဆေးလုံးကတော့လက်ထဲမှာရောက်နေတာမို့အိပ်ပျော်နေသောဘွန်းဘွန်းကိုအသာလှုပ်နှိုးပြီးတိုက်လိုက်ပါသည်...

မနက်အိပ်ယာနိုးတော့ဘွန်းဘွန်းအတော်သက်သာနေပြီ..ဒဏ်ရာရထားသောလက်ကိုမသုံးဘဲကျောက်ဂူထဲမှမြေပြင်ကိုသူ့ဖာသာတွယ်ဆင်းသွားသည်..ကောင်းတာပေါ့ခင်ဗျာ..ကျနော့်မှမနေ့ကအနံ့ဆိုးကိုမမေ့တတ်သေးတာ..ခုတော့ကံကောင်းလို့လွတ်တာပေါ့..ကျနော်တို့အောက်ရောက်ပြီးကျောက်မဏ္ဍပ်နားလျှောက်လာတော့ကျောက်မဏ္ဍပ်အနားတွင်အနံ့တို့နံဟောင်နေသည်..အပေါ့အပါးကိုဝေးဝေးမသွားဘဲကျောက်မဏ္ဍပ်နားတွင်သာအလွယ်တကူစွန့်ဟန်ရှိသည်..

သူတော်ကောင်းတို့ဆေးကြိတ်သောနေရာကတော့ဒီလူမိုက်တွေကြောင့်ညစ်နွမ်းသွားလေပြီ..စိတ်ထဲကတောစောင့်နတ်တောင်စောင့်နတ်အပေါင်းနှင့်မနေ့ကအိပ်မက်ထဲတွင်မြင်လိုက်ရသောအဘိုးအိုတို့ကိုလှမ်းရည်မှန်းပြီးတောင်းပန်လိုက်သည်..ဦးဇော်ခင်တို့နှင့်တော့စကားမများချင်တာကြောင့်အထွေအထူးမပြောနေတော့ဘဲအဆာပြေစားသောက်ပြီးဆက်သွားဖို့ပြင်ဆင်နေလိုက်တော့သည်..
-------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ