ပန်းကြွေကောက်သူ..(၁၂)

စိုးဝင်းရှေ့တန်းပြန်ဝင်ပြီးတပတ်ကြာတော့သင်တန်းပါသည်..ခွဲရဦးမှာပေါ့..ခင်သက်ကတော့မျက်နှာမကောင်း..ကိုမောင်ပြန်လာလို့ပျော်တာတောင်မ၀သေး..သင်တန်းတဲ့..ခက်သည်..နီးနီးနားနားဗထူးဆိုလည်းတော်သေး..ခုတော့သံတောင်ကြီးဘက်တဲ့..အဲ့ဒီဘက်ကနယ်မြေမအေးချမ်းလို့သိထားတော့စိတ်ပူပန်မှုတွေပြန်ဖြစ်လာသည်..သင်တန်းဆိုတော့ပိုက်ဆံကုန်ဦးမှာပေါ့..လစာကိုကိုမောင်နဲ့ထဲ့ပေးလိုက်မှရမည်..ခင်သက်ကရော..မေမေပေးထားတဲ့ပိုက်ဆံလေးကလေးမွေးရင်သုံးဖို့ဖယ်ထားတာလေးနဲ့ဘဲစားရတော့မှာပေါ့..ချစ်သူလက်ကိုဆွဲပြီးကိုယ့်ခြေထောက်ပေါ်ကိုယ်ရပ်မယ်စဉ်းစားခဲ့တဲ့မိခင်သက်..ခုတော့လည်းမိဘအထောက်အပံ့နဲ့မလွတ်ပါလား..

အိမ်ထောင်တခုထူထောင်တာဒီလောက်တာဝန်တွေပူပန်မှုတွေများမယ်ဆိုတာအစကမသိခဲ့ပါလား..ခုတော့လည်းကိုမောင်သင်တန်းသွားဖို့ပြင်ဆင်ပေးနေရသည်..သင်တန်းဆင်းမယ့်ရက်ကိုတွက်လိုက်မိတော့..ဘုရားရေ..ခင်သက်မီးဖွားမည့်အချိန်ကိုမောင်အနားမှာမရှိဘူးပေါ့..ပထမဆုံးသားဦးကိုမွေးဖို့ပြင်ဆင်ချိန်မှာခင်ပွန်းသည်ကိုအနားရှိစေချင်မိသည်..ခုတော့လည်းဘယ်တတ်နိုင်မလဲ..စစ်သားမိန်းမတယောက်ရဲ့ဘ၀ကခါးသက်သက်နိုင်လှပါတကား..
ကိုမောင်သင်တန်းသွားတော့ခင်သက်မပျော်တော့...ကိုယ်ဝန်ကလည်းခုနှစ်လထဲရောက်ပြီမို့တပ်ရင်းမှုးကတော်ထံခွင့်တောင်းပြီးမေမေတို့ထံပြန်နေဖြစ်သည်..မိဘအိမ်ရောက်တော့အစစအရာရာဦးစားပေးခံရသည်..ဖေဖေဆိုရင်ထမင်းဝိုင်းမှာအသားတုံးတွေရွေးခပ်ပြီးခင်သက်ပန်းကန်ထဲထဲ့ပေးသည်..ပါးစပ်ကလည်းငါ့သမီးလေးဟိုမှာဆိုအစားအသောက်ဆင်းရဲမှာ..များများစား..ဒါမှအားရှိမှာလို့ပြောလိုက်သေးသည်..ဗိုက်ကိုတော့မင်္ဂလာဒုံစစ်ဆေးရုံမှာအပ်ဖြစ်သည်..ဗိုက်ကိုစစ်ပေးသောဗိုလ်မှုးသည်စကားကိုခပ်နွဲ့နွဲ့ပြောတတ်သောအရပ်မြင့်မြင့်ထောင်ထောင်မောင်းမောင်းဗိုလ်မှုးထွန်းရီဖြစ်သည်..ကျားကျားယားယားဗိုလ်မှုး၏ချိုသာသောခပ်နွဲ့နွဲ့စကားသံကြောင့်ခင်သက်ပြုံးချင်စိတ်ကိုမျိုသိပ်ခဲ့ရဖူးသည်..အင်မတန်တော်သောဆေးဗိုလ်မှုးတယောက်ပေါ့..
ခင်သက်မွေးခါနီးတော့ဆေးရုံကြိုတက်ရသည်..တနင်္လာနေ့မနက်စောစောမှာတော့ခင်သက်ဗိုက်ထဲကသရိုးသရီဖြစ်လာပြီးတချက်တချက်နာလာတော့သည်..အရမ်းကြီးမနာသေးပေမယ့်မေမေကတော့စိုးရိမ်တကြီးနဲ့အနားကမခွာတော့..ညနေသုံးနာရီလောက်ကျတော့ခင်သက်ဗိုက်အရမ်းနာလာသည်..နာလွန်းလို့ချွေးသီးချွေးပေါက်များပင်ကျလာသည်..ဘုရား..ဘုရား..ခင်သက်ကိုမွေးစဉ်ကလည်းမေမေဒီလိုဘဲနာရှာမှာဘဲ..ခုတော့မေမေ့လက်ကိုတင်းတင်းဆုပ်ရင်းနာလွန်းလို့ညည်းနေမိသည်..နောက်တော့ကလေးမွေးဖို့စောင့်ရသည့်အခန်းကိုခင်သက်ကိုခေါ်သွားသည်..ဘ၀တူဗိုက်နာနေသူတွေနှစ်ယောက်တောင်ပါလား..
ဘယ်သူ့ကိုမှလည်းပြုံးမပြနိုင်..မေမေကလည်းလိုက်မ၀င်လာရတော့ခင်သက်အားငယ်နေမိသည်..ကိုမောင်သာအနားမှာရှိရင်အားရှိမှာအမှန်..ခင်သက်ဗိုက်နာတာကိုအံကြိတ်ရင်းကြည့်မိတော့မွေးခန်းထဲကငိုသံကြားရသည်..ကလေးတယောက်မွေးလာပြန်ပြီပေါ့..ကိုယ့်အလှည့်ကဘယ်တော့မှန်းမသိ..ဗိုက်အရမ်းနာလာတော့ခင်သက်ကိုမွေးစင်ပေါ်တင်သည်..မိခင်ဆိုတာရင်သွေးအတွက်အရှက်ကုန်ရတာလက်တွေ့ပါလား..ဒီကြားထဲခင်သက်ခြေထောက်ကြားကဆေးဗိုလ်လောင်းများကိုမြင်နေရသည်..ခင်သက်ရှက်လွန်းလို့ဘယ်လိုမှမမွေးနိုင်..ပိုဆိုးတာကဗိုလ်လောင်းတို့ရဲ့သံပြိုင်အမရေ..ညှစ်..ညှစ်ဆိုတဲ့ညာသံ..ခင်သက်တဖြည်းဖြည်းမောလာတော့ဆေးဗိုလ်မှုးကခင်သက်ဆံပင်ကိုအသာလာသပ်တင်ပေးပြီးပြောသည်..
-
သမီး..သမီးကလေးလေးကိုချစ်တယ်မဟုတ်လား..သမီးရှက်နေရင်သမီးကလေးလေးသေသွားလိမ့်မယ်..သူတို့တွေကိုသမီးမရှက်နဲ့..သူတို့ရှိတယ်လို့ကိုသဘောမထားနဲ့..သမီးကလေးအသက်ရှင်ဖို့တခုဘဲတွေးနော်..သမီးကလိမ်မာပါတယ်..
-
နွေးထွေးနုညံ့တဲ့ဆေးဗိုလ်မှုးအသံကိုနားထောင်ရတာဖခင်တယောက်ကအားပေးနေသလိုမျိုး..ခင်သက်ရင်သွေးလေးအသက်ဘေးနဲ့ယှဉ်လာတော့ခင်သက်အရာအားလုံးကိုမေ့ပစ်လိုက်သည်..တကိုယ်လုံးရှိသမျှခွန်အားတို့စုစည်းပြီးညှစ်ထုတ်လိုက်ချိန်မှာတော့ကိုမောင့်အတွက်သမီးလေးတယောက်လူ့လောကထဲကိုမွေးဖွားပေးလိုက်နိုင်ပါပြီ..သမီးလေးရဲ့အူဝဲလို့ငိုတဲ့အသံကြားမှာနာကျင်မှုတွေပင်ပန်းမှုတွေဘယ်ဆီကိုလွင့်ပျောက်ကုန်ပြီမသိ...မွေးစင်ပေါ်မှပင်မိခင်ဖြစ်သူကိုရည်မှန်းလို့လက်အုပ်ချီလိုက်မိသည်..
သမီးလေးမွေးပြီးနှစ်ပတ်ကြာတော့ကိုမောင်သင်တန်းဆင်းလာသည်..သူ့ခမျာယောက္ခမအိမ်တက်သမက်မျက်နှာငယ်ဘ၀နှင့်ခင်သက်ဆီလာရရှာသည်..ခင်သက်မိဘတွေ၏နွေးနွေးထွေးထွေးဆက်ဆံမှုကိုရမှနေသာထိုင်သာရှိသွားပုံရသည်..မေမေကတော့ကလေး၂လလောက်မှအိမ်ပြန်စေချင်သည်..ကိုမောင်တယောက်ဇနီးနှင့်သမီးကိုမခွဲချင်ပေမယ့်တာဝန်တွေရှိတာကြောင့်တပ်ကိုပြန်သွားရရှာတော့သည်..နောက်တလအကြာကိုမောင်ရှေ့တန်းပြန်ထွက်ရတာမို့ခင်သက်လည်းမိဘအိမ်မှာပင်သမီးလေးငါးလပြည့်သည်အထိနေခဲ့ပြီးမှတပ်ရင်းကိုပြန်ခဲ့သည်..
ကိုမောင်ရှေ့တန်းပြန်ဝင်တော့သမီးလေးရှစ်လရှိပြီ..သမီးလေးသည်သူ့ဖခင်စစ်သားကြီးကိုမသိရှာ..အချီမခံဘဲကြောက်လန့်တကြားငိုတော့သည်..မိမိရင်သွေးကပင်မမှတ်မိသည့်စစ်သားဘ၀မို့ကိုမောင်မျက်ရည်တွေဝဲခဲ့ရှာသည်..နောက်တော့လည်းအဖေနဲ့သမီးအဆင်ပြေပြီးဟီလာတိုက်နေတာများသမီးကသူ့အဖေနားဘဲကပ်နေတော့သည်...သမီးလေးတနှစ်ခွဲမှာတော့ခင်သက်တို့တပ်ပြောင်းရပြီ..ကံကောင်းချင်တော့ရန်ကုန်တိုင်းထဲပြောင်းရတာမို့မိဘတွေနဲ့နီးနီးနားနားဖြစ်သွားပြီးအဆင်ပြေသွားတာပေါ့..သမီးလေးကတော့အဖိုးအဖွားတွေရဲ့အသဲကျော်ကိုဖြစ်လို့..ဒီလိုနဲ့သမီးလေးသုံးနှစ်မှာခင်သက်ဒုတိယကိုယ်ဝန်ဆောင်ရသည်..ခုတော့လည်းလောကဓံတွေကိုအတော်သိလာတဲ့ဒေါ်ခင်သက်ဖြစ်လာပြီပေါ့လေ..
--------------------------------------------------BY KK
ဆက်ရန်

Posted in: Stories, ပန်းကြွေကောက်သူ