သမုဒယနေကြာ...(၃၂)

-
နင့်ကိုငါဘယ်တုန်းကပစ်ထားခဲ့ဖူးလို့လဲအဲလစ်ရာ..နင်ကငါ့ကိုအပြစ်တင်စောတာကိုး..
-
ဟင်..မိုးညို..နင်ငါ့ဆီပြန်လာတယ်ပေါ့..
-
ငါကနင့်ဘေးနားမှာအမြဲရှိနေတာဘဲလေ..နင့်ကိုဘ၀ကိုဘယ်လိုရင်ဆိုင်ရတယ်ဆိုတာသိအောင်ငါဝင်မပါဘဲနေနေတာ..
-
ငါဘယ်လောက်ဝမ်းနည်းနာကျင်ရလဲ..သိလား..နင်နေနိုင်တယ်နော်..
-
အော်..နင်ကလည်းပြောတတ်တယ်..အခုငါရောက်လာပြီ..နင်အားငယ်နေတာတွေဖျောက်ပစ်လိုက်..ငါနင့်ကိုကူညီမယ်..
-
နင်ကဘာတွေကူမှာလဲဟင်..
-
နင်စိတ်ညစ်နေတာတွေကိုငါဖြေရှင်းပေးမယ်လေ..
-
ဟင်..ဘယ်လိုဖြေရှင်းပေးမှာလဲ..
-
အခုသိရမှာပေါ့..မနက်ဖြန်နင့်မိထွေးတောင်ကြီးသွားမှာမဟုတ်လား..
-
အင်း..ဟုတ်တယ်..နင်ဘယ်လိုသိလဲ..သူ့အမေဆီသွားတွေ့မလို့တဲ့..
-
ငါမသိတာမရှိဘူးအဲလစ်ရဲ့..နင်အိပ်မနေနဲ့..ငါတို့အောက်ဆင်းမယ်..တံခါးဖွင့်ပြီးအပြင်ကိုကြည့်ဦး..အားလုံးအိပ်တာသေချာပြီဆိုမှအောက်ဆင်း..လက်နှိပ်ဓါတ်မီးယူဦး..ကားဂိုဒေါင်သော့ပါယူလာခဲ့..
-
နင်ဘယ်သွားမလို့လဲမိုးညို..ဒီလောက်မိုးရွာနေတာ..ငါကြောက်တယ်..
-
ငါတယောက်လုံးပါနေတာကိုနင်ကြောက်သလား..လာစမ်းပါ..မိုးကာဝတ်ခဲ့..
-
ကျွန်မမိုးညိုနောက်ကကြောက်ကြောက်နဲ့လိုက်ဆင်းခဲ့သည်..မိုးညိုကအိမ်နောက်ဖေးတံခါးကိုဖွင့်ပြီးမိုးရွာထဲဆင်းသွားသည်..အပြင်ဘက်မှာမှောင်မဲနေပြီးတချက်တချက်လျှပ်စီးရောင်မှာလေတိုက်နေတာကြောင့်ယိမ်းထိုးနေတဲ့သစ်ပင်တို့ကခြောက်ခြားစရာဖြစ်နေသည်..ကျွန်မမိုးညိုနောက်ကတွန့်ဆုတ်ဆုတ်ဖြင့်လိုက်ခဲ့ပါသည်..မိုးညိုကတော့မိုးရွာနေတာကိုလသာနေသလိုခပ်အေးအေးပင်ကားဂိုဒေါင်ဆီလျှောက်သွားသည်..
ကားဂိုဒေါင်တံခါးကိုကျွန်မသော့ဖွင့်ပေးလိုက်တော့မိုးညိုကကားဂိုဒေါင်ထဲဝင်သွားသည်..မိုးညိုကိုယ်ကခြောက်သွေ့လျက်..မိုးရေတစက်လေးမှစိုမနေပါ..သူကဖေဖေစီးသည့်ကားကိုတံခါးဖွင့်လိုက်သည်..သေချာလိုက်ကြည့်ပြီးကျွန်မကိုခေါင်းဆတ်ပြီးအနားလာဖို့အမူအယာပြသည်..မိုးညိုဘာလုပ်မလို့လဲသိချင်တာကြောင့်ကျွန်မသွားကြည့်လိုက်သည်..
-
အဲလစ်..နင်ရန်ကုန်မှာကားမောင်းသင်တုန်းကကားအကြောင်းတော်တော်သိထားတယ်မဟုတ်လား..လာ..အခုငါပြောတဲ့အတိုင်းလုပ်..
-
ဟင်..ငါကဘာလုပ်ရမှာလဲ..ငါကဖိုးဖိုးသင်ပေးလို့နည်းနည်းပါးပါးနှိုက်တတ်ပြုတတ်ရုံလေးဘဲတတ်တာနော်..
-
အေးလေ..အခုလည်းအဲ့လောက်ပါဘဲ..နင့်ကိုဘရိတ်ဖျက်ခိုင်းမလို့..
-
ဟယ်..ဒီတောင်ပေါ်လမ်းတွေမှာဖေဖေဒုက္ခရောက်မှာပေါ့..ဘရိတ်မရှိရင်..
-
ကျွတ်..နင်ကလဲ..အကုန်မဖြတ်နဲ့ပေါ့ဟ..နည်းနည်းချန်ထား..နင့်အဖေကမနက်ဖြန်ဆိုင်မှာနေခဲ့မှာဘဲ..နင့်မိထွေးကကားယူသွားမှာကို..ကြိုးပြတ်မပြတ်တော့သူ့ကံပေါ့..
-
ငါမလုပ်ရဲဘူးမိုးညိုရယ်..
-
သူ့ကြောင့်နင့်အမေသေသွားတာနော်..နင်စဉ်းစားကြည့်စမ်း...နင့်အမေသေတာနင့်လက်ပေါ်မှာဘဲ..နင်မှတ်မိလား..နင်ဘယ်လောက်ဝမ်းနည်းခဲ့ရလဲ..သူကနင့်အမေကိုလည်းသေစေတယ်..နင့်အဖေကိုလည်းနင့်လက်ကလုယူထားတယ်..အခုနင်လုပ်ရတာသူလုပ်တာထက်စာရင်ပါးပါးလေးပါဟာ..နင်မလုပ်နိုင်ရင်လည်းထားလိုက်လေ..နောက်မှစိတ်ဆင်းရဲလို့မိုးညိုရေ..ကယ်ပါဆိုလို့ကတော့ငါမလာဘူးနော်..
-
နင်မလာဘဲတော့မနေနဲ့နော်မိုးညို..ငါလုပ်ပါ့မယ်..
-
ကျွန်မကားဘရိတ်ကိုအတတ်နိုင်ဆုံးသေသေသပ်သပ်ဖြစ်အောင်မိုးညိုစိတ်တိုင်းကျဖျက်ပေးလိုက်သည်..မိုးညိုကတော့ခေါင်းတညိတ်ညိတ်နဲ့ကျွန်မတော်ကြောင်းချီးကျုးနေသည်..စိတ်တိုင်းကျသေချာလုပ်ပြီးတော့ကားဂိုဒေါင်တံခါးကိုသေချာပြန်ပိတ်ပြီးအိမ်ထဲကိုပြန်ဝင်ခဲ့သည်..မိုးကာအကျီ င်္ကိုအိမ်ထဲမ၀င်ခင်ချွတ်ပြီးမိုးရေမကျအောင်ပြောင်းပြန်ခေါက်ကာမီးဖိုထဲကကျွတ်ကျွတ်အိတ်တလုံးထဲအသာထိုးထဲ့ပြီးသယ်လိုက်သည်..
မီးဖိုတံခါးကိုပိတ်ပြီးရေစက်ကျနေတာတွေကိုအ၀တ်စုတ်ဖြင့်ပြောင်အောင်သုတ်စေပြီးမှမိုးညိုကအပေါ်ထပ်ကိုခြေဖျားထောက်တက်ခိုင်းသည်..မိုးသံလေသံကြားမှာဖေဖေတို့အခန်းကတော့ငြိမ်သက်နေသည်..အခန်းထဲကိုရောက်မှကျွန်မလည်းအသက်အောင့်မိနေသမျှသက်ပြင်းချနိုင်တော့သည်..မိုးညိုကကျွန်မကိုအိပ်ယာထဲမှာနွေးနွေးထွေးထွေးပြန်အိပ်ခိုင်းပြီးသူဆိုနေကျ Somebody's me သီချင်းကိုတိုးတိုးလေးဆိုပြနေတာကြောင့်ကျွန်မနားထောင်ရင်းမျက်လုံးတို့မှေးစင်းလာကာအိပ်ပျော်သွားတော့သည်..
မနက်ကျွန်မအိပ်ယာနိုးတော့နေတောင်အတော်မြင့်နေပြီ..အိပ်ရေးဝပြီးကျွန်မလန်းဆန်းနေသည်..ညကမိုးညိုကျွန်မဆီလာတာအိပ်မက်လား..တကယ်လာတာလားစိတ်ကဇဝေဇ၀ါဖြစ်နေသည်..မျက်နှာသစ်ဖို့ရေချိုးခန်းတံခါးကိုဖွင့်တော့ကျွတ်ကျွတ်အိတ်နဲ့ထဲ့ထားသောကျွန်မမိုးကာကိုတွေ့လိုက်ရမှမိုးညိုတကယ်ရောက်လာမှန်းသေချာသွားသည်..ဒါဆိုဖေဖေ့ကားကိစ္စကလည်းအိပ်မက်မဟုတ်ဘူးပေါ့..ကျွန်မစိုးရိမ်ကြီးစွာအခန်းတံခါးကိုဖွင့်ထွက်လိုက်တော့အိမ်ကခြောက်သွေ့စွာ..
-------------------------------------By KK
ဆက်ရန်

Posted in: Stories, သမုဒယနေကြာ