သမုဒယနေကြာ...(၂၃)

ကျွန်တော်ဒီနေ့ပန်းစည်းပို့ရင်းကအဲလစ်အိမ်သို့ဝင်ခဲ့သည်...ဖြူစင့်အိမ်ဘက်ကိုလည်းအရိပ်အခြည်ကြည့်ရသေးသည်..ဘာကြောင့်မှန်းမသိပေမယ့်ကျွန်တော်အဲလစ်နဲ့ခင်တာ၊အတူသွားတာ၊အခုလိုအဲလစ်အိမ်ကိုလာတာဖြူစင့်ကိုမသိစေချင်ပါ..ဖြူစင်စိတ်ခုသွားမှာ၊ကျွန်တော့အပေါ်တမျိုးမြင်သွားမှာစိုးရိမ်နေမိသည်..
အဲလစ်၏အိမ်ကိုဒုတိယအကြိမ်မြောက်ကျွန်တော်ရောက်ဖူးခြင်းဖြစ်သည်..အခုတခေါက်မှခြဲထဲကိုဆိုင်ကယ်မောင်းဝင်ရင်းကျွန်တော်သတိထားမိတာကအဲလစ်အိမ်သည်ခြောက်သွေ့တိတ်ဆိတ်လွန်းနေသည်ဟုကျွန်တော်ခံစားရသည်..လူနေအိမ်တခုပေမယ့်တိတ်ဆိတ်လွန်းနေသည်..ပထမတခါရောက်တုန်းကအဲလစ်တို့မိသားစုဝင်တွေကိုမတွေ့ခဲ့ရတာအမှတ်ရမိသည်..
ကျွန်တော်တံခါးကခေါင်းလောင်းလေးကိုလှုပ်လိုက်တော့အဲလစ်တံခါးလာဖွင့်သည်..အခုတော့လည်းအဲလစ်ကသပ်သပ်ရပ်ရပ်လေးဝတ်စားထားတော့ကြည့်ကောင်းနေသည်..မနက်ကလိုကပိုကရိုရင်ခုန်တိမ်းမူးစရာအလှမျိုးမဟုတ်တော့...ကျွန်တော်}ည့်ခန်းထဲဝင်ရင်ဟိုဟိုသည်သည်မျက်လုံးကိုဝေ့၀ဲရှာလိုက်သည်..အဲလစ်ကလွဲပြီးတခြားဘယ်သူ့ကိုမှမမြင်မိပါ..
-
တိမ်ပြာ..ဘာကြည့်နေတာလဲ..ထိုင်လေ
-
အေးပါ..နင်တို့အိမ်သားတွေမတွေ့လို့..ဘယ်သွားကြလဲ
-
ငါကဒီမှာတယောက်တည်းနေတာလေတိမ်ပြာရယ်...တရက်ခြားတခါအ၀တ်လျှော်၊အိမ်ရှင်းလုပ်ပေးတဲ့မိန်းမကြီးလာတယ်..
-
ဟင်..ဟုတ်လား..ဒါဆိုရင်တော့နင်ပြောစရာရှိတာမြန်မြန်ပြော..ပြီးရင်ငါပြန်မယ်..
-
ဟဲ့..ဘယ်လိုဖြစ်ရပြန်တာလဲ
-
မိန်းကလေးတယောက်တည်းရှိတဲ့အိမ်ကိုလာရတာမကောင်းဘူးလေဟာ..ပတ်ဝန်းကျင်အမြင်မတင့်တယ်ဘူး..
-
အမလေး..ငါကပတ်ဝန်းကျင်ကိုဂရုမစိုက်ပါဘူး..
-
နင်မစိုက်ပေမယ့်ငါစိုက်တယ်ဟ...ကဲ..အဲလစ်..ပြောစရာရှိတာမြန်မြန်ပြော..ငါ့မှာအလုပ်နဲ့..
-
မြင်းကမလှုပ်ခုံကလှုပ်ဖြစ်နေပါလားတိမ်ပြာရယ်..နင်နဲ့ငါသွားစားနေကျတောင်ကုန်းပေါ်ကမှန်နဲ့ကာထားတဲ့ဆိုင်လေးလေ..မှတ်မိတယ်မဟုတ်လား..ဆိုင်နာမည်ကမယ်လိုဒီလေဟာ..နင်သိပြီးသားပါ..ငါပြီးခဲ့တဲ့တပတ်ကအဲ့ဆိုင်ပိုင်ရှင်ကိုသွားတွေ့တာဟ..
သူ့ဆိုင်ကလူလာလည်းများတယ်လေ..ဒီတော့ဆိုင်မှာunplagged show လေးထဲ့ပါလားလို့ သွားပြီးဆွေးနွေးကြည့်တာ..သူကလည်းစိတ်ဝင်စားတယ်..အကြောင်းပြန်မယ်ဆိုလို့လေ..ငါကနင်သီချင်းဆိုနေတာတွေအသံသွင်းထားတဲ့ရီကော်ဒါလည်းဖွင့်ပြလိုက်တယ်လေ..သူကနင့်အသံကိုသဘောကျပုံလည်းရတယ်..
အဲ့ဆိုင်မှာကသူဌေးတွေအလာများတော့နင်လည်းဘောက်ဆူးရတာပေါ့..လစာလည်းရမယ်..နင်ပိုက်ဆံပိုစုမိရင်နင့်ရည်မှန်းချက်ကိုမြန်မြန်အကောင်အထည်ဖော်လို့ရတာပေါ့..မဟုတ်ဘူးလား..
-
အင်း..ငါသဘောပေါက်ပြီ..ဒါနဲ့ငါ့အသံကိုနင်ကဘယ်တုန်းကအသံသွင်းထားတာလဲ..ငါတောင်မသိလိုက်ပါလား..
-
ငါလည်းရီကော်ဒါတလုံးဆောင်ထားတယ်လေ..နင်သီချင်းဆိုရင်အသံသွင်းထားတာပေါ့...ငါတယောက်တည်းပျင်းနေရင်နင်သီချင်းဆိုတာပြန်နားထောင်တယ်..နင်နဲ့စကားပြောထားတာတွေပြန်နားထောင်တယ်လေ..အဲ့လိုကျတော့ငါ့ဘေးနားမှာနင်ရှိနေသလိုပေါ့..
-
နင်တော်တော်အရူးထတာဘဲ..ငါတော့အလုပ်နှစ်ခုဆိုပင်ပန်းဥးတော့မယ်..အေးလေ..ဘယ်တတ်နိုင်မလဲ..ဘ၀သမားတွေဆိုတာသူများထက်နှစ်ဆပိုကြိုးစားမှအောင်မြင်မှာလေ..လုပ်ရတော့မှာပေါ့..ဘယ်နေ့စအလုပ်ဝင်ရမှာလဲ..
-
ညနေနင်အလုပ်ပြန်တော့ငါနဲ့တူတူအဲ့ဆိုင်ကိုသွားမယ်လေ...တခါတည်းပိုင်ရှင်နဲ့တွေ့ပြီးပြောရတာပေါ့..
-
အေးလေ..ဒါဆိုလည်းပြီးရော..ငါလည်းအလုပ်ဆက်လုပ်လိုက်ဦးမယ်..နင်လည်းတယောက်တည်းနေတာဆိုရင်သတိဝီရိယနဲ့နေဦး..
-
ငါသိပါတယ်တိမ်ပြာရယ်..နင်ညနေစောစောပြန်ခဲ့နော်..ငါနင့်ခြံမှာဘဲစောင့်မယ်..
-
အင်း...စောင့်နေ..ငါသွားပြီ
-
ကျွန်တော်ပန်းလိုက်ပို့ရင်းအတွေးတော့များလာသည်..တနေကုန်အလုပ်များပြီးညပိုင်းသီချင်းဆိုရင်ပင်တော့ပင်ပန်းမည်..ငွေပိုရရင်တော့အခွေထုတ်ဖို့ပိုက်ဆံစုနိုင်လာမည်..ကျွန်တော်ဝါသနာပါတဲ့အလုပ်ဖြစ်နေသည့်အပြင်ရည်မှန်းချက်နဲ့လည်းနီးကပ်သည်..လူသိများလာမည်..ဒီလိုဆိုတော့လည်းကျွန်တော့်ရှေ့ရေးကိုအမြဲတွေးပြီးစီစဉ်ပေးတတ်သောအဲလစ်ကကျွန်တော့်အတွက်အကောင်းဆုံးဖြစ်နေပြန်သည်..
------------------------------------------By KK
ဆက်ရန်

Posted in: Stories, သမုဒယနေကြာ