သမုဒယနေကြာ...(၄၀)

ကျွန်မဆိုင်ကိုလာတိုင်းတိမ်ပြာရှိသည့်ပန်းဆိုင်ဘက်ကိုကြည့်မိသည်..တခါတရံကူးကူးနဲ့ရယ်မောပြီးစကားပြောနေသောတိမ်ပြာ့ကိုမြင်တိုင်းကျွန်မရင်ထဲမှာအရှုံးကိုခံစားရသည်..ကူးကူးကိုကျွန်မမုန်းသည်..သူကျွန်မချစ်သူနဲ့ခုလိုရင်းနှီးစွာဆက်ဆံနေတာကိုကကျွန်မကိုအနိုင်ကျင့်နေတာ...ကျွန်မခံရခက်လှသည်..ကျွန်မကိုသူတို့ဂရုမစိုက်၊အရေးမလုပ်ကြဘူးပေါ့..
ကျွန်မရဲ့ချစ်သူတယောက်တန်ဖိုးကဘယ်မှာလဲ..ကျွန်မတိမ်ပြာ့ကိုကူးကူးအနားကဆွဲထုတ်နိုင်မှဖြစ်တော့မည်..တိမ်ပြာ့ကိုပန်းဆိုင်မသွားဖို့ကတိမ်ပြာအောင်မြင်သောအဆိုတော်တယောက်ဖြစ်လာရင်သူသွားတော့မှာမဟုတ်...ဒီတော့တိမ်ပြာအဆိုတော်ဖြစ်ဖို့လိုလာပြီ..အဆိုတော်ဖြစ်ဖို့အခွေထုတ်ဖို့ကတိမ်ပြာ့မှာပိုက်ဆံလုံလောက်အောင်ရှိတာမဟုတ်တော့ကျွန်မဘဲမူပိုင်ထုတ်လုပ်သူလုပ်ရမည်..
ကျွန်မချစ်သူ၏သီချင်းအားလုံးကျွန်မဘဲမူပိုင်ဖြစ်နေမှဖြစ်မည်..တိမ်ပြာသိရင်အခွေထုတ်ဖို့ကိစ္စကိုလက်ခံမှာမဟုတ်..ဒီတော့အားလုံးချည်ပြီးတုတ်ပြီးသေချာစီစဉ်ပြီးမှဆိုတိမ်ပြာငြင်းရခက်သွားမည်..ကုန်ကျစရိတ်တွေကြောင့်သူလက်ခံရမှာတော့အသေအချာဖြစ်သည်..တိမ်ပြာကဆင်းရဲတော့ငွေကိုနှမြောတတ်တာကျွန်မသိတာပေါ့..ပြီးတော့သူကတခုခုကိုပြင်းပြင်းထန်ထန်ငြင်းဆန်ဖို့အားနာတတ်သူလေ...ဖိအားပေးပြီးတွန်းတွန်းတိုက်တိုက်ပြောလိုက်ရင်ခေါင်းညိတ်သွားတာဘဲ..သူကအနုပညာသမားပီပီစိတ်ကပျော့သည်..ခံစားလွယ်သည်..သနားလွယ်သည်..အဲ့ဒါတွေကြောင့်ကျွန်မသူ့ကိုစိတ်မချ..
ကျွန်မတေးရေးဆရာကိုသီချင်းတွေအပ်ပြီးတိုင်ပင်တော့တေးရေးဆရာကတိမ်ပြာမသိဘဲမလုပ်ဖို့တားသည်..ဒီလူနဲ့တော့အလုပ်မဖြစ်လောက်ဘူး..ဒါကြောင့်ရန်ကုန်ကတေးသံသွင်းတွေ၊စတူဒီယိုတွေကိုကျွန်မစုံစမ်းရတော့သည်..အဓိကငွေရှိဖို့ဘဲလေ..ငွေနဲ့ခင်းရင်နတ်ပြည်ကိုတောင်လမ်းဖောက်လို့ရနိုင်တာဘဲ..လူတွေကလှူရင်နတ်ပြည်ရောက်တယ်လို့ပြောကြတယ်..ငွေမပါဘဲလှူလို့ရတဲ့အလှူကရှားမှရှား..ဒီတော့ငွေနဲ့နတ်ပြည်ကိုလမ်းခင်းတာဘဲမဟုတ်လား...
ဒီမနက်ကျွန်မဆိုင်ရောက်ပြီးပြက္ခဒိန်ကိုမော့ကြည့်တော့တိမ်ပြာ့နားရက်..ဒါဆိုသူတေးရေးဆရာဆီသွားမှာဘဲ..နေ့လည်စာတူတူစားဖို့ခဏနေရင်ကျွန်မလိုက်သွားမည်..တွေးပြီးဆိုင်ကစာရင်းများကိုကျွန်မအမြန်ဖြတ်နေမိသည်..စာရင်းတွေပြီးတော့ကားပေါ်တက်ပြီးတေးရေးဆရာအိမ်ကိုမောင်းလာခဲ့သည်..ဖုန်းခေါ်မနေတော့..သူတို့သီချင်းဆိုနေတုန်းဖုန်းလာတာတိမ်ပြာမကြိုက်ဘူးလေ..ကျွန်မတေးရေးဆရာအိမ်ရောက်တော့တိမ်ပြာမရှိ..
တိမ်ပြာဆရာ့ဆီရောက်လာပြီးမှပြန်သွားသည်ပြောတော့ကျွန်မဆရာ့မျက်နှာကိုလှမ်းကြည့်လိုက်သည်..ကျွန်မသိလိုက်ပါပြီ..ဆရာကတိမ်ပြာ့ကိုအခွေထုတ်ဖို့ကျွန်မကြိုးစားနေတာပြောလိုက်ပြီဆိုတာကို..ကျွန်မရင်တွေပူလာသည်..တိမ်ပြာစိတ်ဆိုးသွားတော့မှာဘဲ..မသိစေချင်သေးတာကိုဆရာကနှုတ်မစောင့်ဘဲပြောလိုက်ပြီ...ကျွန်မစိုးရိမ်မှုဖြင့်တိမ်ပြာ့ဆီဖုန်းခေါ်တော့ဖုန်းမကိုင်..အကြိမ်ကြိမ်ဖုန်းခေါ်တာမကိုင်တော့ကျွန်မတိမ်ပြာ့ခြံကိုလိုက်သွားသည်..
ကျွန်မကားကိုခြံနဲ့လှမ်းလှမ်းမှာရပ်ပြီးလမ်းလျှောက်သွားလိုက်သည်..တိမ်ပြာ့အခြေအနေကိုတိတ်တဆိတ်သွားကြည့်မည်..သူအရမ်းမပေါက်ကွဲနေရင်တော့ကျွန်မသူကျေနပ်တဲ့အထိတောင်းပန်လိုက်မည်ဟုတွေးလိုက်သည်..ကျွန်မခြံထဲဝင်လိုက်တော့တိတ်ဆိတ်နေသည်..အိမ်ထဲကိုလှမ်းကြည့်လိုက်တော့တိမ်ပြာကအပေါက်ဝကိုကျောခိုင်းပြီးတခုခုလုပ်နေသည်..ခြေဖျားထောက်ပြီးအနားကပ်သွားတော့သူကရီကော်ဒါနဲ့အသံသွင်းဖို့လုပ်နေတာကိုး..
သူဘာတွေအသံသွင်းမလို့လဲဆိုပြီးကျွန်မအသာနားထောင်နေလိုက်သည်..သူကတော့သူ့အာရုံနဲ့သူကျွန်မ၀င်လာတာကိုသိပုံမပေါ်ပါ..တိမ်ပြာစကားစပြောတော့နားထောင်ရင်းကျွန်မတကိုယ်လုံးရေနွေးပူနဲ့လောင်းချခံလိုက်ရသလိုပူလောင်သွားသည်..သူကကျွန်မကိုလမ်းခွဲဖို့ပြောနေတာပါလား..ကျွန်မကတော့သူ့ကိုချစ်လိုက်ရတာ..သူ့အတွက်ဘဲစဉ်းစားပြီးပေးဆပ်ခဲ့သမျှရလဒ်ကလမ်းခွဲခြင်းတဲ့လား..လက်မခံနိုင်ဘူး..ကျွန်မသူ့လက်ထဲကရီကော်ဒါကိုလုယူလိုက်သည်..
သူကရုတ်တရက်မို့လန့်သွားဟန်ဖြင့်ကျွန်မကိုမော့ကြည့်သည်..ကျွန်မဒေါသတွေပေါက်ကွဲထွက်ကုန်သည်..တိမ်ပြာကမိုးညိုနဲ့သူ့ကိုအမြဲနှိုင်းနေတာမခံနိုင်ဘူးဆိုလာသည်..နှိုင်းစရာလား..မိုးညိုကကျွန်မကိုနားအလည်ဆုံးသူငယ်ချင်း..တိမ်ပြာကကျွန်မချစ်သူ..တိမ်ပြာဂျစ်တိုက်လို့ကျွန်မကမိုးညိုနာမည်တပ်ပြောနေရတာ..သူကမိုးညိုနာမည်တပ်ပြောမှလုပ်ပေးတာကိုး..
တိမ်ပြာ့မှာမိုးညိုလိုရဲရင့်မှုမရှိ..မိုးညိုလိုလွှမ်းမိုးနိုင်စွမ်းမရှိ..ပြီးတော့တိမ်ပြာ့ဆီကနုညံ့မှုမျိုးလည်းမိုးညိုဆီမှာမရှိ..နှိုင်းစရာလားကွယ်..ကျွန်မဒေါသအလျောက်စကားလုံးတွေပေါက်ကွဲထွက်လာသည်..ကျွန်မစကားတွေလွန်ကုန်မှန်းသိပေမယ့်ကျွန်မပြန်မနှုတ်သိမ်းနိုင်တော့ပါ..ပြောထွက်သွားသောစကားကိုအမြန်ဆုံးမြှားနဲ့လိုက်ပစ်ရင်တောင်မမှီနိုင်ဘူးမဟုတ်လား..
တိမ်ပြာ့မျက်နှာကဒေါသနဲ့နီရဲလာသည်..တိမ်ပြာ့မျက်နှာခက်ထန်လာတာပထမဆုံးကျွန်မမြင်ဘူးတာဖြစ်သည်..သူရှေ့ကိုတိုးလာပြီးရုတ်တရက်ကျွန်မလည်ပင်းကိုလာညှစ်သည်..ကျွန်မအရမ်းထိတ်လန့်သွားမိပြီးအတင်းရုန်းပေမယ့်သူ့လက်တို့ကခိုင်မြဲလှသည်..ရုန်းကန်နောက်ဆုတ်ရင်းစားပွဲစောင်းနဲ့ကျွန်မတိုက်မိသွားသည်..ထပ်ဆုတ်စရာမရှိတော့..အသက်ရှုမရဘဲနားထဲကလေတွေထွက်လာသည်..ခေါင်းကထူလာပြီးပေါက်ကွဲထွက်တော့မတတ်ဖြစ်လာသည်..ကျွန်မမျက်လုံးတွေအပြင်ကိုပြူးထွက်လာပြီးသတိတွေကင်းလွတ်တော့မည်..သိလိုက်ပါပြီ..ကျွန်မသေရတော့မည်...ရက်စက်လိုက်တာတိမ်ပြာရယ်..
------------------------------------------------------By KK
ဆက်ရန်

Posted in: Stories, သမုဒယနေကြာ