ဆိုင်လေးမှာဖျော်ဖြေရင်းကျွန်တော့်သီချင်းတွေလူသိလာသည်..ပန်းစည်းပို့ချိန်တွင်သီးသန့်တောင်းဆိုမှုမရှိသည့်ပန်းစည်းများကိုကျွန်တော့်သီချင်းထဲကစိတ်ကြိုက်အပိုဒ်လေးများဆိုပြတော့ကောင်မလေးတွေသဘောကျကြသည်..တဖြည်းဖြည်းနှင့်တိမ်ပြာဆိုသည့်နာမည်တခုကျွန်တော်တို့မြို့လေးမှာတော့လူသိလာပြီ..မယ်လိုဒီဆိုင်မှရသမျှလစာနှင့်ဆုကြေးများကိုမသုံးဘဲကျွန်တော်သီးသန့်စုဆောင်းသည်..ဒီငွေတွေကကျွန်တော်အခွေထုတ်နိုင်ဖို့ရည်ရွယ်ထားတာဖြစ်သည်..
ဒီနေ့တော့နားရက်မို့တေးရေးဆရာဆီကျွန်တော်သွားဖို့ပြင်ဆင်နေတုန်းခြံရှေ့ကိုကားရပ်သံကြားလိုက်သည်..အဲလစ်ဘဲဖြစ်မည်..အဲလစ်လာလွန်းလို့ကျွန်တော့်ခြံရှေ့ချောင်းဖြစ်မှာတောင်ကြောက်နေရသည်..အခုကမိုးတွင်းလေ..ကျွန်တော်တို့တောင်ပေါ်ဒေသတွေမှာမိုးကနေ့စဉ်တော့မရွာ..ရွာပြီဆိုမစဲတော့..တောင်ပေါ်လမ်တွေကမိုးရွာပြီဆိုကားဘီးချောမတတ်ရွှံ့ကပ်သည်...
ဒီလောက်ရွှံ့ကပ်တတ်သောခြံဆီလာသည့်လမ်းကိုရအောင်လာသောအဲလစ်ကားကြောင့်ရေစီးကြောင်းလေးများကားဘီးရာတလျှောက်ကျန်နေခဲ့တတ်သည်..ကြာရင်ချောင်းဖြစ်တော့မည်ထင်ပါရဲ့..တွေးပြီးအပြင်ထွက်ကြည့်တော့အဲလစ်ကပြုံးပြုံးရွှင်ရွှင်ဖြင့်ခြံထဲဝင်လာသည်..အပြင်သွားမလို့ဖြစ်မည်..လှလှပပ၀တ်စားထားသောအဲလစ်ဆီကအကောင်းစားရေမွှေးနံ့ကသင်းပျံ့ထုံအီနေသည်..
-
ငါဆရာ့ဆီသွားတော့မလို့ဟ..နင်ဘာလာလုပ်တာလဲ..၀တ်ထားတာတော့ရှယ်ဘဲ..အပြင်သွားမလို့လားအဲလစ်..
-
အေးလေ..ငါအင်းလေးဘက်သွားမလားလို့..ဒီနေ့နေသာတယ်လေဟာ..
-
နင်ကလည်းမိုးတွင်းကြီးကိုအင်းလေးဘာသွားလုပ်မှာလဲ..ပြီးတော့အဖော်လည်းမပါဘူး..
-
အဖော်ကပါတယ်လေ..နင်လိုက်ခဲ့ပေါ့..ဆရာဒီနေ့ဓမ္မစကူးလ်ကျောင်းသားတွေကိုဘုရားသီချင်းအသစ်တွေတိုက်ပေးဖို့ရှိတယ်..မအားဘူး..ဒီတော့ဆရာမအားရင်နင်အားတာပေါ့..ငါနဲ့လိုက်ခဲ့..
-
အာ..နင်တော့ရစ်ပြီ..အားတယ်ဆိုလည်းငါအေးအေးဆေးဆေးအနားယူမှာပေါ့..အပြင်တော့မသွားချင်ပါဘူး..တရက်တလေနားရမှာကိုဘဲ..
-
နင်ကလေငါ့ကိုစေတနာမထားဘူး..မိုးညိုသာဆိုငါ့ကိုတယောက်တည်းလွှတ်မှာမဟုတ်ဘူး..
-
တော်တော့..ငါမိုးညိုမဟုတ်ဘူး..အခုကနင့်ဖာသာလျှာရှည်ပြီးသွားချင်တာ..ငါ့သဘောလည်းနင်မေးပါဦးလား..ဘာမဆိုနင့်သဘောအတိုင်းအမြဲလုပ်ချင်တာလုပ်ပြီးငါ့ကိုပါခိုင်းတယ်..
-
အဲ့လိုမပြောနဲ့..နင်ကမိုးညိုပြီးရင်ငါ့အတွက်တဦးတည်းသောသူငယ်ချင်း..နင့်ကိုမှအားမကိုးရင်ငါကဘယ်သူ့ကိုသွားအားကိုးမလဲ..မိုးညိုရှိတုန်းကဆိုသူဘာလုပ်ချင်နေပါစေ..ငါ့အတွက်ဆိုအချိန်ပေးတယ်..အခုငါကနင့်အတွက်ဆိုအမြဲအချိန်ပေးနေတာတောင်နင်ကငါ့ကိုဒီလိုပြောရက်တယ်..
-
ကဲ..မယ်မင်းကြီးမ..တော်တော့..လိုက်ခဲ့ပေးမယ်..ငါ့ရှေ့မှာမငိုနေနဲ့..နင်နဲ့တော့ခက်ပါတယ်ဟာ..
-
နောက်ဆုံးတော့ကျွန်တော်ဘဲအလျှော့ပေးလိုက်ရသည်..အဲလစ်ကတော့လုပ်ချင်တာလုပ်ရလို့ပျော်တပြုံးပြုံးဖြစ်နေသည်..ကျွန်တော်သူ့ကိုတခါတလေအမြင်ကပ်တာအဲ့ဒါတွေပါသည်..အဲလစ်ကသူလုပ်ချင်တာကိုဘဲဦးစားပေးသည်...သူ့ခံစားချက်ကိုဘဲအရေးထားပြီးတဖက်လူလုပ်ချင်မလုပ်ချင်မမေးမြန်းဘဲသူ့သဘောအတိုင်းလုပ်တော့သည်..အကယ်၍ဒီနေ့နားရမည်ဆိုရင်ကျွန်တော်အ၀တ်လျှော်မည်..ဖြူစင်နဲ့သွားတွေ့မည်..သူငယ်ချင်းတွေနဲ့အေးအေးဆေးဆေးစကားပြောကြမည်..ပင်ပန်းသမျှအတိုးချအိပ်မည်..
အခုတော့ကျွန်တော့်ကိုယ်ပိုင်လုပ်ပိုင်ခွင့်များဘာမှမလုပ်ရဘဲအင်းလေးဖောင်တော်ဦးဘုရားဆီဘုရားဖူးထွက်လာရတော့သည်...တောင်ပေါ်လမ်းမို့အဲလစ်ကိုစိတ်မချစွာဖြင့်ကျွန်တော်ကားမောင်းသည်..ဘေးကပေါက်ပေါက်ဖောက်သလိုစကားအဆက်မပြတ်ပြောလာသောအဲလစ်ကြောင့်ကားမောင်းရတာအာရုံကိုမနည်းစုစည်းနေရသည်..ကြာတော့ကျွန်တော့်နားတွေထူပူလာပြီးကြီးစွာသောငရဲခံနေရတော့သည်..သူပြောတာတွေကျွန်တော်ကြားတချက်၊မကြားတချက်..လမ်းပေါ်ကိုအာရုံတွေမနည်းစုစည်းအားစိုက်ပြီးမောင်းနေရပေမယ့်ကျွန်တော်ခေါင်းတွေကိုက်လာသည်..
စိတ်ထဲကပေါက်ကွဲပြီးတိတ်တိတ်နေစမ်းပါလို့ကုန်းအော်ပစ်လိုက်ချင်စိတ်ကိုမနည်းမြိုသိပ်ထားရတာကြောင့်ရင်ဘတ်တခုလုံးဆုပ်ညှစ်ထားသလိုတင်းကျပ်လာသည်..အသက်ရှုမ၀တော့သလိုခံစားလာရတာကြောင့်ကျွန်တော်ကားကိုထိုးရပ်ပစ်လိုက်ချင်မိသည်..တလမ်းလုံးနားငရဲခံလာရတာညောင်ရွှေလှေဆိပ်မှာကားထိုးရပ်လိုက်မှကျွန်တော်စိတ်အေးသွားတော့သည်..တလမ်းလုံးဒီလောက်ဘလောင်ဆူနေသောရင်ဘတ်ကြီးနဲ့ကားကိုဘေးမသီရန်မခဘဲမောင်းလာနိုင်ခဲ့လို့ကိုယ့်ကိုယ်ကိုချီးမွမ်းလိုက်မိသည်..ကျွန်တော့တကိုယ်လုံးချွေးစေးတွေပြန်နေတာတော့အမှန်..
မိုးညိုကိုစိတ်ထဲကကျိတ်ပြီးအခါခါဦးညွှတ်အလေးပြုမိသည်..တကယ့်သူရဲကောင်းတယောက်ပါ..ဒီလိုမိန်းကလေးတယောက်၏နားပူမှုကိုသည်းခံနိုင်တာတော်ရုံအစွမ်းမဟုတ်..ကျွန်တော်တို့ယောက်ျားလေးတွေဆိုတာနားအေးပါးအေးနေချင်သည်..ကျောပူခံပင်ပန်းခံပြီးအလုပ်လုပ်နိုင်ပေမယ့်နားပူသည့်ဒဏ်ကိုခံနိုင်သူယောက်ျားရှားပါးလှသည်..ဖြူစင်ကကျွန်တော်နဲ့တွေ့လျှင်နားထောင်သမား..ကျွန်တော်ဖြစ်ချင်သည့်ရည်မှန်းချက်များကိုစိတ်ဝင်တစားအမြဲနားထောင်ပေးတတ်သူဖြစ်သည်..
ဖြူစင်စိတ်လိုလက်ရနှင့်စကားပြောချိန်တွေမှာကျွန်တော်ကနားထောင်ပေးသည်..ကျွန်တော်တခါတလေ၀င်ပြောလျှင်လည်းဖြူစင်ကလုမပြောဘဲပြောလက်စရပ်ပြီးနားထောင်ပေးသည်..ကျွန်တော်မလုပ်ချင်တာတွေကိုအတင်းအကျပ်လုပ်ပေးပါလို့တကြိမ်မှမခိုင်းခဲ့ဘူးတာကြောင့်ကျွန်တော်ဖြူစင့်ကိုလေးစားမိသည်..ကျွန်တော့်စိတ်ကိုဖြူစင်နားလည်ပေးနိုင်သည်လို့ကျွန်တော်ထင်သည်..အဲလစ်ကတော့တဇွတ်ထိုးသမား..ကျွန်တော့်သဘောကိုနားလည်ရန်မကြိုးစားဘဲသူဖြစ်စေချင်တာ၊လုပ်စေချင်တာကိုသာဦးစားပေးပြီးကျွန်တော့်ကိုလိုက်လုပ်ခိုင်းသူဖြစ်သည်..
ကဲ..ခုတော့အင်းလေးရောက်လာပြီ..လှေငှားရင်းကျွန်တော်ကောင်းကင်ကိုမော့ကြည့်တော့ကြည်လင်နေသောကောင်းကင်မှာတိမ်တွေတက်လာတာမြင်နေရသည်..တိမ်ညိုတွေမဟုတ်တာကြောင့်မိုးမရွာနိုင်သေးပေမယ့်မိုးရွာချင်လည်းရွာလာမည့်အရိပ်အယောင်မို့နည်းနည်းတော့စိုးရိမ်မိသည်..
-------------------------------------BY KK
ဆက်ရန်
0 comments:
Post a Comment