Welcome To My Blog... :)

ရောက်လာကြသူများအားလုံး စိတ်ချမ်းမြှေ့ပါစေရှင်။

Thursday, 25 September 2014

သမုဒယနေကြာ...(၃၃)



ကျွန်မစိတ်ခြောက်ခြားစွာအိမ်အောက်ထပ်ကိုပြေးဆင်းလာခဲ့သည်..အောက်ထပ်မှာဘယ်သူမှရှိမနေပါ..ကားဂိုဒေါင်ဆီကျွန်မပြေးသွားကြည့်လိုက်တော့ဖေဖေ့ကားမရှိတော့..ကျွန်မဒူးတွေခွေညွှတ်ကျသွားသည်..ကြောက်လန့်မှုဖြင့်ရှိုက်ကြီးတငင်ငိုချလိုက်မိသည်..ကျွန်မဘာလုပ်ရမလဲ..အိမ်ထဲကိုကျွန်မလေးလံသောခြေလှမ်းများကိုအနိုင်နိုင်သယ်ရင်းပြန်ဝင်လာခဲ့သည်..သွားပြီ..အချိန်တွေကိုပြန်ဆွဲမရနိုင်တော့..
စိတ်ပျက်အားလျော့စွာဆိုဖာပေါ်ထိုင်ချလိုက်ပြီးနံရံပေါ်ကတိုင်ကပ်နာရီကိုမော့ကြည့်မိသည်..နာရီလက်တံတို့ကတချက်ချက်မြည်ရင်းရွေ့နေသည်..မြစ်တို့တဖက်တည်းစီးဆင်းသလိုအချိန်တို့သည်လည်းနောက်ပြန်မစီးဆင်းပါ..နာရီလက်တံတွေရှေ့ကိုတိုးသွားတာကြည့်ရင်းကျွန်မရင်ဘတ်ထဲမီးတွေလောင်နေသည်..မျက်လုံးတို့ကအခန်းထောင့်ဆီရောက်သွားတော့ဖုန်းကိုလှမ်းမြင်သည်..
ဟုတ်တာပေါ့..ဖုန်းရှိတာဘဲ..ဖေဖေ့ဆီကိုဖုန်းခေါ်မည်..ကျွန်မဖေဖေ့ဟမ်းဖုန်းနံပါတ်ကိုနှိပ်လိုက်သည်..ဖုန်းဝင်သွားပြီးဖေဖေဖုန်းကိုင်သည်..လိုင်းကမကောင်းဘဲတဂျစ်ဂျစ်မြည်သံထွက်နေသည်..လေတိုးသံတ၀ူးဝူးကိုကြားနေရသည်..ကျွန်မပြောနေတာကိုဖေဖေမကြား..ဟလို..ဟလိုဟုသာထူးနေသည်..
ကျွန်မစိတ်မရှည်စွာဖုန်းကိုချပစ်လိုက်ပြီးနောက်တခါပြန်ခေါ်သည်..ဖုန်းကိုင်တာနဲ့လေတိုးသံကြီးတ၀ူးဝူးကိုကြားနေရသည်..ဘုရားသခင်..ကယ်မတော်မူပါ..ကျွန်မထင်သလိုမဖြစ်ပါစေနဲ့..
-
ဖေဖေ..ဖေဖေ...ဟလို..ဖေဖေ..ကြားရလား..
-
ဟလို..ဟလို..သမီးလား..အသံကပြတ်တောင်းပြတ်တောင်းနဲ့..သေချာမကြားရဘူး..သမီးဘာဖြစ်လို့လဲ..
-
ဖေဖေအခုဘယ်မှာလဲ..
-
ဟမ်..ဘာလဲ..မကြားရဘူး..ခနနေမှပြန်ခေါ်ပါလားသမီး..
-
ဖေဖေ..ဖေဖေရေ..ဖုန်းမချပါနဲ့..အခုဘယ်ရောက်နေလဲ..ပြောပါ..
-
ဟလို..သေချာမကြားရဘူးသမီးရေ..ဖေဖေအခုနင့်အန်တီနဲ့တောင်ကြီးသွားနေတာ..နောက်မှပြန်ခေါ်မယ်..ဖေဖေကားမောင်းနေလို့..
-
အမလေး...ဘုရားသခင်..ဖေဖေပြန်လာခဲ့..အခုကားရပ်..ပြန်လာခဲ့..
-
ဘာပြောတာလဲသမီးလေး..အဲ့လိုမဆိုးရဘူးလေ..ညနေပြန်လာမှာပေါ့..
-
မဟုတ်ဘူး..မဟုတ်ဘူး..အခုကားရပ်..အခုကားရပ်ပါဆို..
-
မောင်ရေ..ရှေ့မှာအကွေ့ကြီးလေ..အရှိန်လျှော့.....မောင်..ဘရိတ်ဖမ်းလေ...မောင်ရေ.....အားးးးးးးးးးးး
-
ဟာ...ဘယ်လိုဖြစ်တာလဲ..၀ုန်းးးးးးးဒုန်းးးးဂလုံး..ဒုန်းးးး..အားးးးးးးးး
-
ဖုန်းထဲကဆူညံသောအသံများကိုနားထောင်ပြီးကျွန်မမျက်လုံးတွေကိုတင်းကျပ်စွာပိတ်ထားလိုက်သည်...ကျွန်မကြိုးစားမှုမအောင်မြင်ခဲ့ပါ..ကျွန်မအခန်းထောင့်လေးမှာကိုယ်ကိုတတ်နိုင်သမျှကြုံ့ပြီးထိုင်နေမိသည်..ဖေဖေ့ကိုကျွန်မသတ်လိုက်မိပြီ..ဟင့်အင်း..ကျွန်မသတ်တာမဟုတ်..မိုးညိုလုပ်တာ..ဖေဖေ့ကိုသမီးမသတ်ပါဘူးဖေဖေရယ်..ဟိုမိန်းမကြီးကိုလုပ်တာပါ..ဘာလို့ဖေဖေကလိုက်သွားတာလဲ..ကျွန်မတကိုယ်လုံးဆောက်တည်ရာမဲ့တုန်ယင်နေသည်..
-
နင်အဲ့လိုဖြစ်နေရင်လူတွေနင့်ကိုမသင်္ကာဖြစ်မှာပေါ့..စိတ်ကိုငြိမ်အောင်ထားစမ်းပါ..
-
ဟင်..မိုးညို...နင်ရောက်လာပြီ..နင့်ကြောင့်အခုငါ့ဖေဖေသေပြီ..နင်သိလား..အဲ့ဒါနင့်ကြောင့်..
-
ဟ..ငါလည်းနင့်အဖေလိုက်သွားမယ်မှမသိတာကို..ငါစိတ်မကောင်းပါဘူးဟာ..နင်မငိုနေနဲ့..နင့်ကိုငါစောင့်ရှောက်မယ်..နင့်နားမှာအဖော်လုပ်ပေးမယ်လေ...
-
နင်တကယ်နော်..နင်ငါ့ကိုပစ်မထားရဘူးနော်..ငါတယောက်တည်းနေရမှာကြောက်တယ်..
-
ငါနင့်နားမှာအမြဲရှိမယ်..နင်ကြောက်စရာမလိုဘူး..သိလား..နင့်မျက်နှာဒီလောက်ပျက်နေတာကိုပြင်စမ်း..သိပ်မကြာခင်အကြောင်းကြားတဲ့ဖုန်းတွေ..လူတွေလာလိမ့်မယ်..ငိုချင်ရင်အဲ့တော့မှငို..အခုမငိုနဲ့..ငါ့ကိုစကားပြော..နင်ရန်ကုန်မှာနေတုန်းကအကြောင်းတွေပြော..နင့်အမေစိတ်ဆင်းရဲပြီးနင့်အဖေနဲ့ဟိုမိန်းမကြောင့်ဝေဒနာခံစားရင်းသေသွားရတာတွေပြော..နင့်ဆီတယောက်ယောက်ကဖုန်းမခေါ်သေးမချင်းငါ့ကိုစကားတွေပြောနေနော်..မငိုနဲ့..သိလား..
-
ကျွန်မစကားတွေပြောသည်..မရပ်မနားပြောနေသည်..ဘာအကြောင်းတွေပြောနေမိမှန်းပင်မမှတ်မိတော့အောင်ပြောသည်..စကားတွေဆက်တိုက်ပြောနေရင်ခံစားရတာသက်သာသည်..စကားပြောရပ်လိုက်ရင်အတွေးတွေက၀င်လာသည်..ဒါကြောင့်မရပ်ရဲဘဲစကားဆက်တိုက်ပြောနေရသည်..ပထမဆုံးဖုန်းမြည်သံကိုကြားရချိန်အထိကျွန်မစကားပြောနေသည်..
----------------------------------By KK
ဆက်ရန်

0 comments:

Post a Comment

Related Posts Plugin for WordPress, Blogger...