ဖောင်တော်ဦးဘုရားပေါ်မှာစိမ်ပြေနပြေပတ်နေသောအဲလစ်နောက်ကိုကျွန်တော်လျှောက်လိုက်နေသည်..စိတ်ကတော့သိပ်မရှည်ချင်တော့..ကောင်းကင်ကိုမော့ကြည့်တော့တိမ်ညိုတွေကအတော်တက်လာပြီ..အပြန်လှေစီးရဦးမည်..တောင်ပေါ်သားကျွန်တော်ရေကြောက်သည်..ရေလည်းမကူးတတ်ပါ..အဲလစ်ကတော့ဟိုကြည့်ဒီကြည့်နဲ့မ၀ယ်ဘဲဈေးဆိုင်တွေကိုစပ်စုနေပြန်သေးသည်..
မြန်မြန်ပြန်ဖို့ကျွန်တော်ပြောတော့လည်းကျွန်တော့်ကိုလောရန်ကောဆိုသည့်စိတ်မရှည်သည့်အကြည့်ဖြင့်ကြည့်သည်..အကယ်၍မိုးရွာလို့လှေမှောက်ပါပြီတဲ့..လှေသမားကမိန်းကလေးကိုသာဦးစားပေးကယ်မှာအသေအချာဖြစ်သည်..ရေမကူးတတ်သောကျွန်တော်ရေနစ်သေဖို့ဘဲရှိသည်..ဒီတော့ကျွန်တော်စိတ်ပူတာမလွန်ဟုကျွန်တော်ထင်သည်..
အဲလစ်ကိုဘယ်လိုမှပြောမရတော့သူ့နောက်ကိုဆက်မလိုက်တော့ဘဲကျွန်တော်လှေဆိပ်မှာသွားထိုင်နေလိုက်သည်..အဲလစ်ကကျွန်တော့်စကားကိုနားထောင်ဖို့စိတ်မ၀င်စားဘဲသူလုပ်ချင်တာကိုသာကျွန်တော့်ကိုလိုက်လုပ်စေလိုသူဖြစ်နေသည်..အဲလစ်အကြောင်းကြားဖူးခဲ့ချိန်ကကျွန်တော်အဲလစ်ကိုသနားမိသည်..အခုချိန်မှာတော့မိုးညိုသေတာကိုအနှမြောဆုံးသူကကျွန်တော်ဖြစ်ပါသည်..
မိုးညိုသာယခုချိန်ထိရှိနေသေးလျှင်အခုလိုကျွန်တော်စိတ်ညစ်ရမှာမဟုတ်..ကျွန်တော်စိတ်တိုတိုနဲ့အဲလစ်ကိုထားပြီးလှည့်ပြန်သွားချင်သည်..မိန်ကလေးတယောက်ကိုမထားခဲ့သင့်တာကြောင့်ကျွန်တော်စိတ်ထိန်းထားရသည်..ခရစ်ယာန်ဘာသာဝင်အဲလစ်တယောက်ဖောင်တော်တော်ဦးဘုရားကိုဘာအတွက်လာတာလဲကျွန်တော်တွေးမရပါ..ကျွန်တော်လှေဆိပ်မှာထိုင်နေတာနာရီဝက်လောက်ရှိမှအဲလစ်ရောက်လာသည်..
ထုံးစံအတိုင်းသူ့ကိုစိတ်မရှည်ရကောင်းလားဆိုပြီးမိုးညိုနဲ့နှိုင်းကာပွစိပွစိပြောနေတော့သည်..ကျွန်တော်စိတ်ပျက်လွန်းလို့ဘာမှကိုပြန်မပြောချင်ပါ..တိမ်ညိုတွေမဲလာသောကောင်းကင်ကိုသာလက်ညိုးထိုးပြလိုက်သည်..အပြန်လမ်းတွင်တော့မှောင်ရီခြယ်လာသောကောင်းကင်ကိုကြည့်ပြီးကျွန်တော်ဖောင်တော်ဦးဘုရားကိုအကြိမ်ကြိမ်ဆုတောင်းနေမိသည်..
အဲလစ်ကတော့သူ့ဘုရားမှာဆုတောင်းမတောင်းမသိပေမယ့်ကျွန်တော်ကတော့မိုးမရွာဖို့အသည်းအသန်ဆုတောင်းနေမိသည်..ဒီကြားထဲဘေးကစကားတတွတ်တွတ်ပြောနေသောအဲလစ်ကြောင့်ဘုရားကိုအာရုံပြုရတာမဖြောင့်..ညောင်ရွှေလှေဆိပ်ကိုလှေဆိုက်တော့မိုးကသည်းသည်းမဲမဲရွာပါပြီ..ကားပေါ်ကိုအမြန်ပြေးတက်ပြီးသတိနဲ့အာရုံစိုက်ကာအပြန်လမ်းကိုမောင်းထွက်လာခဲ့သည်..
ညောင်ရွှေလွန်လာတော့သဲကြီးမဲကြီးရွာနေသောမိုးကရှေ့ကိုမီးဖွင့်မောင်းတာတောင်မမြင်ရတော့တာကြောင့်ကားကိုလမ်းဘေးချရပ်လိုက်ရသည်..၀ိုက်ပါတွေကမိုးရေကိုသုတ်မနိုင်တော့..ဆူညံသောမိုးသံကြောင့်အဲလစ်ပြောနေတာတွေသေချာမကြားရတော့တာလည်းကျွန်တော်စိတ်ချမ်းသာရသည်..ဒီမိုးထဲဆက်မောင်းရင်လည်းမကောင်းကျိုးကပိုများတာမို့မိုးတိတ်ရန်စောင့်လိုက်တာကပိုကောင်းသည်..
ဆယ့်ငါးမိနစ်လောက်ကြတော့မိုးကသည်းနေရာကစွေလာတာကြောင့်ကျွန်တော်ကားကိုစက်ပြန်နှိုးလိုက်သည်..မည်ကဲ့သို့ဖြစ်သည်မသိ..ကားကစက်ပြန်မနိုးတော့..ကျွန်တော်လည်းကားစက်အကြောင်းနားမလည်..ဘေးဘီကိုကြည့်လိုက်တော့လူနေအိမ်ခြေကမရှိ..အတော်ဝေးဝေးမှာတော့အိမ်လေးတလုံးပျပျမြင်ရသည်..မိုးရွာထဲဆင်းပြီးကားစက်ဖုံးဖွင့်ကြည့်သည်..ကြည့်နေပေမယ့်ဘာဖြစ်တာမှန်းလည်းကျွန်တော်မသိပါ..ဆိုင်ကယ်နဲ့သဘောတရားချင်းနီးစပ်သလိုနှင့်မတူတာကြောင့်ကျွန်တော်မပြင်တတ်..
ဒီကြားထဲဘာမှမလုပ်တတ်ဘဲမိုးရွာထဲလျှာရှည်ပြီးလိုက်ဆင်းလာသောအဲလစ်ကြောင့်ကျွန်တော်စိတ်တိုသွားသည်..အလကားလူမိုးစိုတာအဖတ်တင်အောင်အောက်ဆင်းသောသူ့ကိုကျွန်တော်အော်လိုက်တာကြောင့်အဲလစ်မျက်နှာငယ်လေးနဲ့ကားပေါ်ပြန်တက်သွားတော့ကျွန်တော်စိတ်မကောင်း..ဒါပေမယ့်မျက်နှာကြောကိုလည်းမလျှော့ရဲ..အခုချိန်ပြန်လျှော့လိုက်လို့ကတော့ဒေါ်ရွှေအဲလစ်တို့လေပြန်ပေါလာမည်..ခေါင်းဆင်နင်းခံရတာထက်ကျွန်တော်ကံဆိုးသွားနိုင်သည်..
စိုးနိုင်နဲ့ကျော်မင်းဆီအကျိုးအကြောင်းဖုန်းဆက်ပြောပြီးမက္ကင်းနစ်ခေါ်ခိုင်းရသည်..မိုးကအဆက်မပြတ်ရွာနေတာကြောင့်မတော်တဆကားဆွဲတန်ရင်ဆွဲရအောင်ရော၊ဆိုင်ကယ်နဲ့လာလို့မရတာရောကြောင့်ကားတစီးပါငှားခိုင်းလိုက်ရသည်..အနည်းဆုံးတော့နှစ်နာရီလောက်စောင့်ရတော့မည်..ကားထဲဝင်ထိုင်ရင်းကားမှန်ပေါ်လာရိုက်ခတ်သောမိုးစက်တို့ကိုအဓိပ္ပါယ်မဲ့ငေးကြည့်နေမိသည်..
မယ်လိုဒီဆိုင်ကိုဖုန်းဆက်ပြီးအခြေအနေကိုပြောပြရသည်..ဒီနေ့ညအဖို့တော့ဘယ်လိုမှလာဖို့မလွယ်တာကြောင့်ခွင့်တိုင်ရသည်..ဆိုင်ရှင်အမကနားလည်ပေးပါသည်..တောင်ပေါ်မိုးနဲ့တောင်ပေါ်လေကြောင့်ရာသီဥတုကအေးစိမ့်လာသည်..မှန်အလုံတင်ထားတာတောင်မိုးစိုနေသောအ၀တ်တွေကြောင့်ကျွန်တော်ချမ်းပြီးတုန်လာသည်..အဲလစ်ကိုလှည့်ကြည့်တော့သူလည်းချမ်းနေပုံရသည်..ဒီလိုဆိုတော့လည်းအဲလစ်ပုံကသနားစရာ..လုပ်ချင်တာစွတ်လုပ်ပြီးဖြစ်လာတော့သူ့ကြောင့်မဟုတ်သလိုသနားစရာမျက်နှာပေးလေးနဲ့..
------------------------------------------By KK
ဆက်ရန်
0 comments:
Post a Comment