10:16
Unknown
ဒီနေ့ကျွန်မမနက်စောစောထပြီးမနက်စာပြင်ဆင်သည်..ဘုရားဝေယျာဝိစ္စတွေလုပ်ပြီးဘုရားကိုစိတ်အကြည်ဆုံးထားကာကန်တော့သည်..ထူးထူးခြားခြားကျွန်မစိတ်တွေဒီနေ့အလွန်ကြည်လင်နေပါပေါ့လား..အဖြေတွေ့သောပုစ္ဆာတပုဒ်..လုပ်သင့်လုပ်ထိုက်သည်ကိုသားတစ်ယောက်အတွက်လုပ်ပေးတော့မည့်အမေတယောက်၏ခွန်အားအပြည့်နှင့်..မြေးငယ်နှစ်ယောက်ကိုကျောင်းသွားဖို့ဝိုင်းပြင်ဆင်ပေးသည်..မကြာခင်ရောက်လာတော့မည့်အဖြေတခု၏အကောင်းအဆိုးကိုသူတို့လေးတွေမသိသေးခင်အေးချမ်းကြပါစေလေ..
ကလေးနှစ်ယောက်ကျောင်းသွားပြီးတော့ကျွန်မအပြင်ထွက်ဖို့ပြင်သည်..မြပန်းနွယ်ကလိုက်ပို့ပေးမည်ပြောလာသည်..ဒါကြောင့်ဈေးကိုဘဲလိုက်ပို့ပေးဖို့..ဈေးဝယ်ပြီးရင်ဖုန်းဆက်လိုက်တော့မှလာကြိုဖို့မှာပြီးပြန်လွှတ်လိုက်ပါသည်..ဈေးထဲသို့ဝင်ရင်းဆိုင်တစ်ဆိုင်တွင်ဈေးဝယ်ရန်ပစ္စည်းကြည့်သလိုနှင့်အမှတ်မထင်ဆိုင်မှန်ဗီရိုမှနောက်သို့အသာကြည့်လိုက်ရာမင်းနိုင်မယောင်မလည်လိုက်ချောင်းသည်ကိုတွေ့လိုက်ရသဖြင့်အေးအေးဆေးဆေးနှစ်ဆိုင်သုံးဆိုင်လောက်ဈေးဝင်မေး..ဟိုကြည့်ဒီကြည့်နှင့်အချိန်ဆွဲနေလိုက်မှစိတ်ချသွားပုံနှင့်ပြန်ထွက်သွားတော့သည်...ဒီတော့မှဈေးထဲမှဆိုင်တစ်ဆိုင်ကိုမြို့နယ်ရဲစခန်းဘယ်မှာရှိတယ်..ဘယ်လိုသွားရတယ်သေချာမေးပြီးကူညီပါရစေတွေဆီရောက်အောင်လာရပါတော့တယ်..အင်းးးလာတာတော့ဟုတ်ပါရဲ့..ကျွန်မမှာပစ္စည်းသက်သေလူသက်သေဘာမှမရှိ..ကျွန်မမှာရှိသည်ကမိခင်တယောက်၏သိစိတ်တခုတည်းသာ..ဘာဘဲဖြစ်ဖြစ်ကျွန်မအားတင်းပြီးဝင်သွားသည်..စခန်းမှုးကလည်းဖော်ဖော်ရွေရွေရှိပုံပင်..ကျွန်မဖြစ်ကြောင်းကုန်စင်ပြောပြတော့စိတ်ဝင်တစားနားထောင်သည်..အမှုဖွင့်တာကိုလူပျောက်မှုနှင့်လက်ခံပေးသည်..သူ့မှာလည်းသားသမီးများရှိ၍ကိုယ်ချင်းစာသည်ဟုပြောပါသည်..
ဒီလိုနဲ့ကျွန်မအပြန်တွင်ရဲစခန်းမှာဒုရဲအုပ်တယောက်နှင့်ရဲတပ်သားနှစ်ယောက်အားလိုက်ပို့စေပြီးမသင်္ကာသောနေရာအားကြည့်ရှုစစ်ဆေးနိုင်ရန်ဝရမ်းထုတ်ပေးလိုက်သည်..အိမ်ကိုရဲကားဝင်လာတော့မြပန်းနွယ်အထိတ်တလန့်ဖြစ်နေပုံပေါ်သည်..ကျွန်မဘာဖြစ်လာလို့လည်းသူမေးနေပေမယ့်ကျွန်မမဖြေနိုင်ပါ..ငှက်ပျောပင်အုပ်ဆီကိုသာရဲများကိုခေါ်ဆောင်သွားခဲ့သည်..ရဲတပ်သားများကမြပန်းနွယ်ကိုပါတပါတည်းခေါ်ဆောင်လာသည်..ကျွန်မပြသောနေရာအရောက်တွင်ကြိုတင်ယူဆောင်လာသောဂေါ်ပြားများဖြင့်တူးဆွကြသည်..မြပန်းနွယ်မှာကြောက်လန့်တကြားအရူးတပိုင်းငိုကြွေးပြီးဆက်မတူးဖို့တောင်းပန်နေသောကြောင့်ပိုမသင်္ကာဖြစ်ကာတူးဆွလိုက်ရာပထမဆုံးထောင်းထောင်းထနေသောအပုတ်နံ့ကြီးနှင့်အတူသွေးစွန်းနေဟန်ရှိသောညိုညိုညစ်ညစ်မြေကြီးခဲများထွက်လာပြီယအဆုံးသတ်တွင်ကျွန်မချစ်သောသားကြီး၏အလောင်းပေါ်ထွက်လာပါတော့သည်..မြပန်းနွယ်ကတော့နေရာတွင်ပင်သတိလစ်မေ့မျောသွားတော့သည်...ဒုရဲအုပ်လေးမှစခန်းမှုးအားထပ်မံဖုန်းဆက်ပြီးလူသတ်မှုဖြစ်ကြောင်းသတင်းပို့ပြီးဆက်လက်လုပ်ဆောင်ရမည့်ညွှန်ကြားချက်များအတိုင်းလုပ်ဆောင်နေပါသည်..ကျွန်မကတော့အိမ်ရှေ့ဧည့်ခန်းတွင်ငြိမ်ငြိမ်သက်သက်ထိုင်ပြီးမကြာခင်ပြန်လာတော့မည့်မြေးနှစ်ယောက်ကိုဘယ်လိုဖြေသိမ့်ရမယ်..ဘယ်လိုတာဝန်ယူရမယ်ဆိုတာကိုသာစဉ်းစားနေလိုက်တော့သည်..
အမှုအရမြပန်းနွယ်နှင့်အပေါင်းပါမင်းနိုင်တို့အားဖမ်းဆီးပြီးစစ်ချက်ယူနေသည်....အမှုဖြစ်စဉ်မှာသားကြီးကစီးပွားရေးလုပ်ငန်းများနှင့်နေ့မအားညဉ့်မအားအလုပ်များနေသောကြောင့်သူ၏ချစ်ဇနီးအပေါ်ယုယကြင်နာစွာဆက်ဆံဖို့အချိန်မပေးနိုင်..ဒီအချိန်မှာဒရိုင်ဘာအဟောင်းကအလုပ်ထွက်သွားသဖြင့်ဒရိုင်ဘာအသစ်မင်းနိုင်ကိုခန့်လိုက်သည်..ကြောင်ခံတွင်းပျက်နှင့်ဇရက်တောင်ပံကျိုးတွေ့ကြလေပြီ..အစပိုင်းတွင်သားကြီးမရိပ်မိ..နောက်ပိုင်းသံသယ၀င်လာပုံရသဖြင့်မယားကိုတိုးတိုးတိတ်တိတ်ကျိတ်ဆုံးအမမှာမွှန်နေသောစုံတွဲကသားကြီးကိုလုပ်ကြံလိုက်ခြင်း..လုပ်ကြံမည့်ညကမြပန်းနွယ်ကနောက်ဖေးတံခါးကိုမပိတ်ဘဲစေ့ထားပေးသည်..မင်းနိုင်အထဲရောက်မှအိပ်ပျော်နေသောခင်ပွန်းကိုခေါင်းအုံးနှင့်ဖိသတ်ရာအဆင်မချော..ရုန်းကန်သဖြင့်မင်းနိုင်ကချုပ်ပေးပြီးမြပန်းနွယ်ကမင်းနိုင်အသင့်ယူလာသောဓါးနှင့်အချက်ပေါင်းများစွာထိုးသတ်လိုက်ခြင်း..ပြီးတော့အလောင်းနှင့်လူသတ်လက်နက်ကိုငှက်ပျောတောထဲအမြန်တွင်းတူးပြီးမြုပ်ကာအိပ်ခန်းကိုခြေရာလက်ရာမပျက်အောင်ပြန်ပြင်..နောက်တနေ့ကလေးတွေကျောင်းသွားမှငှက်ပျောတောထဲကအလောင်းမြုပ်ထားသည့်အပေါ်ဟန်မပျက်အောင်ငှက်ပျောပင်တွေတင်စိုက်..ဖြိုးဝေခရီးသွားသည်ဟုသတင်းလွှင့်...အမှန်ကဒေါ်နှင်းဦးဝေသာရောက်မလာခဲ့လျှင်ရှမ်းပြည်ဘက်ခရီးသွားရင်းကွယ်လွန်သလိုလုပ်မလို့စီစဉ်ထားခြင်းသာ..ကျွန်မရောက်လာသဖြင့်အစီအစဉ်တွေလွဲကုန်ခြင်းဖြစ်သည်..ခွေးကလေးတိုနီကတော့သူ့သခင်ကိုမြုပ်သည့်နေရာကမခွာဘဲမြပန်းနွယ်နှင့်မင်းနိုင်အားရန်လုပ်နေသောကြောင့်ရှင်းပစ်လိုက်သည်ဆို၏...အော်..အဖြစ်ဆိုးလိုက်တဲ့သားကြီးဖြိုးဝေနဲ့သစ္စာရှိခွေးလေးတိုနီ...မသေခင်ဘယ်လောက်များသားကြီးခံစားသွားရမလဲ...ဘယ်လောက်များနောင်တရသွားမလဲ..ကျွန်မဆက်မတွေးရဲတော့..မိဘမဲ့ဖြစ်သွားရှာသောမြေးနှစ်ယောက်အတွက်သားကိုချစ်သောဇောများကိုကျွန်မခွန်အားအဖြစ်ပြောင်းလဲရပေဦးတော့မည်...ဒီကလေးနှစ်ယောက်အရိပ်ဆိုးများအောက်ကလွတ်မြောက်ပြီးလူလားမြောက်လာဖို့ကျွန်မမှာသားကြီးပေးခဲ့သောအမေတယောက်အပေါ်အားကိုးမှုများကအနာဂတ်အားမာန်များပင်မဟုတ်ပါလား.
0 comments:
Post a Comment