အချစ်ရေးထက်စစ်ရေးခက်..လွမ်းရေးထက်ဝမ်းရေးကပိုခက်သည်..မင်းခယောက်ျားကမ်းနားသစ်ပင်ဆိုစကားရှိသလိုပျော်ရာမှာမနေရတော်ရာမှနေရတဲ့ရှေးရိုးစကားလေးလည်းရှိသည်..ချစ်လို့မ၀နိုင်ခင်လေးတပ်ရင်းမှုးကဂျီဝမ်းတဲ့..ပြောင်းမိန့်ထွက်ပြီ..ရာထူးတိုးတာပျော်နေသောအဘကိုကြည့်ပြီးငိုချင်နေတာကဗိုလ်ကြီးသွင်ဦးးးကျွန်တော်အဘသမီးကိုမခွဲနိုင်ဘူးဆိုပြီးသာငိုချင်းချလိုက်ချင်တော့သည်..ခုထိအသက်မပြည့်သေးတဲ့ကောင်မလေးရေ..ဘာလို့စောစောမမွေးတာလဲကွာ..ချစ်သူလေးအသက်မပြည့်တာကိုဘဲအဘနဲ့အမကိုအပြစ်တင်ရမလိုလို..ခုတော့လူမသိတဲ့အလွမ်းဝေဒနာကိုကျိတ်ခံစားနေရတာ..အဘကိုဝမ်းသာပါတယ်လို့ဂုဏ်ပြုစကားပြောနေမိပေမယ့်ဒီကောင့်ရင်ထဲမီးလောင်နေပြီ..အော်..မချိလို့သွားဖြဲပြနေရတာရီတယ်လို့မထင်ကြပါနဲ့..ဒီရက်တွေကတော့နှစ်ယောက်သားအလွမ်းတွေနဲ့ငိုချင်းရှည်..နှစ်ယောက်သားခိုးအတွေ့မှာဝမ်းပမ်းတနည်းငိုရှာသူချစ်သူလေးကိုနှစ်သိမ့်နေရပေမယ့်ကိုယ်တိုင်ကယောက်ျားတန်မဲ့အော်ငိုချင်နေမိသည်..သူ့မမြင်ကွယ်ရာမှာချစ်သူလေးကိုနည်းနည်းလေးမှစိတ်မချနိုင်ပါ..သူမလေးအသက်ပြည့်တာနဲ့အဘတို့ဆီသွားခွင့်တောင်းမည်..လက်မထပ်ပေးတောင်စေ့စပ်ပေးပါတော့လို့အမိအရတောင်းဆိုတော့မည်ဟုစိတ်ပိုင်းဖြတ်လိုက်သည်..အားတင်းထားချစ်သူလေးရေ..နောက်တနှစ်ဇူလိုင်လကုန်မင်းလေးအသက်ပြည့်တာနဲ့ခွင့်ယူပြီးလိုက်လာခဲ့မယ်..ခုတော့သူ့ထက်ငယ်ရွယ်နုနယ်လွန်းသောချစ်သူလေးကိုအားပေးနှစ်သိမ့်ရုံသာတတ်နိုင်သည်..အော်..စစ်သားဘ၀ဆိုတာစိတ်သွားတိုင်းကိုယ်ကမပါနိုင်..ချစ်သူလေးကသူမလက်တွင်ဝတ်ထားသည့်လိပ်ပြာရုပ်လေးတွေတွယ်ဆက်ထားသည့်ဖန်စီလက်ကောက်လေးကိုချွတ်ပေးသည်..အမှတ်တရကိုကြီးသိမ်းထားနော်တဲ့..သူဘာပြန်ပေးရမလဲ..နောက်ဆုံးလက်မှာစွပ်ထားသောအင်တိတ်လက်စွပ်လေးကိုချွတ်ပြီးချစ်သူလေးကိုဝတ်ပေးသည်..အရေးထဲမတော်..လွမ်းခန်းမှာဖီလင်ပျက်အောင်လုပ်နေသည်..နောက်ဆုံးမျက်ချယ်ရဲ့ဆွဲကြိုးလေးမှာချိတ်ဆွဲပေးလိုက်သည်..ချစ်သူရဲ့နှလုံးသားနဲ့အနီးဆုံးနေရာလေးမှာနေပါစေတော့လေ..ပြောင်းသည့်နေ့ကသူ့ရင်ထဲမချိ..မျက်ချယ်လေးကိုငေးကြည့်ရင်းဝေ့တက်လာသောမျက်ရည်များကိုမျက်တောင်မြန်မြန်ခတ်ပစ်ရသည်..စစ်သားရင့်မာကြီးပေမယ့်ရင်ဘတ်ထဲကနှလုံးသားကနုလှသည်..သူမလေးကတော့ဟိုသူဒီလူနှုတ်ဆက်ရင်းခပ်တည်တည်ရောငိုချနေပြီ..ကိုယ့်မှာသာမချိသောမျက်နှာကြီးကိုသွားဖြဲပြရီပြနေရသည်..သွားပေဦးတော့ချစ်သူလေးရေ..သိပ်မကြာခင်ပြန်ဆုံမှာပါကွယ်..
ဖုန်းလေးရှိတာမို့အဆက်အသွယ်တွေကတော့မပြတ်ပါ..အခွင့်အရေးရတိုင်းသူမလေးရှိရာရန်ကုန်ကိုအပြေးသွားတွေ့သည်..ခုဆိုသူမလေးတက္ကသိုလ်တက်ပြီ..သူငယ်ချင်းတွေကြားပျော်နေသောချစ်သူကိုစိတ်မချပါ..ငယ်လွန်းသူလေးကိုချစ်ရတာရင်မောလှပါသည်..မျက်ချယ်ကတော့သူ့အပေါ်မပြောင်းလဲပေမယ့်ချစ်စရာကောင်းလွန်းသူလေးနားပျားပိတုန်းများဝဲသလိုကောင်လေးတွေကရစ်သီရစ်သီ..အင်းးးမဖြစ်..အမြန်ဆုံးနီးစပ်မှဖြစ်တော့မည်..သူမလေးမွေးနေ့ပြီးရင်တော့မေမေတို့ကိုဖွင့်ပြောပြီးသွားတောင်းခိုင်းရမည်..နေ့တိုင်းသူစိတ်မချကြောင်းတွေအထပ်ထပ်ဖုန်းနဲ့ပြောနေမိသည်..မျက်ချယ်ကတော့ရယ်ကာမောကာကိုကြီးကလွဲပြီးဘယ်သူ့မှမချစ်ဘူး..စိတ်သာချလို့အမြဲပြောရှာပါသည်..အခုတလောအစားပုတ်မလေးမကြာခဏဗိုက်နာသည်ပြောသဖြင့်အစားမသောင်းကျန်းရန်လည်းမှာရသေးသည်..မျက်ချယ်လေးကအစုံစားသတ္တ၀ါမလေး..ဒီတော့သူ့မှာနောက်ထပ်စိတ်ပူစရာကလည်းတိုးသည်..ဆေးခန်းသွားပြဖို့ပြောတော့လည်းမရွှေချောလေးကဆေးထိုးခံရမှာကြောက်လို့မသွားချင်ဟုဂျီကျသည်..ဒီလိုနဲ့သူမလေးအသက်ပြည့်ဖို့တလအလိုလောက်မှာစင်္ကာပူမှာပိုလီကျောင်းသွားတက်မလို့ဆိုဘဲ..ဒီမှာတောင်တရေမြေထဲမှာစိတ်မချနိုင်တာခုတော့အဝေးကိုထွက်သွားဦးမှာပါလား..ဘယ်တော့လဲဆိုတော့နောက်တပတ်ထဲသွားမှာတဲ့..ကြည့်စမ်း..သူ့ကိုလုံးဝမတိုင်ပင်..ခုမှပြောသည်..ဘာလို့မပြောတာလည်းဆိုတော့မသေချာသေးတာရော..ကိုကြီးသိရင်တားမှာမို့လို့တဲ့..တားမှာပေါ့..ဒီကကောင်ရင်ထဲဝင်ကြည့်စမ်းပါ..ဘယ်လောက်စိတ်မချသလဲဆိုတာ..ရန်ကုန်ချက်ချင်းဆင်းဖို့ခွင့်ကမရ..တောက်..စစ်သားဘ၀ကိုစိတ်အကြီးကြီးနာမိပြီ..ဘာမှမပိုင်..ကိုယ့်ဘ၀မပြောနဲ့ကိုယ့်နာမည်လေးတောင်ကိုယ်မပိုင်..သူမလေးလေဆိပ်ဆင်းသည့်နေ့ကလေယာဉ်ပေါ်မတက်ခင်ထိဖုန်းအကြာကြီးပြောဖြစ်သည်..သူ၏စိတ်မချစွာမပြီးနိုင်သောမှာကြားမှုတွေအဆုံးမှာမျက်ချယ်ကတခွန်းဘဲပြောပြီးဖုန်းပိတ်သွားသည်..ကိုကြီးကအဖိုးကြီးကျနေတာဘဲ..ရှေ့ဆက်လက်တွဲဖို့မဖြစ်နိုင်ဘူးတဲ့..ဘာတွေလဲ..ဘာဖြစ်တာလဲ..ဖုန်းချက်ချင်းပြန်ခေါ်ပေမယ့်ဖုန်းပိတ်သွားပြီ..နောက်နေ့ကားဂိတ်ကရန်ကုန်မှပါဆယ်ပါသည်ဟုဖုန်းလာသောကြောင့်သူသွားယူတော့မျက်ချယ်လေးပို့လိုက်သည့်ပါဆယ်..ဘူးအကြီးကြီးတခုအပြည့်ရောင်စုံကြိုးကြာစက္ကူရုပ်လေးများ..တခြားဘာမှမပါ..ဘယ်လိုနားလည်ရမလဲကလေးရယ်..
ထိုနေ့ကစလို့မျက်ချယ်လေးသူ့ကိုအဆက်အသွယ်မလုပ်တော့ပါ..သူ့ရင်မှာနာကျင်မှုကြီးစွာခံစားရသည်..ဘယ်နေ့ပြန်ဆက်သွယ်လာမလဲလို့သူစောင့်နေပါသည်..တလ..နှစ်လ..သုံးလ..လေးလ..ငါးလ..ခုဆိုခြောက်လရှိပြီ..သူဆက်မစောင့်ချင်တော့ပါ..အကျိုးအကြောင်းမဲ့သူ့ကိုအဆက်ဖြတ်သွားသူလေး..အဖြေတခုတော့သူသိချင်သည်..ဒါကြောင့်သူခွင့်တင်လိုက်သည်..လိုက်သွားမည်..သူမလေးမရှိနေပေမယ့်သူမလေးမိဘနှစ်ပါးဆီအကျိုးအကြောင်းသွားပြောပြမည်..အချစ်အတွက်သူသတ္တိတွေအရမ်းကောင်းနေပါပြီ..ရန်ကုန်ရောက်တော့အဘတို့အိမ်ကိုတန်းသွားပါသည်..အဘနှင့်အမကတအံ့တသြနှင့်ကြိုဆိုရှာသည်..သူနှုတ်ဆက်ဂါရ၀စကားအနည်းငယ်ပြောအပြီးသတ္တိတွေမွေးလို့သူနဲ့မျက်ချယ်အကြောင်းအကုန်ဖွင့်ပြောပြလိုက်သည်..သူ့စကားအဆုံးတွင်အဘကဘာမှမပြောဘဲအဝေးကိုငေးနေပါသည်..အမကတော့မျက်ရည်များကျလာပြီးသူ့ကိုစကားတခွန်းပြောလိုက်ပါသည်..သူ့ကမ္ဘာကြီးရုတ်တရက်ပြိုလဲသွားသည့်စကား...
-
သမီးမျက်ချယ်ဆုံးသွားတာနှစ်လရှိပြီမောင်သွင်ဦးရယ်
-
ဗျာ..
-
ဟုတ်တယ်..လွန်ခဲ့တဲ့ရှစ်လကျော်လောက်ကသမီးလေးဗိုက်ခဏခဏအောင့်တယ်နာတယ်နဲ့ဖြစ်တယ်လေ..သူကအစားစုံလို့ဖြစ်တာဘဲဆိုပြီးဒီလိုဘဲအိမ်မှာဆေးလေးသောက်လိုက်..သက်သာသွားလိုက်နဲ့..နောက်တော့ခဏခဏမို့ဆေးရုံခေါ်သွားပြီးစစ်တော့အစာအိမ်ကင်ဆာတဲ့..အခြေအနေကလွန်နေပြီတဲ့..နောက်ခြောက်လဘဲအသက်ရှင်နိုင်မယ်တဲ့လေ...ခွဲစိတ်တာဓါတ်ကင်တာတွေလုပ်မယ်ဆိုတော့လည်းမျက်ချယ်ကအနှေးနဲ့အမြန်သေရမှာခြင်းတူတူသူမလုပ်ချင်ဘူးတဲ့..ယောဂီလေးဝတ်ပြီးတရားအားထုတ်ချင်တယ်ဆိုလို့မှော်ဘီကကျောင်းမှာတရားသွားထိုင်တယ်..ကင်ဆာဆေးတွေကပြင်းတော့သမီးလေးကမသောက်ဘဲလွှင့်ပစ်တယ်ထင်ပါတယ်..သူရောဂါသည်းလို့ဆေးရုံပို့တော့မှသူ့အိပ်ယာအောက်မှာဆေးတွေဖွက်ထားတာတွေ့တာ..အမကတော့သမီးမသေခင်ပြောပြလို့မင်းတို့အကြောင်းသိပါတယ်ကွယ်..သမီးကမင်းပစ္စည်းလေးတွေသိမ်းထားခဲ့ရှာတယ်..မင်းကိုလည်းသူ့ရောဂါအကြောင်းမသိစေချင်လို့အဆက်အသွယ်ဖြတ်လိုက်ရှာတာပါကွယ်..
-
ရက်စက်လိုက်တာဗျာ..ပြောပြရင်တောင်ကျွန်တော်ဖြေနိုင်ဦးမယ်..ခုတော့သူတယောက်တည်းကျိတ်ခံသွားပြီးကျွန်တော့်ကိုညှာသွားတာကျွန်တော်ဘယ်လိုဖြေရမလဲဗျာ..
-
မင်းပစ္စည်းလေးတွေပြန်ယူသွားလိုက်ဦး..အမသိမ်းထားတယ်..
-
အိတ်ကလေးတလုံးထဲမှာစက်ပိတ်ထားသောဖုန်းလေးတလုံး..အင်တိတ်လက်စွပ်လေးတကွင်း..ပြီးတော့စက္ကူကြိုးကြာလေးတွေ..သူ့ရင်ဘတ်ကြီးတခုလုံးကျိုးကြေကုန်ပါပြီ..သူမလေးနဲ့နီးစပ်ဖို့သူစုထားသည့်ပိုက်ဆံတွေအကုန်ထုတ်ကာချစ်သူလေးကောင်းရာသုဂတိလားဖို့ကုသိုလ်တွေပြုပေးနေမိသည်..နောက်ထပ်ဘယ်မိန်းကလေးမှလည်းသူစိတ်မ၀င်စားတော့..သူ့အပေါ်ငဲ့ညှာရှာသူလေးမျက်ချယ်တယောက်အတွက်ကလွဲပြီးသူ့နှလုံးသားမှာနေရာလည်းမရှိတော့ပါ..
ဖြန်းကနည်းစင်လာသောမိုးစက်မှုန်များကြောင့်ဗိုလ်မှုးသွင်ဦးသတိဝင်လာသည်..ပြတင်းတံခါးကမိုးပက်နေပြီ..အော်..မိုးတွေသည်းလာပြန်ပြီ..သူ့ရင်ထဲမှာလည်းမိုးတွေသည်းနေတုန်းပါဘဲလေ..နှစ်တွေကြာလာပေမယ့်ဒီရင်မှာအလွမ်းမိုးတွေသည်းတုန်းပါ..
---
(ပရိသတ်မေတ္တာပို့လည်းခံရမှာဘဲ..အလွမ်းနဲ့သိမ်းတဲ့ဇာတ်မို့..အပြင်မှာတော့ဗိုလ်ကြီးသွင်ဦးလေယာဉ်ပျက်ကျပြီးဆုံးသွားပါတယ်..စိတ်ထားကောင်းတဲ့ဗိုလ်ကြီးသွင်ဦးကိုမသေစေချင်လို့ကျွန်မစာထဲမှာတော့မျက်ချယ်လေးကိုဘဲသေခိုင်းလိုက်ရတာပါ..)
0 comments:
Post a Comment