-------------------------------------------------
ကျွန်တော်အိမွန်လင်းပြောတာကိုနားထောင်နေသည်..သူ့စကားဆုံးသွား ချိန်မှာအတိတ်ကိုသတိရနေဟန်တူသောမျက်ရည်စများသူ့မျက်ဝန်းမှာ ခိုတွဲနေတာမြင်လိုက်ရသည်..လက်စသတ်တော့သူလည်းမိုက်မဲသူလေး ဘဲ..ကျွန်တော်စကားစလိုက်သည်..
-
မင်းပြောတော့မမြင်ရသေးတဲ့ကလေးကိုသတ်မိလို့ဆို..
-
ကျွန်မကသေချင်နေတာ...အချစ်အတွက်လို့ပြောရင်ရှင်ကတူတူသေဖို့လက်ခံချင်မှလက်ခံမှာလေ..
-
ဟုတ်တယ်..မင်းအတော်မိုက်မဲတာ..ဒါနဲ့မင်းဓါတ်ပုံတွေဒီလောက် ရိုက်တာ...မင်းချစ်သူပုံရှိမှာပေါ့..ကျွန်တော့်ကိုပြနိုင်မ လား..
-
ပြနိုင်ပါတယ်..သူ့ဓါတ်ပုံတွေကျွန်မဆီမှာအများကြီးပါ..
-
အိမွန်လင်းထိုင်ပြီးသူ့ဘေးလွယ်အိတ်ထဲကဓါတ်ပုံတွေကိုထုတ်နေ သည်..တပုံကိုရွေးပြီးကျွန်တော့်ကိုပေးသည်..ကျွန်တော်သူလှမ်း ပေးသောဓါတ်ပုံကိုယူကြည့်လိုက်သည်..ကြည့်စမ်း..ကမ္ဘာကြီးကအ တော်ကျဉ်းတာဘဲ..ဒီလူကိုကျွန်တော်သိတာပေါ့..ကျွန်တော့်အကိုလို ခင်နေရသူ၏ဇနီးနှင့်တွဲနေသူ..ထိုအကိုဇနီးကအွန်လိုင်းမှာ ကဲတတ်သူမို့လင်မယားရန်ဖြစ်တာအကြိမ်ကြိမ်..သဝန်တိုသောယောက်ျား၏ ဒေါသကိုမိန်းမလုပ်သူကအနှိပ်စက်ခံနေရသလိုပြောပြီးသနားအောင် ချွဲသည်..
နောက်ဆုံးတော့ကြားကဝင်ခိုသူကြောင့်လင်မယားကွဲလုကွဲခင်.. အမျိုးသမီးကမိဘဆီမှာပြန်နေပြီးဆက်လှုပ်ရှားသည်..ကွာရှင်းခွင့် တောင်းသည်..ကလေးမျက်နှာနှင့်ပြန်ပေါင်းလိုသောခင်ပွန်းကိုလက်မခံ နိုင်ဘဲဒီလူကသူ့ကိုလက်ထပ်မည်ထင်နေရှာသည်..အမှန်ကဒီလူကGTCက ကောင်မလေးတယောက်ကိုထပ်ပြီးခွင်ရှာနေပြီ..လူရှုပ်လူပွေဆို တာကိုခင်ပွန်းဖြစ်သူကနားချပေမယ့်မကွာပေးချင်တာကြောင့်ဟု ဇနီးကစွပ်စွဲပြီးမယုံတော့ထိုအကိုလည်းစိတ်ဆင်းရဲပြီးအရက်သမား ဖြစ်နေပြီ..
ဒီလူကအခုနပတမှာသင်တန်းတက်ရင်းသူ့သားကောင်တွေနဲ့ပျော်နေ သည်..သူ့ကြောင့်ဘ၀တွေဘယ်လောက်ထိခိုက်နစ်နာတယ်သူမစဉ်းစားတော့.. သူလိုချင်တာတွေဘယ်လိုမိန်းကလေးတွေဆီကရနိုင်မလဲဆိုသည့်သူ့ ထက်သူပိုချမ်းသာသည့်သားကောင်မလေးများကိုမျက်စိဒုတ်ထောက်ရှာဖွေ နေတုန်းရှိသေးသည်..
ဒီလိုလူမျိုးတယောက်အတွက်ကိုယ့်အသက်ကိုသတ်သေချင်သောဒီမိန်း ကလေးဘယ်လောက်မိုက်မဲပါသလဲ..မတန်ပါ..သူ့မိခင်ကြီးတန်ဖိုးထားမွေး မြူစောင့်ရှောက်ခဲ့သောသမီးလေးအတွက်ရင်ကျိုးရှာပေလိမ့်မည်.. သူ့ကိုကျွန်တော်မသေစေချင်ပါ..ဘယ်လိုဖျောင်းဖျရမလဲတွေးနေ တုန်းရုတ်တရက်မီးမှောင်ကျသွားသည်..မီးပျက်သွားပါပြီ..ကျွန်တော် ဘောင်းဘီအိတ်ထဲကမီးခြစ်ကိုဆွဲထုတ်ပြီးခြစ်လိုက်သည်..လင်းလာ သောမီးတောက်အလင်းရောင်အောက်မှာထိတ်လန့်နေသောသူ့မျက်နှာကိုမြင် လိုက်ရသည်..
-
ကျွန်မတို့မီးလောင်သေကုန်လိမ့်မယ်လေ..ဂက်စ်ဖွင့်ထားတယ်..
-
ဟုတ်သားဘဲ.မီးလောင်လို့လှလှပပမသေရဘဲဖြစ်တော့မည်..ကျွန်တော် မီးခြစ်ကိုပြန်ငြှိမ်းလိုက်သည်...တခုခုတော့လွဲမှားနေသည်ဟု ခံစားလိုက်ရသည်..ကျွန်တော်ရှုရှိုက်နေသောလေသည်သန့်ရှင်းလတ်ဆတ် နေဆဲ..ထူးဆန်းသည်..ဓါတ်ငွေ့အနံ့ကိုကျွန်တော်မရမိသေးပါ.. ကျွန်တော်မီးခြစ်ကိုပြန်ခြစ်ကြည့်လိုက်ပြီးမီးဖိုထဲလျှောက်သွား သည်..ဂက်စ်မီးဖိုခလုတ်ကိုကစားကြည့်လိုက်သည်..သေချာတာဂက်စ် ကုန်နေသည်..
-
မီးလောင်သေချင်တောင်မရဘူးဗျာ..ဂက်စ်ကုန်နေတယ်..
-
ဟင်..ရှင်ကလဲ..
-
အေးဗျာ..ကျွန်တော်ကကိုယ့်ကိုယ်ကိုသေလူလို့သတ်မှတ်ထားတော့ဂက်စ်အိုးလည်းမကြည့်မိခဲ့ဘူး..
-
ဒါဆိုဖယောင်းတိုင်ထွန်းလေ..
-
ဆောရီးဗျာ..သေမယ်ဆိုပြီးဘာမှကိုမဝယ်ထားမိတော့ဘူး..
-
ဟင်..ဒုက္ခဘဲ..ကျွန်မကအမှောင်ကြောက်တယ်..ဘယ်လိုလုပ်မလဲ..
-
မင်းကလည်းသေမယ်ဆိုပြီးအမှောင်ကြောက်သေးလား..
-
ခုကသေမှမသေသေးတာကိုး..ကြောက်တာပေါ့..
-
မိ်န်းမတွေကအတော်ထူးဆန်းတယ်..လှချင်တာနဲ့..ကြောက်တတ်တာနဲ့..အတွေးကလည်းချော်သေး..
-
ရှင်ဘာပြောတာလဲ..
-
ဘာမှမဟုတ်ဘူး..ဝရံတာမှာထွက်ထိုင်မယ်..လရောင်တော့ရှိသေးတယ်..
-
အင်း..ကောင်းသားဘဲ..ရှင့်အကြောင်းလည်းပြောဦးလေ..
-
အေးဗျ..မိန်းကလေးတွေကစပ်စုတာလည်းဝါသနာပါတယ်..
-
ဒါဆိုရှင်ကကျွန်မအကြောင်းအရင်စပ်စုတာလေ..
-
ကဲပါဗျာ..ကျွန်တော်ပြောပါ့မယ်..ဒါပေမယ့်ကျွန်တော်အရင်ဆုံး ပြောပြချင်တာရှိတယ်..ခင်ဗျားနဲ့ကျွန်တော်တူတူသေဖို့ကံမစပ် ဘူးဗျာ...ကျွန်တော်တို့နှစ်ယောက်သေမင်းရဲ့တံခါးကိုအကြိမ်ကြိမ် သွားခေါက်ခဲ့ကြတယ်..သေမင်းကသူမခေါ်ဘဲလာချင်တဲ့သူကိုအရေး လုပ်ပြီးတံခါးဖွင့်မပေးခဲ့ဘူး..
မသိချင်ယောင်ဆောင်နေခဲ့တယ်..မင်းမှာမိခင်အိုကြီးရှိတယ်.. မင်းသာသေသွားရင်မင်းထင်သလိုမင်းအမေကတရားစခန်းရောက်မယ်ထင် လို့လား..မင်းစိတ်နဲ့မသေသွားနိုင်ဘူးလား..မင်းမှာအလုပ်အကိုင် ရှိတယ်..ဘဝကိုပြန်စခွင့်ရှိတယ်..
လူတွေရဲ့ချီးမွမ်းခုနှစ်ရက်၊ကဲ့ရဲ့ခုနှစ်ရက်ကြားမှာကြံ့ကြံ့ ခံရပ်တည်လိုက်စမ်းပါ..မင်းအပေါ်တကယ်တန်ဖိုးထားသူလူကောင်းတယော က်ရှိလာမှာပါ..တန်ဖိုးမရှိတဲ့လူယုတ်မာကမင်းနဲ့မတန်လို့ကံ တရားကဖယ်ပေးလိုက်တယ်ဘဲမှတ်ပါ..လက်ထပ်ပြီးမှအကျင့်မကောင်းတဲ့ လူယုတ်မာမှန်းသိရင်မင်းပိုစိတ်ဆင်းရဲရလိမ့်မယ်..
-
အင်း..ကျွန်မနားလည်လာပါပြီ..ရှင့်အကြောင်းလည်းပြောပြပါလား..
-
ကျွန်တော့်အကြောင်းကဒီလိုဗျ..ကျွန်တော့်ဖေဖေကတပ်ကထွက်လာ ပြီးစီးပွားရေးလုပ်တယ်..စစ်သားလူထွက်ဆိုတော့စီးပွားရေးသိပ်နား မလည်ဘူးပေါ့ဗျာ..ဒီတော့အရှုံးပေါ်ပြီးအကြွေးတွေတင်လာတယ်.. အဖေကစိတ်ညစ်ပြီးအိမ်ကထွက်သွားတာဘယ်ရောက်နေမှန်းကိုမသိရ တော့ဘူး..ကျွန်တော်တို့လည်းအကြွေးတွေနဲ့မလုပ်တတ်မကိုင်တတ် ကျန်ခဲ့တယ်..အမေကအဖေ့ပင်စင်ကိုရောင်းပြီးသူတတ်တဲ့အလှပြင် ပညာနဲ့အလှပြင်ဆိုင်လေးဖွင့်ပြီးကျွန်တော့်ကိုကျောင်းဆက်ထား ပေးပါတယ်..
အဆင်တော့မပြေဘူးပေါ့ဗျာ..ရတဲ့ပိုက်ဆံကအကြွေးတွေကိုအတိုးဖဲ့ ဆပ်ရင်းလူလည်းမသေရုံရပ်တည်နေရတာပေါ့..ဒီလိုနဲ့ကျွန်တော် ဘွဲ့ရတော့အလုပ်ရှာရတာပေါ့..အလုပ်ဆိုတာကဘွဲ့တခုရရုံနဲ့မ ပြီးဘူးလေ..တခြားတတ်သင့်တဲ့သင်တန်းတွေတက်ရဦးမှာကိုး..
ခက်တာကကိုယ်တွေမှာအဲ့လိုသင်တန်းစုံတက်ဖို့ငွေကမရှိတော့ မြန်မာနိုင်ငံထဲကလူငယ်အများစုလုပ်နေသလိုနိုင်ငံခြားမှာသွား အလုပ်လုပ်ပြီးငွေရှာမယ်ဆုံးဖြတ်ရတာပေါ့..အဲ့ဒီတော့ဧဂျင့် တွေနဲ့ဆက်သွယ်ရတော့ငွေကလိုလာတာပေါ့..ဂျပန်မှာအလုပ်သွင်းပေး မယ်ဆိုတဲ့ဧဂျင့်တွေ့တော့ကျွန်တော်တို့သားအမိရဲ့နောက်ဆုံးကျည် ဆန်ဒီတိုက်ခန်းလေးကိုပေါင်ပြီးငွေပေးလိုက်ပါတယ်ဗျာ..
အဲ့ဒီမှာအလုပ်ကတလလည်းမထူး...နှစ်လလည်းမသိရနဲ့နောက်ဆုံး တော့ဧဂျင့်လိမ်ပြေးသွားကြောင်းသိရချိန်မှာနှစ်ရှည်လများ စိတ်ဒုက္ခရင်ဆိုင်လာရတဲ့အမေကရုတ်တရက်ဦးဏှောက်သွေးကြောပြတ် ပြီးဆုံးသွားတယ်..
ကျွန်တော့်မှာတွယ်တာစရာမိဘကလည်းမရှိတော့ဘူး..နေစရာလည်းမရှိ တော့ဘူး..ဒီတိုက်ခန်းကိုကျွန်တော်ပြန်မရွေးနိုင်ဘူးလေ..အလုပ် လည်းမရှိတော့ဘဝကိုအဆုံးသတ်ပစ်ဖို့စိတ်ကူးမိတာပါဘဲဗျာ..
-
ဟင်..ရှင့်တိုက်ခန်းကိုအပြတ်ရောင်းလိုက်လေ.ငွေနည်းနည်းတော့ ထွက်လာမှာပေါ့..အလုပ်ကတော့မရွေးဘဲအခုရပ်တည်နိုင်ဖို့ဘာဖြစ် ဖြစ်လုပ်မယ်ဆိုတဲ့စိတ်ထားလိုက်ရင်အလုပ်တခုတော့ရမှာပါ..ရှင် ကားမောင်းတတ်မယ်ဆိုရင်ကျွန်မစာသင်တဲ့အိမ်မှာကားဒရိုင်ဘာလို နေတယ်..နေစရာနဲ့စားစရာတော့ရမှာပေါ့..
ဒီလိုနဲ့ဘဲဘဝကိုပြန်စကြည့်ကြတာပေါ့ရှင်..သေမင်းကလက်မခံ တော့လည်းလူအသစ်ပြန်လုပ်ကြတာပေါ့..ရှင်ဒရိုင်ဘာလုပ်မယ်ဆို ရင်ကျွန်မဖုန်းကိုဆက်လိုက်..ကျွန်မပြောပေးမယ်..
ဟိုမှာကြည့်စမ်း..အာရုဏ်လာနေပြီ..ကျွန်မတို့ဒီမနက်ရဲ့နေထွက်တာ ကိုမမြင်ရတော့ဘူးထင်ထားတာ..အခုတော့မြင်နေရပြီ..ဘဝဆိုတာအ မြဲတမ်းအမှောင်မဖုံးနေဘဲနေထွက်တဲ့မနက်ခင်းအသစ်တွေရှိနေဦး မယ်ဆိုတာကျွန်မတို့သိခွင့်ရခဲ့ပြီ..
ကဲ..ကျွန်မပြန်မယ်..ကျွန်မဖုန်းနံပါတ်ကိုရှင်မှတ်ထားလိုက်...၀ ၉-----------...စကားမစပ် ဘဝဆိုတာရည်မှန်းချက်ပျောက်သွားပေမယ့်ဒုတိယအခွင့်အရေးတွေလာ နိုင်သေးတယ်ဆိုတာသိလိုက်ရလို့ကျေးဇူးတင်ပါတယ်..
-
ကျွန်တော်သူထွက်သွားတာကိုငေးကြည့်နေမိသည်..သူပြောသွားသလို ဘဝဆိုတာဒုတိယမြောက်အခွင့်အရေးတွေလာနိုင်သေးတာဘဲလေ..အခုမှ ကျွန်တော့်စိတ်သောကတွေလျော့ပါးသွားသည်..အမြဲတမ်းတော့အဆိုးတွေ ဘဲမရှိနိုင်ပါဘူး..အဆိုးထဲကအကောင်းတခုခုတော့ကျွန်တော်တို့ ရှာနိုင်ရင်တွေ့နေရဦးမှာဘဲဖြစ်ပါသည်..
----------------------------------By KK
0 comments:
Post a Comment