သက်​ဆုံး​တိုင်..(၆)

----------------------
ဖေ​ဖေ​မ​ရှိ​တော့​သည့်​နောက်​ပိုင်း​ကျွန်မ​တို့​သားအမိ​နှစ်​ယောက်​တည်း​သာ ​ကျွန်မ​တို့​ကမ္ဘာ​ဖြစ်​သည်..​အိမ်​၏​ဝင်ငွေ​သည်​ကျွန်မ​စာ​ပြသ​ည့်​ဝင်ငွေ ​တ​ခု​တည်း​အပေါ်​မှီခို​နေ​သည်..​ကျွန်မ​သွား​လေ​ရာ​မိ​ခင်ကြီး​က​ လိုက်ပို့​လိုက်​ကြို​ပေး​သည်..​ကျွန်မ​၏​စာ​အသင်​အ​ပြ​ကောင်းမှု​ကြောင့်​ နာမည်​အ​တော်​ရ​လာ​ပြီး​ဂို​က်​အလုပ်​ကလက်​မ​လည်​အောင်​ဖြစ်လာ​တာ​ကြောင့်​ ကျွန်မ​မူ​ကြို​ဆရာ​မ​လေး​အလုပ်​က​ထွက်​လိုက်​သည်..​နေ့​လည်​ပိုင်း​တွင်​ တော့​ကျောင်းသား​များ​ကျောင်း​တက်​ခ်ိ​န်​ဖြစ်​တာ​ကြောင့်​ကျွန်မ​အားလပ်​ချိန်​ခဏ​ရ​ပါ​သည်..

မိဘ​ကို​လုပ်ကျွေး​ပြုစု​ရင်း​အလုပ်​တဖက်​နှင့်​မ​အားလပ်​သော​ကျွန်မ​ကို​ သား​ရှင်​တော်တော်​များ​များ​က​သဘောကျ​ပြီး​လာ​ရောက်​စကား​ကမ်းလှမ်း​ကြ​ သည်..​ကျွန်မ​စိတ်​မ​ဝင်စား​ပါ..​ကျွန်မ​ဘဝ​တွင်​မေမေ​မ​ရှိ​လို့​မ​ဖြစ်​သ​ လို​မေမေ့ကို​လုပ်ကျွေး​ပြုစု​ရန်​ကျွန်မ​လို​အပ်​ပါ​သည်...​အိမ်ထောင်​ပြု​ လိုက်​ပါ​က​မေမေ့ကို​တ​ပါ​တည်း​လက်ခံ​နိုင်​သူ​ဖြစ်​ရင်​ကံကောင်း​နိုင်​ သော်လည်း​မေမေ့ကို​လက်မ​ခံ​နိုင်​သူ​ဖြစ်​ပါ​က​ကျွန်မ​ရော​မေမေ​ပါ​စိတ်​ ဆင်းရဲ​ရ​မှာ​မို့​ကျွန်မ​အိမ်ထောင်​ပြု​ရန်​စိတ်​မ​ကူး​မိ​ခဲ့​ပါ..​ချစ်​ ရေး​ဆို​သူမ​ည်​သူ​တ​ဦး​တယော​က်​ကို​မှ​လက်မ​ခံ​ခဲ့​ဘဲ​ဘဝ​ကို​ရိုး​ရှင်း​ စွာ​ကျော်​ဖြတ်​ခဲ့​သည်..

ပို​နေ​သော​အချိန်​လေး​ကို​ကျွန်မ​ကွန်​ပြူ​တာ​သင်​တန်း​တက်​ရင်း​ကွန်​ပြူ​ တာ​သင်​တန်း​မှ​အပို​ဆောင်း​သင်ပေး​သော​အင်​တာ​နက်​အသုံးပြု​ပုံ​ကို​ပါ​ တတ်မြောက်​လာ​ခဲ့​သည်..​စ​တတ်​ကာ​စ​ဆို​တော့​အင်​တာ​နက်​အလွန်​သုံး​ချင်​မိ ​သည်..​ခင်မင်​သော​အမ​တယော​က်​က​အီး​မေး​လ်​တ​ခု​ဖွင့်​ပေး​သည်..​ပြီး​တော့ ​ဂျီ​တော့​လ်​အသုံးပြု​ပုံ​ကို​သေချာ​ရှင်း​ပြသ​ည်..​ဒီ​လို​နဲ့​ကျွန်မ​ ချက်​တင်​ထိုင်​တယ်​ဆို​တာ​ဒါ​မျိုး​ပါ​လား​ဆို​တာ​စတင်​သဘောပေါက်​လာ​သည်..

ပထမ​တော့​ကျွန်မ​ဂျီ​တော့​လ်​ထဲ​တွင်​စာ​သင်​ဖော်​သူငယ်ချင်း​ဂို​က်​ဆရာ​မ​ လေး​များ​သာ​ရှိ​သည်..​တ​ဖြည်း​ဖြည်း​ဟို​က​ဒီ​က​အပ်​လာ​တာ​တွေ​နဲ့​လူ​တွေ​ များ​လာ​သည်..​ခင်မင်​နေ​သော​အမ​များ​က​လည်း​ကျွန်မ​စကားပြော​ဖော်​ရ​ရန်သူ​ တို့​အ​ကော​င့်​ထဲ​မှ​သူငယ်ချင်း​များ​ကို​အပ်ပေး​ကြ​သည်..​ကျွန်မ​၏​အလုပ်​ ကြောင့်​တ​ပတ်​လျှင်​နှစ်​ရက်​သာ​အင်​တာ​နက်​သုံး​နိုင်​သော်လည်း​ဖေ​ဖေ​မ​ ရှိ​တော့​သည့်​နောက်​အထီးကျန်​နေ​သော​စိတ်​က​ချက်​တင်​ပြော​နေ​ချိန်​မှာ​ ပျော်​ရွှင်​ရသ​ည်...

တ​နေ့​တော့​ကျွန်မ​ကို​လာ​အပ်ထား​သော​အ​ကော​င့်​သစ်​တ​ခု​က​စကား​လှမ်း​ပြော ​သည်..​ဒီ​တ​ခါ​စကားပြော​မိ​ခြင်း​က​ကျွန်မ​ဘဝ​အတွက်​အပြော​င်း​အလဲ​ကြီးမား ​စွာ​ဖြစ်​သွား​ခဲ့​မည်​မှန်း​သာ​သိ​ခဲ့​ပါ​ရင်​အဲ့​ဒီ​တုန်း​က​ပြန်​ စကားပြော​ဖြစ်​ခဲ့​မည်​မဟုတ်​ပါ..
-
ဟိတ်..​ဘာ​လုပ်​နေ​လဲ
-
ဒီ​လို​ပါ​ဘဲ..​ဟို​ကြည့်​ဒီ​ကြည့်..​သူငယ်ချင်း​က​ဘယ်​သူ​လဲ..
-
ကျွန်တော်​လည်း​ပျင်း​လို့​အွ​န်​လိုင်း​ဖွင့်​လိုက်​တာ..​ဖ​ရင့်​ကို​မီး​ စိမ်း​နေ​တာ​တွေ့​လို့​လှမ်း​စကားပြော​လိုက်​တာ..​ဖ​ရင့်​က​ဘယ်​က​လဲ..
-
ရန်ကုန်​က​ပါ..
-
ဟုတ်​လား..​ကျွန်တော်​က​ကူ​ဝိ​တ်​မှာ​အလုပ်​လုပ်​နေ​တာ​ဗျ..​ဖ​ရင့်​အသက်​ဘယ်လောက်​ရှိ​ပြီ​လဲ..
-
​၂​၅​နှစ်
-
ကျွန်တော်​က​၂​၄​နှစ်​ဆို​တော့​မမ​ပေါ့..​ကျွန်​တော့်​နာမည်​ဇင်​မောင်​မောင်​ပါ..
-
အင်း..​ဇင်​မောင်​မောင်​က​ကူ​ဝိ​တ်​မှာ​အလုပ်​လုပ်​တာ​ဆို​တော့​ကူ​ဝိ​တ်​က​အရမ်း​ချမ်း​လား​ဟင်..
-
ဟာ...​မ က​လဲ..​နောက်​နေ​ပြီ.. ကူ​ဝိ​တ်​ပါ​ဆို​မှ​ပူ​တာ​ပေါ့..
-
မ​သိ​ဘူး​လေ..​ဇင်​မောင်​တင်​ထား​တဲ့​ပုံ​က​နှင်း​တော​ထဲ​မှာ​အ​နွေး​ထည်​ကြီး​ဝတ်​ထား​တာ​ကိုး..
-
အယ်​ဗျာ..​အဲ့​ဒါ​က...​အ​ဟီး..
-
လိမ်​တာ​လည်း​ပိပိရိရိ​လိမ်​ပါ​ရှင်..
-
ဆောရီး​ပါ​မ​ရယ်... ကျွန်တော်မ​လိမ်​တော့​ပါ​ဘူး..​ကျွန်တော်​က​ရုရှား​မှာ​ပါ..
-
အဲ့​လို​မှ​ပေါ့..​မမ​က​လည်း​သူ​များ​ကို​မလိမ်​ဖူး​ဘူး..​ကိုယ့်​အပေါ်​လည်း​စိတ်​ရင်း​နဲ့​ပြော​တာ​ဘဲ​ဖြစ်​စေ​ချင်​တယ်..
-
ဟုတ်ကဲ့​ပါ​ခင်ဗျာ..​နောက်​ဆို​မ​ဖြစ်​စေ​ရ​ပါ​ဘူး..
-
ဒါ​ဆို​တာ့​တာ​နော်..​မမ​အလုပ်​ရှိ​သေး​လို့​စက်​ပိတ်​တော့​မယ်..
-
ဟာ​ဗျာ..​နေ​ပါ​ဦး..​မက​ဘာ​လုပ်​တာ​လဲ
-
တို့​က​ဂို​က်​ဆရာ​မ​လုပ်​တာ​လေ..​ခ​န​နေ​ကလေး​တွေ​ကျောင်း​ဆင်း​တော့​မယ်..​စာ​သင်​ချိန်​တွေ​ရှိ​သေး​လို့​သွား​တော့​မယ်..
-
ခဏ​လေး..​ခဏ​လေး..​ကျွန်တော်​သိ​ချင်​တာ​လေး​ရှိ​လို့..​မနက်​ဖြန်​ရော​လာ​မှာ​လား..
-
တို့​က​အင်္ဂါ​နဲ့​သောကြာ​နှစ်​ရက်​ဘဲ​နေ့​လည်​ပိုင်း​တွေ​လာ​သုံး​တာ..​ကျန်​တဲ့​ရက်မ​အား​ဘူး..
-
ဟာ.​အ​ကြာ​ကြီး​စောင့်​ရ​တော့​မှာ​ဘဲ..​နောက်​တ​ခါ​လာ​ရင်​ခေါ်​ပါ​နော်..
-
အင်း..​ပိတ်​ပြီ..​ဘို​င့်​ဘိုင်
-
ပထမ​အကြိမ်​တွေ့​ဆုံ​ခြင်း​က​ဘာ​မှ​မဟုတ်​ပေ​မယ့်​ကျွန်​အင်​တာ​နက်​သုံး​ သည့်​အချိန်​တိုင်း​ဇင်​မောင်​မောင်​စောင့်​နေ​တတ်​သည်..​နောက်​ပိုင်း​ ရင်းနှီး​လာ​ပြီး​စကား​တွေ​အများ​ကြီး​ပြော​ဖြစ်​ခဲ့​ကြ​သည်..
ဇင်​မောင်​မောင်​သည်​ဧရာဝတီတိုင်း​သား​တယော​က်​ဖြစ်​သည်..​မောင်​နှမ​များ​ သည်..​ဆင်းရဲ​သည်...​ငယ်​စဉ်​က​မိ​ခင်​နှင့်​အတူ​ငါး​လိုက်​ရောင်း​ပြီး​ အလုပ်​လုပ်​ခဲ့​ရ​ကြော​င်း၊နာ​ဂ​စ်​ကြောင့်​မိသား​စု​နာ​လန်​ပြန်​ထူ​နိုင်​ အောင်​ကြိုးစား​ခဲ့​ရ​ကြော​င်း၊သူ​အခု​နိုင်ငံ​ခြား​မှာ​ရသ​ည့်​လ​စာ​ကို​စု ​ပြီး​အိမ်​ကို​ပြန်​ပို့​ရ​ကြော​င်း​တွေ​ပြော​ပြသ​ည်..

ကျွန်မ​က​လည်း​ကျွန်မ​ဘဝ​အကြောင်း​အ​တော်​များ​များ​ပြန်ပြော​ပြ​မိ​သည်..​ ဇင်​မောင်​မောင်​ကို​တပ်မ​တော်​အရာရှိ​တယော​က်​မှန်း​သိ​လိုက်​ရ​တာ​ကြောင့် ​ကျွန်မ​မိဘ​များ​သည်​ဝန်​ထမ်း​မိသား​စု​ပီပီ​စစ်​တပ်​ကို​အမြင်​မ​ကြည်လင်​ ကြော​င်း​ကို​တော့​ထုတ်ဖော်​မ​ပြော​ပြ​ခဲ့​ပါ..​ဌာန​ဆိုင်​ရာ​တွေ​မှာ​ဝန်​ ထမ်း​တွေ​ဘယ်လောက်​ကြိုးစား​ပေ​မယ့်​ရာထူး​ကြီး​ပိုင်း​မှန်​သ​မျှ​မိုး​ကျ​ ရွှေ​ကိုယ်​များ​သာ​ယူ​လေ့​ရှိ​တာ​ကြောင့်​ကြိုးစား​မှု​ရလဒ်​ကို​မ​ခံစား​ရ ​သော​ဝန်​ထမ်း​များ​ကစစ်​တပ်​ကို​အမြင်​မ​ကြည်လင်​ဖြစ်​တတ်​ကြ​တာ​သ​ဘာ​ဝ​ဘဲ ​လေ..

ကိုယ့်​လို​ဘဲ​ဘဝ​ကို​ရုန်း​ကန်​ရ​သူ​ဖြစ်​ပြီး​မိဘ​ကျေးဇူးသိ​တတ်​သူ​အဖြစ် ​ကျွန်မ​ဇင်​မောင်​မောင်​ကို​လေးစား​ခဲ့​သည်..​ကျွန်မ​အပေါ်​ဇင်​မောင်​ မောင်​ချစ်​ရေး​ဆို​လာ​ချိန်​မှာ​လည်း​အလေး​အနက်​ထား​စဉ်းစား​ပေး​သည်..​ ကျွန်မ​မိ​ခင်​ဖြစ်​သူ​ကို​သူ​လက်ခံ​နိုင်​ပါ့​မ​လား...​ကျွန်မ​မိ​ခင်​ဖြစ် ​သူ​က​ရော​သူ့​ကို​လက်ခံ​ပေး​နိုင်​မ​လား​သေချာ​စဉ်းစား​ရသ​ည်..​ကျွန်မ​ ချစ်​သူမ​ရှိ​ခဲ့​ဖူး​ပါ..​မျက်နှာ​လည်း​မ​များ​ချင်​ပါ..​ကျွန်မ​ဘဝ​တွင်​ ချစ်​သူ​ရှိ​လာ​ပါ​က​ထို​သူ​ကို​သာ​အိမ်ထောင်​ဖက်​အဖြစ်​ရွေးချယ်​ရန်​ ဆုံးဖြတ်​ထား​တာ​မို့​ကိုယ့်ကို​အ​ပျော်​သဘော​မျိုး​တွဲ​တာ​လည်း​မ​လိုချင်​ ပါ...​ဇင်​မောင်​မောင်​ကတော့​သူ့​စိတ်​ဓါတ်​နဲ့​ကိုယ်ကျ​င့်​တရား​ကို​ ယုံကြည်​ဖို့​အတန်တန်​ပြော​ပါ​သည်..
---------------------------------------------By KK
ဆက်​ရန်

Posted in: Stories, သက်​ဆုံး​တိုင်