သက်​ဆုံး​တိုင်..(၄)

----------------------
-
ကျွန်မ​က​ဓါတ်​ပုံ​ရိုက်​တာ​ဝါသနာ​ပါ​တယ်​လေ..​ဒီ​ကင်​မ​ရာ​လေး​က​ကျွန်မ​အတွက်​ဖေ​ဖေ့​ရဲ့​မွေး​နေ့​လက်ဆောင်​ပေါ့..
-
သူ​များ​တွေ​က​အခု​ဆို​ဖုန်း​နဲ့​အ​လွယ်​တ​ကူ​ဓါတ်​ပုံ​ရိုက်​ကြ​တယ်..​မင်း​က​ဘာ​လို့​ကင်​မ​ရာ​သုံး​တာ​လဲ..
-
ကျွန်မ​က​ကိုယ်​ရိုက်​ထား​တဲ့​ဓါတ်​ပုံ​လေး​တွေ​ကို​ပြန်​ကြည့်​ရ​တာ​ဝါသနာ​ ပါ​တယ်..​ဓါတ်​ပုံ​ဆို​တာ​လောက​မှတ်တမ်း​တ​ခု​ဘဲ..​ကျွန်မ​တို့​အသက်ကြီး​လာ ​တဲ့​အခါ​ငယ်ရွယ်​နုနယ်​စဉ်​က​ပုံ​ရိပ်​တွေ​ကို​အပြင်​မှာ​ပြန်​မ​ရ​ပေ​မယ့် ​ဓါတ်​ပုံ​တွေ​ထဲ​မှာ​ပြန်​ရ​နိုင်​တယ်..
အလွန်​လှပ​တဲ့​အခိုက်အတန့်​တွေ၊သ​ဘာ​ဝ​တရား​တွေ၊ရှု​ခင်း​တွေ၊တ​ခါပြ​န်​မ​ရ ​နိုင်​တဲ့​အချိန်​အခါ​တွေ​ကို​ဓါတ်​ပုံ​ထဲ​မှာ​သိမ်းဆည်း​ထား​နိုင်​တယ်..
ကုန်​သွား​တဲ့​အချိန်​တွေ​ကို​ပြန်​မ​ရ​တော့​ပေ​မယ့်​အဲ့​ဒီ​အချိန်​တွေ​နဲ့ ​အတူ​ကျန်​ရစ်​ခဲ့​တဲ့​နုပျို​မှု​တွေ..​ပျော်​ရွှင်​ကြည်နူး​မှု​တွေ..​ ဝမ်းနည်း​ကြေကွဲ​မှု​တွေ..​ဘယ်​တော့​မှ​ပြန်​မ​ဆုံ​တော့​တဲ့​သူ​တွေ​ကို​ဒီ​ ဓါတ်​ပုံ​တွေ​ထဲ​မှာ​ပြန်​တွေ့​နိုင်​တယ်..
အရာ​ရာ​ဟာ​အချိန်​နဲ့​အမျှ​ပြောင်းလဲ​နေ​တယ်..​အစ​ရှိ​ရင်​အဆုံး​ရှိ​မယ်..​ ဖြစ်​တည်​ပြီး​ရင်​ပျက်စီး​မယ်..​ဖျက်ဆီး​ခံ​ရ​မယ်..​အချိန်​တွေ​ကို​ ရပ်တန့်​လို့​မ​ရ​ပေ​မယ့်​ကိုယ်​ရပ်တန့်​စေ​ချင်​တဲ့​အချိန်​အခါ​လေး​တွေ​ ကို​ဓါတ်​ပုံ​နဲ့​မှတ်တမ်း​တင်​ထား​ရင်​ပြန်​ကြည့်​တိုင်း​အဲ့​ဒီ​အချိန်​ ကို​ပြန်​ခံစား​ကြည့်​လို့​ရ​တယ်..
အပြင်​လောက​မှာ​အချိန်​နဲ့​တ​ကွ​ပျောက်​ဆုံး​သွား​တဲ့​ချစ်​ခြင်း​နဲ့​ပျော် ​ရွှင်​နုပျို​ခြင်း​တွေ​ကို​ဓါတ်​ပုံ​ထဲ​မှာ​သိမ်းဆည်း​ထား​လို့​ရ​တယ်..​ ကျွန်မ​တို့​နှစ်​ယောက်မ​နက်ဖြန်​နေထွက်​တာ​ကို​မ​မြင်​ရ​တော့​ပေ​မယ့်​ ကျွန်မ​တို့​အသက်​ရှင်​နေ​တဲ့​အခိုက်အတန့်​ကို​ဒီ​ဓါတ်​ပုံ​တွေ​ထဲ​မှာ​ထဲ့​ ခဲ့​နိုင်​တယ်..
သေမင်း​ရဲ့​တံခါး​ကို​ကျွန်မ​တို့​ဘယ်​လို​သွား​ခေါက်​ခဲ့​တယ်​ဆို​တာ​လူ​ တွေ​မြင်​နိုင်​တယ်..​ဟိုး​အရ​င်​က​ကျွန်မ​ရိုက်​ခဲ့​တဲ့​ဓါတ်​ပုံ​တွေ​က​ သိပ်​လှ​တယ်..​ပန်းပွင့်​တွေ..​ရှု​ခင်း​တွေ..​လူ​နေ​မှု​ပုံစံ​တွေ..​ဘာ​ ကြောင့်​လဲဆို​တော့​ကျွန်မ​စိတ်​က​တက်​ကြွ​နေ​တယ်..​မြင်​ရ​တဲ့​မြင်​ကွင်း​ တွေ​တိုင်း​ထဲ​ကလော​က​ရဲ့​အ​လှ​အပ​တွေ..​သ​ဘာ​ဝ​တရား​တွေ​ကို​ခံစား​နေ​လို့ ​ရ​တယ်..​အ​လှ​ဆုံး​အချိန်​တွေ​ကို​ကျွန်မ​ရဲ့​ပျော်​ရွှင်​မှု​အတွက်​ မှတ်တမ်း​တင်​ခဲ့​တယ်..​အခု​တော့​ကြေကွဲ​ဝမ်းနည်း​စရာ​အချိန်​တွေ​ရဲ့​ အဆုံးသတ်​မှတ်တမ်း​ပေါ့..
-
ကျွန်တော်​လည်း​ဓါတ်​ပုံ​ရိုက်​ဖူး​တယ်..​မင်း​လို​တော့​မစ​ဉ်း​စား​နေ​ခဲ့​ဖူး​ဘူး..
-
အင်း..​လူ​တွေ​က​ပျော်​နေ​ချိန်​မှာ​အ​လွယ်​တ​ကူ​ဓါတ်​ပုံ​ရိုက်​ခဲ့​ကြ​ တယ်..​အ​လှ​ဆုံး​ပုံ​တွေ​ကို​သိမ်းထား​ကြ​ပြီး​မလှ​တဲ့​ပုံ​တွေ​ကို​ဖျက်​ ပစ်​ကြ​တယ်..​တကယ်​တော့​ဘဝ​ဆို​တာ​ခဲ​ဖျက်​သုံး​လို့​ရ​တဲ့​စာ​မျက်နှာ​ မဟုတ်​ဘူး..​မလှ​ပ​တဲ့​အချိန်​တွေ​ကို​လည်း​သိမ်းဆည်း​ထား​သင့်​တယ်..​ အချိန်​တွေ​တ​နှစ်​ပြီး​တ​နှစ်​ကုန်​သွား​တာ​နဲ့​အမျှ​အ​လှ​ဆုံး​အချိန်​တွေ ​ရော..​မလှ​ပ​တဲ့​အချိန်​တွေ​ရော​ထားခဲ့​ကြ​ရ​တယ်..​ဒါ​ပေ​မယ့်​ဓါတ်​ပုံ​ တွေ​ကို​ပြန်​ကြည့်​ရင်​တော့​ကုန်​ဆုံး​သွား​တဲ့​အချိန်​တွေ​ကို​ခဏ​ပြန်​ ငှား​လို့​ရ​တာ​ပေါ့..
-
မင်း​က​စိတ်ဝင်စား​ဖို့​ကောင်း​တယ်..​ကျွန်တော်​တို့​သေ​ဖို့​အချိန်​ကို​တူ ​တူ​စောင့်​နေ​ရင်း​နဲ့​မင်း​စိတ်​ထဲ​က​ပြော​ချင်​မယ်​ဆို​ရင်​မင်း​ အကြောင်း​ကျွန်​တော့်​ကို​ပြော​ပြ​နိုင်​မ​လား..​မင်း​ဘာ​ကြောင့်​ဒီ​လို​သေ ​ခြင်း​ရဲ့​တံခါး​ကို​လာ​ခေါက်​ပြီး​တမလွန်​ကို​ရွေးချယ်​ခဲ့​တယ်​ဆို​တာ​ ကျွန်​တော့်​ကို​ပြော​ပြ​နိုင်​မယ်​ဆို​ရင်​ပြော​ပြ​ပါ​လား..
-
အင်း...​ပြော​ပြ​နိုင်​ပါ​တယ်..​ရှင်​က​ရော​ဘာ​လို့​သေ​ချင်​နေ​တာ​လဲဆို​တာ ​ကို​ကျွန်မ​ကို​ပြန်ပြော​ပြ​နိုင်​မ​လား..​ရှင်​အနေ​နဲ့​ပြော​ချင်​တယ်​ဆို ​ရင်​ပေါ့..
-
ကျွန်တော်​လည်း​ပြော​ပြ​နိုင်​ပါ​တယ်..​ဒါ​ပေ​မယ့်​မင်း​အရ​င်​ပြော​ပြတာ​ကို​နားထောင်​ချင်​တယ်..
-
ကျွန်မ​တို့​ခု​ထိ​တယော​က်​ကို​တယော​က်​မ​သိ​ကြ​သေး​ဘူး​နော်..​အတူတူ​သေ​ ဖို့​လုပ်​နေ​ကြ​တဲ့​သူ​ချင်း​နာမည်​လေး​တောင်​မ​သိ​ကြ​ဘဲ​တူ​တူ​သေ​သွား​ကြ ​မယ်​ဆို​ရယ်​စရာ​ကြီး...
-
ဟုတ်​ပါ့​ဗျာ..​အဲ့​ဒါ​ကို​ကျွန်တော်​တို့​မေ့​နေ​ကြ​တယ်..​လူ​တွေ​က​ ကျွန်တော်​တို့​နှစ်​ယောက်​ကို​တူ​တူ​တွေ့​ရင်​ထင်​ကြေး​တွေ​အမျိုး​မျိုး​ ပေး​ကြ​မှာ​ဘဲ...​သေချာ​တာ​အဲ့​ဒီ​ထင်​ကြေး​တွေ​ထဲ​မှာ​ကျွန်တော်​တို့​နှစ် ​ယောက်​တယော​က်​နာမည်​တောင်​တယော​က်​မ​သိ​တဲ့​သူစိမ်း​တွေ​ဆို​တာ​တော့​ဘယ်​ သူ​မှ​ထင်​မှာ​မဟုတ်​ဘူး..
-
ဟုတ်​တယ်နော်..​ကျွန်မ​တို့​နှစ်​ယောက်​ကို​အချစ်​အတွက်​သတ်​သေ​ကြ​သူ​များ​ လို့​ထင်​ကြ​မှာ..​လူ​ငယ်​တွေ​အတွက်​တော့​အချစ်​သူရဲကောင်း​တွေ​ပေါ့..​လူ​ ရွယ်​ပိုင်း​တွေ​ကျ​တော့​ရုး​ပါ့​ကွာ​လို့​ပြော​မှာ..​လူကြီး​တွေ​က​မိုက်​ လိုက်​တာ​လို့​ဝေဖန်​ပြီး​သက်ကြီး​ရွယ်​အို​တွေ​က​ငယ်​ငယ်​လေး​တွေ​နှမြော​ စရာ​လို့​တွေး​မယ်..​မိန်းမ​ကြီး​ငယ်​တော်တော်​များ​များ​က​သနား​လိုက်​တာ​ လို့​မြိန်​ရေ​ရှက်​ရေ​အချင်းချင်း​ပြော​ကြ​မယ်..
ရဲ​တွေ​က​သူ​တို့​ကို​အလုပ်​ရှုပ်​အောင်​လုပ်​တယ်​ဆို​ပြီး​မေတ္တာပို့​ မယ်..​တချို့​က​လည်း​အား​မ​နာ​လျှာ​မ​ကျိုး​အမ​နာ​ပါ​န​ပြော​ကြ​မယ်..​ အင်း..​မ​သေ​ခင်​သေ​ပြီး​နောက်​ကို​စဉ်းစား​ရ​တာ​အရသာ​တ​မျိုး​ဘဲ..​ကိုယ်​မ ​မြင်​ရ​တော့​မယ့်​အချိန်​တွေ​ကို​စိတ်ကူး​နဲ့​ဓါတ်​ပုံ​ရိုက်​ကြည့်​ရသ​လို ​ဘဲ..
-
ဟုတ်​တယ်​ဗျ...​ကျွန်တော်​လည်း​ထူးဆန်း​တဲ့​အ​တွေး​သစ်​တွေ​ပေါ်လာ​တယ်..​သေ ​ပြီး​နောက်​ကျွန်တော်​တို့​တကယ်​ဘာ​မှ​မ​သိ​တော့​ဘူး​လား..​ဇာတိ​တ​ခု​တကယ် ​ပြန်​စ​မှာ​လား..​ဘာ​မှ​ကို​မှန်း​မ​ရ​ဘူး​ဗျ..​အခု​ကျွန်တော်​သေချာ​သိ​လာ ​တာ​လက်​ရှိ​အချိန်​က​အရေး​အကြီး​ဆုံး​ဆို​တာ​ကို​ဘဲ..
-
ဟုတ်​တယ်..​ကျွန်မ​တို့​အတိတ်​တွေ​ကို​ထားခဲ့​ချင်​လို့​တမလွန်​တံခါး​ဝ​မှာ ​ရပ်​နေ​တာ...​အနာဂတ်​ကို​ကျွန်မ​တို့​မှန်း​ဆ​လို့​မ​ရ​နိုင်​တော့​ဘူး..​ ကျွန်မ​တို့​နှစ်​ယောက်​အတွက်​လက်​ရှိ​အချိန်​လေး​ဘဲ​ကျန်​တော့​တယ်..​ရှင်​ ကြောက်​နေ​သလား..
-
ဟင့်​အင်း.​ကျွန်တော်မ​ကြောက်​တော့​ဘူး..​သေ​ရ​မှာ​ကို​ကျွန်တော်​ကြောက်​ ခဲ့​တယ်..​အခု​ကျွန်တော်​တ​ခု​ခု​ကို​သဘောပေါက်​လာ​သ​လို​ဘဲ..​ဘာ​မှန်း​ တော့​မ​သိ​ပေ​မယ့်​ကျွန်တော်​သေ​ခြင်း​ကို​မ​ကြောက်​တော့​ဘူး..
-
အင်း..​ကျွန်မ​လည်း​မ​ကြောက်​တော့​ဘူး..
-
ကဲ..​အချိန်​သိပ်​မ​ကျန်​တော့​လောက်​ဘူး​ဗျ..​မင်း​အကြောင်း​ပြော​ပြ​မယ်​ဆို​ရင်​ပြော​ပြ​တော့​လေ..
-
ဒီ​လို​ရှ​င့်..​ကျွန်မ​နာမည်​က​အိ​မွန်​လင်း​တဲ့..
-------------------------------------By KK
ဆက်​ရန်

Posted in: Stories, သက်​ဆုံး​တိုင်