----------------------
ကျွန်မဘဝကရိုးရှင်းသည်..ကျွန်မဘဝတသက်သာတွင်ဇင်မောင်မောင် တယောက်တည်းကိုသာချစ်ခဲ့ပါသည်..သူသည်သာကျွန်မဘ၀၊ကျွန်မ အချစ်၊ကျွန်မရည်မှန်းချက်ဖြစ်ခဲ့ပါသည်..သူ့ကိုတပ်မတော်အရာရှိ ဆိုသည့်ဂုဏ်ပုဒ်ကြောင့်ချစ်ခဲ့မိတာလည်းမဟုတ်...သူတခုခုဖြစ် မှာစိတ်ပူရလွန်းလို့ကျွန်မတို့လက်ထပ်ပြီးလျှင်သူ့ကိုနေရာ ကောင်းတခုခုသို့ပြောင်းရွှေ့ပေးဖို့ကျွန်မစာသင်ပေးနေသည့်ကလေး မိဘတွေကိုတောင်အကူအညီတောင်းထားမိသေးသည်..ကလေးမိဘများကစစ်ရာထူးခန့်ချုပ်ရုံးမှာဖြစ်နေတာကြောင့်အကူအညီတောင်းမိခြင်းပါ..
အခုတော့ကျွန်မဖေ့ဘုတ်အကောင့်မှာသွားစကားပြောမိသောသူ့ သူငယ်ချင်းကကျွန်မကိုတခြားမိန်းကလေးတယောက်နှင့်မှားနှုတ်ဆက် သည်..အလိုက်အထိုက်ပြောကြည့်တော့သိလိုက်ပါပြီ..သူ့မှာနောက်ထပ် ချစ်သူတယောက်ရှိနေတာဘဲ..ကျွန်မရင်တွေကွဲကြေမတတ်ခံစားလိုက်ရ ပါပြီ..ကျွန်မကတော့သူ့ကိုယုံကြည်လိုက်ရတာ..မိဘဆွေမျိုး အသိုင်းအဝိုင်းတွေတားနေရက်နဲ့သူ့ကိုချစ်မြတ်နိုးယုံကြည်မှုနဲ့ အားလုံးကိုအတိုက်အခံလုပ်ပြီးသူ့ကိုလက်ခံပေးဖို့ကြိုးစားခဲ့ သူပါ..
အခုတော့ကျွန်မသူ့အကြောင်းစုံစမ်းရပြီ..အားလုံးဝိုင်းပြောပြတာ တွေဆက်စပ်လိုက်တော့ဇာတ်လမ်းကရုပ်လုံးပီပီပြင်ပြင်ပေါ်လာပါ ပြီ..ဇင်မောင်မောင်ကရုရှားမှာနေစဉ်ကတည်းကအွန်လိုင်းမှာကြူ ထားသောအမျိုးသမီးတယောက်ရှိသည်..ချစ်စနိုးအခေါ်ဝက်ဖြူပေါ့.. မိန်းကလေးကအကောင့်ထဲမှာ၂၃နှစ်...အပြင်မှာအသက်၃၀...ကလေး တယောက်အမေ...အိမ်ထောင်သည်..ခင်ပွန်းနဲ့စိတ်ဆိုးပြီးမိဘဆီပြန်လာ နေသူ..တရားဝင်ကွာရှင်းထားခြင်းမရှိ..
ခင်ပွန်းလုပ်သူကလည်းကလေးမျက်နှာဖြင့်အိမ်ထောင်ပြန်ပေါင်းဖို့ ကြိုးစားနေသူ...အမျိုးသမီးကယောက်ျားကစိတ်ဆင်းရဲအောင်လုပ်ကြော င်း..နှိပ်စက်ကြောင်းဇင်မောင်မောင်ကိုရင်ဖွင့်သည်..ဇင်မောင် မောင်ကကယ်တင်ရှင်ကြီး..အဓိကအကျဆုံးကတော့အမျိုးသမီးကချမ်းသာပါ သည်..မြန်မာပြည်ပြန်ရောက်ကတည်းကဇင်မောင်မောင်လိုသမျှဝယ်ပေးနေ သူ..ဖုန်းကို၁၅မိနစ်တခါဆက်သူ..ကျွန်မကတော့တူနှစ်ကိုယ်နီး ဖို့အရေးစုရဆောင်းရမို့သူ့ကိုအဲ့လိုမထောက်ပံ့နိုင်ခဲ့ပါ..
ကျွန်မကတော့ရသမျှဝင်ငွေထဲကနှစ်ယောက်ဆင်တူလက်စွပ်လေးဝတ်ဖို့ စုဆောင်းနေတုန်းအမျိုးသမီးကတော့ဇင်မောင်မောင့်ကိုစိန်လက်စွပ် ဝယ်ဆင်ပေးနေပြီ..နောက်ဆုံးတော့ကျွန်မမသိချင်ယောင်ဆောင်မထား နိုင်တာမို့အမျိုးသမီးနဲ့နှစ်ဦးချင်းတွေ့ဆုံစကားပြောကြည့်သည်.. အမျိုးသမီးကဇင်မောင်မောင်ဗထူးမှာသင်တန်းတက်စဉ်ကတည်းကလိုက် သွားပြီးဗယ်လင်တိုင်းဒေးဆင်နွှဲခဲ့သည်ကအစပြောသည်..ကျွန်မ နဲ့ချစ်သူဖြစ်နေမှန်းအမှန်တကယ်မသိကြောင်းဝန်ခံသည်..
ဘယ်လောက်အထိရင်နာစရာကောင်းသလဲဆိုရင်ဇင်မောင်မောင်အမျိုးသမီးကို ပေးသောလက်ဆောင်သည်ကျွန်မတို့ချစ်သူသက်တမ်းနှစ်နှစ်ပြည့်က ကျွန်မလက်ဆောင်ပေးသောအနွေးထည်အပြာလေးဖြစ်နေသည်..ရက်စက်လိုက် တာ..တကယ်ဆိုသူဒီအိမ်ထောင်သည်အမျိုးသမီးကိုဘဲသဘောကျနေရင်လည်း ကျွန်မ၏အညွန့်တလူလူတက်နေသောဘ၀လေးကိုမဖျက်ဆီးသင့်ပါ.. ပတ်ဝန်းကျင်တခုလုံးသိပြီးလူအများလေးစားရသောဆရာမလေးဘဝမှာ ကျွန်မမျက်နှာဘယ်လိုထားရမလဲ..
ဇင်မောင်မောင်ကိုထိပ်တိုက်ဆွေးနွေးတော့လည်းမရေမရာယောင်ဝါး ဝါးလုပ်နေသည်..လိုတိုင်းတပေးနိုင်သောအမျိုးသမီးကိုလည်း စွန့်ခွာနိုင်ပုံမပေါ်...အမျိုးသမီးကလည်းသူ့ကိုဇင်မောင်မောင် တကယ်ယူမည်ဆိုပါကခင်ပွန်းနှင့်ကွာဖို့ကြိုးစားမည်ဆိုတော့ ကျွန်မအရှက်မရှိသူထိုနှစ်ယောက်ကိုကျောခိုင်းထွက်ခဲ့ပါသည်.. ငယ်ငယ်ကတည်းကမိဘသွန်သင်မှုနှင့်ဗိုင်းကောင်းကျောက်ဖိနေလာခဲ့ သူအဖြစ်ကပတ်ဝန်းကျင်၏သရော်လှောင်ပြောင်မှုတွေကိုကျွန်မခံရ တော့သည်..
ကျွန်မမိခင်အိုကြီးလည်းအသက်ကြီးမှသမီးအတွက်သောကများရပြီးစိတ် ဆင်းရဲလွန်းလို့တရားအားမထုတ်နိုင်ဘဲနေ့တိုင်းမျက်ရည်ကျနေရသ ည်..အရင်ကလာရောက်တောင်းရမ်းသူမှန်သမျှကိုခေါင်းခါခဲ့သူမို့ စောင့်ကြည့်နေသူများ၏မေးငေါ့အတင်းပြောသံများကြားနှလုံးသားတခု လုံးအချစ်ကြောင့်ကွဲအက်ကြေမွနေတဲ့ကျွန်မဒီလောကကြီးထဲဆက်ပြီး အသက်ရှင်ချင်စိတ်လည်းမရှိတော့ပါ..ကျွန်မစုဆောင်းထားသမျှငွေ အားလုံးနဲ့မိခင်ကြီးကိုနှုတ်ဆက်သည့်စာတစောင်ရေးပြီးကျွန်မထွက် လာခဲ့ပါတော့သည်..
မိခင်ကြီးကျွန်မထားခဲ့သောငွေဖြင့်တရားစခန်းမှာရာသက်ပန်ယောဂီ ဝတ်ပါစေတော့..ကျွန်မကတော့ရင်တခုလုံးပူလောင်းပြင်းပြစွာလောင် မြိုက်နေသောအပူမီးတို့ကနေပြေးထွက်ဖို့ကိုယ့်ကိုယ်ကိုအဆုံးစီရင် ဖို့ဆုံးဖြတ်လိုက်သည်..ပထမဆုံးအချစ်မှာတင်နှလုံးသားတခုလုံးမွ မွကြေခဲ့ပါပြီ..
------------------------------------By KK
ဆက်ရန်
0 comments:
Post a Comment