ဒီရင်နားပါအရိုင်းလိပ်ပြာ..(၂၂)

ကျနော်ညအချိန်ကောင်းကင်ကိုမော့ကြည့်နေမိသည်..ကြယ်တွေကတောထဲမှာကြည့်တော့မှပိုလင်းလက်တောက်ပနေကြသည်..မြို့ပြရဲ့အလင်းရောင်တို့လုံးဝကင်းဝေးရာ..စိတ်တို့ကအိမ်ကိုပြန်ရောက်သွားသည်..မေမေတော့ဝမ်နည်းပူဆွေးနေတော့မည်..ဖေဖေကတော့ယောက်ျားသားမို့အံကိုတင်းတင်းကြိတ်ပြီးစိတ်မကောင်းဖြစ်နေမည်..ကျနော့်သူငယ်ချင်းတွေလည်းစိတ်ပူနေမှာဘဲ..ဆရာကရောကျနော့်အိမ်ကိုဘယ်လိုအကြောင်းကြားမလဲကျနော်သိချင်သည်..

တောထဲမှာကျနော်ပျောက်ဆုံးသွားတာကိုသေပြီလို့တွက်လိုက်ကြမှာလား..စိတ်တို့ကနေရတာမပျော်တော့..မေမေ့ကိုသနားသည်..မေမေကကျနော့်ကိုအရမ်းချစ်တာလေ..အိမ်ကိုကျနော်အမြန်ဆုံးပြန်ရောက်နိုင်မှဖြစ်မည်..မျက်လုံးကကြယ်တွေကိုကြည့်နေပေမယ့်စိတ်ကမေမေ့ကိုမြင်ယောင်နေမိသည်..ကျနော်ဒီတောကြီးထဲမနေနိုင်တာသေချာသည်..ကျနော်ထွက်ဖို့လုပ်ရမည်..

ဘယ်လိုထွက်မယ်ကိုအစီအစဉ်ဆွဲဖို့လိုမည်..ကျနော်တောမကျွမ်းပါ..ဒါပေမယ့်လူသားတယောက်၏အသိဥာဏ်ရှိသည်..လက်နက်ရှိသည်..ရိက္ခာစုရမည်..တောထဲမှာစားစရာနဲ့ရေကအရေးကြီးသည်..ရတီပွင့်လိုက်အောင်ကျနော်ကြိုးစားရဦးမည်..လွယ်ကူသည့်အလုပ်တော့မဟုတ်..သူမသည်တောနေတာဇံဖြစ်နေပေပြီ..ကျနော့်ဘေးတွင်ဝင်ထိုင်လိုက်သောလူရိပ်ကြောင့်ကျနော်လှည့်ကြည့်တော့ရတီပွင့်ကကျနော့်ပုခုံးပေါ်နွဲ့နွဲ့လေးမှီလာသည်..သူ့ခေါင်းကိုအသာပွတ်ပေးပြီးကောင်းကင်ကိုကျနော်ပြန်မော့ကြည့်မိသည်..

ခုဆိုတောထဲမှာကျနော်တလပြည့်တော့မည်..ကျနော်ငါးဖမ်းတတ်ပြီ..ပုစွန်ထောင်တတ်ပြီ..ရေရှာတတ်ပြီ..ဒီလောက်ဆိုမဆိုးလှ..မျက်လုံးထောင့်ကအလင်းတန်းတခုမြင်လိုက်သည်..ကြယ်ကြွေတာဘဲ..ကျနော့်မျက်လုံးထဲတွင်ခုနှစ်စဉ်ကြယ်ကိုမြင်နေရသည်..ဘာရယ်မဟုတ်လိုက်ကြည့်ရင်းငယ်ငယ်ကစာသင်ဖူးသောဓူဝံကြယ်ဆီအကြည့်ရောက်သွားသည်..

တောထဲမှလမ်းပျောက်နေသောသူများဓူဝံကြယ်ကိုကြည့်ပြီးခရီးသွားရသည်..ဟုတ်တာပေါ့..ကျနော်သင်ဖူးသည့်စာ..ဓူဝံကြယ်ကမြောက်စူးစူးမှာရှိသည်..ဒါဆိုအရပ်မျက်နှာတွက်လို့ရပြီ..ကျနော်တို့ဒီတောထဲကိုမလာခင်သွားမည့်ခရီးစဉ်ကိုမြေပုံကြည့်ခဲ့ကြသည်..မြောက်အရပ်ကိုဆက်သွားရင်တောပိုနက်လိမ့်မည်..တောင်အရပ်ကိုပြန်ဦးတည်မှကားလမ်းမဆီရောက်လိမ့်မည်..

ဒါဆိုကျနော်ခရီးစဉ်အကြမ်းဖျင်းတွက်လို့ရသွားပြီ...ရိက္ခာတော့လုပ်ရမည်..ကိုယ့်စိတ်ကူးနဲ့ကိုယ်ပျော်သွားပြီးရတီပွင့်ဆံစလေးတွေကိုအသာဖွဖွနမ်းရှိုက်လိုက်မိသည်..ကျနော်ချစ်သောကောင်မလေး..သူမနဲ့ကျနော်ကအခုကောင်းကင်ကကြယ်တွေလိုအလှမ်းဝေးလှသည်...ဘာဘဲဖြစ်ဖြစ်ကျနော်ချစ်ရသောသူမဘ၀ကောင်းမွန်စွာနေရာမှန်ပြန်ရောက်သွားရင်ကျနော်လွမ်းကျန်ရစ်လည်းနေနိုင်ပါသည်..

တကယ်တော့အချစ်ဆိုတာရယူခြင်း..ပေးဆပ်ခြင်းတွေမဟုတ်..အချစ်ဆိုတာကိုယ့်ချစ်သူကိုပျော်ရွှင်စေလိုသောစိတ်သက်သက်ဖြင့်ချစ်နေခြင်းသာ..သူမကိုအသာလက်ဆွဲပြီးဂူထဲကျနော်ပြန်ဝင်ခဲ့သည်..ကျနော်တို့နှစ်ယောက်ကြားတွင်ဘွန်းဘွန်းအိပ်သည်..ကျနော်ဘွန်းဘွန်းကိုသနားသည်..အဟိတ်တိရိစ္ဆာန်တကောင်၏သံယောဇဉ်ကိုကျနော်လျှော့မတွက်ရဲပါ..ကျနော်မတရားရာကျနေပြီလား..

မနက်မိုးလင်းတော့မျောက်ဝံတွေအကူအညီနဲ့ကျနော်ငါးဖမ်းသည်..မျောက်တွေကိုငါးကင်လည်းကျွေးရင်းငါးအတော်များများကိုခွဲပြီးကျောက်တုံးကြီးပေါ်ကျနော်ငါးခြောက်လှမ်းသည်..မျောက်ဝံတွေကိုပြန်အစောင့်ချရသည်..တခြားတောကောင်လာဆွဲမှာထက်ဒီမျောက်ရွာမှာမျောက်ဝံကသာလာဆွဲမှာသေချာသည်လေ..ဒီတော့သူခိုးကိုအစောင့်ပြန်ထားသောနည်းကိုသုံးရသည်..ကောင်းကောင်းစောင့်ရှောက်ပေးလျှင်ညနေစာပုစွန်ကင်ပါစားရတာမို့ကင်းသမားမျောက်ဝံကဘယ်မျောက်ဝံမှငါးခြောက်လာဆွဲတာမခံ..

တောင်ပေါ်နေကပြင်းတာမို့ငါးတွေကခြောက်တာတော့မြန်သည်..ပုစွန်တော့လှမ်းမရ..ဒါကတော့ကင်းသမားကိုယ်တိုင်ကသိပ်ကြိုက်သည်..ရတီပွင့်ကတော့ကျနော်လုပ်နေတာတွေကိုနားမလည်ပေမယ့်ကူလုပ်ပေးရှာသည်..တောထဲကပန်းတွေကိုခူးပြီးနွယ်ကြိုးတွေကိုမျှင်ပြီးကျနော်သီပေးသည်..ပန်းကုံးတွေကိုဘွန်းဘွန်းနဲ့ရတီပွင့်ကိုစွပ်ပေးတော့ဘွန်းဘွန်းပျော်သွားပြီးကျနော့်ကိုဖက်သည်..ရတီပွင့်ကအနမ်းလှလှဆုချသည်..တကယ်တော့သောကမုန်တိုင်းမလာခင်လေပြေညှင်းလေးသာ...
-------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ