သမုဒယနေကြာ...(၆)

နောက်တနေ့နေ့လည်မှာတော့ဒေါ်မေရီတယောက်သင်းအုပ်ဆရာညွှန်ပြသောတတ်ကျွမ်းနားလည်သည့်ဆရာဆီသို့အရောက်သွားခဲ့သည်..အသက်၅၀ကျော်လူရည်သန့်သန့်ဆရာကအကျိုးအကြောင်းကိုသေချာစွာနားထောင်ပေးသည်..ဒေါ်မေရီ၏အိမ်လိပ်စာကိုမေးပြီးမကြာမီလိုက်လာခဲ့မည်ဆိုတာကြောင့်သူမအိမ်ပြန်ခဲ့သည်..

အိမ်ပြန်ရောက်ပြီးနာရီဝက်လောက်ကြာတော့ဆရာကသူ့ဂျစ်ကားလေးကိုမောင်းပြီးရောက်လာသည်..အိမ်ထဲရောက်တော့အိမ်ရှေ့ခန်းမှာငြိမ်သက်စွာထိုင်ပြီးအာရုံပြုနေလေသည်..အတော်ကြာအောင်အာရုံပြုပြီးမှမျက်လုံးပွင့်လာပြီးဒေါ်မေရီကိုမေးသည်..
-
ကာယကံရှင်ကလေးမလေးရော..
-
ကျောင်းသွားပါတယ်ဆရာ..
-
ကောင်းတယ်..ကျနော်သူ့အခန်းကိုတချက်လောက်ကြည့်လို့ရမလား..အဆင်ပြေရဲ့လား..
-
ရပါတယ်..ကျမလိုက်ပြပါ့မယ်..
-
ဆရာကသမီးလေးအခန်းထဲသေချာလိုက်ကြည့်ပြီးအာရုံခံသည်..ပြီးတော့ခေါင်းတညိတ်ညိတ်လုပ်ကာအောက်ထပ်ကိုပြန်ဆင်းလာသည်..
-
ဒီလိုရှိတယ်ညီမကြီးရဲ့...ညီမကြီးတို့အိမ်မှာဘာမကောင်းဆိုးဝါးမှတော့ရှိမနေဘူး..ဒါပေမယ့်သံယောဇဉ်တခုကြောင့်တခြားနေရာကနေရောက်လာတတ်တဲ့သဘောတော့ရှိတယ်..အခုချိန်တော့ဒီအိမ်နဲ့ခြံထဲမှာဘာမှကျနော်မတွေ့ဘူး..ညီမကြီးသမီးပြန်ရောက်ချိန်တော့မပြောတတ်ဘူး..ဒီတော့အခုကျနော်ညီမကြီးရဲ့ခြံပတ်လည်ကိုပရိတ်ကြိုးတားခဲ့ပေးမယ်..တခုခုထူးခြားရင်တော့မနက်ဖြန်ကျနော့်ကိုလာပြောပါ..ဒီနေ့တော့ညီမကြီးသမီးရဲ့အခြေအနေကိုတချက်စောင့်ကြည့်လိုက်ပေါ့..
-
ဆရာကတခြံလုံးပတ်လျှောက်ပြီးပရိတ်ချည်တားခဲ့ပေးသည်..ပြီးတော့မှပြန်သွားသည်..ဒေါ်မေရီလည်းရင်မောစွာဖြင့်သမီးအခြေအနေကိုဒီနေ့ညဂရုစိုက်ကြည့်ဖို့စဉ်းစားလိုက်သည်..ကိုယ့်သမီးလေးထက်အရေးကြီးတာမရှိဘူးလေ..
******************************************************************************************
ကျွန်မဒီနေ့ကျောင်းကပြန်တော့မိုးညိုကခြံဝအထိလိုက်ပို့ပြီးမျက်နှာပျက်သွားသည်..ဘာဖြစ်တာလဲမေးတော့သူမျက်မှောင်ကုတ်နေသည်..ကျွန်မခြံထဲဝင်သွားတော့သူလိုက်မ၀င်လာဘဲသူ့အိမ်ဘက်ကိုပြန်သွားသည်..ကျွန်မလည်းရေချိုးထမင်းစားပြီးကြောင်အိမ်ဖွင့်ကာမေမေကြော်ထားသောကြက်သားကြော်ကိုမိုးညိုအတွက်ပန်းကန်ထဲထဲ့လိုက်သည်..

အပေါ်ထပ်ကျွန်မအခန်းတံခါးကိုဖွင့်လိုက်တော့အခန်းကခြောက်သွေ့နေသည်..ခါတိုင်းလိုအပြုံးနဲ့ဆီးကြိုသောမိုးညိုမရှိ..ကောင်စုတ်..ဘယ်သဝေထိုးနေပြန်ပြီလဲမသိ..မိုးညိုအလာကိုစောင့်ရင်းတယောက်တည်းပျင်းရိစွာကျောင်းစာအုပ်ကိုဖွင့်လိုက်သည်..သင်္ချာနှစ်ပုဒ်တွက်ပြီးချိန်ထိမိုးညိုရောက်မလာတော့ကျွန်မနေမထိထိုင်မသာဖြစ်လာသည်..ဘာကြောင့်သူမလာတာလဲ..ဘာဖြစ်နေလို့လဲ..

အိမ်အောက်ထပ်ကိုအသာပြန်ဆင်းလာပြီးအရိပ်အခြည်ကြည့်လိုက်တော့ဖေဖေကတီဗွီရှေ့မှာ..မေမေ့ကိုတော့မတွေ့ရ..အပေါ်ထပ်မှာဖြစ်လိမ့်မည်..အိမ်နောက်ဖေးတံခါးကိုအသာဖွင့်ပြီးအပြင်ထွက်လိုက်သည်..အပြင်မှာတော့အတော်မှောင်နေပြီ..အမှောင်ထဲထွက်နေမကျတာကြောင့်နည်းနည်းတော့ကြောက်သွားသည်..

မိုးညိုတို့ခြံထောင့်ဘက်သစ်ပင်အိမ်လေးရှိတဲ့ဘက်ကိုအသာလျှောက်လာခဲ့သည်..လှမ်းကြည့်လိုက်တော့သစ်ပင်အိမ်လေးကမှောင်မဲနေသည်..အမှောင်ထဲမှသစ်ပင်အရိပ်များကစိတ်ခြောက်ခြားစရာ..မိုးညိုသနားပါတယ်..ဒီနေရာကအထီးကျန်ဆန်လိုက်တာ..တကယ်ဆိုအိမ်ထဲမှာနွေးနွေးထွေးထွေးနေသင့်တာ..မီးလည်းမထွန်းဘဲအမှောင်ထဲဘယ်လိုနေနေတာပါလိမ့်နော်..ရှိရောရှိရဲ့လား..အပြင်သွားလို့မီးမထွန်းတာလား..

မိုးညိုသစ်ပင်အိမ်လေးမှာနေတယ်ပြောထားပေမယ့်တခါမှကျွန်မလိုက်မကြည့်မိခဲ့..မိုးညိုကကျွန်မကျောင်းကပြန်ရောက်ချိန်ကနေအိပ်ချိန်ထိကျွန်မအနားမှာဘဲရှိနေတာကိုး..ဒီနေ့တရက်ဘဲမိုးညိုကျွန်မဆီရောက်မလာလို့လိုက်လာရတာ..မိုးညိုအိမ်ကကျွန်မကိုစကားမပြောတော့ကျွန်မလည်းအရင်လိုမိုးညိုအိမ်ကိုဝင်ထွက်လို့မရ..တကယ်ဆိုမိုးညိုမှမသေတာ..သူတို့ဘာကြောင့်ကျွန်မကိုရန်ငြိုးထားနေတာလဲစဉ်းစားလို့မရပါ..
-
မိုးညို...မိုးညို..နင်ရှိနေလား..
-
ခပ်အုပ်အုပ်လှမ်းခေါ်လိုက်သည့်ကျွန်မအသံအဆုံးမှာလေစိမ်းတချက်ဝေ့တိုက်လာတာကြောင့်ကျွန်မကြက်သီးထပြီးချမ်းသွားသည်..နောက်တခါထပ်ခေါ်မလို့ပြင်လိုက်တော့ကျွန်မရှေ့ကဟိုဘက်ခြံစည်းရိုးမှာမဲမဲအရိပ်ကြီး..ကျွန်မလန့်အော်မိတော့မလိုဖြစ်သွားပြီးသေချာပြန်ကြည့်တော့မိုးညို..မြန်လိုက်တာ..ခြေသံတောင်မကြားလိုက်ရဘူး..ရောက်လာတာ..
-
ဟဲ့..မိုးညို..နင်ကလည်းရှိနေရက်နဲ့နေနိုင်လိုက်တာ..ငါကတော့စောင့်နေရတယ်..ဘာလို့မလာတာလဲ..နင်ဘာဖြစ်နေလဲ..
-
တွေ့လိုက်ရင်စကားများတာအရင်ဘဲ..ငါလာမလို့ဟ..လာမရဖြစ်နေလို့..
-
ဘာဖြစ်လို့လာမရတာတုန်း..ပြောပါဦး..
-
စကားမရှည်နဲ့..နင်ရှေ့နည်းနည်းတိုးလာခဲ့..ခြံစည်းရိုးမှာတွေ့လားအပ်ချည်ကြိုး..အဲ့ဒါကိုဖြတ်ပြီးဝေးဝေးပစ်လိုက်..
-
အမလေး..အပ်ချည်ကြိုးကိုများဟယ်..ကိုယ့်ဖာသာဆွဲဖြတ်တောင်ရတာကို..
-
နင့်ဆီငါ့ကိုလာစေချင်လား..မလာစေချင်ဘူးလား..ငါမဖြတ်နိုင်လို့နင့်ကိုဖြတ်ခိုင်းတာပေါ့..ကဲပါ..ဖြတ်မှာဖြင့်ဖြတ်လိုက်..ဝေးဝေးပစ်လိုက်နော်..
-
အေးပါ..ကဲ..ဖြတ်လိုက်ပြီ..တကတည်း..နင်မရှိလို့ငါ့မှာပျင်းနေတာ..လာတော်မူ..
-
ငါဗိုက်ဆာနေပြီဟ..
-
ပူမနေနဲ့..ငါကြက်သားကြော်တွေနင့်အတွက်ယူထားတယ်..
-
နင်ကလေစကားများတာကလွဲရင်သူငယ်ချင်းကောင်းဘဲ..လာ..သွားမယ်..
-
ကျွန်မတို့နှစ်ယောက်ပျော်ရွှင်စွာရယ်မောပြီးကျွန်မအိမ်ထဲဝင်ခဲ့သည်..မိုးညိုကတော့ထုံးစံအတိုင်းကျွန်မအခန်းဝရံတာကကျော်ဝင်လိမ့်မည်...အိမ်နောက်ဖေးတံခါးဖွင့်လိုက်တော့မီးဖိုထဲမှာကျွန်မကိုမျက်မှောင်ကုတ်ပြီးစိုက်ကြည့်နေသောမေမေ့ကိုမြင်လိုက်ရတာကြောင့်ကျွန်မလန့်သွားသည်..ဘာပြောရမှန်းလဲမသိတာကြောင့်သွားဖြဲလေးနဲ့ရယ်ပြပြီးအိမ်ပေါ်ပြေးတက်ခဲ့သည်..တော်ပါသေးရဲ့..မေမေကဘာမှမပြောလို့...
---------------------------------------------------------------------------------By KK
ဆက်ရန်

Posted in: Stories, သမုဒယနေကြာ