သမုဒယနေကြာ...(၈)

ကျွန်မအိမ်ပြန်ရောက်တော့မေမေ့မျက်နှာကတမျိုးဖြစ်နေသည်..ဖေဖေနဲ့စကားများထားဟန်တူပါသည်..မေမေ့မျက်လုံးများကစိတ်မကောင်းဟန်အထင်းသားပေါ်နေသည်..မေမေဘာဖြစ်တာလဲမေးလို့ပြင်ပြီးမှကျွန်မလှည့်ထွက်ခဲ့သည်..မေးလိုက်မှမေမေပိုဝမ်းနည်းသွားမှာကိုကျွန်မ မလိုလားပါ..

အိမ်ပေါ်ထပ်ကိုတက်ပြီးကျောပိုးအိတ်ကိုပစ်ချလိုက်တော့လူကပေါ့ပါးသွားသည်..စောသေးလို့ဖြစ်မည်..မိုးညိုမရောက်သေးပါ..ကျွန်မလည်းကျောင်းဝတ်စုံကိုချွတ်လိုက်ပြီးရေချိုးဖို့ပြင်တော့သည်..ကျွန်မရေချိုး၊ထမင်းစားပြီးအပေါ်ပြန်တက်လာတော့လည်းမိုးညိုမရောက်လာသေးပါ..မနေ့ကလိုအပ်ချည်ကြိုါ်နဲ့ပြဿနာဖြစ်နေပြန်ပြီလားမသိပါဘူး..

ကျွန်မအခန်းပြင်ဝရံတာကိုထွက်လိုက်ပြီးတဖက်ခြံကိုလှမ်းမျှော်ကြည့်လိုက်သည်..မိုးညိုတို့အိမ်နောက်ဖေးမှာလူတွေချက်ပြုတ်လုပ်ကိုင်နေတာတွေ့လိုက်ရသည်..အလှူလုပ်ဖို့ပြင်နေတာလားမသိ..အလုပ်များနေတာမို့မိုးညိုမရောက်လာတာဖြစ်မည်..အောက်ထပ်ကိုကျွန်မပြန်ဆင်းခဲ့သည်..မနေ့ကလိုမိုးညိုကိုကျွန်မသွားခေါ်ရဦးမည်..

နောက်ဖေးတံခါးကိုတိတ်တိတ်လေးဖွင့်ပြီးကျွန်မအပြင်ထွက်ခဲ့သည်..မိုးညိုနေထိုင်ရာခြံနောက်ဘက်ထောင့်ကသစ်ပင်အိမ်လေးရှိရာဆီကျွန်မလှမ်းလာခဲ့သည်..အလိုလေး..ဘုရားသခင်..ကယ်မတော်မူပါ...သစ်ပင်အိမ်လေးကမြေပြင်ပေါ်မှာတစစီကြဲပြန့်လို့ပါလား..မိုးညိုရဲ့သစ်ပင်အိမ်လေးကိုဘယ်သူဖျက်သွားတာလဲ..မိုးညိုရောဘယ်ရောက်နေတာလဲ..

ကျွန်မစိတ်အရမ်းပူသွားသည်..မိုးညိုကိုခေါ်ကြည့်သည်..ထူးသံမကြားရတော့ကျွန်မမိုးညိုတို့ခြံစည်းရိုးကိုတိုးဝင်ဖို့လုပ်သည်..မနေ့ကမိုးညိုတိုးထွက်လာတော့လွယ်လွယ်လေး..ကျွန်မ၀င်ဖို့ကြိုးစားတော့ပုဏ္ဍရိပ်ခြံစည်းရိုးပင်တွေကသိပ်သည်းလှသည်..တိုးဖို့မလွယ်..မိုးညိုဘယ်လိုများတိုးထွက်ပါလိမ့်..
-
နင်တိုးမနေနဲ့..အသားတွေပွန်းကုန်လိမ့်မယ်..
-
ကျွန်မနောက်ကမိုးညိုအသံထွက်ပေါ်လာတာကြောင့်ကျွန်မ၀မ်းသာအားရလှည့်ကြည့်လိုက်သည်..မှုန်ဝါးသောအလင်းရောင်မှာမိုးညိုပါးပြင်ပေါ်မှာမျက်ရည်တွေစီးကျနေတာတွေ့လိုက်ရသည်..သူဘာဖြစ်လို့ပါလိမ့်..
-
ငါနင်မလာလို့လိုက်လာတာမိုးညို..နင့်ဘာဖြစ်လို့လဲဟင်..နင့်သစ်ပင်အိမ်လေးပျက်စီးသွားလို့လား..အရမ်းဝမ်းမနည်းပါနဲ့ဟာ..နင်အဲ့မှာနေလို့မရရင်ငါတို့အိမ်ကိုပြောင်းလာနေပေါ့..
-
နင့်အခန်းကိုတောင်ငါဝင်လို့မရတော့ဘူးဟ..နေ့လည်ကနင့်အမေလူကြီးတယောက်ခေါ်လာတယ်..သူပြောတော့ငါကသေပြီတဲ့..နင်နဲ့ဘ၀မတူတော့ဘူးတဲ့..ပြီးတော့ငါ့အိမ်လေးကိုလည်းဖြိုပစ်လိုက်တယ်..
-
ဟယ်..နင်အခုငါ့နားမှာရှိနေတာဘဲ..ဘယ်မှာသေလို့လဲ..
-
ငါလည်းသေချာမသိပါဘူးဟာ..ကားနဲ့တိုက်မိပြီးတော့ငါလည်းဘာမှမသိတော့ဘူး..ငါသတိရလာတော့ဆေးရုံမှာ...ငါလည်းနင့်ကိုသတိရလို့ထွက်လာတာ..အိမ်ရောက်တော့မမကလည်းငိုလို့...နင်ရောက်လာပြီးမမအော်တော့ငါလန့်သွားတာ..နင်နေမကောင်းဖြစ်နေတော့ငါစိတ်ပူတာနဲ့နင့်နားမှာစောင့်ပေးနေတာလေ..ငါ့အိမ်ကငါ့ကိုခေါ်သံကြားတော့မှငါသေသွားမှန်းသိတာ..နင်နားမှာအဖော်မရှိမှာစိုးလို့ငါလေသာဓုတောင်မခေါ်ခဲ့ပါဘူးဟာ..အခုတော့နင့်အမေကသိပ်ရက်စက်တာဘဲ..
-
နင်တကယ်သေသွားတာလားမိုးညိုရယ်..မဖြစ်နိုင်တာ..နင်ငါ့အနားမှာမရှိရင်ငါဘယ်သူ့ကိုအဖော်လုပ်ရမှာလဲ..နင်ငါ့အနားမှာဘဲနေပါနော်..
-
နေချင်တာပေါ့ဟာ..ဒါပေမယ့်မနက်ဖြန်ဆိုငါ့ကိုသူတို့နှင်ထုတ်တော့မှာ..နင့်ဆီကိုလည်းလာလို့မရတော့ဘူး..ငါလေနင်နဲ့အဝေးကြီးကိုမသွားချင်ပါဘူးဟာ..
-
ဟင့်အင်း..မသွားပါနဲ့..မသွားပါနဲ့မိုးညိုရယ်..ငါဘာလုပ်ပေးရမလဲ..ဘယ်လိုလုပ်ရမလဲဟင်..
-
ခုမှတော့ငါတို့ဘာမှမတတ်နိုင်တော့ပါဘူးဟာ..နင့်အနားမှာငါမရှိလည်းနင်စာကျက်နော်..စိတ်မြန်လက်မြန်လည်းလျှောက်မလုပ်နဲ့..ငါနင့်ကိုစိတ်မချဘူးဟာ..
-
ကျွန်မမိုးညိုကိုဖက်ပြီးအော်ငိုပစ်လိုက်သည်..ဘယ်သူကြားကြားဂရုမစိုက်နိုင်ပါ..ကျွန်မသူငယ်ချင်းလေးကိုကျွန်မမခွဲနိုင်ပါ..မေမေအရမ်းရက်စက်သည်..မိုးညိုကိုနေစရာမရှိအောင်လုပ်ပစ်သည်..မိုးညိုသေတာရှင်တာကျွန်မဂရုမစိုက်..သူကကျွန်မအတွက်တော့အင်မတန်ကောင်းသည့်တဦးတည်းသောသူငယ်ချင်းအဖော်..မုန်းသည်..မေမေ့ကိုမုန်းသည်..ရင်ထဲမှာအပူလုံးကြီးဆို့လာကာကျွန်မမျက်လုံးတွေပြာမိုက်သွားတော့သည်..
-------------------------------------By KK
ဆက်ရန်

Posted in: Stories, သမုဒယနေကြာ