ဒီရင်နားပါအရိုင်းလိပ်ပြာ..(၁၁)

သေလုမျောပါးနာကျင်လှသည့်ဝေဒနာကိုခံစားပြီးအားတင်းလျှောက်လာလိုက်တာတနာရီလောက်ခရီးပေါက်လာတော့တောကပိုနက်လာသလိုခံစားရသည်..အပေါ်ကပြုတ်ကျလာတော့ကျနော့်စခန်းချရာကိုဘယ်အရပ်မျက်နှာမှန်းကျနော်မဝေခွဲတတ်..မှန်းပြီးလျှောက်လာနေရတာဖြစ်သည်ဂဏာန်းတကောင်လမ်းလျှောက်သလိုကျနော်ဆက်လျှောက်နေသည်..

ကျနော်လဲကျမသွားအောင်သတိကြီးစွာထားနေရသည်...မြေကြီးပေါ်လဲကျလို့ကတော့လိပ်ပက်လက်လန်သလိုကျနော်ပြန်ထနိုင်မှာမဟုတ်တော့...ဒီတောနက်ကြီးထဲမှာမထနိုင်လို့ကတော့ကျနော့်ဇီဝိန်ကြွေသွားလိမ့်မည်..အချိန်ကညဘက်ကိုရောက်လာပြီ..ကျနော့်အမြင်တွင်တောနက်ကြီးသည်ကြောက်မက်ဖွယ်အသွင်သို့ကူးပြောင်းလာပြီ..ရှေ့ကိုအားတင်းပြီးကြိုးစားလျှောက်နေရတာမည်မျှကြီးမားသည့်ဝေဒနာကိုခံစားနေရတာပြောမပြတတ်အောင်ပင်..ရောက်နေသည့်နေရာကိုအကဲခတ်တော့သဘာဝကဖန်တီးပေးထားသောတောင်ကြားလေးဖြစ်နေတာတွေ့ရသည်..

ဒီတောင်ကြားလေးထဲအံ့သြစရာစမ်းချောင်းကလေးတခုစီးဆင်းနေတာတွေ့လိုက်ရသည်...စိတ်ထဲတွင်အတော်ကျေနပ်သွားပြီးနေရာကောင်းတခုကိုရွေးလိုက်သည်..ကျောက်တုံးကြီးကြီးတခုနားသစ်ပင်ငယ်တပင်ပေါက်နေသောနေရာဖြစ်သည်..ဒါမှကျနော်ပြန်ထဖို့လွယ်မည်လေ..ကျောက်တုံးကိုမှီရင်းဖြေးဖြေးချင်းလျှောချပြီးသက်သာသလိုလှဲလိုက်သည်..ဘေးလွယ်အိတ်ထဲနှိုက်လိုက်တော့မျောက်သားကင်တမြှောင်းကျနော်ထဲ့လာတာရှိနေသေးသည်..ဒါကိုဘဲအစာအာဟာရလုပ်လိုက်ရတော့သည်..ရေဘူးထဲကရေနည်းနည်းကိုသောက်သည်..

မနက်ကျမှစမ်းချောင်းကရေပြန်ဖြည့်တော့မည်..ဒဏ်ရာကသွေးအတော်ထွက်ထားတာမို့ကျနော်ပင်ပန်းလှပြီ..ဒီအချိန်မှာဘာကိုမှမကြောက်နိုင်တော့ပါ..ကျနော်အရမ်းမောနေပြီမို့မျက်လုံးကိုအသာမှိတ်ပြီးအိပ်ပျော်သွားတော့သည်..ခြေသံလိုလိုကြားလိုက်တာကြောင့်အိပ်နေရာကကျနော်လန့်နိုးသွားသည်..သစ်ပင်များကြားကဟိုတပြောက်ဒီတပြောက်ကျနေသည့်လရောင်ထဲတွင်ခြေသံရှင်ကိုကျနော်လိုက်ရှာနေမိသည်...နက်မှောင်နေသောအမှောင်ထုကသာလွှမ်းခြုံနေတာမြင်ရသည်..တဖြည်းဖြည်းနဲ့အသံကပိုပြီးနီးလာသည်..စမ်းချောင်းနားလေးကလျှောက်လာနေရာကကျနော်အိပ်နေသောဘက်ကိုခြေသံကရွေ့လျားလာသည်..

ကျနော့်တကိုယ်လုံးချွေးစေးတွေထွက်လာပြီးကြောက်ရွှံ့မှုကြောင့်မေးရိုက်ပြီးတုန်တုန်ခိုက်ခိုက်ခံစားလာရသည်..ကျနော့်သေမင်းလား..ရင်တွေတဒိန်းဒိန်းခုန်လာသံနှင့်အတူနီးကပ်လာသောခြေသံရှင်ကိုနောက်ဆုံးကြည့်ခြင်းနဲ့ကျနော်ထိတ်လန့်ကြောက်ရွံ့စွာကြည့်လိုက်သည်...စမ်းချောင်းနှင့်ကျနော့်ကြားတွင်ရပ်နေသောအရိပ်တခု..ဒရယ်တကောင်ကိုလရောင်မှုန်ဝါးဝါးမှာမြင်လိုက်ရသည်..ကျနော့်ကိုမြင်သွားဟန်ဖြင်ဒြရယ်ကတရှိန်ထိုးပြေးထွက်သွားသည်..

ဟူး...တော်ပါသေးရဲ့..စိတ်မောလူမောဖြင့်အသာပြန်လှဲနေလိုက်သည်..ခေါင်းကလည်းအလွန်ကိုက်နေသည်...အနာရှိန်နဲ့ကျနော်ဖျားပြီထင်သည်..ကိုယ်ထဲကအားအင်တွေကုန်ခန်းပြီးလူကစိတ်ဓါတ်ကျချင်လာသည်..ကျနော့်အတွက်သေဘေးကနီးကပ်လာပြီလို့ခံစားနေရသည်..ပြီးတော့ပြန်အိပ်ပျော်သွားပြန်သည်..

စိမ့်တက်လာသောအအေးဒဏ်ကြောင့်ကျနော်လန့်နိုးလာသည်..ဒီအတိုင်းဆက်အိပ်နေရင်တော့အအေးမိပြီးကျနော်သေသွားနိုင်သည်..လမ်းပြန်လျှောက်မှဖြစ်တော့မည်..ပင်လယ်ရေမျက်နှာပြင်ထက်ပေထောင်ပေါင်းများစွာမြင့်တဲ့ရှမ်းကုန်းမြေမြင့်ရဲ့အအေးဒဏ်ကတော့ကျနော့်ကိုနေ့ပိုင်းမှာသာနားနေအိပ်စက်ပြီးညပိုင်းကိုသွေးပူအောင်ခရီးနှင်ခိုင်းနေသလိုဖြစ်နေသည်..ကျနော်တို့စခန်းချသည့်နေရာဘက်ဆီကျနော်ဦးတည်နေမိရဲ့လားတောင်ကျနော်မပြောတတ်ပါ..ရန်ကုန်သားတယောက်သည်တောထဲမှာတော့စားမရသည့်မှိုတပွင့်လိုဘာမှအသုံးမ၀င်ဖြစ်နေပါရောလား..

လှဲနေရာကကြိုးစားထပြီးစမ်းချောင်းဆီကိုတရွေ့ရွေ့သွားသည်..ရေဘူးကိုရေဖြည့်ရမည်..ရေသည်ကျနော့်အသက်ဘဲဖြစ်သည်..စမ်းချောင်းရေကိုမျက်နှာကိုအနည်းငယ်ပက်ဆေးလိုက်သည်..ဒဏ်ရာကမနေ့ကလောက်မနာတော့ဘဲထုံကျဉ်ကျဉ်ခံစားမှုကိုပြောင်းလာသည်..ညကစားရင်းအနည်းငယ်ကျန်သည့်မျောက်သားကင်ကိုပါးစပ်ထဲထဲ့ပြီးဝါးနေလိုက်သည်..ဒါနောက်ဆုံးလက်ကျန်စားစရာ..

ကျနော်အပေါ်ကိုပြန်တက်နိုင်ဖို့ကြိုးစားရမည်..တောင်ကုန်းကမ်းပါးယံကိုပြန်တွယ်တက်ဖို့ကျနော်ကြိုးစားသည်..ဒဏ်ရာကမီးစနဲ့ထိုးသလိုအခံရခက်စွာနာလာပြန်သည်..နာကျင်မှုကြောင့်ချွေးသီးချွေးပေါက်တွေပင်ထွက်လာသည်..ဒီအောက်မှာကျနော်အချိန်မရွေးသေသွားနိုင်သည်..အသက်ဘေးမို့ဒဏ်ရာကိုအနာခံပြီးအပေါ်တက်နိုင်ဖို့သာဆက်ကြိုးစားနေမိတော့သည်..

ဒဏ်ရာကပြင်းထန်သောနာကျင်မှုကိုပေးနေချိန်မှာတောင်ရှမ်းပြည်နယ်၏တောတွင်းအလှကိုကျနော်မြင်နေရသေးသည်..သစ်ပင်ထိပ်ဖျားတို့ဆီမှအလင်းရောင်ဖက်လုလာသောပြာလဲ့လဲ့ကောင်းကင်ကကြယ်ရောင်တွေကမပျောက်သေးဘဲလင်းလက်နေတုန်း..မနက်လေးနာရီလောက်ရှိပြီထင်သည်...ကြယ်တွေလင်းနေပုံကကျောက်မျက်တွေကိုဖြန့်ကြဲထားသလိုတောက်ပလွန်းနေသည်..ကျနော့်လက်ကိုအသာမြှောက်ကြည့်တော့ကောင်းကင်ကကြယ်တွေနဲ့ထိမိနေသလိုလိုတောင်ခံစားရသည်...

ခပ်ဝေးဝေးကတောင်တို့၏အရိပ်ကအမဲရောင်ပန်ချီကားတချပ်ပမာစိန်မှုန်ကြဲသောကောင်းကင်ကိုနောက်ခံပြီးထင်းထင်းကြီးဖြစ်နေသည်..အနက်ရောင်ကိုအနုအရင့်ခြယ်သောပန်းချီကားတချပ်ပမာသဘာဝအလှတို့ကအံ့မခန်းဖန်တီးထားသည်...
----------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ