ဒီရင်နားပါအရိုင်းလိပ်ပြာ..(၁၀)

ကျနော်ထပြီးတောင်ကုန်းဆီကိုပြန်တက်နိုင်မှဖြစ်တော့မည်..ကျနော်ဒီအောက်ပြုတ်ကျလာတာဘယ်သူမှသိလိုက်ပုံမရ..မှောင်လာရင်မုဆိုးတွေလည်းကျနော့်ကိုဆက်ရှာပါ့မလား...ကျနော်တို့အဖွဲ့တွင်လောက်လောက်လားလားအားကိုးစရာကမုဆိုးနှစ်ယောက်သာရှိသည်..သူတို့ကရောဒီတောင်ကုန်းအောက်ကိုဆင်းလာပါ့မလား...အပေါ်ကိုပြန်တက်နိုင်ဖို့ခပ်ပြေပြေဆင်ခြေလျောနေရာရှာမှဖြစ်တော့မည်..

ကျနော်အပေါ်ကိုပြန်တက်ဖို့အားမွေးလိုက်သည်..အပေါ်ပြန်တက်ဖို့ဆိုတာကလည်းကိုယ့်ခြေထောက်ကိုကိုယ်အားကိုးပြီးလမ်းလျှောက်တက်နိုင်မှဖြစ်မည်...ညာဘက်ကိုကျနော်စောင်းလိုက်သည်..မြေပြင်မှာလက်ထောက်ပြီးတကိုယ်လုံး၏အလေးချိန်ကိုလက်ပေါ်မှာအားပြုထားလိုက်သည်...ပြီးတော့ညာဘက်ခြေထောက်ကိုကွေးလိုက်သည်..ခြေထောက်ကွေးမိသည်နှင့်လက်နှင့်ခြေထောက်ကိုအားပြုပြီးခပ်ကုန်းကုန်းအနေအထားမှမတ်တတ်ရပ်ကြည့်လိုက်သည်..

ဒဏ်ရာကဆိုးဆိုးရွားရွားနာကျင်လွန်းတာကြောင့်မထိန်းနိုင်မသိမ်းနိုင်တချက်အော်ပစ်လိုက်သည်..အလွန်တရာချွန်ထက်သောဆူးတချောင်းနဲ့ထိုးသွင်းထားသလိုနာလှသည်...အံကိုခပ်တင်းတင်းကြိတ်ပြီးပြန်လဲကျသွားသည်..အလွန်ခံစားရခက်လှသောဝေဒနာဆိုးကြီးပါတကား...တကိုယ်လုံးချွေးတွေတောင်ရွှဲလာသည်..ကျနော်မတ်တတ်ရပ်နိုင်ဖို့တစုံတယောက်၏အကူအညီကိုရမှဖြစ်မည်..မတ်တတ်ရပ်နိုင်မှသာကျနော်အပေါ်ပြန်တက်ဖို့လမ်းရှာနိုင်မည်...

ဒဏ်ရာကနာကျင်လွန်းလို့ကျလာသည့်မျက်ရည်...စိတ်တွေချောက်ခြားပြီးဒေါသတွေထွက်လာတာကြောင့်ကျရသည့်မျက်ရည်များကမျက်လုံးထဲမှာအိုင်ထွန်းနေပြီ..ကောင်းသည့်ခြေထောက်ကိုအားပြုပြီးထရပ်ဖို့ကြိုးစားပြန်သည်..မြေပြင်ပေါ်နောက်တခါပြန်လဲကျသွားသည်..နာကျင်သည့်ဝေဒနာတို့ကမချိမဆန့်...ဘေးကမြက်ပင်တွေကိုဆွဲဆုပ်ပြီးနှုတ်နေမိသည်...

သည်အတိုင်းအတော်ကြာလဲလျောင်းပြီးနာကျင်သည့်ဝေဒနာသက်သာအောင်ခဏငြိမ်နေလိုက်သည်...ကဲ..ခုတော့ဘုရားလက်ဘဲကျနော့်ကိုယ်ကျနော်အပ်ရတော့မှာဘဲ..တကယ်တော့ဘုရားတရားအကြောင်းကိုကျနော်အများကြီးသိလှတာလည်းမဟုတ်..ဘာဘဲဖြစ်ဖြစ်ဘုရားလက်ကိုကျနော့်ကိုယ်ကျနော်အပ်လိုက်ပါပြီ..စိတ်ထဲမှာလုံခြုံနွေးထွေးသောစိတ်ခွန်အားတိုးလာသည်..

ဝေဒနာအနည်းငယ်သက်သာလာတာနဲ့ရှေးနည်းတူမတ်တပ်ရပ်ဖို့ကြိုးစားလိုက်ပြန်သည်..သည်တကြိမ်တွင်လည်းရှေးနည်းတူမြေပြင်ပေါ်သို့အရုပ်ကြိုးပြတ်ပြန်လဲကျသွားသည်...သည်အတိုင်းတော့မဖြစ်နိုင်သေးပါ..နည်းလမ်းတော့ရှိရမည်..ထိုနည်းလမ်းကိုရှာဖွေရလိမ့်မည်..ဒါမှမမှောင်ခင်ကျနော်လမ်းရှာနိုင်လိမ့်မည်..ဘေးဘီကိုလှည့်ကြည့်တော့သစ်ကိုင်းခြောက်တချောင်းကျနေတာတွေ့သည်..ကျနော်ကျလာစဉ်ကတိုက်မိပြီးကျိုးကျလာတာဖြစ်မည်ထင်သည်..သစ်တိုင်းထိပ်စကကျနော့်ပေါင်ကိုစိုက်သွားပါလိမ့်မည်..ခုတော့ဒီသစ်ကိုင်းကိုဘဲကျနော်ပြန်ဆွဲယူနေရသည်..ရပြီ..

ပတ်ဝန်းကျင်ကိုလှည့်လည်စူးစမ်းကြည့်သည်...ထိုအခါကျမှကျနော်ရှိနေသည့်ချိုင့်ဝှမ်းလေး၏နောက်ဘက်ပိုင်းရေတိုက်စားထားသောတူးမြောင်းလေးလိုပုံကိုတွေ့လိုက်သည်...ဘေးကမြေကမ်းစောက်ကတော့ငါးပေလောက်မြင့်နိုင်သည်..သစ်ကိုင်းကိုကိုင်ပြီးမြောင်းရှိရာကိုတွားလာခဲ့သည်..ထိုနေရာရောက်တော့မြောင်းကမ်းပါးမှာသစ်ကိုင်းကိုထောင်သည်..ကိုင်ရတာမနာအောင်သစ်ကိုင်းတဖက်ထိပ်ကိုကျနော်ဦးထုပ်ကိုချွတ်ပြီးချည်လိုက်သည်..လက်တဖက်ဖြင့်မြောင်းနံရံကိုအားယူပြီးကျန်လက်တဖက်ဖြင့်သစ်ကိုင်းကိုအားပြုလိုက်သည်...

ဖြည်းဖြည်းချင်းမတ်တတ်ရပ်ကြည့်သည်..ဒဏ်ရာကအလွန်နာကျင်လှသည့်ဝေဒနာပေါ်လာပြန်သည်..လက်လှမ်းမှီရာသစ်ပင်ငယ်များသစ်မြစ်များကိုလက်နဲ့ဆွဲယူဆုပ်ကိုင်အားပြုပြီးမတ်တတ်ရပ်ရသည်..ကျနော့်ကြိုးပမ်းချက်အောင်မြင်သွားပြီ...မြေပြင်ပေါ်မတ်တတ်ရပ်နိုင်သည့်အနေအထားကိုရောက်ရှိသွားပြီ..တောကလည်းတဖြည်းဖြည်းမှောင်ရီပျိုးလာပြီ...

ကျနော်အများကြီးသတိကောင်းနေသေးသည်...ကျနော်ရှေ့တူရှုသို့ဒယိမ်းဒယိုင်နဲ့ခြေလှမ်းလာခဲ့သည်..သည်တောနက်ကြီးထဲအခုတော့ကျနော်တယောက်တည်း..သွေးဆာနေသောတောရိုင်းတိရိစ္ဆာန်တွေရှိနေနိုင်သည်...အဆိပ်ပြင်းသောမြွေတွေလည်းရှိနေနိုင်သည်..သည်လိုဆိုတော့လည်းဒီတောကြီးအတွင်းမှာကျနော်တယောက်တည်းအထီးကျန်ဟုမဆိုနိုင်တော့ပါ..မတ်မတ်မရပ်နိုင်သည့်ဒဏ်ရာနဲ့ဒုက္ခိတဘ၀တခုသာပြောစရာရှိသည်..

ကျနော်လမ်းလျှောက်နေပုံကရယ်စရာတော့ကောင်းလှသည်..ရှေ့ကိုတည့်တည့်မတ်မတ်သွားနိုင်ခြင်းမရှိ...ဟိုယိုင်သည်ထိုးဖြင့်ကွေ့ကောက်သွားနေသည်..ခြေလှမ်းလိုက်တိုင်းနာကျင်မှုကိုခံစားနေရသည်...ကုန်းအမော့လေးတခုကိုရောက်တော့အလွန်တရာမောပန်းနွမ်းနယ်နေပြီ..ကိုယ်ထဲကအားအင်တွေလည်းကုန်ခန်းသွားပြီဟုထင်နေရသည်..မြေပြင်ပေါ်လှဲချပြီးအနားယူချင်ပေမယ့်ကျနော်အခြေအနေကမြေပေါ်လှဲပြီးရင်ပြန်ထနိုင်ဖို့မလွယ်..မတ်စောက်သောကမ်းပါးတခုရှိမှထနိုင်လိမ့်မည်..သည်တော့လည်းနာကျင်ပင်ပန်းလှသည့်ဝေဒနာကိုအံကြိတ်ပြီးခက်ခဲစွာတလှမ်းချင်းဆက်လျှောက်နေရသည်...
------------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ