ဒီရင်နားပါအရိုင်းလိပ်ပြာ..(၈)

ဒီနေ့တော့ငှက်ကြည့်ဖို့ကျနော်ပါဆရာတို့နဲ့လိုက်ခဲ့သည်..တောထဲမှာငှက်တွေကတော့ဘာသာဘာဝပျံလိုက်ဝဲလိုက်ပါ..ဂျာမန်ကြီးတွေနဲ့ဆရာကတော့မှန်ပြောင်းနဲ့လိုက်ကြည့်လိုက်၊ဓါတ်ပုံရိုက်လိုက်နဲ့အလုပ်ရှုပ်နေသည်..ဂျာမန်တွေလက်ထဲမှာတော့ဓါတ်ခဲနဲ့သုံးရတဲ့လက်တ၀ါးသာသာလက်တော့ပိစိကွေးလေး..ငှက်နဲ့ပတ်သက်သောအချက်တွေဘဲထဲ့ထားပုံရသည်..ကျနော်ကတော့သူငယ်ချင်းကျော်စိုးမိုးဝင်လို့သာလိုက်ဝင်တာ..ငှက်ကြည့်တာဝါသနာပါပေမယ့်သူတို့တွေလိုတော့အချိန်ကုန်ငွေကုန်လူပင်ပန်းခံပြီးလေ့လာရလောက်အောင်အထိလည်းဝါသနာမကြီးပါ..

ဒီတော့ဆရာတို့ငှက်ကြည့်နေတဲ့မလှမ်းမကမ်းမှာမုဆိုးနှစ်ယောက်နဲ့အတူကျနော်လည်းယောင်ခြောက်ဆယ်ပေါ့..မုဆိုးတွေကတော့ပတ်ဝန်းကျင်ကိုသတိနဲ့လေ့လာနေကြသည်..စကားလည်းသိပ်မပြော..ပြောစရာရှိတာကိုသူတို့အချင်းချင်းရှမ်းလိုခပ်တိုးတိုးပြောတော့ကျနော်နားမလည်..ကျနော့်မှာငှက်တွေမော့ကြည့်လိုက်၊ဘေးဘီကြည့်လိုက်နဲ့အတော်ပျင်းလာသည်..

ဒါကြောင့်မုဆိုးတွေနားသွားပြီးစကားပြောဖို့ကြံတော့မုဆိုးကအပင်မြင့်ဆီမော့ကြည့်နေရင်းကလက်ကာပြသည်..သူကြည့်သည့်နေရာကျနော်လိုက်မော့ကြည့်တော့ဘာမှမတွေ့..မုဆိုးကတော့ဒူးလေးနှင့်အကျအနချိန်နေသည်..မြှားတံပြေးထွက်သွားပြီးအပင်ပေါ်ကတောကောင်တကောင်ဘုတ်ဆိုသောအသံနှင့်မြေကြီးပေါ်ကျလာသည်..မျက်စိသာမလျှင်တာ..စပ်စုချင်သောကျနော်ပြေးကောက်ပါသည်..ကြောင်တကောင်..အိမ်ကြောင်တွေထက်အကောင်ပိုထွားပြီးမျက်နှာကစုတ်ချွန်းချွန်းနိုင်သလိုလို..၅ပိဿာလောက်တော့အောက်ထစ်ရှိမည်..

တောထဲမှာတောကောင်သားစားရတော့မှာမို့ကျနော်ကတော့ပျော်သွားသည်..မုဆိုးကတောကြောင်အသေကောင်ကိုလက်ထိပ်ခြေထိပ်နဲ့နားရွက်ဖျားတို့ကိုဓါးနဲ့နည်းနည်းစီခုတ်ပြီးပစ်လိုက်သည်..ပြီးတော့ခြေထောက်ဒခေါက်ခွက်ကြောကိုဓါးနဲ့လှီးသည်..သစ်ကိုင်းတခုဖြတ်ပြီးကြောင်ကိုခြေလက်ကြိုးတုတ်ပြီးသစ်ကိုင်းမှာချည်လိုက်သည်..တောထဲမှာဒီလိုမလုပ်လျှင်သေသည့်အကောင်ကအပမှီပြီးပြန်ထပြေးတတ်သည်ဆို၏..ဒါလည်းကျနော်မသိသေးသောမှတ်စရာပေါ့..

ဒီနေ့မပြန်ခင်နောက်မုဆိုးကမျောက်တကောင်ပစ်ချလိုက်နိုင်ပြန်သည်..ကျနော့်ကိုမျောက်ချေးခါးဟင်းချက်ကျွေးမည်ဆိုဘဲ..ကြားရုံနဲ့ကျနော်တွန့်သွားသည်..မျောက်ချေးကိုဟင်းချက်စားမှာကျနော်ရွံတယ်ဆိုတော့မုဆိုးကရီသည်..မျောက်ဆိုတာတောထဲမှာအရွက်အညွှန့်အနုလေးတွေ၊သစ်ဥသစ်ဖုတွေစားတာမို့သူတို့အူထဲကအစာကအလွန်ဆေးဘက်ဝင်ကြောင်းရှင်းပြသည်..သူတို့ကမျောက်ကိုရရင်မျောက်ချေးခါးပါသောအူကိုအခြောက်လှမ်းထားပြီးဟင်းချက်တော့မှနည်းနည်းစီထဲ့ချက်လျှင်အလွန်အနံ့မွှေးပြီးအရသာရှိလှသည်ဆိုလေ၏..

နေ့လည်စခန်းပြန်ရောက်တော့ကိုရှမ်းကြီးချက်ထားသည့်ထမင်းနှင့်အသားဘူးဖောက်ကိုဘာရွက်မှန်းမသိတာနဲ့ရောကြော်ထားတာနဲ့စားဖြစ်သည်..သိပ်တော့မဆိုးလှ..ကိုရှမ်းကြီးကြောင်နဲ့မျောက်ကိုင်တာကိုကျနော်သွားစပ်စုသည်....ကြောင်ကိုမီးဖိုပေါ်တွင်ဝါးနှစ်ခြမ်းနဲ့ညှပ်ပြီးမီးသင်းနေသည်...ကြောင်မွေးများမီးလောင်ကုန်သည်..အမွှေးကုန်လောက်မှကြောင်ကိုဓါးနဲ့တကိုယ်လုံးခြစ်သည်..ခေါင်းဖြတ်ဗိုက်ခွဲအူထုတ်ပြီးဖက်ပေါ်ပုံလိုက်သည်..အသဲကိုယူပြီးသတ်သတ်ဖယ်သည်..

ကျနော်ကအသဲကိုမယူဘူးလားဆိုတော့အသဲထဲ့ချက်လျှင်ကြောင်သားဟင်းသည်အလွန်ညှီသည်ဆိုသည်..ကြောင်၏ကျောကုန်းကိုဓါးနဲ့ခွဲပြသည်..ပိုက်ကွန်သဏ္ဍာန်အဆီပြင်ပါးပါးတခု...ကြောင်အသဲကိုစားချင်လျှင်ထိုအဆီပြင်ကိုအရင်ခွာပြီးအိုးထဲမှာအပူပေး..ဆီဖြစ်လာတော့ကြောင်အသဲကိုထဲ့ကြော်..ပြီးမှဟင်းချက်တဲ့ထဲထဲ့ရင်တော့မညှီဘူးဆိုသည်..ခုတော့တောထဲမှာကရိကထများတာအချိန်မပေးနိုင်လို့ပစ်လိုက်ရပြီ..မျောက်ကိုလည်းခေါင်းဖြတ်ပြီးအရေခွံဆုတ်သည်..မျောက်အရေခွံကိုတော့မပစ်ဘဲဘေးမှာချထားသည်..ကိုရှမ်းကြီးတောကောင်နှစ်ကောင်ကိုင်ပြီးတော့ချက်ဖို့ပြင်ရင်းကကျနော့်ကိုရေစပ်နဲ့မနီးမဝေးကခပ်ပြောင်ပြောင်ဖြစ်နေသောမြေနေရာလေးကိုခေါ်သွားသည်..

ထိုပြောင်တင်းတင်းနဲ့ကျစ်နေသောဖြူပြာမွဲမွဲအရောင်သန်းသည့်မြေကဆားကျစ်တွင်းတဲ့..တိရိစ္ဆာန်တွေဆားဓါတ်လိုရင်လာလျက်တဲ့နေရာဟုပြောသည်..အခုတော့ဓါးမနှင့်ထိုဆားကျစ်မြေနည်းနည်းခြစ်ထားပေးပါဟုပြောသည်..အတော်မာကျစ်သောမြေမို့ကျနော်ချွေးတောင်စို့သွားသည်..ကိုရှမ်းကြီးကမျောက်အရေခွံကိုဆားကျစ်မြေအပြည့်သုတ်ပြီးလိပ်သည်..ပြီးတော့ကြိုးနဲ့စည်းထားလိုက်သည်..တွင်းတခုတူးပြီးတောကောင်ဘေးထွက်ပစ်ရမည့်အစိတ်အပိုင်းများကိုမြုပ်ပါတော့သည်..

မျောက်သားများကိုတော့အမြှောင်းလိုက်လှီးပြီးမီးဖိုပေါ်မှာဝါးတန်းနဲ့ကျပ်တင်ထားသည်..ညစာကတော့မြို့ပေါ်မှာမရနိုင်သောတောကြောင်သားချက်..ကြောင်အရေခွံက၀က်ခေါက်ထက်တောင်ကောင်းသေး..တထုတ်ထုတ်နဲ့ဝါးကောင်းလှသည်..မျောက်ချေးခါးဟင်းကတော့ခါးသက်သက်အရသာနဲ့ခပ်မွှေးမွှေး..ကျနော်ကတော့သိပ်မကြိုက်လို့နည်းနည်းဘဲစားပြီးတောကြောင်သားဘဲအ၀တွယ်တော့သည်..ဆရာနဲ့ဂျာမန်ကြီးတွေတော့ကျန်းမာရေးကောင်းသည်ဆိုကာအတော်အားပေးကြပါသည်..

မိုးချုပ်လာတာမို့မနေ့ကလိုဘဲလင့်စင်ပေါ်တက်နေကြရသည်..အတော်မှောင်မဲလာချိန်မှာကျနော်တို့စခန်းချရာနဲ့မနီးမဝေးက၀ါးရုံတွင်မီးသီးတွေထွန်းထားသလိုအလင်းရောင်လေးတွေအများအပြားပေါ်လာတာတွေ့တော့မုဆိုးကိုလက်ကုတ်ပြလိုက်သည်..မုဆိုးက၀ါးမီးစုန်းဟုပြောပြသည်..တခါတရံမှပေါ်တတ်ပြီးမင်းကံကောင်းလို့မြင်ရတာဆိုသည်..ဆရာနဲ့ဂျာမန်တွေလည်းလေ့လာနိုင်အောင်မုဆိုးကအခြေအနေကိုအကဲခတ်ပြီးလှေကားပြန်ချပေးလိုက်ပါသည်..

အောက်ရောက်တော့မီးပုံကိုမီးထပ်ထဲ့ပြီးလှမ်းမြင်နေရတဲ့ဝါးရုံနားကိုသွားကြည့်ကြသည်..၀ါးရွက်ဖျားလေးတွေမှာမီးလေးတွေထွန်းထားသလိုအလင်းရောင်ထွက်ပေါ်နေတာတွေ့ရသည်..ပတ်ဝန်းကျင်တခုလုံးလင်းလောက်အောင်မစူးရှဘဲသူ့ဝါးပင်နားတွင်သာခပ်မှိန်မှိန်အလင်းရောက်ပါသည်..၀ါးပင်အားလုံးလင်းနေတာမဟုတ်ဘဲတပင်ထဲကသာလင်းနေခြင်းဖြစ်သည်..ကြာကြာစိုက်ကြည့်လျှင်မှိန်ပြီးပျောက်ကွယ်သွားသလိုထင်ရပြီးမျက်လုံးကိုခနမှိတ်ပြီးပြန်ဖွင့်လိုက်တော့နဂိုအတိုင်းလင်းနေတာတွေ့ရပြန်သည်..ထူးဆန်းပေစွ..

မုဆိုးကကျနော်တို့ကိုသိပ်ကြာကြာမနေစေဘဲလင့်စင်ပေါ်ပြန်တက်ကြဖို့ပြောလာသည်..ထုံးစံအတိုင်းဂျာမန်ကြီးကတော့ဓါတ်ပုံရိုက်ယူနေသေးတာပေါ့..လင့်စင်ပေါ်ပြန်တက်လာပြီးဝါးရုံဆီမျှော်ကြည့်တော့သီတင်းကျွတ်မီးထွန်းထားသလိုမီးရောင်လေးတဖျတ်ဖျတ်မြင်နေရတုန်း..မနက်ကျနော်နိုးတော့အရင်ဆုံးကြည့်မိတာဝါးရုံဆီ...ဘာမှမထူးခြား..တူညီသောဝါးပင်များသာ..ဘယ်အပင်ကမီးရောင်ထွက်တာပင်မသိရတော့..တော၏မာယာကတော့သဲကိုးဖြာမကအောင်များလှပါသည်..
---------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ