ကျွန်တော်တို့ယောက်ျားလေးဘီယာဝိုင်းဆိုတာသတင်းစုံသည်..အကြောင်းအရာစုံသည်..ဗဟုသုတလည်းများပြီးရယ်မောပျော်ရွှင်စရာလည်းများသည်..ဂဏန်းကားမောင်းသမားတွေကအသက်အရွယ်စုံ၊နယ်စုံကဖြစ်တော့ဘီယာသောက်ရင်းကိုယ့်အတွေ့အကြုံ၊သူ့အတွေ့အကြုံလည်းဖလှယ်ကြသည်..ပြောပြကြသည်..ကျွန်တော်တို့အတွက်တော့ကားလောက၏မှတ်သားစရာအစုံစုံပေါ့ဗျာ..
မြန်မာလူမျိုးတွေ၏တီထွင်ဆန်းသစ်တတ်သောညာဏ်ကောင်းချက်ကလည်းလက်ဖျားခါလောက်စရာဖြစ်သည်..အခက်အခဲနဲ့ကြုံလေညာဏ်ပိုထွက်လေဖြစ်သည်..အခုလည်းဘီယာသောက်ရင်းကျွန်တော့်ထက်ကြီးသောဘ၀တူကားသမားအကိုကြီးများ၏ကြုံရဆုံရအဖြစ်အပျက်များပြောပြတာကိုနားထောင်နေကြသည်..အသက်အကြီးဆုံးအကိုကြီးထွန်းဝေကပြောပြသည်..
-
ငါဒိုင်နာကြီးမောင်းတုန်းကပေါ့ကွာ..မင်းတို့ဒီခောတ်ကောင်တွေကတော့ဆာဘိုဘရိတ်လောက်မြင်ဖူးတာကိုး..ငါတို့တုန်းကတော့အဲ့လိုမဟုတ်ဘူးကွ..တခါငါမိတ္ထီလာဘက်ကိုမောင်းတုန်းကပေါ့..လမ်းမှာဘရိတ်ကဖောက်ရောဟေ့..မာချက်ကွာ..ကိုယ်ရပ်ချင်တဲ့နေရာကိုကိုက်တရာလောက်ကတည်းကဘရိတ်ကိုနင်းထားရတာကိုး..ခြေထောက်တွေတောင်ကိုက်တယ်..
ငါလည်းဒီတိုင်းဆိုဆက်သွားရင်ဒုက္ခများတော့မယ်ဆိုတာသိတယ်လေ..ဘရိတ်ကလေမချုတော့တာထင်ပါတယ်ကွာ..
ဒီတော့လူနေအိမ်ခြေနည်းနည်းနီးတဲ့နေရာမှာကားရပ်ရတာပေါ့..လိုတာလေးဘာလေးရှိရင်အကူအညီတောင်းလို့ရအောင်..ကားရပ်ပြီးဘရိတ်ကိုဖြုတ်တယ်..ကားအကြောင်းအရမ်းသိလို့တော့မဟုတ်ဘူးပေါ့ကွာ..နည်းနည်းပါးပါးတီးခေါက်မိရုံပါဘဲ..ကိုယ့်ဖာသာအားကိုးရမှာဆိုတော့အဖော်ပါလာတဲ့ကောင်နဲ့နှစ်ယောက်ဖြုတ်ကြတာကိုး..
အဲ့မှာခြောက်လုံးပြူးဆုံလည်လိုဟာမျိုးလေးတွေ့တယ်ကွ..အထဲမှာကာဗွန်ချောင်းလေးတွေနဲ့..ဆိုးတာကငါ့ကားကဟာမှာကာဗွန်ချောင်းကတချောင်းဘဲကျန်တော့ပြီးကျန်တာတွေကကြေနေပြီ..ဒါကြောင့်လေမစုပ်တော့ဘရိတ်မာနေတာဖြစ်မယ်လို့ငါလည်းတွက်လိုက်တယ်..
လမ်းခရီးမှာဆိုတော့သွားဝယ်ဖို့ကလည်းအချိန်ကြာတာကိုး..ငါကအဲ့အပေါက်လေးကိုကြည့်တော့ကာဗွန်ချောင်းလေးနဲ့ကွက်တိပိတ်ထားတာကိုး..
ဒါနဲ့နီးရာအိမ်တွေမှာဝါးလုံးပိုင်းလေးရှာပြီးတောင်းရတာပေါ့ကွာ..ပြီးတော့မှကာဗွန်ချောင်းနဲ့ရွယ်တူရအောင်ဖြတ်..ချောပြီးလုံးသွားအောင်သပ်..သေချာအောင်ကားပေါ်ပါလာတဲ့ကော်ပတ်စလေးနဲ့တောင်ချောနေအောက်တိုက်ပေးလိုက်သေးတယ်..ပြီးတော့ဆုံလည်အပြည့်ဝါးချောင်းလေးတွေကိုသေချာတိုင်းဖြတ်ပြီးကွက်တိထည့်လိုက်တာကွာ..ပြန်တပ်ပြီးမောင်းကြည့်တော့အိုကေဘဲမောင်..ဘရိတ်ကမဆိုစလောက်နည်းနည်းမာတာကလွဲရင်အော်ရီဂျင်နယ်အတိုင်းဘဲ..ငါအဲ့ဒီကားရောင်းလိုက်တဲ့အချိန်ထိကာဗွန်ချောင်းနေရာမှာအဲ့ဝါးချောင်းလေးတွေနဲ့ဘဲ..
-
ဟားဟား..ကိုထွန်းဝေကြီးနည်းကလည်းမိုက်သားဗျ..ကျွန်တော်လုပ်ခဲ့တဲ့နည်းလေးလည်းပြောပြဦးမယ်..
-
လုပ်စမ်းပါသန်းမင်းရာ..မင်းနည်းလေးလည်းသိရအောင်..
-
ကျွန်တော်ကတော့ကိုထွန်းဝေကြီးနဲ့မတူဘူးဗျ..ကားရေတိုင်ကီကရေပိုက်ပေါက်ပြီးရေယိုတာဗျ..ကားအင်ဂျင်ကပူလာတာအချက်ပြတော့ကျွန်တော်လည်းကားရပ်ပြီးစက်ဖုံးဖွင့်လိုက်တာရေငွေ့တွေလုံးတက်လာတာများကျွန်တော်တောင်လန့်သွားတယ်..ကြည့်လိုက်တော့ရေပိုက်ကပေါက်ပြီးအဲ့နေရာကရေတွေထွက်နေတာကိုး..ရေပိုက်ပေါက်တာကိုဘယ်လိုလုပ်ရမလဲတော်တော်ခေါင်းကိုက်သွားတာဗျို့..
နောက်တော့စဉ်းစားလို့ရမိသလောက်နဲ့ကားပေါ်ပါလာတဲ့ကျွန်တော့်ပုဆိုးဟောင်းကိုအကျယ်လက်သုံးလုံးလောက်နဲ့အစရှည်ရအောင်ဖြဲလိုက်ရတယ်..အောက်နားပေါ့ဗျာ..ပြီးတော့မှကားပေါ်ပါတဲ့အမဲဆီဘူးကိုယူပြီးကျကျနနသုတ်တာ..နှစ်ဘက်လုံးကိုစေးနေအောင်သုတ်ပြီးပိုက်ပေါက်တဲ့နေရာကိုအထပ်ထပ်ပတ်လိုက်တယ်..ပြီးတော့ပြုတ်မထွက်အောင်အပေါ်ကကြိုးတချောင်းနဲ့ခပ်တင်းတင်းချည်..ပြီးတော့မှရေတိုင်ကီကိုရေပြန်ဖြည့်ပြီးမောင်းတာ..ကိုထွန်းဝေကြီးလိုဘဲ..ပြန်ကိုမပြင်မိတော့ဘူး..ပျင်းတာလည်းပါတာပေါ့..နောက်ဆုံးသူများလက်သာရောက်သွားတယ်..ကျွန်တော့်ပုဆိုးပိုင်းလေးကတော့အမှတ်တရပါသွားတုန်း..
-
ကိုသန်းမင်းနည်းလည်းမဆိုးဘူး..ကျုပ်ကလည်းကိုယ်ကြုံရတာလေးဖောက်သည်ချရမှာပေါ့ဗျာ..ဒီလိုဗျ..ကျုပ်ဟိုင်းလက်မောင်းတုန်းကပေါ့..ရန်ကုန်ကနေမန်းလေးကိုမောင်းတဲ့အခေါက်မှာဗျာ..ညောင်လေးပင်အထွက်မှာမိုးရေ၀ပ်နေတဲ့ချိုင့်ကိုနင်းမိပါလေရော..ချိုင့်ကနက်ပြီးကတ္တရာကခေါက်တွန့်နေတာက ကမူလေးလိုဖြစ်နေတာကိုး..
ညကလည်းမှောင်နေတော့ကျုပ်မျက်စိရှန်းတာလည်းပါတာပေါ့..ကားကချိုင့်ကျပြီးပြန်အတက်မှာကမူနဲ့အောက်ပိုင်းဒုန်းကနည်းဆောင့်ပါလေရော..အသံကြီးကြားလိုက်ပေမယ့်ကားကဆက်မောင်းတာအဆင်ပြေနေတော့ကျုပ်လည်းဆင်းမကြည့်တော့ဘဲဆက်မောင်းတာ..ဘာကြာလို့လဲ..အင်ဂျင်ဝိုင်မီးကမှိတ်တုတ်မှိတ်တုတ်နဲ့ဖြစ်လာပါလေရော..
ဒါတောင်ကျုပ်ကမီးလိုင်းကြောင်တယ်ထင်ပြီးထပ်မောင်းလိုက်သေးတယ်..နောက်တော့မီးကမှိတ်တုတ်မဟုတ်ဘဲလင်းလာတာရော၊အင်ဂျင်ဟိ(တ်)တက်တာရောကြောင့်ကားရပ်ပြီးဆင်းကြည့်တော့..လားလား..ကရိုင်းကစ်ကာဗာကြီးအက်သွားတာဗျာ..တကယ်လေတာဘဲဗျို့..ဆိုင်တွေကလည်းပိတ်ကုန်ပြီ..ဒါနဲ့အနီးအနားမှာရှိတဲ့ဆိုင်ကိုအတင်းခေါ်ပြီးစူပါဂလူးတွေတောင်းပန်ဝယ်ရတာ..
ပြီးတော့မှကာဗာကိုဖြုတ်ချတော့အင်ဂျင်ဝိုင်တောင်နည်းနည်းဘဲရှိတော့တယ်ဗျ..
ဒါနဲ့ကာဗာကိုခြောက်နေအောင်သေချာသုတ်ပြီးသေချာအောင်ကော်ပတ်စလေးနဲ့တောင်တိုက်လိုက်သေးတယ်..ပြီးမှစူပါဂလူးကိုတခါလိုက်လောင်းပြီးခြောက်အောင်စောင့်..နောက်တခါထပ်လောင်းနဲ့သုံးခါလောက်လုပ်ပြီးအပိုပါလာတဲ့အင်ဂျင်ဝိုင်ပုံးကိုဖြည့်မောင်းတာ..အတော်တော့မောင်းလိုက်ရပါတယ်..နောက်တမြို့ရောက်တော့အင်ဂျင်ဝိုင်မီးကပြန်လင်းလာပြီ..စူပါဂလူးကမထိန်းနိုင်ဘူးကိုဗျ.. ဒီတော့မှအေဘီကော်ဝယ်ပြီးပြန်ဖာရ..အင်ဂျင်ဝိုင်ထပ်ထဲ့ရတာတွေအေးအေးဆေးဆေးလုပ်နိုင်တာ..အေဘီကော်ကောင်းချက်က၀ရိန်ဆော်စရာတောင်မလိုတော့ပါဘူးဗျာ..ဘာမှကိုထပ်မဖြစ်တော့တာ..
-
ကိုမင်းမင်းအတွေ့အကြုံကလည်းမိုက်သားဗျ..ကျွန်တော့်အတွေ့အကြုံကတော့ရယ်စရာပါဗျာ..
အရင်ကကျွန်တော်ကTourကားမောင်းတာကိုး..ကျွန်တော့်ကားကဒီဇယ်ကား..တခါကဂျာမန်တွေလာလည်တာဆောင်းတွင်းကြီး..သွားတော့လည်းတောင်ကြီးအင်းလေးခရီးစဉ်..တောင်ကြီးမှာကျွန်တော့်ကားကဂွတိုက်တာပေါ့..မနက်မိုးလင်းအင်းလေးသွားဖို့စက်နှိုးတော့စက်ကမနိုးဘူး..
ကားပေါ်မှာတိုးရစ်တွေကရောက်နေပြီ..ရာသီဥတုကအေးတော့စက်ကမထနိုင်တာပေါ့ဗျာ..ဒီတော့ကျွန်တော်လည်းအ၀တ်စုတ်တစကိုဒီဇယ်နည်းနည်းစွတ်..သစ်သားချောင်းမှာပတ်ပြီးမီးရှို့ပြီးတော့ကားအင်ဂျင်ကိုဟိတိုက်တာပေါ့..
ကားကိုမီးရှို့နေပါတယ်ဆိုပြီးတိုးရစ်စ်တွေအကုန်ဆင်းပြေးကုန်လို့ဂိုက်ခမျာအတော်တောင်းပန်ပြီးရှင်းပြရတယ်..ကျွန်တော်ကားစက်နှိုးပြလိုက်မှဘဲသူတို့လည်းရယ်နိုင်တော့တယ်..အမှတ်တရပေါ့ဗျာ..
-
အေးဗျာ..တယောက်တမျိုးနှဲ့ဗဟုသုတစုံရတာဘဲ..ညဉ့်နက်နေပြီဆိုတော့ဝိုင်းသိမ်းကြစို့ဗျာ..လက်ကျန်လေးဖြတ်လိုက်ရအောင်..ချီးယားစ်...
------------------------------------By KK
ဆက်ရန်
0 comments:
Post a Comment