မညီချစ်ခြင်း..(၁၁)

ကျွန်တော်ပြန်ရောက်ပြီးရက်နှစ်ဆယ်ကျော်တော့ဦးထွန်းဝေကြီးရန်ကုန်ဆင်းမည်ဆိုတာနဲ့ကျွန်တော်လည်းအိမ်စရိတ်ကိုလူကြုံထဲ့ပေးလိုက်သည်..ခင်မေကြူ၏အလုပ်ကိုသွားပို့ပေးဖို့အလုပ်လိပ်စာပါပေးလိုက်သည်..လူကြုံရှိတုန်းငွေကိုစောပို့ထားလိုက်တော့လည်းအလုပ်ဖြောင့်ဖြောင့်လုပ်ရတာပေါ့လေ..ခင်မေကြူကိုကြိုမပြောပြထားဘဲသွားပို့ခိုင်းလိုက်တော့သူလည်းဝမ်းသာမှာပေါ့..ငွေဆိုတာမိန်းမတွေသည်းချေကြိုက်မဟုတ်လား..
မိန်းမတွေဆိုတာကအ၀တ်အစားတွေဘယ်လောက်ဝယ်ဝယ်၊ဘီရိုထဲပြည့်လျှံနေရင်တောင်အပြင်သွားခါနီးတိုင်းဝတ်စရာမရှိဘူးလို့ညည်းတတ်ကြသူတွေ..အလှပြင်ပစ္စည်းတွေကောင်းတယ်ဆိုတိုင်းဝယ်၊ကြိုက်တိုင်းဝယ်ပြီးတကယ်စုံအောင်ကုန်အောင်မသုံးနိုင်ဘဲမှန်တင်ခုံသချို င်္င်းအဖြစ်ခံသူတွေလေ..လက်ထဲမှာပိုက်ဆံနည်းနေရင်ခေါင်းကိုက်သလို၊ဗိုက်နာသလို၊စိတ်မအီမသာဖြစ်တတ်သူတွေမို့ငွေစောစောကြိုရလည်းဝမ်းနည်းမယ့်သူမှမဟုတ်တာ..
တပတ်လောက်ကြာတော့ကိုထွန်းဝေကြီးပြန်ရောက်လာသည်..ခင်မေကြူဖုန်းဆက်လို့ငွေပို့ပြီးတာသိထားပါသည်..ပြန်ရောက်ကတည်းကကိုထွန်းဝေကြီးကျွန်တော့်ကိုတစုံတခုပြောချင်နေပုံမျိုးရှိသည်..ကျွန်တော်လည်းဘာပြောချင်လည်းမေးချင်ပေမယ့်အလုပ်ကိုယ်စီနဲ့မို့အေးအေးဆေးဆေးစကားမပြောနိုင်..နောက်ရက်မူစယ်ကပြန်ဆင်းလာမှကိုထွန်းဝေကြီးအပြန်နဲ့ဆုံလို့တခြားသူတွေမခေါ်ဘဲနှစ်ယောက်သားလက်ဘက်ရည်ဆိုင်ထွက်လာခဲ့ကြသည်..
-
ကိုကြီးထွန်းဝေကြည့်ရတာကျွန်တော့်ကိုတခုခုပြောချင်နေပုံဘဲ..ဘာဖြစ်လာလို့လဲ..
-
အေးကွ..ပြောသင့်မပြောသင့်စဉ်းစားနေတာ..ငါကကြားတွေထဲမပါချင်ဘူး..
-
ကျွန်တော်သိသင့်တာဆိုပြောပါကိုကြီးရာ..
-
အင်း..ငါအစိုးရိမ်လွန်တာလည်းဖြစ်ချင်ဖြစ်မှာပေါ့..ငါမင်းမိန်းမဆီပိုက်ဆံသွားပေးတော့မင်းမိန်းမအလုပ်ကထမင်းစားချိန်ကွ...မင်းမိန်းမအလုပ်ထဲမှာမရှိဘူး..ကောင်မလေးတယောက်ကထမင်းသွားစားတယ်..ခနစောင့်ပါဆိုလို့ငါလည်းအထဲမှာမစောင့်ချင်တာနဲ့အပြင်ဘက်မှာဟိုဟိုသည်သည်လျှောက်ကြည့်ရင်းစောင့်နေတာ..
အတော်ကြာတော့ဆိုင်နဲ့လှမ်းလှမ်းမှာကားတစီးရပ်ပြီးမင်းမိန်းမဆင်းလာပြီးဆိုင်ဆီလျှောက်သွားတယ်..ငါလည်းအဲ့တော့မှလိုက်သွားပြီးငွေပေးလိုက်တာဘဲ..
-
ကိုကြီးပြောတာကျွန်တော်သဘောမပေါက်ဘူးကိုကြီး..ဘာကိုဆိုလိုချင်တာလဲ..
-
အင်း..မင်းမိန်းမဆင်းလာတဲ့ကားကတက်စီမဟုတ်ဘူး..အဲ့ဒါဘဲ...အသိနဲ့ကြုံလို့ပြန်လာတာလည်းဖြစ်ချင်ဖြစ်မှာပေါ့..ငါတို့ကားသမားတွေကအိမ်နဲ့ဝေးနေရတဲ့ကောင်တွေမဟုတ်လား..မင်းမိန်းမကငယ်သေးတော့ဂရုစိုက်ပေါ့ကွာ..ငါပြောချင်တာဘာမဆိုသတိလေးနဲ့ကာကွယ်ရတယ်လေ...
-
ကျေးဇူးတင်ပါတယ်ကိုကြီးရာ..ကျွန်တော်စုံစမ်းလိုက်ဦးမယ်..
-
မသေချာဘဲနဲ့တော့သွားမစွပ်စွဲနဲ့နော်..ငါကငါမြင်တာပြောပြတာ..
-
ကျွန်တော့်ရင်တွေတညလုံးပူလောင်နေသည်...ခင်မေကြူကိုဖုန်းဆက်မေးချင်စိတ်ကိုမနည်းမျိုသိပ်ထားရသည်..ရင်ဘတ်ထဲမှာဆူးတချောင်းစူးနေသလိုမျက်တက်တက်နဲ့နေမရထိုင်မရဖြစ်နေသည်..မသေချာဘဲနဲ့လည်းဇနီးသည်ကိုမပြောချင်..အခြေအနေကဘာမှန်းလည်းကိုယ်ကသိရတာမဟုတ်ဘူးလေ..
နောက်နေ့ဂဏန်းပို့ရင်းမူစယ်ရောက်တော့အကိုကျော်ခေါင့်ကိုလိုက်ရှာရပြန်သည်..ကျွန်တော့်ကိုတွေ့တော့အကိုကျော်ခေါင်ကကုန်အတွက်လာသည်ထင်မှတ်နေသည်..ခါတိုင်းလည်းအကိုကျော်ခေါင့်ကိုကုန်ရှာပေးဖို့အကူအညီတောင်းနေကျလေ..အခုတော့ကျွန်တော်လိုချင်သည့်အကူအညီကတမျိုးဖြစ်သည်..
-
ညီလေး..ကုန်မရဘူးလား..အကိုမေးကြည့်လိုက်ရမလား..
-
ကုန်ကတော့မရသေးဘူးအကို..ကုန်လည်းရှာရင်း၊အကို့ကိုအကူအညီလည်းတောင်းစရာရှိလို့..
-
ပြောလေကွာ..အကိုလုပ်ပေးနိုင်တာဆိုရင်တော့မရမရှိစေရပါဘူး..
-
ဒီလိုအကိုရာ..ရန်ကုန်ကအကို့အသိတွေထဲမှာဓါတ်ပုံသေချာရိုက်တတ်တဲ့သူရှိလား..အချိန်လည်းပေးနိုင်သူပေါ့..
-
အင်း..ရှိတယ်ကွ..ဘာလုပ်မလို့လဲ..
-
ကျွန်တော်လူတယောက်ကိုလိုက်ကြည့်ခိုင်းချင်လို့..သူဘာလုပ်တယ်ဆိုတာတပတ်လောက်လိုက်ကြည့်ပေးဖို့ပါ..
-
ထောက်လှမ်းရေးလုပ်မယ်ပေါ့..ဘယ်သူ့ကိုတုန်းကွ..
-
ကျွန်တော့်မိန်းမကိုပါအကို
-
ဟေ..ဘာတွေဖြစ်ကုန်တာတုန်းကွာ..
-
ခုထိတော့ဘာမှကျွန်တော်လည်းမသိသေးပါဘူး..ကျွန်တော်အစိုးရိမ်လွန်တာလည်းဖြစ်ချင်ဖြစ်မယ်..ဘာဘဲဖြစ်ဖြစ်ဒီလိုလုပ်တာမမှားဘူးတော့ထင်တာဘဲ..
-
အိုကေလေ..ညီလေးအိမ်လိပ်စာနဲ့ညီလေးအမျိုးသမီးပုံပေးထား..အကိုလှုပ်ရှားခိုင်းလိုက်မယ်..အခြေအနေတော့သိရမှာပေါ့..
-
ကျေးဇူးတင်ပါတယ်အကိုရာ.
-
အကိုကျော်ခေါင်လိုချင်သည့်အချက်အလက်တွေအားလုံးပေးလိုက်ပြီးအဖြေကိုကျွန်တော်သိချင်စိတ်စောကာမျှော်နေမိသည်..ဆယ်ရက်အကြာမှာတော့အကိုကျော်ခေါင်ကရန်ကုန်ကပေးပို့လာသောအစီရင်ခံစာနှင့်ဓါတ်ပုံများကိုကျွန်တော့်လက်ထဲထဲ့ပေးလိုက်သည်..ကျွန်တော်ဓါတ်ပုံများကိုတပုံချင်းစိတ်ကြိုက်စစ်ဆေးသည်..အစီရင်ခံစာကိုသေချာဖတ်သည်..
စိတ်တိုင်းကျဖတ်ပြီးစစ်ဆေးပြီးတော့ကျွန်တော့်မျက်နှာမှာအပြုံးတခုပေါ်လာသည်..အကိုကျော်ခေါင်နဲ့ကျွန်တော်တိုင်ပင်ပြီးကျွန်တော်လိုချင်သည့်ပစ္စည်းလေးများကိုရှာခိုင်းလိုက်သည်..ကျွန်တော်ရန်ကုန်ပြန်ဦးမည်..ခင်မေကြူကိုကျွန်တော်တွေ့ချင်လှပြီလေ...
-------------------------------By KK
ဆက်ရန်

Posted in: Stories, မညီချစ်ခြင်း