သမုဒယနေကြာ...(၁၆)

ကျွန်တော်ဒီနေ့တော့ခပ်စောစောကတည်းကပန်းစည်းပို့ရမယ့်အိမ်တွေကိုထွက်ခဲ့သည်..ကျွန်တော်စိတ်ရှုပ်နေတာတခုတော့ရှိသည်..မာရီယာဆိုသောမိန်းကလေးထံပို့ရမည့်ပန်းစည်း...ပန်းစည်းပို့ရတာမခက်သော်လည်းတောင်းဆိုထားသောSomebody's me သီချင်းသည်အလွန်ကောင်းသောသီချင်းတပုဒ်..ဒါပေမယ့်ကပြဖို့တော့အေးလွန်းသည်..သရုပ်ဖော်သလိုလုပ်ရမှာကျတော့လည်းအဆင်မပြေ..အခြေအနေကြည့်ပြီးမီးစင်ကြည့်ကရတော့မည်..

ပန်းစည်းပို့ရမည့်အိမ်၅အိမ်မြောက်ကမာရီယာအိမ်..ကျွန်တော်အုတ်တိုက်ခပ်ပြားပြားရှည်ရှည်အစိမ်းနုရောင်တထပ်တိုက်လေးရှိရာခြံဝင်းရှေ့ဆိုင်ကယ်ကိုရပ်လိုက်ပြီးပန်းစည်းလေးကိုအသာထုတ်ယူလိုက်သည်..ပြီးတော့မှကိုယ့်ကိုယ်ကိုသပ်ရပ်အောင်ပြုပြင်လိုက်ပြီးခြံထဲဝင်ကာအိမ်ရှေ့တံခါးကိုလူခေါ်ဘဲလ်လေးနှိပ်လိုက်သည်..

အိမ်ထဲကခြေသံတရှပ်ရှပ်နဲ့အတူဆံပင်ရှည်ရှည်နဲ့အသက်၂၅နှစ်လောက်မမတယောက်ထွက်လာပြီးသံဘာဂျာတံခါးကိုလာဖွင့်ပေးရင်းကျွန်တော့်ကိုမြင်တော့ပါးစပ်အဟောင်းသားနှင့်ငေးကြည့်နေသည်..အတော်ချစ်စရာကောင်းသောမမတယောက်ပါ..ကျွန်တော့်ကိုတအံ့တသြစိုက်ငေးကြည့်နေတာကြောင့်နေရခက်လာပြီးချောင်းဟန့်သံပေးလိုက်မှသတိဝင်လာသလိုတံခါးကိုဆွဲဖွင့်တော့သည်..
-
ဘာကိစ္စလဲမောင်လေး..
-
ကျွန်တော်ကပန်းအိပ်မက်လက်ဆောင်ပန်းဆိုင်ကပါခင်ဗျာ..ဒီအိမ်ကမမာရီယာအတွက်ပန်းစည်းလာပို့တာပါ..
-
ဒီအိမ်မှာမာရီယာဆိုတာမရှိ...ဟင်..ဘယ်လို..မာရီယာ..ဟုတ်လား..ဘုရားရေ...မေမေရေ...မေမေ..လာပါဦး..ဒီမှာလာကြည့်ပါဦး..
-
သမီးရယ်..အလန့်တကြား..ဘာဖြစ်တာလဲ..ဒီလောက်ခေါ်နေတာ...အလို..ဘုရား..ဘုရားးး..
-
တွေ့ပြီလားမေမေ..သမီးခေါ်တာအဲ့ဒါကြောင့်..ဒီမောင်လေးကပန်းဆိုင်ကနေပန်းစည်းလာပို့တာတဲ့..နာမည်ကမာရီယာနဲ့တဲ့မေမေ..သမီးကိုမာရီယာလို့ခေါ်ခဲ့တာဘယ်သူရှိလို့လဲမေမေရယ်..
-
တိုက်ဆိုင်လိုက်တာ..ဒါနဲ့ကလေးရယ်..ပို့ခိုင်းသူကဘယ်သူတဲ့လဲ..
-
ပို့ခိုင်းသူကနာမည်မဖော်ထားပါဘူးခင်ဗျာ..ကျွန်တော်ကပန်းစည်းပေးပြီးဒီကအမကိုသီချင်းတပုဒ်ဆိုပြရမှာပါ..
-
ဟင်.ဟုတ်လား..သမီးရေ..ကောင်လေးထိုင်ဖို့ထိုင်ခုံယူပေးစမ်း..ဘာသီချင်းဆိုပြခိုင်းတာလဲကလေး..အန်တီ့ကိုပြောပြပါလား..
-
ဟုတ်ကဲ့..Somebody's me ပါခင်ဗျာ..
-
အလို..တိုက်ဆိုင်လှချည်လား...အင်း..အင်းးးစိတ်ဝင်စားလိုက်တာ...ထိုင်..ထိုင်..ကလေး..ဒီတိုင်းကြီးဆိုရခက်နေမှာပေါ့..သမီးရေ..ညည်းမောင်လေးဂစ်တာသွားယူခဲ့စမ်း..သားကဂစ်တာတီးတတ်လား..
-
ဟုတ်ကဲ့..တီးတတ်ပါတယ်ခင်ဗျ..
-
ကောင်းတာပေါ့ကွယ်..အန်တီလည်းနားထောင်မယ်နော်..ဂစ်တာလေးတီးပြီးဆိုပြပါလားကွယ်..အချိန်ရောရရဲ့လားသားလေး.
-
ဟုတ်ကဲ့..ရပါတယ်ခင်ဗျာ..
-
အိမ်ထဲဝင်သွားသောမမကဂစ်တာတလက်ယူလာသည်..ဂစ်တာလေးကအဟောင်းလေးပါ...မတီးတာအတော်ကြီးကြာနေဟန်ဖြင့်ကြိုးတွေတောင်လျော့နေပြီ..ကျွန်တော်ကြိုးတွေအတင်းအလျော့ပြန်ချိန်ပြီးအသံညှိလိုက်သည်..အသံစမ်းကြည့်သည်..ကမရသောသီချင်းကိုဂစ်တာနဲ့တီးဆိုပြရတာပိုကြိုက်တာပေါ့ဗျာ..လူလည်းသိပ်မကြောင်တော့ဘူးပေါ့..

ကျွန်တော်သီချင်းစဆိုတော့အန်တီကြီးနဲ့မမကငေးပြီးနားထောင်ရင်းမျက်ရည်ဝဲနေသည်..အပြုအမူတွေကဆန်းနေတာကြောင့်ကျွန်တော်နားမလည်ပေမယ့်စပ်စုရန်အခွင့်အရေးကျွန်တော့်မှာမရှိပါ..ကျွန်တော့်အလုပ်ကိုသာကျွန်တော်တာဝန်ကျေအောင်လုပ်ရမည်လေ..သီချင်းအဆုံးမှာဂစ်တာကြိုးတချောင်းကဒေါင်ကနည်းပြတ်သွားသည်..မနက်ဖြန်သီချင်းလာဆိုရင်ဂစ်တာကြိုးအသစ်ဝယ်ခဲ့ဖို့ကျွန်တော်တွေးလိုက်မိသည်..

ပန်းစည်းလေးပေးပြီးကျွန်တော်ပြန်ထွက်လာတော့အန်တီကြီးနဲ့မမကငေးကြည့်နေကြသည်..ခြံဝကထွက်လိုက်တော့ကျွန်တော့်စိတ်တွေပေါ့ပါးသွားသည်..ဂစ်တာတီးပြီးသီချင်းဆိုနေစဉ်တလျှောက်လုံးကျွန်တော့ကိုတစုံတယောက်ကစိုက်ကြည့်နေသလိုခံစားချက်ကြောင့်ကျွန်တော်နောက်ကျောမလုံဖြစ်နေသည်..လှည့်ကြည့်တော့လည်းဘယ်သူမှမရှိ..

မမာရီယာနဲ့သူ့အမေကနွေးထွေးလှိုက်လှဲစွာလက်ခံစကားပြောနေပေမယ့်ကျွန်တော်စိတ်မသက်မသာခံစားမှုကိုခံစားနေရတာဘာကြောင့်မှန်းမသိဖြစ်နေသည်..ဘာဘဲဖြစ်ဖြစ်တလတိတိတော့သီချင်းလာဆိုရဦးမည်..ဆိုင်ကယ်ကိုဖြေးညှင်းစွာဘီးလှိမ့်မောင်းထွက်ရင်းဘေးဘီကိုကြည့်မိတော့မမတို့တဖက်ခြံထဲကကျွန်တော်နဲ့ရွယ်တူကောင်မလေးတယောက်ကျွန်တော့ကိုကြည့်နေတာတွေ့ရသည်..မျက်လုံးချင်းဆုံတော့သူမမျက်လုံးလေးတွေထဲနွေးထွေးသောအပြုံးရိပ်ပေါ်လာတာတွေ့လိုက်ရသည်..နှုတ်ခမ်းလေးတွေကပါပြုံးတော့မယောင်ယောင်နဲ့ချစ်စရာကောင်းလှသည်..

ကျွန်တော်သေချာစိုက်ကြည့်တော့ကောင်မလေးကမျက်နှာမလွှဲဘဲရဲရဲတင်းတင်းပြန်စူးစိုက်ကြည့်ပြီးလျှာထုတ်ပြတာကြောင့်ကျွန်တော့်စိတ်ထဲပျော်သွားမိပါသည်..ဒီလိုပုံစံမျိုးလေးကိုကျွန်တော်သဘောကျသည်..ဆံပင်လေးတွေဖွာဆန်ကျဲနေသောချစ်စရာကောင်မလေးကိုကျွန်တော်ဘာရယ်မဟုတ်လက်ပြလိုက်မိတော့သူလေးကလည်းပြန်လက်ပြတာမို့ကျွန်တော်လေတချက်ချွန်လိုက်မိပြီးပျော်ရွှင်စွာဆိုင်ကယ်ကိုအရှိန်တင်ပြီးမောင်းထွက်ခဲ့တော့သည်...
--------------------------------By KK
ဆက်ရန်

Posted in: Stories, သမုဒယနေကြာ