သမုဒယနေကြာ...(၁၃)

ဆိုင်ဖွင့်ပွဲနေ့မှာတင်ပန်းအိုးငယ်လေးများ..အလှပန်းပင်များနဲ့ပန်းစည်းအတော်များများရောင်းရပါသည်..လူတွေကစိတ်ဝင်တစားဝင်ကြည့်ကြပြီးအားလည်းပေးကြတော့ကျွန်တော်တို့မမောနိုင်မပန်းနိုင်ပျော်တာပေါ့ဗျာ..ညနေစောင်းတော့အော်ဒါစရပြီဗျို့..ကူးကူးကကျွန်တော့်ကိုခေါ်ပြောသည်..
-
တိမ်ပြာရေ..ငါတို့အထူးဝန်ဆောင်မှုတော့စပြီ..နင်မနက်ဖြန်စလုပ်ရတော့မယ်..
-
ဒုက္ခော..ငါတော့ပွဲစတာနဲ့မျက်ခွက်ပြောင်ရတော့မယ်..ဂိန်ပြီဘဲ..
-
နင်ကလည်းပြောလိုက်ရင်အဲ့လိုချည်းဘဲ..ဒါတို့အလုပ်အောင်မြင်တာဟ..ဒီမှာနင်မနက်ဖြန်ပို့ရမယ့်လိပ်စာ..နန်းကြာဆိုင်တဲ့..ငါပန်းစည်းပြင်ထားပေးမယ်..နင်ကအိမ်မှာဘယ်လိုပေးမယ်လေ့ကျင့်ထားပေါ့..ဆိုပြရမယ့်သီချင်းလည်းပါတယ်..သေချာလုပ်နော်..ပွဲဦးထွက်လှမှဖြစ်မှာ..
-
အေးပါဟာ..ငါညကျရင်လေ့ကျင့်ထားပါ့မယ်..
-
ကျွန်တော်အိမ်ပြန်ရောက်တော့စိတ်လှုပ်ရှားနေသည်..ရီကော်ဒါလေးကိုထုတ်ပြီးလေ့ကျင့်ကြည့်သည်..အသံနေအသံထားကိုပြောကြည့်လိုက်..ပြန်နားထောင်လိုက်..နောက်တမျိုးပြောင်းပြောကြည့်လိုက်လုပ်နေရသည်..မှန်ရှေ့မှာမျက်နှာအနေအထား..ကိုယ်ဟန်အမူအယာနဲ့သီချင်းတီးလုံးကကွက်တို့ကိုအထပ်ထပ်ပြန်လေ့ကျင့်နေမိသည်..

ညဥ့်နက်သည်အထိမှန်ပေါက်ထွက်မတတ်လေ့ကျင့်ပြီးတော့ဝတ်စုံကိုပြင်ဆင်ရသည်..ကူးကူးကပန်းစည်းပို့ချိန်ဆိုင်ယူနီဖောင်းအဖြစ်သတ်မှတ်ထားသောဝတ်စုံကိုမ၀တ်ဘဲအနောက်တိုင်းဝတ်စုံအနက်ရောင်ကိုရှပ်လက်ရှည်အဖြူနဲ့တွဲဝတ်ပြီးနက်မှောင်ပြောင်လက်နေသောရှုးဖိနပ်ကိုစီးဖို့ပြင်ဆင်ပေးထားသည်..ပန်းစည်းလာပို့သောသူကိုမိန်းကလေးကဆိုင်ဝန်ထမ်းဆိုသောအမြင်ထက်ရိုမန်တစ်စ်ဆန်ဆန်ကောင်လေးတယောက်ကကောင်မလေးကိုပန်းစည်းပေးသည့်လဖ်ဆင်းမျိုးလေးဖြစ်စေချင်သည်ဆို၏..

ကျွန်တော့်သူငယ်ချင်းမလေးကူးကူးကတော့သူဖြစ်စေချင်သည့်ရည်းစားကပန်းစည်းပေးမယ့်ပုံတွေကိုများကြိုတွေးပြီးကျွန်တော့ကိုလုပ်ခိုင်းကြည့်နေတာလားတောင်မသိတော့ပါ..မနက်ကျတော့ဆိုင်မှာပန်းစည်းယူပြီးအနောက်တိုင်းဝတ်စုံကိုလဲ..ပြီးတော့မှအပေါ်ကဂျာကင်ထပ်ဝတ်ရသည်..ဆိုင်ကယ်နဲ့သွားတာအနောက်တိုင်းဝတ်စုံအတောင့်သားနဲ့ဆိုမမိုက်ဘူးလေ..

ကောင်မလေးခြံဝမှာဆိုင်ကယ်ရပ်တော့မှဂျာကင်ကိုချွတ်..ဆံပင်ကိုပြန်ဖီးရသေးသည်..၀တ်စုံကိုသေချာဆွဲဆန့်ပြီးအနောက်ဘက်မှာပန်းစည်းထဲ့ဖို့ဆိုင်ကယ်မှာအထူးတပ်ထာသည့်ကြိမ်ခြင်းထဲကပန်းစည်းကိုအကျအနကိုင်ပြီးဝင်သွားရသည်..အိပ်ကပ်ထဲမှာတော့ရီကော်ဒါလေးကိုအသင့်ထဲ့ထားရသည်..အိမ်ရှေ့တံခါးခေါက်လိုက်တော့မိန်းကလေးတယောက်ထွက်လာသည်..
-
နန်းကြာဆိုင်လားခင်ဗျာ
-
ဟုတ်တယ်ရှင့်..
-
ကျွန်တော်ကပန်းအိပ်မက်လက်ဆောင်ပန်းဆိုင်ကပါ..ခဏလေးစောင့်ပေးပါနော်..အထူးပန်းလက်ဆောင်ဝန်ဆောင်မှုပါခင်ဗျာ..
-
ကျွန်တော်အိပ်ကပ်ထဲကရီကော်ဒါလေးကိုနှိပ်လိုက်ပြီးကောင်မလေးကိုကျောခိုင်းလိုက်သည်..ထွက်ပေါ်လာသောတီးလုံးနဲ့အတူခြေထောက်ကိုစည်းချက်ကျကျလှုပ်ရှားပြီးသီချင်းကိုစဆိုကာကောင်မလေးဘက်ပြန်လှည့်လိုက်သည်..တအံ့တသြမျက်လုံးလေးဝိုင်းပြီးကျွန်တော်သီချင်းဆိုတာနဲ့ကပြတာကိုငေးကြည့်နေသောကောင်မလေးကိုသီချင်းတပိုဒ်အဆုံးမှာအပြုံးတချက်ပြုံးပြပြီးပန်းစည်းကိုကမ်းပေးလိုက်သည်..

ကောင်မလေးမျက်နှာပေါ်မှာကြည်နူးပျော်ရွှင်မှုတွေအထင်းသား..ဒီလိုဆိုတော့မဆိုးလှပါဘူး..ကျွန်တော်တောင်အပျော်တွေကူးစက်လာသလိုလိုခံစားလိုက်ရသည်..နှုတ်ဆက်ပြီးအသာလှည့်ထွက်လာခဲ့သည်..ခြံဝရောက်တော့ဂျာကင်ပြန်ဝတ်ပြီးဆိုင်ဘက်ဆီသို့ဆိုင်ကယ်ကိုပြန်မောင်းလာခဲ့သည်..အလုပ်အပေါ်ကျွန်တော်နှစ်သိမ့်မှုရသွားပြီ..ကျွန်တော်ထင်သလိုခပ်ကြောင်ကြောင်အလုပ်တခုမဟုတ်ဘဲကြည်နူးပျော်ရွှင်မှုတွေသယ်လာပေးသောဝန်ဆောင်မှုတခုဖြစ်နေပါလား..

စိတ်ကူးကောင်းသောဒေါ်ရွှေကူးကူး၏၀န်ဆောင်မှုကချက်ချင်းလိုပင်ကျွန်တော်တို့မြို့မှာရေပန်းစားသွားသည်..ကောင်မလေးတွေကလည်းသီချင်းနဲ့ကကွက်လေးပါသောပန်းလက်ဆောင်လေးရမှလူရာဝင်သလိုလိုခံစားလာကြတော့သူတို့ချစ်သူကောင်လေးတွေလည်းကျွန်တော်တို့ပန်းဆိုင်ကိုအလုပ်အကျွေးပြုကြတာပေါ့..

ကျွန်တော်ကတော့အတော်ပင်ပန်းပါသည်..တနေ့ကိုပန်းစည်းအနည်းဆုံးဆယ်စည်းလောက်တော့လိုက်ပို့ရတာကြောင့်သီချင်းတွေလည်းအတော်ရကာအကလည်းအတော်ကျွမ်းသွားပါတော့သည်..မျက်နှာလည်းကျောက်ကျောရေပက်သလိုခပ်ပြောင်ပြောင်ခပ်တင်းတင်းပေါ့ခင်ဗျာ..ရိုမန်တစ်ဖြစ်အောင်ပန်းစည်းကိုဘယ်လိုပေးရမယ်ဆိုတဲ့အထာပါအတော်တတ်လာတာမို့ရည်းစားထားမယ်ဆိုရင်တောင်အဆင်ပြေလောက်ပြီဗျို့...ရယ်စရာအဖြစ်အပျက်မျိုးတွေလည်းရှိသလိုခိုးလို့ခုလုဖြစ်စရာလေးတွေလည်းတွေ့ရတတ်သည်..

လွန်ခဲ့သောတပတ်ပန်းစည်းသွားပို့တုန်းကပေါ့...
---------------------------------------------------By KK
ဆက်ရန်

Posted in: Stories, သမုဒယနေကြာ