သမုဒယနေကြာ...(၁)

ညနေကျောင်းဆင်းချိန်မို့ကျောင်းဝင်းတခုလုံးဆူဆူညံညံ..ကျောင်းသူကျောင်းသားတွေကစကားပြောသူ၊ပြေးလွှားသူ၊အော်ဟစ်ခေါ်ငင်သူ၊အိမ်ကလာကြိုလားကြည့်သူနှင့်ရှုပ်ရှက်ခတ်နေသည်..ကျောင်းဝင်းတံခါးပေါက်ကိုတိုးထွက်လိုက်တော့မှအသက်ကို၀၀ရှုနိုင်တော့သည်..ကျောင်းပြင်ရောက်လို့နောက်လှည့်ကြည့်တော့သူမပါလာသေး..ကျွန်မစိတ်တိုသွားသည်..ယောက်ျားလေးဖြစ်ပြီးမြန်မြန်ဆန်ဆန်ကိုမရှိ..တော်တော်ကြာအောင်ရပ်စောင့်မှပုဆိုးမနိုင်ကျောပိုးအိတ်မနိုင်ပုံနဲ့မိုးညိုအူယားဖားယားပြေးထွက်လာသည်..
-
ဟဲ့..နင်ဘာလုပ်နေတာလဲ..ကြာလိုက်တာ..
-
ဟိုကောင်ကျော်စွာတို့နဲ့ဘောလုံးကန်ဖို့ချိန်းနေလို့ပါဟ..နင်ကလဲ..မိန်းကလေးဖြစ်ပြီးစိတ်မြန်လက်မြန်ရှိလိုက်တာ..
-
ဟမ်..ငါကစိတ်မြန်လက်မြန်ဟုတ်လား..နင့်လိုနှေးနှေးကွေးကွေးသမားနဲ့ပေါင်းလို့ငါစိတ်မြန်လာတာဟေ့..သိပြီလား
-
တော်ပြီဟာ..နင်အားကြီးစကားများတယ်..ကဲ..လာလာ..ပြန်မယ်..
-
မိုးညိုစကားကြောင့်ကျွန်မဟတ်ထိသွားသည်..အိမ်မှာလည်းကျွန်မအလွန်စကားများသည်လို့မေမေကမကြာခဏဆူတာကိုး..ဖေဖေကဆိုငါ့သမီးလေး၂နာရီလောက်တိတ်တိတ်နေရင်လိုချင်တာဝယ်ပေးမယ်တောင်ပြောသေးတာ..ခက်တာကကျွန်မကနာရီဝက်ပြည့်အောင်ပါးစပ်ပိတ်မနေနိုင်..

မိုးညိုနဲ့ကျွန်မကအိမ်ချင်းကပ်ရက်ငယ်သူငယ်ချင်း..သူငယ်တန်းကနေအခုဆယ်တန်းအထိအတူတူကျောင်းတက်လာတာ..မိုးညိုကကျွန်မအနွံအတာခံသည်..ကျွန်မ၏တဦးတည်းသောစကားပြောဖော်..ကျွန်မပြောသမျှခေါင်းတညိတ်ညိတ်နားထောင်ပေးတတ်သူ..တခါတလေတော့လည်းအမြင်မတူရင်ရန်ဖြစ်တာပေါ့..

အခုဆယ်တန်းရောက်လာတော့အပေါင်းအသင်းများလာသောမိုးညိုတယောက်ကျွန်မစကားပြောတာကိုစိတ်မရှည်ချင်သလိုဖြစ်လာတတ်တာမို့ဟောက်ထားရသည်..ကျွန်မအတွက်မိုးညိုကမရှိမဖြစ်လေ..သူမရှိလျှင်ကျွန်မတယောက်တည်းအလွန်ပျင်းစရာကောင်းသည်..ဒါကြောင့်တတ်နိုင်သမျှကျွန်မအနားမှာသူရှိနေအောင်ခေါ်ထားရသည်..

စကားတပြောပြောနှင့်အတူလမ်းလျှောက်လာရင်းကျောင်းနဲ့ခပ်လှမ်းလှမ်းရောက်တော့ကျွန်မအကြည့်ကလမ်းတဖက်ကိုရောက်သွားသည်...အို..လှလိုက်တာ..လမ်းတဖက်မှာအဖိုးကြီးတယောက်တောင်းပက်ပက်တခုတွင်နေကြာရိုင်းပန်းစည်းတွေထဲ့ရောင်းနေတာမြင်လိုက်သည်..၀ါဝင်းနေသောနေကြာပွင့်ကားကားများကကျွန်မမျက်လုံးမခွာနိုင်အောင်ဆွဲဆောင်လွန်းလှသည်..

ခက်တာကကျွန်မမှာပိုက်ဆံမကျန်တော့..နေ့လည်ကမုန့်စားလိုက်တာကုန်ပြီ..ဒီပန်းရောင်းသည့်အဖိုးကြီးကိုလည်းခါတိုင်းနေ့တွေမတွေ့စဖူး...ရှားရှားပါးပါးရောင်းတာမြင်ရသောနေကြာပန်းကိုကျွန်မလိုချင်မိသည်..ကျွန်မအကြိုက်ဆုံးပန်းကနေကြာပန်းလေ..ဒီနေကြာတွေဝယ်ပြီးကျွန်မအခန်းထဲကပန်းအိုးမှာထိုးထားလိုက်ရင်ဗင်းဆင့်ပန်းချီဆွဲဖို့ထိုင်ငိုလောက်အောင်လှသွားမည်..

ကျွန်မစကားပြောနေတာရပ်သွားပြီးလမ်းတဖက်ကိုငေးနေတော့မိုးညိုလိုက်ကြည့်သည်...ပန်းသည်ကိုမြင်တော့သဘောပေါက်သွားသလိုခေါင်းညိတ်သည်..ကျွန်မနေကြာပန်းတွေချစ်တာငယ်ပေါင်းသူငယ်ချင်းမို့မိုးညိုကောင်းကောင်းသိသည်..
-
နင်လိုချင်ရင်သွားဝယ်လေ..နင်ကြိုက်တယ်မဟုတ်လား..
-
လိုချင်တာပေါ့ဟာ..ခက်တာကငါ့မှာမုန့်ဖိုးမကျန်တော့ဘူး..နေ့လည်ကသုံးလိုက်တာကုန်သွားပြီ..
-
ဟီးးဟီးးးအဲ့ဒါတော့နင့်ဒေါသနဲ့နင်ဘဲ..ဒါဆိုလည်းထားလိုက်တော့ဟာ..
-
မရပါဘူး..တခါတလေမှတွေ့တာကို..နင့်မှာပိုက်ဆံကျန်သေးတယ်မဟုတ်လား...ပြော..
-
မရှိပါဘူးဟ..
-
ညာမနေနဲ့..နင်ညာရင်အသိသာကြီး..နင်နေ့လည်ကမုန့်ထွက်မစားဘူး..ကိုယ့်သူငယ်ချင်းကိုအဲ့လောက်တောင်မသထာဘူးလား..
-
ဟ..ငါ့မှာရှိတာညနေဘောလုံးပွဲအတွက်ဘဲရှိတာ..ကိုယ်နိုင်ရင်ကိစ္စမရှိဘူး..ကိုယ်ရှုံးရင်ပေးစရာမရှိဘဲနေမယ်..
-
ကြည့်စမ်း..ဘောလုံးပွဲကိုပိုက်ဆံကြေးကန်မယ်..နင်အတတ်ကောင်းတွေတတ်နေတယ်..နင့်အမေကိုပြန်တိုင်မယ်..ကိုယ့်သူငယ်ချင်းကိုပန်းဝယ်ပေးဖို့ကျတော့မပေးချင်ဘူး..အရည်မရအဖတ်မရခြေညောင်းလူပန်းငွေကုန်တဲ့ဘောလုံးပွဲအတွက်တော့ပိုက်ဆံချန်ထားတယ်..ဒါကြောင့်မို့ပြောတာ..အဲ့ကောင်ကျော်စွာတို့နဲ့မပေါင်းပါနဲ့လို့..ဒီကောင်တွေကအလကားမိဘပိုက်ဆံဖြုန်းနေတာ..နင့်ကိုငါပြောမယ်..ဒီကောင်တွေ@$#^%$$$%%$##$@@@#%$
-
အောင်မလေးဗျာ..နားတွေတောင်ပူလာပြီ..တော်ပါတော့..နင်လိုချင်တဲ့နေကြာပန်းဝယ်ပေးမယ်..ကျောပူတာခံနိုင်တယ်..နားပူတာမခံနိုင်တော့ဘူး...
-
အောင်မယ်..နင်က...
-
တော်တော့မယ်မင်းကြီးမ..ထပ်မပြောနဲ့..ဒီမှာရပ်စောင့်နေ..ငါအခုသွားဝယ်ပေးမယ်..မြန်မြန်ပြီးမှဘဲ..ငါဘောလုံးကန်ဖို့ချိန်းထားတာနောက်ကျတော့မယ်..
-
မိုးညိုတယောက်လမ်းတဖက်ကိုပြေးထွက်သွားသည်..ပန်းသည်ဆီမှာပန်းစည်းကိုသေချာရွေးနေသည်..မလှရင်ကျွန်မပူညံပူညံလုပ်မယ်ဆိုတာသူကောင်းကောင်းသိတယ်လေ..စိတ်တိုင်းကျတစည်းရွေးပြီးသူပိုက်ဆံပေးသည်..ကျွန်မဘက်ကိုလှည့်ပြီးပန်းစည်းကိုမြှောက်ပြလိုက်တော့ကျွန်မပျော်ပြီးထခုန်လိုက်သည်..လှမှလှ...မိုးညိုပန်းစည်းကိုကိုင်ပြီးကျွန်မရှိရာဘက်ပြန်ပြေးလာသည်..
-
ကျွီ...ကျွီ...၀ုန်းးးးဒုန်းးးးးးးးးးးးးးးးးး
-
အားးးးးးးး
-
အမလေးးးးးးးးးးးးမိုးညိုရေ
-
ဟယ်..ဟိုမှာကျောင်းသားလေးကိုကားတိုက်သွားပြီ
-
ကျွန်မမျက်လုံးတွေယောင်ယမ်းပြီးတင်းတင်းကျပ်ကျပ်ပိတ်ထားမိသည်..အရှိန်နဲ့မောင်းလာသောကားတစီးကမိုးညိုကိုဝင်တိုက်သွားတာတွေ့လိုက်ရတာကြောင့်ကျွန်မအော်ရင်းထိတ်လန့်တကြားမျက်လုံးတွေစုံမှိတ်လိုက်သည်..မျက်လုံးကိုပြန်ဖွင့်ကြည့်တော့ခပ်လှမ်းလှမ်းကားလမ်းပေါ်မှာလဲကျနေသောသဏ္ဍာန်...ကြည့်နေရင်းကမိုးညိုဘေးမှာအနီရောင်အကွက်ကြီးကတဖြည်းဖြည်းကြီးလာသည်..

ကျွန်မမိုးညိုဆီပြေးသွားတော့ပြန့်ကြဲနေသောနေကြာပန်းများကိုတက်နင်းမိသည်..မိုးညိုကတော့ခွေခွေလေးလဲနေသည်..ဟင့်အင်းးးးးမိုးညို..နင်မသေရဘူးနော်..နင်မရှိရင်ငါ့မှာသူငယ်ချင်းမရှိတော့ဘူး..ငါနောက်တခါနေကြာပန်းတွေလိုချင်တယ်လို့မပူဆာတော့ဘူးနော်..ကျွန်မမိုးညိုကိုပွေ့ပြီးစကားတွေပြောနေမိသည်..မိုးညိုကတော့သတိလစ်လျက်..
-
ကလေးမ..ဖယ်..ဖယ်..လူနာကိုဆေးရုံပို့မှဖြစ်မယ်..သမီးသူ့အိမ်ကိုသိလား..
-
ဟုတ်ကဲ့..
-
အေး..အဲ့ဒါဆိုသူ့အိမ်ကိုအကြောင်းကြားပြီးဆေးရုံလိုက်ခဲ့..သွား..သွားးး
-
ကျွန်မအိမ်ဆီအားကုန်ပြေးလာခဲ့သည်..ဘယ်လိုပြောရမလဲ..မိုးညိုအိမ်ကိုဘယ်လိုပြောပြရမလဲ..ကျွန်မလက်ထဲတင်းတင်းဆုပ်လာသောအရာတခုပါလာသည်..ဘယ်အချိန်ကသတိလက်လွတ်ကောက်ယူခဲ့မိတာလဲ..ကျွန်မလက်ထဲတွင်သွေးစွန်းနေသောနေကြာတပွင့်..ကျွန်မအလန့်တကြားလွှတ်ချလိုက်သည်...

Posted in: Stories, သမုဒယနေကြာ