ဒီရင်နားပါအရိုင်းလိပ်ပြာ..(၁၆)

မျောက်မလေးနဲ့မျောက်ဝံကြီးကတော့သစ်သီးတွေခူးပြီးလာပို့ရှာသည်...လူလည်းခုမှသက်သတ်လွတ်စားတဲ့သူတော်စင်ဖြစ်နေတော့သည်..အနာကတော့သက်သာလာပါသည်..အခုဆိုသစ်ပင်ပေါ်မှာနေရတာနှစ်ရက်ရှိပြီ..သက်စွန့်ဆံဖျားအပေါ့အလေးသွားရတာကလွဲရင်အားလုံးအဆင်ပြေပါသည်ပေါ့..တချိန်ကလမ်းလျှောက်ရင်းမလျှောက်ချင်တော့ဘဲပစ်လှဲချင်လောက်အောင်စိတ်ပျက်ခဲ့သောမြေကြီးကခုတော့ကျနော်နဲ့အဝေးမှာ..မြေပြင်ကိုလှမ်းမျှော်ကြည့်ရင်းအခုတော့မြေပေါ်မှာလမ်းလျှောက်ချင်နေမိသည်..လူ့စိတ်ဆိုတာခက်သား..

မျောက်မလေးကမျောက်ဝံကြီးကိုလက်ညှိုးထိုးပြီးဘွန်းဘွန်းလို့ပြောသည်..လေးငါးခါဆိုတော့ကျနော်သဘောပေါက်လာသည်..မျောက်ဝံကြီးကိုဘွန်းဘွန်းလို့ခေါ်သည်..သူမမျောက်ဝံကြီးကိုဘွန်းဘွန်းရေလို့ခေါ်သည်..ဒါတော့ကျနော်အံ့သြသွားသည်..အခေါ်အဝေါ်..သည်အခေါ်အဝေါ်မှာမြန်မာစကားပါသည်လေ..မျောက်လိုပြောနေပေမယ့်နာမည်ခေါ်ချိန်မှာတော့လူလိုခေါ်တာဘဲ..ဒါဆိုဒီမျောက်မလေးသည်တချိန်ကလူတွေကြားနေတော့နေဖူးလိမ့်မည်..လူစကားမေ့နေတာလည်းဖြစ်နိုင်သည်..နည်းနည်းချင်းတော့အစဖော်ရတော့မည်..ခုတော့ကမ္ဘာသုံးစကားလက်ဟန်ခြေဟန်ဖြင့်အလုပ်ဖြစ်နေသည်..

ဒီနေ့တော့သူတို့အပေါ်ပြန်တက်လာပြီးခါတိုင်းလိုဘွန်းဘွန်းကသစ်ကိုင်းပေါ်မထိုင်ဘဲကျနော့်နားကပ်လာသည်..ကျနော်လည်းခပ်ကြောက်ကြောက်နဲ့ကြည့်နေရသည်..ဘာလုပ်မလို့ပါလိမ့်..ဘွန်းဘွန်းလက်ကြီးတဖက်ကကျနော့်ခါးကိုလာဖက်သည်..ဒုက္ခဘဲ..ကိုယ်ကျိုးတော့နည်းတော့မလားမသိဘူး...အမေရေ..ကယ်ပါဗျ...ဘွန်းဘွန်းကကျနော့်ခါးကိုတင်းကျပ်စွာဖက်တော့ကျနော်ရုန်းသည်..

မျောက်မလေးကိုလည်းအသနားခံသောမျက်လုံးနဲ့လှမ်းကြည့်ရသည်...ဘုရားစူးပါစေ့ဗျာ..သူလေးသာဒီလိုလာဖက်ရင်ကျနော်မရုန်းပါဘူး..အခုတော့ဘွန်းဘွန်းကြီးကလာဖက်တာဆိုတော့ကြောက်တာပေါ့..နံကလည်းနံသေး..ကျနော်ရုန်းနေတာကြည့်ပြီးမျောက်မလေးကရယ်နေသည်..မကြောက်ဖို့လည်းလက်ဟန်ခြေဟန်ပြသည်..မျောက်နဲ့နေမှတော့အဖက်ခံရတာဘာတတ်နိုင်တော့မှာလဲ..ကျနော်ကသူတို့လက်ခုပ်ထဲကရေလေ..

ကျနော်ငြိမ်သွားတော့ဘွန်းဘွန်းကသူ၏ရှည်လျားသောတခြားလက်တဖက်နှင့်အသိုက်အပြင်ကနွယ်ကြိုးကိုလှမ်းဆွဲသည်..ပြီးတော့လွှားကနည်းခိုတွဲပြီးလွှဲစီးလိုက်သည်..ကျနော့်အသဲတွေအေးကနည်း..လူကကြောက်လန့်တကြားဘွန်းဘွန်းကိုတအားပြန်ဖက်ထားမိသည်..ရန်ကုန်ကရိုလာကိုစတာစီးတာထက်ပိုပြီးလှိုက်ဖိုရင်မောခံစားရသည်..ကျနော်သေချာသူ့ကိုဖက်ထားမှန်းသိတော့ဘွန်းဘွန်းကနွယ်တွေကိုတကြိုးနဲ့တကြိုးတလွှားလွှားဆွဲရင်းလွှဲကူးသွားသည်...

အောင်မလေးဗျာ..ဒီအချိန်မှာဘွန်းဘွန်းကိုလွတ်မထွက်အောင်အားကုန်တွယ်ဖက်ထားရင်းမျက်လုံးကိုမရဲတရဲဖွင့်ကြည့်တော့သစ်ပင်တွေကြားလေဟုန်စီးနေရသည်..ရုပ်ရှင်ထဲမှာတာဇံကားကဒီလိုကူးတာဘဲဖြစ်မည်..အနောက်မှာတော့မျောက်မလေးကထပ်ကျပ်မကွာနွယ်တွေခိုစီးပြီးလိုက်လာတာတွေ့နေရသည်..သူကူးနေတော့လည်းအလှသား..အတော်လေးကြာတော့မြေပြင်နဲ့၆ပေလောက်အကွာကတောင်ကမ်းပါးပေါ်ရှိကျောက်ဂူပေါက်တခုစီရောက်လာသည်..

ဘွန်းဘွန်းရောမျောက်မလေးပါဂူဝကိုအသာဆင်းလာကြသည်..ဘွန်းဘွန်းကကျနော့်ကိုအောက်ချလိုက်တာလား..ကျနော်ကဘဲတွယ်ကပ်ရာကလွှတ်လိုက်တာလားတောင်မမှတ်မိတော့ဘဲကျနော်ဂူကြမ်းပြင်ပေါ်သို့ကျသွားသည်..အတော်သာယာတာဘဲ..ဂူကတော့ခပ်သေးသေးဖြစ်သည်..ထုံးစံအတိုင်းမြက်ခြောက်ခင်းထားသည်..မြေကြီးပေါ်ဆင်းလို့လည်းရသည်..ကမ်းပါးနံရံတွင်အဖုအထစ်တွေရှိသည်..အနားကသစ်ပင်တွေပေါ်မှာတော့မျောက်ဝံတချို့စူးစမ်းပြီးကြည့်နေကြသည်..တချို့ဆင်းလာသည်..ရန်မူမည့်ပုံတော့မရှိပါ..

ကြည့်ရတာဒါမျောက်ရွာဖြစ်မည်..သိပ်မဆိုး..မြေပေါ်ရောက်လာတာတော့စိတ်ချမ်းသာသွားသည်..တွေးကြည့်မိတာတော့မလွဲဧကန်သစ်ပင်အောက်ကသက်သေခံပစ္စည်းတွေတွေ့သွားလို့ကျနော့်ကိုမြေပြင်ပေါ်ကိုရွှေ့ပေးတာဖြစ်မည်..ပတ်ဝန်းကျင်ညစ်ညမ်းစေမှုနဲ့တရားမစွဲတာဘဲတော်ပါသေးရဲ့...မျောက်ရွာကအတော်သာသာယာယာရှိပါသည်..ခြေထောက်မကောင်းသေးတော့လည်းတွယ်မဆင်းနိုင်..လျှောက်မသွားနိုင်သေးပါ...တောထဲကဆေးရွက်တွေကတော့အတော်အစွမ်းထက်ပုံရသည်..အနာမရင်းဘဲသက်သာတာမြန်ပါသည်..

ရေစီးသံခပ်သဲ့သဲ့ကြားနေရတာမို့စမ်းချောင်းကလည်းသိပ်ဝေးပုံမရ..သွားတော့ကြည့်ဦးမည်..မျောက်မလေးကကျနော့်ဘေးလွယ်အိတ်ကိုယူလာပေးသည်..ကျနော်ဂူထဲဝင်လာခဲ့သည်..ဂူထောင့်မှာတော့ထူးခြားသောအရာများတွေ့လို့ကျနော်သွားယူကြည့်သည်..တခုခုလှီးဖြတ်ရန်ထားပုံရသောချွန်ထက်နေသည်သတ္တုစတချို့..သံတော့မဟုတ်လောက်ဘူးထင်သည်..အကြိမ်ကြိမ်ကိုင်တွယ်အသုံးပြုထားဟန်ရှိတာကြောင့်မူလအသွင်သဏ္ဍာန်ကိုတော့ပုံဖမ်းမရတော့..ဒီအရပ်ဒီဒေသသည်စိတ်ဝင်စားစရာတော့အတော်ကောင်းလှသည်...

ဂူလေးကသန့်ရှင်းပေမယ့်မျောက်တို့၏ကိုယ်သင်းနံ့တော့စွဲကျန်နေသည်..မျောက်မလေးနေသည့်နေရာဖြစ်မည်..သူ့ရဲ့မျောက်အရေခွံအကျီ င်္တွေ့နေရတာကြောင့်သွားကိုင်ကြည့်သည်..မျောက်အရေခွံတခုကိုဆွဲခွာပြီးလည်ပင်းနေရာကခေါင်းလျိုသွင်းပြီးခါးမှာကြာပွတ်နဲ့စည်းပြီးဝတ်တာဖြစ်ပါလိမ့်မည်..နွေးတော့အတော်နွေးသည်..ခုတော့မရွှေချောကကျနော်ဝတ်ပေးထားသောရှပ်အကျီ င်္နှင့်ဟန်ကျနေသည်..ကျနော်ရေချိုးချင်နေမိသည်..နောက်နေ့တော့စမ်းချောင်းကိုသွားနိုင်အောင်ပြန်ကြိုးစားဦးမည်..

မျောက်အရေခွံကိုပြန်ချလိုက်စဉ်အောက်မှာအ၀တ်တစတွေ့လို့ဆွဲယူကြည့်တော့မူလအရောင်မသိရသောခပ်ညစ်ညစ်အထည်လေးတခု..ဖြန့်လိုက်တော့ကလေးဂါဝန်လေး..အတော်ညစ်ပေနေသည်..ကြာပြီဖြစ်ဟန်တူသည်..ဒါဆိုဒီမျောက်တွေကလူကလေးမလေးကိုတောထဲခိုးလာတာလား..အကျီ င်္အရွယ်အစားအရတော့ငါးနှစ်ခြောက်နှစ်အရွယ်လောက်ဝတ်တာဖြစ်မည်..ဒါဆိုသူ့ကိုစကားပြန်သင်ပေးဖို့သိပ်ကြီးတော့ခက်ခဲမည်မထင်..ကြိုးစားကြည့်ရမည်..ဒါမှကျနော်အကျိုးအကြောင်းလည်းသိရမည်..ဒီတောထဲကပြန်ထွက်နိုင်မည့်လမ်းကိုသိရန်လိုသည်လေ..
-------------------------------------------------------------By KK
ဆက်ရန်

Posted in: Stories, ဒီရင်နားပါအရိုင်းလိပ်ပြာ