သမုဒယနေကြာ...(၁၁)

အိမ်ရှေ့တံခါးကလူခေါ်ခေါင်းလောင်းကိုနှိပ်လိုက်တော့ကူးကူးထွက်လာပြီးတံခါးဖွင့်ပေးသည်..အိမ်ရှေ့ခန်းလှမ်းကြည့်တော့ဘယ်သူ့မှမတွေ့..ဟိုနှစ်ကောင်ဘယ်ရောက်နေပါလိမ့်..
-
ဟိုနှစ်ကောင်ရောကူးကူး
-
နင်ကလည်းဝင်မှာဝင်စမ်းပါ..ဒီနေ့မုန့်ဟင်းခါးချက်တယ်..ဟိုနှစ်ယောက်ထမင်းစားခန်းမှာ..ဖေဖေနဲ့မေမေရောဘဲ..နင့်ကိုစောင့်နေတာ..လာခဲ့..
-
ကျွန်တော်အရှေ့ကကူးကူးကထမင်းစားခန်းထဲဝင်သွားသည်..ကျနော်ကတော့ဆိုင်ကယ်စီးချိန်ဝတ်လာသောဂျာကင်ကိုချွတ်ပြီးဧည့်ခန်းထိုင်ခုံပေါ်တင်ပြီးထမင်းစားခန်းကိုလှမ်းဝင်လိုက်သည်..
-
ဖောင်း...ဖောင်း..ဖောင်း
-
သောက်ပလုတ်တုတ်..မေကြီးနှုတ်ခမ်းမွှေး
-
ရုတ်တရက်ပေါက်ကွဲသံကြောင့်ကျွန်တော်ယောင်ယမ်းပြီးအော်ဟစ်ကာထခုန်လိုက်မိသည်..ကြည့်လိုက်တော့ကျွန်တော့်ရှေကိုဗျောက်အိုးလှမ်းပစ်ပြီးအားရပါးရရယ်နေသောစိုးနိုင်၊ကျော်မင်းနဲ့ကူးကူး...ပြီးတော့မှသူတို့ရပ်ပြီးကွယ်ထားသောစားပွဲရှေ့ကဖယ်လိုက်ပြီးဟက်ပီးဘတ်ဒေးတိမ်ပြာလို့ပြိုင်တူအော်လိုက်ကြသည်..စားပွဲပေါ်မှာတော့ဖယောင်းတိုင်ထွန်းထားသောမွေးနေ့ကိတ်ကြီး..

ကြည့်စမ်း..ဒီနေ့ကျွန်တော့်အသက်၂၂နှစ်ပြည့်သည့်မွေးနေ့ဘဲ..ကျွန်တော်ကိုယ်တိုင်တောင်မေ့နေတာ..ခုနလန့်သွားလို့ပြောမယ်ပြင်လိုက်သောစကားလုံးတွေလည်ချောင်းဝတွင်ပျောက်ရှသွားသည်..နွေးထွေးလိုက်သည့်သူငယ်ချင်းတွေ..မိဘတွေမရှိကတည်းကကျွန်တော့်မွေးနေ့ကိုဘယ်သူမှအရေးတယူမလုပ်ပေးတာကြောင့်ကိုယ်တိုင်တောင်မေ့လျော့နေပြီ..

မွေးနေ့ကိတ်ကိုကြည့်ပြီးကြည်နူးစိတ်ဖြင့်ကျွန်တော်မျက်ရည်ဝဲလာသည်..စိုးနိုင်နဲ့ကျော်မင်းကသိနေသလိုကျွန်တော့်ကိုလာသိုင်းဖက်ပြီးကျောပြင်ကိုပုတ်ကာနှစ်သိမ့်ကြသည်..ကူးကူးမိဘတွေကတော့ပြုံးရွှင်သောမျက်နှာဖြင့်ကျွန်တော်တို့သူငယ်ချင်းတွေကိုကြည့်နေကြသည်..စားပွဲမှာကျွန်တော်ထိုင်လိုက်တော့ကူးကူးကကျွန်တော့ရှေ့ကိုလက်ဆောင်ဘူးလေးလာချပေးသည်...

ဖဲကြိုးလှလှလေးစည်းထားသောဘူးလေးကိုကျွန်တော်ဖွင့်လိုက်တော့တခါကကျွန်တော်လိုချင်လို့ဈေးမေးခဲ့ဖူးသောရီကော်ဒါလေး..ခပ်သေးသေးနဲ့ကိုင်တွယ်သုံးစွဲရလွယ်ပြီးအသံဖမ်းအားလည်းကောင်းတာကြောင့်ကျွန်တော်လိုချင်ခဲ့သည်..ဆိုနီအမျိုးအစားနောက်ဆုံးထွက်မော်ဒယ်လ်မို့ဈေးကမြင့်နေတော့ကျွန်တော်မ၀ယ်နိုင်လို့ပြန်ချထားခဲ့ရတဲ့ပစ္စည်းလေး...ချစ်စရာကောင်းသောသူငယ်ချင်းတွေကမှတ်ထားပုံရပါသည်..

ကျွန်တော့်မွေးနေ့ကိတ်ကိုဟက်ပီးဘတ်ဒေးသီချင်းဆိုကာမီးမှုတ်လိုက်ပြီးလှီးလိုက်သည်..ဦးဦးဖျားဖျားကူးကူးမိဘများကိုထဲ့ပေးပြီးတော့ကိတ်မုန့်ကိုစစားကြသည်..ရုတ်တရက်ပါးမှာအေးသွားလို့လှည့်ကြည့်တော့စိုးနိုင်ကကျွန်တော့်ပါးကိုကရင်မ်နဲ့တို့လိုက်တာကိုး..ကျွန်တော်လည်းကရင်မ်တကော်တို့ပြီးစိုးနိုင်မျက်နှာကိုလှမ်းတို့တော့ထပြေးတာကြောင့်နီးရာကျော်မင်းမျက်နှာကိုတို့လိုက်သည်...

ဒါနဲ့ဘဲကိတ်မုန့်ခမျာရွဲ့စောင်းလို့ဗိုက်ထဲမရောက်ဘဲမျက်နှာနဲ့လက်တွေပေါ်မှာကရင်မ်တွေပေပွအောင်ကျွန်တော်တို့လေးယောက်တ၀ုန်းဝုန်းဆော့ကြပါတော့သည်..ပြီးတော့မှကရင်မ်တွေနဲ့ပေပွနေသောမျက်နှာတွေနဲ့ကူးကူးအမေလက်ရာမုန့်ဟင်းခါးကိုစားကြသည်..စားသောက်ပြီးထမင်းစားခန်းကိုဝိုင်းကူပြန်ရှင်းပေးတော့ကူကူးအဖေကစပို့ရှပ်သုံးထည်ဆင်တူထုတ်လာပြီးကျွန်တော်တို့ကိုလက်ဆောင်ပေးတာကြောင့်ကရင်မ်ပေနေသောအကျီ င်္များကိုလဲကြရတော့သည်..

အားလုံးရှင်းလင်းပြီးတော့အိမ်ရှေ့ခန်းမှာထိုင်ကြရင်းကူးကူးကစကားစသည်..
-
နင်တို့ကိုအရေးကြီးစကားတိုင်ပင်စရာရှိလို့..
-
အံမာ..ကြီးကြီးကျယ်ကျယ်..ဘာတိုင်ပင်မလို့လဲ..ပြော..နင်ယောက်ျားယူမယ်ဆိုလို့ကတော့လက်မဖွဲ့နိုင်သေးဘူးနော်..သိတယ်မို့လား..ငါတို့ကအလုပ်မရှိအကိုင်မရှိဘိုင်ကောင်တွေ...
-
သိပါ့..နင်တို့ဂုဏ်ကိုဖော်မနေနဲ့..ငါပြောမှာလည်းအလုပ်ကိစ္စဘဲ..ဖေဖေနဲ့မေမေကငါ့ကိုအရင်းအနှီးထုတ်ပေးမယ်တဲ့..အလုပ်တခုကိုငါတို့သူငယ်ချင်းလေးယောက်စလုပ်မယ်လေဟာ..အချိန်တွေအလကားကုန်နေတယ်...ငါတို့တခုခုစလုပ်သင့်ပြီနင်တို့မထင်ဘူးလား..
-
ဟာ..အလုပ်တော့စိတ်ဝင်စားတယ်..ငါတို့လည်းအလုပ်လုပ်ချင်နေတာဟ..နင်ကဘာလုပ်မယ်စိတ်ကူးထားလဲ..
-
လက်ဆောင်ပန်းစည်းတွေဖန်စီလေးတွေရောင်းတဲ့ဆိုင်ဖွင့်မလားလို့..
-
အဲ့ဒါကမိန်းကလေးအလုပ်ကြီးဟ..
-
မဟုတ်ဘူးလေဟာ..ပန်းစည်းတွေအိမ်အရောက်ပို့တာကယောက်ျားလေးမှလုပ်လို့ရမှာလေ..ငါကဆိုင်မှာပန်းတွေလက်ဆောင်တွေပြင်ဆင်ပေးမယ်..မှာတဲ့နေရာကိုပို့တာကနင်တို့ကလိုက်ပို့ပေါ့..
-
ငါတို့မြို့မှာတဆိုင်ရှိပြီးသားနော်..ခုမှငါတို့ကစလုပ်မှာဆိုတော့ဖောက်သည်ရပါ့မလား..
-
ငါတို့ကသူများနဲ့မတူတဲ့အထူးဝန်ဆောင်မှုမျိုးထဲ့မှာပေါ့ဟ..ငါစဉ်းစားထားတာရှိတယ်..အထူးအစီအစဉ်ပေါ့..
-
ပြောစမ်းပါဦး..နင့်စိတ်ကူးကို..
-------------------------------------------------------By KK
ဆက်ရန်

Posted in: Stories, သမုဒယနေကြာ