သမုဒယနေကြာ...(၂၁)

အလုပ်နားရက်မို့ကောင်းကောင်းနှပ်မည်ဟုစဉ်းစားထားသမျှစောစောစီးစီးခြံရှေ့ကတတီတီဟွန်းတီးသံကြောင့်အိပ်ယာကလူးလဲထလိုက်ရသည်..တံခါးဖွင့်ပြီးအပြင်ကိုကြည့်လိုက်တော့အဲလစ်ကတက်တက်ကြွကြွနဲ့ကားတံခါးဖွင့်ပြီးဆင်းလာသည်..ကျွန်တော်စိတ်ညစ်သွားသည်..ဒီနေ့အားရက်လေးအိပ်ရေး၀၀အိပ်ပြီးဇိမ်နဲ့နှပ်မည်..ပြီးမှဖြူစင့်ဆီသွားလည်လိုက်ဦးမည်တွေးထားသမျှလေးကြက်ပျောက်ငှက်ပျောက်၊နေလာနှင်းပျောက်ဖြစ်သွားပြီ...

စိတ်လေလေနဲ့ဘာလဲလို့မေးလိုက်တော့တေးရေးဆရာဆီသွားရန်ပြောထားတယ်လေဆို၏...ဟုတ်သားဘဲ..ကျွန်တော်မေ့နေတာ..ဒါကတော့အရေးကြီးသည်..ကျွန်တော့်အိပ်မက်တွေအကောင်အထည်ဖော်ဖို့ဆိုတော့စိတ်ကချက်ချင်းတက်ကြွသွားသည်..ဒါမျိုးကျတော့အဲလစ်ကချစ်စရာကောင်းနေပြန်ရော..

အဲလစ်ကိုခဏထိုင်စောင့်ခိုင်းထားပြီးမျက်နှာသစ်၊ရေချိုး၊အ၀တ်အစားလဲရသည်..အားလုံးပြီးတော့သီချင်းစာရွက်တွေယူကာအပြင်ထွက်လာလိုက်သည်..စောသေးတာမို့အဲလစ်ကရှမ်းခေါက်ဆွဲအရင်ဝင်စားနေသေးသည်..ကျွန်တော်လည်းဗိုက်ကဟာနေချိန်မို့ရှမ်းခေါက်ဆွဲနှစ်ပွဲတိတိစားလိုက်မှဘဲလူကနေသာထိုင်သာရှိသွားတော့သည်..စားသောက်ပြီးတော့တေးရေးဆရာအိမ်ကိုဆက်ထွက်လာခဲ့ကြသည်..

တေးရေးဆရာအိမ်ကသာမန်အိမ်တခုသာ..စာရွက်တွေ..ဆေးလိပ်တိုတွေနှင့်ရှုပ်ပွနေသောအိမ်..တေးရေးဆရာကအိမ်ထောင်ရှိပုံတော့မရ..မုတ်ဆိတ်ကျင်စွယ်မသပ်မရပ်ထိုးထိုးထောင်ထောင်နှင့်မျက်နှာကအတွေးထဲမှာတယောက်တည်းရွက်လွှင့်နေသူတယောက်ပီသသည်..ရှုပ်ပွေနေသောအိမ်နဲ့မသပ်ရပ်သောလူတယောက်ဆီကအလွန်လှပသောစကားလုံးများနှင့်သံစဉ်များထွက်ပေါ်လာနိုင်တာကတော့လောကကြီးကပေးသောဆန်းကြယ်မှုတခုဖြစ်မည်..

တေးရေးဆရာကခရစ်ယာန်ဘာသာဝင်တယောက်ဖြစ်ဟန်တူသည်..ခရစ်တော်လက်ဝါးကပ်တိုင်တင်ခံရသောပုံကိုအိမ်နံရံတွင်ကျကျနနချိတ်ဆွဲထားသည်..သူ့တအိမ်လုံးမှာအသပ်ရပ်ဆုံးအရာလို့လည်းပြော၍ရပါသည်..ကျွန်တော်တို့ကိုမြင်တော့တီးလက်စဂစ်တာကိုချပြီးသောက်လက်စဆေးလိပ်တိုကိုမနေ့ကစားပြီးမဆေးဘဲထားထားဟန်တူသောထမင်းပန်ကန်ထဲထိုးထဲ့လိုက်သည်..သူ့ရှေ့မှာတော့ခြစ်ရာတွေနဲ့စာရွက်တရွက်..ကြည့်ရတာသီချင်းတပုဒ်အတွက်သံစဉ်ရှာနေပုံရပါသည်..

ကျွန်တော်နဲ့အဲလစ်ကစာရွက်တွေကိုတွန်းဖယ်ပြီးကြမ်းခင်းပေါ်ထိုင်ချလိုက်သည်..အဲလစ်ကလာရင်းကိစ္စကိုပြောနေတော့ကျွန်တော်ကတော့ရေးလက်စသီချင်းစာရွက်များကိုအသာကိုင်ကြည့်သည်..တေးရေးဆရာကသူရောင်းလိုက်သောသီချင်းစာရွက်တွေကိုပြန်ကြည့်ပြီးဂစ်တာကိုဆွဲယူလိုက်ကာကျွန်တော့်ကိုလှမ်းပေးနေသည်..
-
ရော့..ညီလေး..မင်းအဲ့ဒီသီချင်းနုတ်တွေကိုမင်းသိသလိုအကို့ကိုအရင်တီးပြကွာ..အကိုနားထောင်မလို့..
-
အော်..ဟုတ်ကဲ့အကို..
-
ကျွန်တော်ဂစ်တာကိုအသံညှိကြည့်သည်..အလောတော်ဖြစ်နေတာမို့သီချင်းနုတ်ကိုကြည့်ပြီးကျွန်တော်တီးပြလိုက်သည်..တေးရေးဆရာကမျက်လုံးကိုမှိတ်ပြီးသေချာအာရုံစိုက်နားထောင်သည်..တပုဒ်ဆုံးတော့နောက်တကျော့ပြန်တီးခိုင်းသည်..နားထောင်ရင်းဘယ်နေရာမှာဘယ်လိုဝင်လိုက်..ဘယ်နားလေးတော့ခပ်ပြင်းပြင်းလေးတီး..ဘယ်အချိန်မှာခပ်ဖော့ဖော့လေပြေလျော့ပြီးခတ်လိုက်နှင့်ညွှန်ပြသည်..

သူညွှန်ပြသည့်အတိုင်းနောက်ထပ်နှစ်ကြိမ်လောက်တီးခတ်လိုက်တော့သံစဉ်မြိုင်မြိုင်နှင့်တေးသွားအလိုက်တခုပေါ်လာတော့သည်..ဒီတော့မှကျွန်တော့်ကိုသီချင်းစဆိုခိုင်းသည်..သူကဘဲအသံအပြင်းအပျော့၊အရှိုက်အငင်၊အဖြတ်အတောက်၊အဖိအဖော့တို့ကိုလိုက်ပြောပေးသည်..ပညာအတော်ရပါသည်..ကျွန်တော်သေချာမသိသေးသောသီချင်းဆိုပုံဆိုနည်း..အသံကိုဆန့်ထုတ်ညှစ်ထုတ်နည်းတွေကိုပါသိလာရသည်..

သူသင်သည့်အတိုင်းလိုက်ဆိုရင်းကျွန်တော်အသံကိုဘယ်လိုထိန်းချုပ်ရမည်ဆိုတာအတော်အသင့်သဘောပေါက်သွားသည်..ဒီတိုင်းဆိုကျွန်တော်သီချင်းအတွက်လေ့ကျင့်ဖို့အချိန်ပေးရတော့မည်..နေ့လည်ထမင်းစားချိန်ရောက်တော့အဲလစ်ကစားစရာဝယ်ဖို့ထွက်သွားသည်..ကျွန်တော်နဲ့တေးရေးဆရာလည်းခဏထိုင်နားရင်းစကားစမြည်ပြောဖြစ်ကြတော့သည်..
-
ညီလေးအသံကမဆိုးဘူးကွ..သေချာလေ့ကျင့်ပေးလိုက်ရင်အရမ်းကောင်းသွားလိမ့်မယ်..အခွေထုတ်မှာလားညီ..
-
မသိသေးပါဘူးအကိုရာ..အခွေထုတ်ချင်ပေမယ့်ပိုက်ဆံကလိုသေးတယ်လေ..အခုလိုဘဲအရင်သီချင်းတွေစုထားပြီးလေ့ကျင့်ထားရမှာပေါ့..
-
ကောင်းပါတယ်..မင်းကောင်မလေးကလည်းအတော်အားပေးသားကွ..ဒီလိုမညည်းမငြူပါရမီဖြည့်နိုင်သူတော့ရှားတယ်..အကို့ဘဲကြည့်ပါလား..အခုထိပါရမီဖြည့်မယ့်သူမတွေ့သေးဘူး..
-
အကိုကသီချင်းတွေနဲ့အချိန်ကုန်နေတာကိုးဗျ..သူကကျွန်တော့်ကောင်မလေးမဟုတ်ပါဘူး..ကျွန်တော့်သူငယ်ချင်းပါ..
-
အော်..ဆောရီးကွာ..အကိုကမသိလို့ပြောလိုက်တာ..သူကညီ့အတွက်အတော်လေးလိုက်လုပ်ပေးနေတာကြောင့်မို့လို့လေ..ဟိုတနေ့ကသီချင်းလာဝယ်ရင်းတောင်အခွေထုတ်ရင်ဘယ်လောက်ကုန်နိုင်မလဲစုံစမ်းခိုင်းသွားသေးတယ်..မင်းအတွက်ထင်ပါရဲ့ကွာ..စိတ်ကူးမလွဲနဲ့ညီလေး..ဒီလိုသိတတ်တဲ့မိန်းကလေးမျိုးရှားတယ်..
-
ဒါပေမယ့်သူကအရမ်းစကားများတာအကိုရေ..ကျွန်တော်ကကျောပူခံနိုင်ပေမယ့်နားပူတော့မခံနိုင်ဘူး..သူတော့ကျွန်တော့်ကိုဘာမှမပြောဘူး..မိန်းကလေးတယောက်ကိုခုတုံးလုပ်ပြီးလည်းကျွန်တော်မတက်ချင်ပါဘူးအကိုရာ..ကျွန်တော့်ဘာသာကြိုးစားကြည့်ပါဦးမယ်..
-
ညီ့စိတ်ဓါတ်ကိုတော့ကြိုက်သွားပြီဟေ့..အကို့လည်းညီအကိုလိုသဘောထားပြီးသီချင်းနဲ့ပတ်သက်တာအချိန်မရွေးတိုင်ပင်ကွာ..အချစ်အကြောင်းကတော့ကိုယ်တိုင်တောင်မစွံလို့အားမကိုးမိနဲ့..မှားမယ်..
-
ဟားးးဟားးးဟားးး..အကိုကတော့ပြောရော့မယ်..
-
ကျွန်တော်တို့စကားကောင်းနေတုန်းအဲလစ်ပြန်ရောက်လာတာကြောင့်နေ့လည်စာစားပြီးသီချင်းဆက်တိုက်လိုက်ကြသည်..နားရက်လေးလည်းမနားလိုက်ရဘဲကုန်ဆုံးသွားပေမယ့်ကျွန်တော့်အတွက်တော့အကျိုးရှိသွားပါသည်..တနေကုန်အလုပ်ပျက်ခံပြီးကူညီပေးသောအဲလစ်ကိုလည်းကျွန်တော်အားနာနေမိသည်...
--------------------------------------------By KK
ဆက်ရန်

Posted in: Stories, သမုဒယနေကြာ